:: www.maibhaas.com - ಅಲೋವೆರಾ - ಕಾತಿಕ್ ದಿತಾ ಸೊಭಾಯ್ ::

ಬರಯ್ಣಾರಾ ವಿಶಿಂ ಜಾಣಾ ಜಾ...

80.5

User Rating

ಮನ್ಶಾ ಕುಡಿಚ್ಯಾ ನೀಜ್ ಸೊಭಾಯೆಚೆಂ ರಾಜ್ ಅಲ್ಯಾ - ಪಾಲ್ಯಾಚ್ಯಾ ವೊಕ್ತಾಂನಿಂ ಲಿಪೊನ್ ಆಸಾ ಮ್ಹಳ್ಳೆಂ ಗೂಂಡ್ ಸತ್. ಶೆಕ್ಡ್ಯಾ ವರ್ಸಾಂ ಆದಿಂ, ಗಾಂವಾರ್ ಪಂಡಿತ್ ಆಸ್‌ಲ್ಲೆ, ಗುಡೆ, ದೊಂಗೊರ್, ಹಿತಲ್ ಭಂವೊನ್ ಹಾಡ್‌ಲ್ಲಿಂ ಪಾಳಾಂ, ಫಳಾಂ, ಖೊಲೆ, ರುಕಾಚ್ಯೊ ಕಾತಿ ವಾಟುನ್ ಝರಯಿಲ್ಲೆಂ ವೊಕಾತ್, ವಾಟುಲ್ಲೊ ಕಸಯ್ - ಸರ್ವ್ ಪಿಡಾ ಗೂಣ್ ಕರುಂಕ್ ಸಕ್ತಾಲಿಂ. ಸದಾಂ ಸಕಾಳಿಂ ಇಂಗ್ಳೊ, ಬೊವಾಚಿ ಫಾಂಟಿ, ಆಂಬ್ಯಾಚಿ ಖೊಲಿ, ಕಾಜು ರುಕಾಚಿ ಖೊಲಿ ಆನಿ ಮೀಟ್ ಬಗ್ಲೆಕ್ ಆ‌ಸ್‌ಲ್ಲೆಂ ಜಾಲ್ಲ್ಯಾನ್ ಆಜೂನ್ ತಾಂಚೆ ದಾಂತ್ ಘಟ್‌ಮುಟ್. ಕಣ್ಪಿರೆಚೆಂ ಆನಿ ದೆಣ್ಲ್ಯಾಚೆಂ ಉದಕ್ ದೊಳ್ಯಾಂಕ್ ಪಿಳ್‌ಲ್ಲ್ಯಾನ್ ಆಜೂನ್ ತಾಂಚಿ ದೊಳ್ಯಾಂ ದಿಷ್ಟ್ ಸೂಕ್ಷ್ಮ್. ಕೆಳ್ಯಾಚಿ ಕಾತ್, ಲಿಂಬ್ಯಾಚೆಂ ಉದಕ್, ಅಲೋವೆರಾ ಕಾತಿಕ್ ರಗ್ಡಿಲ್ಲೆಂ ಜಾಲ್ಲ್ಯಾನ್ ಆಜೂನ್ ತಾಂಚ್ಯಾ ಕಾತಿರ್ ಪರ್ಜಳ್.

ಪೂಣ್ ಆಜ್ ಹ್ಯಾ ಸರ್ವಾಂಕ್ ಅಂತ್ಯ್ ಪಡ್ಲಾ. ಸಭಾರಾಂಕ್ ಸಬಾರ್ ಝಡಾಂಚಿ ವೊಳಕ್ ಸಯ್ತ್ ನಾ. ಗಾಂವಾಂತ್ ಸೊಧುನ್ ಭಂವ್ಲ್ಯಾರ್ ಸಬ್ಸಿಂಡಿ, ರುಕಾ ಆಳುಂ, ಆಗ್ರಾ ಪಾಳಾಂ, ನರ್ವಿಸ್, ಪಾಡ್ಯಾ ವಾಲ್... ಅಸಲಿಂ ಝಡಾಂ ದೊಳ್ಯಾಂಕ್ ಅಪ್ರೂಪ್ ಜಾಲ್ಯಾಂತ್. ಆಜ್ ಸಕ್ಕಡ್ ಆಧುನಿಕ್. ಮನ್ಶಾಚ್ಯಾ ಕುಡಿಚ್ಯಾ ಸೊಭಾಯೆಚೊ ಪೋಸ್ ಕರುಂಕ್ ಬಜಾರಾಂತ್ ಮೆಳ್ಚಿಂ ಆಧುನಿಕ್ ಸೌಂಧರ್ಯ್‌ವರ್ಧಕಾಂ ಚಡ್ ಪ್ರಚಾರ್ ಘೇವ್ನ್ ಆಸಾತ್. ಅಸಲ್ಯಾ ವಸ್ತುಂನಿ ಚಡಿತ್ ಮಾಪಾನ್ ರಾಸಾಯನಿಕಾಂಚೊ ಪ್ರಯೋಗ್ ಜಾವ್ನ್ ಆಸಾ. ಪಳೆಂವ್ಕ್ ಆಕರ್ಷಣ್ ಆನಿ ಕುಡಿಚಿ ಸೊಭಾಯ್ ದೊಡ್ತಿ ಕರುಂಕ್ ಅಸಲ್ಯಾ ವಸ್ತುಂ ಪಾಟ್ಲ್ಯಾನ್ ಚಲ್ಲ್ಯಾಂವ್ ತರ್ ಕ್ರಮೇಣ್ ಆಮ್ಚ್ಯಾ ಕುಡಿಚೆರ್ ಪ್ರಭಾವ್ ವೆಗ್ಳೊಚ್.

ಆಮ್ಚ್ಯಾ ಕುಡಿಚಿ ನೀಜ್ ಸೊಭಾಯ್, ಆಕರ್ಷಿತ್ ದಿಸೊಂಕ್ ಆಮ್ಚ್ಯಾ ಹಿತ್ಲಾಂನಿ ವಾಡ್‌ಲ್ಲ್ಯಾ ಝಡಾಂಚೊ ಪ್ರಯೋಗ್ ಕೆಲ್ಯಾರ್ ಬರೆಂ. ಹಾಂತುನ್ ಆಮ್ಚ್ಯಾ ಕುಡಿಚೆರ್ ಕಸಲೊಚ್ ವಾಯ್ಟ್ ಪರಿಣಾಮ್ ಯೇನಾ. ಅಸಲ್ಯಾ ಝಡಾಂ ಪಯ್ಕಿ ಮನ್ಶಾಚ್ಯಾ ಕಾತಿಚೆರ್ ಚಡ್ ಪ್ರಭಾವ್ ಘಾಲ್ಚೆಂ ಝಡ್ ಅಲೋವೆರಾ, ಆಮ್ಕಾಂ ಸಕ್ಡಾಂಕ್ ವೊಳ್ಕಿಚೆಂ. ಮನ್ಶಾಚ್ಯೆ ಕಾತಿಚೆರ್ ಮಾತ್ರ್ ನ್ಹಂಯ್ ಆಸ್ತಾಂ ಸಬಾರ್ ಪಿಡೆಕ್ ಏಕ್ ಪರಿಣಾಮ್‌ಕಾರಿ ವೊಕತ್ ಜಾವ್ನ್ ಅಲೋವೆರಾ ಉಪ್ಕಾರ್ತಾ. ಕೆಸಾಂಚ್ಯಾ ಭಲಾಯ್ಕೆಕ್ ಆನಿ ಮುಕಾಮಳಾಚ್ಯಾ ಸೊಭಾಯೆಕ್ ಅಲೊವೆರಾ ಝಡ್ ಏಕ್ ಜೊಕ್ತೆಂ ಆನಿ ಸೂಕ್ತ್ ವೊಕಾತ್. 'ಪೈಟೊ ಕೆಮಿಕಲ್ಸ್' ಉತ್ಪನ್ನ್ ಹಾಂತುನ್ ಆಸಾ ಜಾಲ್ಲ್ಯಾನ್ ಕೆಸಾಂಚ್ಯಾ ಆನಿ ಕಾತಿಚ್ಯಾ ಸೊಭಾಯೆಕ್ ಫಾಯ್ದ್ಯಾಚೆಂ ಜಾತಾ.

1. ಅಲೋವೆರಾಚೊ ರೋಸ್ ದಿಸಾಕ್ ದೋನ್ ಕುಲೆರಾಂ ಸೆವ್ಲ್ಯಾರ್ ಕಾತಿಚೆರ್ ಬರೊ ಪ್ರಭಾವ್ ದಿಸೊನ್ ಯೆತಾ. ಕಾತಿಚೊ ರಂಗ್ ಭರ್ತಾ ಆನಿ ಪರ್ಜಳ್ ಯೆತಾ. ಅಲೋವೆರಾಂತ್ ಆಸ್ಚೆಂ 'ವಿಟಮಿನ್' ಮನ್ಶಾಚ್ಯಾ ಕಾತಿಂತ್ ಆಸ್‌ಲ್ಲೆ ಮೆಲ್ಲೆ ಜೀವ್ ಕೋಶ್ ಭಾಯ್ರ್ ಕಾಡುನ್ ನವೆ ಜೀವ್ ಕೋಶ್ ಉತ್ಪತ್ತಿ ಜಾಂವ್ಕ್ ಕಾರಣ್ ಕರ್ತಾ. ಆಕರ್ಷಿತ್ ಕಾತ್ ಮನ್ಶಾ ಕುಡಿಚೆರ್ ಸಜಂವ್ಕ್ ಅಲೋವೆರಾಚೊ ರೋಸ್ ಏಕ್ ಸೂಕ್ತ್ ವಿಧಾನ್.

2. ಅಲೋವೆರಾಚ್ಯಾ ರೊಸಾಂತ್ ವಿಟಮಿನ್ ಸಿ, ಇ ಆನಿ 'ಬೀಟಾ ಕ್ಯಾರಿಟಿನ್' ಆಂಶ್ ಆಸಾ ಜಾಲ್ಲ್ಯಾನ್ ಮನ್ಶಾ ಕಾತಿಚೆರ್ ಪರ್ಜಳ್ ಯೇಂವ್ಕ್ ಉಪ್ಕಾರ್ತಾ. ಅಲೋವೆರಾಚೊ ರೋಸ್ ಸದಾಂ ತೊಂಡಾಕ್ ಪುಸ್‌ಲ್ಲ್ಯಾನ್ ಮಿರಿಯೊ ಆಮಿ ಮುಂಬ್ರಾ ಉಣೆಂ ಜಾಂವ್ಕ್ ಪಾವ್ತಾತ್. ತೊಂಡಾಚಿ ಸೊಭಾಯ್ ರಾಕುಂಕ್ ಅಲೋವೆರಾ ಉಪ್ಕಾರ್ತಾ ಆನಿ ತೊಂಡಾಚೆರ್ ಪೊಡ್ಚೆ ಫೊಡ್ ನಿವ್ರಾಂವ್ಕ್ ಸಕ್ತಾ.

3. ಅಲೋವೆರಾಚೊ ರೋಸ್ ತೊಂಡಾಕ್ ಪುಸುನ್ ನೈಸರ್ಗಿಕ್ ರಿತಿನ್ ಸುಕೊಂಕ್ ಸೊಡಿಜಯ್ ಆನಿ ಉಪ್ರಾಂತ್ ನಿತಳ್ ಉದ್ಕಾಂತ್ ಧುವ್ನ್ ಕಾಡಿಜಯ್. ಅಲರ್ಜಿ ಆಸ್‌ಲ್ಲ್ಯಾರ್ ಉಣಿ ಜಾತಾ. 'ಎಗ್ಜ್‌ಮಾ', 'ಸೊರಿಯಾಸಿಸ್' ಅಸಲ್ಯೊ ಪಿಡಾ ನಿವಾರ್ತಾತ್. ತೊಂಡಾಚ್ಯಾ ಕಾತಿಚೊ ವೊಸೊ ಆಸ್ಲ್ಯಾರ್ ಗೂಣ್ ಜಾತಾ.

4. ಹುಲ್ಪಾಲ್ಲ್ಯಾ ಘಾಯಾಂಥಾವ್ನ್ ಯಾ ಮಾಜ್ವನಾತ್‌ಲ್ಲ್ಯಾ ಖತಾಂ ಥಾವ್ನ್ ಕಾತಿಚೆರ್ ಸುದ್ರಾಪ್ ಯೇಂವ್ಕ್ ಅಲೋವೆರಾಚೊ ರೋಸ್ ಸೂಕ್ತ್ ವಿಧಾನ್. ಹಾಂತುನ್ ಉತ್ಕರ್ಷಣ್ ವಿರೋಧ್ ಕರ್ಚಿ ಸಕತ್ ಆಸ್‌ಲ್ಲ್ಯಾನ್ ಹುಲೊಪ್ ಆನಿ ಘಾಯ್ ಗೂಣ್ ಕರ್ತಾ. ಕ್ಯಾಲ್ಸಿಯಂ, ಮೆಗ್ನೇಷಿಯಮ್, ಝಿಂಕ್ ಆನಿ ಆಮಿನೊ ಆಸಿಡ್ ಅಲೋವೆರಾಂತ್ ಆಸ್‌ಲ್ಲ್ಯಾನ್ ಕಾತಿಚೊ ಹುಲೊಪ್ ನಿವಾರ್ತಾ. ಅಲೋವೆರಾ ಹೈಪರ್ ಪಿಗ್ಮೆಂಟೇಶನ್ ಸಮಸ್ಯಾಂಕ್ ಬರೆಂ ಜಾವ್ನಾಸಾ.

5. ಸುಕ್‌ಲ್ಲ್ಯಾ ಕಾತಿಚೆರ್ ಅಲೋವೆರಾ ಲಾಯ್ಲ್ಯಾರ್, ಕಾತಿಚೆ ಜೀವ್ ಕೋಶ್ ಜಿವಾಳ್ ಜಾತಾತ್ ಆನಿ ಕಾತ್ ಜಿವಾನ್ ಭರ್ತಾ.

From around the world

ಅಲೋವೆರಾ - ಕಾತಿಕ್ ದಿತಾ ಸೊಭಾಯ್

User Rating

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai