From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಕುರ್ಪೆನ್ ಭರ್ಲಲ್ಯೆಕ್ ಸರ್ಗಿಂ ಘೆತ್ಲಿ
Sunday, August 14, 2016
1950 ವರ್ಸಾ ನವೆಂಬರ್ ಪಯ್ಲೆರ್ ತೆದ್ನಾಂಚೊ ಪಾಪಾ ಪಿಯುಸ್ ಬಾರಾವ್ಯಾನ್ ಮುನಿ ಫಿಸೆಂತಿಸ್ಸಿಮುಸ್ ನಾಂವಾಚೆಂ ವಿಶ್ವ್‌ಪತ್ರ್ ಪರ್ಗಟ್ಲೆಂ. ತಾಂತುನ್ ತಾಣೆಂ ಮರಿಯೆಚೆಂ ಸರ್ಗಿಂ ವ್ಹರಣ್ ಏಕ್ ಭಾವಾರ್ಥಾಚೆಂ ಸತ್ ಮ್ಹಣ್ ಪಾಚಾರ್ಲೆಂ. ಅಗೊಸ್ತ್ 15 ತ್ಯೆ ಉದೆಶಿಂ ಫೆಸ್ತಾಚೊ ದೀಸ್ ಮ್ಹಣ್ ದಿಲೊ. ಮರಿಯೆಚ್ಯಾ ಫೆಸ್ತಾಂ ಪಯ್ಕಿ ತಿಚೆಂ ಸರ್ಗಿಂ ವ್ಹರಣಾಚೆಂ ಫೆಸ್ತ್‌ಯಿ ಭೊವ್ ಲೊಕಾ ಮೊಗಾಳ್. ತ್ಯಾ ಫೆಸ್ತಾಕ್ ಅಸ್ಸುಂಸಾವಾಚೆಂ ಫೆಸ್ತ್ ಮ್ಹಣುನ್‌ಯಿ ಆಪಯ್ತಾತ್.
ಮರಿ : ಖತಾವಿಣ್, ಸದಾಂಚ್ ಆಂಕ್ವಾರ್
ಮರಿಯೆಕ್ ತಿಚ್ಯೆ ಆವಯ್ಚ್ಯಾ ಗರ್ಬಾ ಥಾವ್ನ್‌ಚ್ ದೆವಾನ್ ಎಕಾ ಫಲಾಣ್ಯಾ ಶೆವಟಾ ಖಾತಿರ್ ವಿಂಚ್‌ಲ್ಲಿ. ತಿಚ್ಯೆ ತರ್ನ್ಯೆ ಪ್ರಾಯೆರ್ ದೆವಾನ್ ತಿಕಾ ಆಪ್ಲ್ಯಾ ಪುತಾ ಜೆಜುಚಿ ಆವಯ್ ಜಾಂವ್ಕ್ ಆಪಯ್ಲಿ. ಪುರ್ತೆಪಣಿಂ ದೆವಾಚ್ಯೆ ಖುಶೆಕ್ ಖಾಲ್ಪಣ್ ದಾಕಯ್ಲಲ್ಯೆ ತಿಚ್ಯೆ ಥಾವ್ನ್ ದೆವಾಚೊ ಪೂತ್ ಆಮ್ಕಾಂ ಮೆಳ್ಳೊ. ಆಮ್ಚೊ ದೇವ್ ಇಮ್ಯಾನುಎಲ್ ಜಾಲೊ. ದೆವಾಚಿ ಆವಯ್ ಜಾಲ್ಲ್ಯೆ ತಿಕಾ ದೆವಾನ್ ವಿಂಚ್ಲಿ ಆನಿ ಸದಾಂ ನಿತಳ್, ಪಾತ್ಕಾ ವಿಣ್ ಸಾಂಬಾಳ್ಳಿ ಆನಿ ತಿ ಜಿವಿತ್ ಭರ್ ಖತಾವಿಣ್ ಉರ್ಲಿ ಮ್ಹಣ್ ಭಾವಾರ್ಥಿ ಸುರ್ವೆರ್ ಥಾವ್ನ್‌ಚ್ ಪಾತ್ಯೆವ್ನ್ ಆಯ್ಲ್ಯಾತ್.
ಮರಿಯೆಕ್ ಸಂದೇಶ್ ಹಾಡ್ಲಲ್ಯಾ ಭೊಡ್ವ್ಯಾನ್ ಸಯ್ತ್ ತಿ ನಿತಳ್ "ಕುರ್ಪೆನ್ ಭರ್ಲಲಿ" ಮ್ಹಣ್ ಪರ್ಗಟ್ಲೆಂ ( ಲೂಕ್ 1 : 28 ). ಅಶೆಂ ದೆವಾನ್ ಮರಿಯೆಚಿ ಆಂಕ್ವಾರ್ ಕೂಡ್ ಆಜುನ್ ಪವಿತ್ರ್ ಕೆಲಿ ಆನಿ ಆಪ್ಲ್ಯೆ ವಸ್ತೆಚಿ ಸುವಾತ್ ಕೆಲಿ ಮ್ಹಳ್ಳೆಂ ಲೊಕಾಚೆಂ ಭಾವಾರ್ಥಿ ಚಿಂತಪ್ ಸಾಂ ಜರ್ಮಾನುಸ್ ಆಪ್ಲ್ಯಾ ಬರೊವ್ಪಾಂತ್ ಉಲ್ಲೇಖ್ ಕರ್ತಾ. ತಿ ಆಪ್ಲ್ಯಾ ಸಂಸಾರಿ ಜಿವಿತಾಂತ್ ಪುರ್ತೆಪಣಿಂ ದೆವಾಚಿ ಸೆವಕಿ ಜಾಲಿ. ಜೆಜುಚ್ಯಾ ಜಿವಿತಾಂತ್ ಸುರ್ವಿಲ್ಯಾ 30 ವರ್ಸಾಂನಿ ಆನಿ ಉಪ್ರಾಂತ್ಲ್ಯಾ ಪರ್ಗಟ್ ಜಿವಿತಾಂತ್ಲ್ಯಾ ತೀನ್‌ಯಿ ವರ್ಸಾಂನಿ ತಿಚೊ ಪಾತ್ರ್ ಪಳೆತಾನಾ ಹೆಂ ಆಮ್ಕಾಂ ಖರೆಂ ದಿಸ್ತಾ. ಜೆಜುಚ್ಯಾ ಖುರ್ಸಾ ಮರ್ಣಾ ಜಿವಂತ್ಪಣಾ ಉಪ್ರಾಂತ್‌ಯಿ ತಿ ಸುರ್ವಿಲ್ಯೆ ಪವಿತ್ರ್ ಸಭೆಂತ್ ಎಕ್ಯೆ ಆವಯ್ಚೊ ಪಾತ್ರ್ ಖೆಳ್ತಾಲಿ ಅಶಿ ದಿಸ್ತಾ.
ಖಾಲ್ತ್ಯೆ ಸೆವಕಿಕ್ ವರ್ತೆಂ ಇನಾಮ್ :
ಜೆಜುನ್ ತಿಕಾ ಆಪ್ಲ್ಯಾ ಮೊಗಾಚ್ಯಾ ಶಿಸಾಚ್ಯೆ ಹಾತಿಂ ದಿಲ್ಲಿ ಮ್ಹಣ್ತಚ್ ತಿ ಜುವಾಂವ್ ಸಂಗಿಂ ಎಫೆಜಾಂತ್ ಆಸ್ಲಿ ಆನಿ ಥಂಯ್ ಅಂತರ್ಲಿ ಮ್ಹಣ್ ಸುರ್ವಿಲೊ ಕ್ರೀಸ್ತಿ ಸಂಪ್ರದಾಯ್ ಸಾಂಗ್ತಾ. ತಿಚ್ಯಾ ಮರ್ಣಾಚ್ಯಾ ತೀಸ್ ದಿಸಾಂ ಆದಿ ದೆವಾಚೊ ದೂತ್ ಗಾಬ್ರಿಯೆಲ್ ತಿಕಾ ದಿಷ್ಟಿ ಪಡ್ಲೊ ಆನಿ ತಿ ತಿಚ್ಯಾ ಮರ್ಣಾ ಉಪ್ರಾಂತ್ ತಿಚ್ಯೆ ಕುಡಿನ್ ಕುಸಡಾಯ್ ಪಳೆಲಿನಾ, ಬಗರ್ ಅಜಾಪಿ ರಿತಿರ್ ಆಂಜಾಂಚ್ಯಾ ಗಾಯನಾಂ ಬರಾಬರ್ ಕೂಡ್ ಆನಿ ಅತ್ಮೊ ದೊನ್‌ಯಿ ಆಸುನ್ ತಿ ಸರ್ಗಿಂ ಪಾವ್ಲಿ ಮ್ಹಣ್ ಭಾವಾರ್ಥಿ ಲೊಕಾಚಿ ಪಾತ್ಯೆಣಿ ಆಸ್ಲಿ. ದೆವಾಚ್ಯಾ ಸೊಡ್ವಣೆಚ್ಯಾ ವಾವ್ರಾಂತ್ ತಿಚ್ಯಾ ಮೆತೆರ್‌ಪಣಾಕ್ ತಿಕಾ ಇನಾಮ್ ಫಾವೊ ಜಾಲೆಂ ಅಶೆಂ ತಾಣಿಂ ಲೆಕ್ಲೆಂ ಜಾಯ್ತ್.
ಸಾಂ ತೊಮಾಸ್ ಅಕ್ವಿನ್, ಸಾಂತ್ ಆಂತೊನ್, ಸಾಂ ಆಲ್ಫೊನ್ಸ್ ಮರಿ ಲಿಗೊರ್ ಅಸಲ್ಯಾ ದೇವ್ ಶಾಸ್ತ್ರಿಂನಿ ಹೆಂ ಸತ್ ವಿವರುನ್ ಸಾಂಗ್‌ಲ್ಲೆಂ ಆಸಾ. ತಶೆಂಚ್ ಪಾಂಚ್ವ್ಯಾ ಶತಮಾನಾ ಥಾವ್ನ್ ಉದೆಂತಿಚ್ಯೆ ಪವಿತ್ರ್ ಸಭೆಂತ್ ಅಗೊಸ್ತ್ 15ವೆರ್ ಮರಿಯೆಚ್ಯಾ ನಿದ್ಪಾಚೆಂ (Dormination of Mary) ಫೆಸ್ತ್ ಚಲಯ್ತಾಲಿಂ. ಉಪ್ರಾಂತ್ ಪಾಪಾ ಸೆರ್ಜೆಯುಸಾನ್ ( 687 - 701 ) ಹೆಂ ಫೆಸ್ತ್ ಪರ್ಗಟ್ಲೆಂ ಮ್ಹಣ್, ತಶೆಂಚ್ 749 ವರ್ಸಾ ಸಾಂ ಜುವಾಂವ್ ದಮಾತೀಸ್ ಹಾಚ್ಯೆ ಥಾವ್ನ್ ಮರಿಯೆಚೆಂ ಹೆಂ ಫೆಸ್ತ್ ಚಲೊಂವ್ಚೊ ಸಂಪ್ರದಾಯ್ ಸುರು ಜಾಲೊ ಮ್ಹಣ್ ಹೆರ್ ಕಾಂಯ್ ಬರ್ಪಾಂ ಕಳಯ್ತತ್. ಹಾಕಾ ಮರಿಯೆಚ್ಯಾ ನಿದ್ಪಾಚೆಂ ಫೆಸ್ತ್ ಮ್ಹಣ್ಚ್ಯಾಕ್‌‍ಯಿ ಮರಿಯೆಚ್ಯಾ ಸರ್ಗಿಂ ಘೆಣ್ಯಾಚೆಂ ಫೆಸ್ತ್ ಮ್ಹಣ್ ಆಪಯ್ಲೆಂ.
ಮರಿಯೆಚ್ಯಾ ಸರ್ಗಿಂ ವ್ಹರಣಾ ವಿಶಿಂ ಪವಿತ್ರ್ ಪುಸ್ತಕಾಂತ್ ಖಂಯ್ಸರ್‌ಯಿ ಉಲ್ಲೇಖ್ ನಾ. ತೆಂ ಘಡಿತ್ ಕೊಣೆಂಯ್ ಪಳೆಲಾಂ ವಾ ತೆಂ ಪಳೆಲ್ಲ್ಯೆವಿಶಿಂ ಕಿತೆಂಚ್ ವಾಚುಂಕ್ ಮೆಳನಾ. ಪೂಣ್ ಸಗ್ಳ್ಯಾ ಭಾವಾರ್ಥ್ಯಾಂಚೆ ಚಿಂತಪ್, ಅತ್ರೆಗ್ ತಶೆಂ ಚಾಲ್ತೊ ಸಂಪ್ರದಾಯ್ ಆಸ್ಲೊ ತಶೆಂ 1950 ವರ್ಸಾ ಪಾಪಾ ಪಿಯುಸ್ ಬಾರಾವ್ಯಾನ್ ಮರಿಯೆಚೆಂ ಸರ್ಗಿಂ ಘೆಣೆಂ ಭಾವಾರ್ಥಾಚೆಂ ಸತ್ ಮ್ಹಣ್ ಹ್ಯಾ ಉತ್ರಾಂನಿ ಪರ್ಗಟ್ಲೆಂ : "ತಿಚೆಂ ಸಂಸಾರಿ ಪಯ್ಣ್ ಸೊಂಪ್ತಚ್ ಮರಿಯೆಕ್ ದೆವಾನ್ ಕುಡಿ ಅತ್ಮ್ಯಾ ಬರಾಬರ್ ಸರ್ಗಾರ್ ವ್ಹೆಲಿ."
ಚಾಲ್ತ್ಯಾಂಚ್ಯಾ ಸವಾಲಾಂಕ್ ಜೊಕ್ತಿ ಜಾಪ್ :
ಹ್ಯಾ ಕಾಳಾರ್ ಜಿಯೆತಲ್ಯಾ ಭಾವಾರ್ಥ್ಯಾಂಕ್ ಮರಿಯೆಚ್ಯಾ ಸರ್ಗಿಂ ಘೆಣ್ಯಾ ವಿಶಿಂ ಕಾಂಯ್ ರಾಜಾಂವಾಚಿಂ ಸವಾಲಾಂ ಧೊಸ್ತಿತ್. ಭಾಗೆವಂತ್ ಜೊನ್ ಹೆನ್ರಿ ನ್ಯೂಮಾನ್ ಅಶೆಂ ವಿಚಾರ್ತಾ : 'ಜರ್, ಆಂಕ್ವಾರ್ ಮರಿಯೆಚಿ ಕೂಡ್ ಸರ್ಗಾಕ್ ಪಾವುಂಕ್ ನಾ ತರ್ ತಿ ಖಂಯ್ ಆಸಾ? ತಿಚೊ ಫೊಂಡ್ ಕಿತ್ಯಾಕ್ ಯಾತ್ರಿಕ್ ಸುವಾತ್ ಜಾಂವ್ಕ್ ನಾ? ತಿಚ್ಯೊ ರೆಲಿಕೊ ಕಿತ್ಯಾಕ್ ಮೆಳನಾಂತ್?'. ತೊಚ್ ನ್ಯೂಮನ್ ಅಶಿ ಜಾಪ್ ದಿತಾ : "ತಿಚಿ ಕೂಡ್ ಸಂಸಾರಿಂ ನಾಂ, ಸರ್ಗಾರ್ ಆಸಾ; ಜಶೆಂ ಜೆಜು ತಿಚೊ ಪೂತ್ ಮೆಲ್ಯಾ ಉಪ್ರಾಂತ್ ಪುನರ್ ಜಿವಂತ್ ಜಾಲೊ ಆನಿ ಸರ್ಗಾಕ್ ಗೆಲೊ, ತಶೆಂ ಮರಿಯೆಕ್ ತಿಚ್ಯಾ ಮರ್ಣಾ ಉಪ್ರಾಂತ್, ಸರ್ಗಾರ್ ಘೆತ್ಲ್ಯಾ! "
( ಚತ್ರಾಯ್ : ಜೆಜು ಆಪ್ಲ್ಯಾ ಮಿಸಾಂವಾ ಉಪ್ರಾಂತ್ ಆಪುಣ್ ಜಾವ್ನ್ ಸರ್ಗಿಂ ಗೆಲ್ಲೊ. ಪೂಣ್ ಮರಿಯೆಕ್ ಸರ್ಗಿಂ ಘೆತ್‌ಲ್ಲಿ. ತಿ ಆಪ್ಲ್ಯೆಚ್ ಸಕ್ತೆನ್ ಗೆಲ್ಲಿ ನ್ಹಯ್ ಮ್ಹಣ್ತಚ್ ತಿಚೆಂ ಸರ್ಗಿಂ - ವ್ಹರಣ್, ಪೂಣ್ ಜೆಜುಚೆಂ ಸರ್ಗಾರೋಹಣ್ ).
ಸೊಂಪ್ಣಿ : ಮರಿ ಆಮ್ಕಾಂ ನಮುನೊ :
ಆಪುಣ್ ಮರ್ಣಾಚೆರ್ ಜಯ್ತ್ ವ್ಹರುನ್ ಪುನರ್ ಜಿವಂತ್ ಜಾಲ್ಲೊ ಜೆಜು ಆಮ್ಕಾಂ ಭಾವಾರ್ಥ್ಯಾಂಕ್‌ಯಿ ತಾಚ್ಯಾ ಪುನರ್ ಜಿವಂತ್‌ಪಣಾಂತ್ ವಾಂಟೊ ದಿತಾ. ಪುನರ್ ಜಿವಂತ್ಪಣ್ ಸಕ್ಡಾಂಕ್‌ಯಿ ರಾಕುನ್ ಆಸಾ. ಮರಿ ಆಮ್ಚೊ ಭರ್ವಚೊ ಆನಿ ತ್ಯಾ ಜಿವಿತಾ ಉದೆಶಿಂ ವಾಟ್ ದಾಕೊಂವ್ಚೆಂ ಫಾತ್ಯಾಚೆಂ ನೆಕೆತ್ರ್. ಜಂಯ್ ತಿ ಆಸಾ ಥಂಯ್ ಆಮಿಯ್ ಪಾವ್ತಲ್ಯಾಂವ್. "ಕುಡಿಚೆಂ ಜಿವಂತ್ಪಣ್ ಆನಿ ಸಾಸ್ಣಾಚೆಂ ಜಿವಿತ್" ಸತ್ಮಾನ್ಚ್ಯಾ ಆಮ್ಕಾಂ ಮರಿಯೆಚೆಂ ಸಂಸಾರಾಂತ್ಲೆಂ ಜಿವಿತ್ ಆಮ್ಚ್ಯೆ ಯಾತ್ರಿಕ್ ಜಿಣಿಯೆಂತ್ ಏಕ್ ನಮುನೊ ಆನಿ ತಿಚಿ ವಿನತಿ ಆಮ್ಕಾಂ ಆಧಾರ್. ತಿಚ್ಯೆ ಬರಿಂ ಪವಿತ್ರ್ ಆನಿ ಖಾಲ್ತೆಂ ಜಿವಿತ್ ಜಿಯೆತಲ್ಯಾಂಕ್ ಸರ್ಗ್‌ಚ್ ಇನಾಮ್ ಮ್ಹಣ್ ತಿ ಖಾತ್ರಿ ದಿತಾ.
ಕುರ್ಪೆನ್ ಭರ್ಲಲ್ಯೆಕ್ ಸರ್ಗಿಂ ಘೆತ್ಲಲೆಂ ಅಸುಂಸಾವಾಚೆಂ ಭಾವಾರ್ಥಿ ಘಡಿತ್ ಆಮ್ಚೊ ಭರ್ವಸೊ ವಾಡಯ್ತಾ.
ಕುರ್ಪಾ: ರಾಕ್ಣೊ ಹಪ್ತ್ಯಾಳೆಂ
Tags:
Assumption of St. Mary, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
2 Comment/s.
ಮರಿಯೆಚ್ಯಾ ಸರ್ಗಿಂ ವ್ಹರಣಾಚೆಂ ಫೆಸ್ತಾ ವಿಶಿಂ ವಾಚುಂಕ್ ಆವ್ಕಾಸ್ ಕರ್ನ್ ದಿಲ್ಲ್ಯಾಕ್ ದೇವ್ ಬರೆಂ ಕರುಂ.
Good Information article.