From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಘರಾಂತ್ 'Daddy', ಇಗರ್ಜೆಂತ್ 'Father'...?
Tuesday, March 14, 2017
ಗೆಲೆತ್ಯಾ ಹಫ್ತ್ಯಾಂತ್ ಪಾಪಾ ಫ್ರಾನ್ಸಿಸಾನ್ ಏಕ್ ವಿಶೇಷ್ ಖಬಾರ್ ಕೆಲಿ ಅಖ್ಯಾ ಸಂಸಾರಾಂತ್. ತೊ ಮ್ಹಣಾಲೊ ಕೀ, ಆಜ್ ಸಂಸಾರಾಂತ್ ಸಭಾರ್ ಭಿತರ್ಲ್ಯಾ ಗಾಂವಾಂನಿ ಪಾದ್ರಿಚೆಂ ಉಣೆಪಣ್ ಪಡ್ಲಾಂ ಜಾಲ್ಲ್ಯಾನ್ ಕಾಜಾರ್ ಜಾಲ್ಲ್ಯಾಂಕ್ ಯಾಜಕೀಯ್ ದೀಕ್ಷಾ ದಿಂವ್ಚ್ಯಾ ವಿಚಾರಾಕ್ ಆಪುಣ್ ಉಗ್ತೊ ಆಸಾಂ ಮ್ಹಣ್. ಮ್ಹಳ್ಯಾರ್ ಹ್ಯಾ ಸವಾಲಾಕ್ ಆಪುಣ್ ಜವಾಬ್ ದೀಂವ್ಕ್ ತಯಾರ್ ಆಸಾಂ ಮ್ಹಣಾಲೊ ಪಾಪಾ.
ಹೆಂ ಆಯ್ಕೊನ್ ಥೊಡೆ ಘುಸ್ಪಡ್ಲೆ, ಥೊಡ್ಯಾಂನಿ ದೊಳೆ ವಾಟಾರ್ಲೆ ಆನಿ ಥೊಡ್ಯಾಂನಿ ಸವಾಲಾಂ ಘಾಲಿಂ. ಹಾಕಾ ವಾತಿಕಾನಾಂತ್ಲ್ಯಾ ಸಭಾರ್ ಮಾತ್ಬಾರಿ ಕಾರ್ಡಿನಲಾಂಚಿ ಸಯ್ ನಾ ತರೀ ಹೆಂ ಜಾಂವ್ಕ್ ಸಾಧ್ಯ್ ಆಸಾ ಮ್ಹಳ್ಳೆಂ ಸವಾಲ್ ಸರ್ವಾಂ ಮುಖಾರ್ ಉದೆಲೆಂ. ಪುಣ್ ಎದೊಳ್‍ಚ್ ಸಭಾರ್ ಕಾಜಾರಿ ಯಾಜಕ್ ಸಂಸಾರಾಂತ್ ಆಸಾತ್ ಮ್ಹಳ್ಳೆಂ ಮಾತ್ರ್ ಸಭಾರಾಂಕ್ ಕಳಿತ್ ನಾ ಆಸ್ಚಿ ಗಜಾಲ್ ಜಾವ್ನಾಸಾ!
ದಾಖ್ಲ್ಯಾಕ್, ಅಮೇರಿಕಾಂತ್‍ಚ್ ಆತಾಂ ಏಕ್ಶೆಂ ವೀಸ್ ಯಾಜಕ್ ಕಾಜಾರಿ ಜಾವ್ನಾಸಾತ್. ಕಿತ್ಯಾ ಮ್ಹಳ್ಯಾರ್ 1980 ಇಸ್ವೆಂತ್ ಪಾಪಾ ಜುವಾಂವ್ ಪಾವ್ಲ್ ದುಸ್ರ್ಯಾನ್ ಕಾಜಾರಿ ಎಪಿಸ್ಕೊಪಲ್ ಪಾದ್ರಿಂಕ್ ಜರ್ ತೆ ಕಥೊಲಿಕ್ ಧರ್ಮಾಕ್ ಮತಾಂತರ್ ಜಾಲ್ಯಾರ್ ತಾಂಚೊ ಪಾದ್ರಿಪಣಾಚೊ ಭೆಸ್ ಮುಖಾರುನ್ ವ್ಹರ್ಯೆತ್ ಮ್ಹಣ್ ಆದೇಶ್ ದಿಲ್ಲೊ.
ಹ್ಯಾ ಆದೇಶಾ ಪ್ರಕಾರ್ ಫಾ| ಪಾವ್ಲ್ ಸಲ್ಲಿನ್ಸ್ 1998 ಇಸ್ವೆಂತ್ ಎಪಿಸ್ಕೊಪಲ್ ಥಾವ್ನ್ ಕಥೊಲಿಕ್ ಧರ್ಮಾಕ್ ಮತಾಂತರ್ ಜಾಲ್ಲ್ಯಾ ತಾಕಾ 2002 ಇಸ್ವೆಂತ್ ಕಥೊಲಿಕ್ ಯಾಜಕ್ ಜಾವ್ನ್ ದೀಕ್ಷಾ ಮೆಳ್ಳಿ.
ದೊ| ಫಾ| ಪಾವ್ಲ್ ಸಲ್ಲಿನ್ಸ್ ಏಕ್ ಪಂಡಿತ್ ಆನಿ ಸಂಶೋಧಕ್ ಜಾವ್ನಾಸಾ. ತಾಕಾ ಕಥೊಲಿಕ್ ಯೂನಿವರ್ಸಿಟಿ ಥಾವ್ನ್ ಪಿ.ಎಚ್.ಡಿ ಮೆಳ್ಳ್ಯಾ ಆನಿ ತಾಣೆ ಎದೊಳ್‍ಚ್ ಶೆಂಬೊರಾಂ ವಯ್ರ್ ಸಂಶೋಧನ್ ಕೆಲ್ಲೆ ಪ್ರಬಂಧ್ ಪ್ರಕಟ್ಲ್ಯಾತ್ - ಪಾತ್ಯೆಣಿ ಆನಿ ಸಂಸ್ಕೃತಿ ವಿಶ್ಯಾಂತ್. ವಿವಿಧ್ ಧರ್ಮಾಂಕ್ ಮತಾಂತರ್‌ಪಣ್, ಧಾರ್ಮಿಕ್ ಸಂಸ್ಥ್ಯಾಂಚೆ ಧಾರ್ಮಿಕ್ ಅಸ್ಮಿತಾಯ್, ಕಥೊಲಿಕ್ ಯಾಜಕ್, ಪ್ರೊಟೆಸ್ಟೆಂಟ್ ಯಾಜಕ್... ಹ್ಯಾ ವಿಶಯಾಂಚೆರೀ ತಾಣೆ ಸಂಶೋಧನ್ ಕೆಲಾಂ.
ಅಶೆಂ ತೆಗಾಂ ವಾಡ್‍ಲ್ಲಿಂ ಭುರ್ಗಿಂ ಆಸ್ಚ್ಯಾ ದೊ| ಫಾ| ಸಲ್ಲಿನಾಕ್ ತಾಚ್ಯಾ ಫಿರ್ಗಜೆಂತ್ ಬರೊಚ್ ಯೆವ್ಕಾರ್ ಮೆಳ್ತಾ ಮ್ಹಣ್ತಾ ತೊ. ಕಿತ್ಯಾಕ್ ಮ್ಹಳ್ಯಾರ್ ಚಡಾವತ್ ಕಾಜಾರಿ ಕುಟ್ಮಾಂತ್ಲಿ ತಾಂಚಿ ಕುಟ್ಮಾ ಸಮಸ್ಯಾ ತಾಚ್ಯೆಲಾಗಿಂ ಉಗ್ತ್ಯಾನ್ ಉಲಯ್ತಾತ್ ಮಾತ್ರ್ ನಂಯ್, ತಾಂಚಿ ಸಮಸ್ಯಾ ಪರಿಹಾರ್ ಕರುಂಕ್ ತಾಚಿ ಪತಿಣ್‍ಯೀ ಸಾಂಗಾತಾ ಮೆಳೊನ್ ಉಲಯ್ತಾತ್ ಖಂಯ್. ಹೊ ಯಾಜಕ್ ಕಾಜಾರಿ ಜಾಲ್ಲ್ಯಾನ್ ಹ್ಯಾ ಕಾಜಾರಿ ಫಿರ್ಗಜ್‍ಗಾರಾಂಕ್ ಖರೆ ದಾಖ್ಲೆ ಮೆಳ್ತಾತ್ ಮ್ಹಣ್ಚ್ಯಾಕ್ ಕಿತೆಂಚ್ ದುಬಾವ್ ನಾ ಮ್ಹಣ್ಯೆತ್.
ಆಯ್ಲೆವಾರ್ ಎಪಿಸ್ಕೊಪಲ್ ದೊತೊರ್ನ್ ತಸೆಂ ತಾಣಿಂ ಸಲಿಂಗ್‍ರತಿಂಕ್ ದಿಂವ್ಚೊ ಸಾಂಗಾತ್ ಪಳೆವ್ನ್ ತಾಂಚ್ಯೆ ಮಧೆಂ ಪಂಗಡ್ ಜಾಲ್ಯಾತ್. ಹ್ಯಾಚ್ ಕಾರಣಾಕ್ ಲಾಗೊನ್ ಸಭಾರ್ ಎಪಿಸ್ಕೊಪಲ್ ಯಾಜಕ್ ಕಥೊಲಿಕ್ ಧರ್ಮಾಕ್ ವೆಂಗುಂಕ್ ಪಾವ್ಲ್ಯಾತ್. ಹ್ಯಾಚ್ ಲಾಗೊನ್ ಪಾಪಾ ಬೆನೆಡಿಕ್ಟ್ ಸೊಳಾವ್ಯಾನ್ ಅಮೇರಿಕಾಂತ್ಲ್ಯಾ ಎಪಿಸ್ಕೊಪಲ್ ಪಂಗ್ಡಾಕ್ ಜೆ ಕೋಣ್ ಕಥೊಲಿಕ್ ಧರ್ಮಾಕ್ ವೆಂಗುಂಕ್ ಆಶೆತಾತ್ ತಾಂಕಾಂಚ್ ಮ್ಹಣ್ ಏಕ್ ವಿಂಗಡ್ ಬಸ್ಕಾ ಆಸಾ ಕೆಲ್ಲಿ ಉಡಾಸ್ ಕರ್ಯೆತ್.
ಚಡ್ತಾವ್ ಕಾಜಾರಿ ಯಾಜಕ್ ಎಪಿಸ್ಕೊಪಲ್ ಧರ್ಮಾ ಥಾವ್ನ್ ಮತಾಂತರಿತ್ ತರೀ ಅಮೇರಿಕಾಂತ್ ಕಾಜಾರಿ ಕಥೊಲಿಕ್ ಆತಾಂ ಯಾಜಕ್ ಜಾಂವ್ಕ್ ಆಂವಡ್ತಾತ್.
ಈಶಾನ್ಯ್ ಕಥೊಲಿಕ್ ಇಗರ್ಜೆಂತ್ ಶತಕಾಂ ಆದಿಂ ಥಾವ್ನ್ಂಚ್ ಯಾಜಕ್ ಕಾಜಾರಿ ಜಾವ್ನಾಸಾತ್. ತಸೆಂಚ್ ಅಸಲ್ಯಾ ಕಾಜಾರಿ ಯಾಜಕಾಂಚೆರ್ ಆಸ್‍ಲ್ಲಿ ಬಂಧಿ 2014 ಇಸ್ವೆಂತ್ ಪಾಪಾ ಫ್ರಾನ್ಸಿಸಾನ್ ಗುಪಿತ್ಪಣಿ ಕಾಡ್ನ್ ಉಡಯ್ಲ್ಯಾ.
ಅಸೆಂ ತಾಂಕಾಂ ಅಮೇರಿಕಾ ಯೇವ್ನ್ ಯಾಜಕೀ ಭೆಸಾಂತ್ ವಾವ್ರುಂಕ್ ಉಗ್ತಾಯ್ಲಾಂ. ಹೆಂ ದೊ| ಫಾ| ಸಲ್ಲಿನಾಚ್ಯಾ ನವ್ಯಾನ್ ಬರಯಿಲ್ಲ್ಯಾ, "ಕೀಪಿಂಗ್ ದ ವಾವ್: ದ ಅನ್ ಟೋಲ್ಡ್ ಸ್ಟೋರಿ ಒಫ್ ಮ್ಯಾರಿಡ್ ಕ್ಯಾಥೊಲಿಕ್ ಪ್ರೀಸ್ಟ್ಸ್" ಹ್ಯಾ ಪುಸ್ತಕಾಂತ್ ವಾಚ್ಯೆತಾ.
ಗೆಲೆತ್ಯಾ ಹಫ್ತ್ಯಾಂತ್ಲ್ಯಾ ಬ್ರೇಸ್ತಾರಾ ಜರ್ಮನ್ ವಾರ್ತಾಪತಿಕೆಚ್ಯಾ ಪ್ರತಿನಿಧಿನ್ ವಿಚಾರ್ಲೆಲ್ಯಾ ಸವಾಲಾಕ್ ಜವಾಬ್ ಜಾವ್ನ್ ಪಾಪಾ ಫ್ರಾನ್ಸಿಸ್ ಕಾಜಾರಿ ಯಾಜಕಾಂಕ್ ದೀಕ್ಷಾ ದಿಂವ್ಚಿ ಸಾಧ್ಯತಾ ಆಸಾ ಮ್ಹಣ್ ಸಾಂಗಾಲಾಗ್ಲೊ. ಯೋಗ್ಯ್ ಕಾಜಾರಿ ದಾದ್ಲ್ಯಾಂಕ್ ಖಂಡಿತ್ ಜಾವ್ನ್ ಯಾಜಕೀಯ್ ದೀಕ್ಷಾ ದಿಂವ್ಚಿ ಸಾಧ್ಯತಾ ಆಸಾ ಮ್ಹಳೆಂ ತಾಣೆ.
ವಾತಿಕಾನಾಚ್ಯಾ ಅಂಕ್ಯಾನುಸಾರ್ 1964 ಥಾವ್ನ್ 2001 ಪರ್ಯಾಂತ್ 69.063 ಯಾಜಾಕಾಂನಿ ಸಂಸರಾದ್ಯಂತ್ ಯಾಜಕ್ಪಣ್ ಸೊಡ್ಲಾಂ. ದೊ| ಫಾ| ಸಲ್ಲಿನಾನ್ ತಾಚ್ಯಾ ಪುಸ್ತಕಾಂತ್ ಹೆಂ ಲಿಖ್ಲಾಂ ಆನಿ ತೊ ಮ್ಹಣ್ತಾ ಕೀ ಹ್ಯಾ ಸಭಾರ್ ಯಾಜಕಾಂಕ್ ಲಗ್ನ್ ಜೊಡುಂಕ್ ಜಾಯ್ ಆಸ್‍ಲ್ಲೆಂ ಮ್ಹಣ್. ಹ್ಯಾಂ ಪೈಕಿ 11,213 ತಾಂಚೆಂ ಮನ್ ಬದ್ಲುನ್ ಪಾಟಿಂ ಯಾಜಕ್ಪಣ್ ವೆಂಗುಂಕ್ ಪಾವ್ಲೆ ಮ್ಹಣ್.
1965 ಥಾವ್ನ್ ಅಮೇರಿಕಾಂತ್ ಯಾಜಕ್ಪಣ್ ತೀಸ್ ಠಕ್ಕ್ಯಾಂಕ್ ದೆಂವ್ಲಾಂ. 58,362 ಯಾಜಕ್ ಅಮೇರಿಕಾಂತ್ ಆಸ್‍ಲ್ಲೆ ತೆ ಆತಾಂ 2016 ಇಸ್ವೆಂತ್ 32,192ಕ್ ದೆಂವ್ಲ್ಯಾತ್.
ಲಾತಿನ್ ಅಮೇರಿಕಾಂತ್ ಹಿ ಪರಿಸ್ಥಿತಿ ಭಾರಿಚ್ ಬೆಜಾರಾಯೆಚಿ ಜಾಲ್ಯಾ. ಬ್ರೆಝಿಲಾಂತ್ 10,000 ಕಥೊಲಿಕಾಂಕ್ ಏಕ್ ಯಾಜಕ್ ಆಸಾ, ಪುಣ್ ಅಮೇರಿಕಾಂತ್ ಏಕಾ ಯಾಜಕಾ ಪಾಟ್ಲ್ಯಾನ್ 1,800 ಕಥೊಲಿಕ್ ಆಸಾತ್.
ದೊ| ಫಾ| ಸಲ್ಲಿನ್ಸ್ ಮ್ಹಣ್ತಾ ಕೀ ತಾಕಾ ತೊ ಲಗ್ನ್ ಜಾಲ್ಲ್ಯಾಂತ್ ಬರೊಚ್ ಫಾಯ್ದೊ ಆಸಾ ಮ್ಹಣ್. ತಾಚ್ಯಾ ದಿಸ್ಪಟ್ಟ್ಯಾ ಕಾಮಾಂತ್ ತಾಚಿ ಪತಿಣ್ ತಾಕಾ ಬರಿಚ್ ಕುಮಕ್ ಕರ್ತಾ ಖಂಯ್. ದಾಖ್ಲ್ಯಾಕ್ ಕಾಂಯ್ ರಾತಿಕ್ ನಿದೆಂತ್ ಆಸ್ತಾಂ ಕೊಣಾಯ್ ಫಿರ್ಗಜ್‍ಗಾರಾಚೆಂ ಫೋನ್ ಆಯ್ಲೆಂ ತರ್ ತಿ ತಾಕಾ ಉಟವ್ನ್ ತೆಂ ಫೋನ್ ಘೆಂವ್ಕ್ ಸಾಂಗ್ತಾ ಖಂಯ್. ತೊ ಮ್ಹಣ್ತಾ ಕೀ ಜರ್ ತಾಚ್ಯಾ ಜಾಗ್ಯಾರ್ ಹೆರ್ ನಾಕಾಜಾರಿ ಯಾಜಕ್ ಆಸಾತ್ ತೊ ತಾಚಿ ಪಾಟ್ ಪರ್ತುನ್ ತ್ಯಾ ಫೋನಾಚೆಂ ಘಣ್ಣೆಂ ಕರ್ಚೊ ನಾ ಮ್ಹಣ್. ಹೆಂ ಸಾರ್ಕೆಂಚ್ ಮ್ಹಣ್ಯೆತ್!
ತರ್ ತುಮಿಂಚ್ ಸಾಂಗಾ - ಆಮ್ಕಾಂ ಕಾಜಾರಿ ಯಾಜಕಾಂಚಿ ಗರ್ಜ್ ತುರ್ತ್ ಆಸಾ ವ ನಾ? ಆಮ್ಚ್ಯಾ ಯಾಜಕಾಂನಿ ಲಗ್ನ್ ಜೊಡ್ಲ್ಯಾರ್ ಬರೆಂ ನಂಯ್?
Tags:
Austin Dsouza Prabhu, Catholic Priests, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
2 Comment/s.
ಪಾಪ್ ಸಾಯ್ಬಾನ್ ಬೊರೆಂ ಮೇಟ್ ಕಾಡ್ಲಾಂ ಮ್ಹಣ್ಯೆತ್. ನಾಂ ಜಾಲ್ಯಾರ್ ಮುಕಾರ್ ಆಮ್ಕಾಂ ಪಾದ್ರಿ ಮೆಳ್ಚೆನಾಂತ್.
Nice heading and also nicely written. Very informative. Thanks to website.