From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಅಮಾಲ್ ವಸ್ತುಂ ವಿರೋಧ್ ಸಾಂಗಾತಾ ಮೆಳ್ಯಾಂ...
Wednesday, May 16, 2018
ಅಮಾಲಿಕ್ ವಸ್ತು ಇತ್ಲ್ಯಾ ಸಲೀಸಾಯೆನ್ ಸಗ್ಳ್ಯಾನಿತ್ಲ್ಯಾನ್ ಮೆಳೊಂಕ್ ಸುರು ಜಾಲ್ಯಾತ್ ಕೀ ಹಾಂಚೆ ಭುಲವ್ಣೆಕ್ ಒಳಗ್ ಜಾಲ್ಲ್ಯಾ ಯುವಜನಾಂಗಾಚೆಂ ಜಿವಿತ್ ಯೆಮ್ಕೊಂಡಾ ಸದೃಶ್ ಜಾವ್ನ್ ಗೆಲಾಂ. ಪತ್ರಾಂನಿ, ಅಮಾಲಿಕ್ ವಸ್ತು ಜಫ್ತಿ ಕರಿನಾತ್ಲೆ ದಿಸಾಂಚ್ಯೊ ವರ್ದ್ಯೊಚ್ ನಾಂತ್ ಕೊಣ್ಣಾ ಮ್ಹಣ್ಯೆತ್. ಸದಾಂನೀತ್ ಲಾಖೊಂ ರುಪಯ್ ಮೊಲಾಚ್ಯೊ ಅಮಾಲಿಕ್ ವಸ್ತು ಜಫ್ತ್ ಜಾವ್ನಾಸ್ತಾತ್. ಪುಣ್. ಕಾನೂನಾಚಾ ಹಾತಾಂಕ್ ಸಾಂಪಾಡ್ನಾಸ್ತಾಂ ವಿಲೆವಾರಿ ಜಾಂವ್ಚಾ ವಸ್ತುಂಚೆ ಮೋಲ್ ಧರುಂಕ್ ಸಾಧ್ಯ್ ನಾ ತಶೆಂ ಜಾಲಾಂ.
ಹಾಚೆ ಆದಿಂ ಕೊಲೆಜಿಚಾ ವಿದ್ಯಾರ್ಥಿಂಕ್ ಮೊಗಾಚ್ಯೊ ಜಾಲ್ಲ್ಯೊ ಅಮಾಲಿಕ್ ವಸ್ತು ಆತಾಂ ಇಸ್ಕೊಲಾಚಾ ಭುರ್ಗ್ಯಾಂಕ್ ಸಯ್ತ್ ಅಪ್ಣಾ ಕುಶಿಕ್ ವೋಡ್ನ್ ಘೆಂವ್ಚ್ಯಾಂತ್ ಯಶಸ್ವಿ ಜಾಲ್ಯಾಂತ್. ತಿತ್ಲೆಂಚ್ ನ್ಹಯ್ ಚಲಿಯಾಂನಿಂಯ್ ಅಮಾಲಿಕ್ ವಸ್ತು ವಾಪಾರುಂಕ್ ಸುರು ಕೆಲ್ಯಾತ್.
ಅಮಾಲ್ ಪೀವನಾಂಚೆ ಲೇಕ್ ಸೊದುನ್ ಕಾಡುಂಕ್ ಕಷ್ಟ್ ನಾಂತ್. ಪುಣ್ ಅಮಾಲಿಕ್ ವಸ್ತುಂಚಿ ಗಜಾಲ್ ತಶಿ ನಾ. ಕಿತ್ಯಾಕ್ ಮ್ಹಳ್ಯಾರ್ ಹೊ ದಂಧೊ ಅನಧಿಕೃತ್ ತಶೆಂ ಗುಪಿತ್ ಚಲ್ತಾ. ಅಮಾಲ್ ಪೀವನಾಂ ವರ್ನಿ ಅಮಾಲ್ ವಸ್ತುಂಚೊ ವಾಪಾರ್ ಚಡ್ ಮಾರೆಕಾರ್ ಮ್ಹಳ್ಳೆಂ ವಾಸ್ತವ್. ಹಾಚೆ ವರ್ವಿಂ ಜಾಂವ್ಚಾ ಅನಾಹುತಾಂನಿ ಯುವಜನಾಂಗ್ ಥರ್ಥರೊನ್ ಗೆಲಾಂ. ಅಮಾಲ್ ಪೀವನಾ ವರ್ನಿ ಅಮಾಲಿಕ್ ವಸ್ತುಂಚೆ ಸೇವನ್ ಕಶೆಂ ಚಡ್ ಅಪಾಯಾಚೆಂ ಮ್ಹಣೊನ್ ಎಕಾ ದಾಕ್ತೆರಾನ್ ಸಾಂಗ್ಲೆಲಿ ಕಾಣಿ ಅಶಿ ಆಸಾ :
ತೆಂ ಏಕ್ ತರ್ಭೆತ್ ಶಿಬಿರ್. ತೀನ್ ಖಟ್ಲಿಂ ಆಸ್ಲೆಲ್ಯಾ ತ್ಯಾ ಎಕಾ ಕುಡಾಕ್ ಎಕ್‌ಚ್ ಚಾವಿ. ತ್ಯಾ ಕೂಡಾಂತ್ ತೇಗ್ ತರ್ನಾಟೆ ರಾವ್ತಾಲೆ. ತೆಗೀ, ಜುಸ್ತ್ ಸಾಡೆನೋವಾಂಕ್ ಪಾಟಿಂ ಯೆಂವ್ಚೆ ಮ್ಹಣೊನ್ ನಿರ್ಧಾರ್ ಕರುನ್ ಭಾಯ್ರ್ ಗೆಲೆ. ಎಕೆಕ್ಲೆ ಎಕೆಕಾ ದಿಕ್ಕಾಕ್ ಗೆಲೆ. ಎಕ್ಲೊ ಅಮಾಲ್ ಪಿಯೆವ್ನ್ ಟೈಟ್ ಜಾಲೊ ತರ್ ದುಸ್ರ್ಯಾನ್ ಅಫೀಮ್ ಘೆತ್ಲೆಂ ಆನಿ ತಿಸ್ರ್ಯಾನ್ ಗಾಂಜಾ ಸೆವ್ಲೆಂ.
ಸಾಡೆನೋವಾಂಕ್ ತೆ ಪಾಟಿಂ ಯೆತಾನಾ, ಚಾವಿ ದವರ್ನ್ ಘೆತ್ಲೆಲ್ಲ್ಯಾನ್ ತಿ ಹೊಗ್ಡಾಯಿಲ್ಲಿ. ಆತಾಂ ಭಿತೆರ್ ಕಶೆಂ ವೆಚೆಂ ಮ್ಹಳ್ಳೆಂ ಸವಾಲ್ ತಾಂಕಾ ಧೊಸುಂಕ್ ಲಾಗ್ಲೆಂ. ತೆದ್ನಾ ಅಮಾಲ್ ಪೀವನ್ ಕೆಲ್ಲ್ಯಾನ್ ಮ್ಹಳೆಂ: 'ಇಷ್ಟಾನೊಂ, ಕಾಯ್ ವ್ಹಡ್ ನಾ. ಬೀಗ್ ಫೊಡ್ನ್ ಭಿತೆರ್ ರಿಗ್ಯಾಂ.' ದುಸ್ರೊ, ಬಿಲ್ಕುಲ್ ಒಪ್ವಾಲೊ ನಾ. 'ಅಸಲ್ಯಾ ಕಾಮಾಕ್ ದೆಂವ್ಚೆ ನಾಕಾ. ಹಾಂಗಾಚ್ ಭಾಯ್ರ್ ಗುಟ್ಲೊನ್ ನಿದ್ಲ್ಯಾರ್ ಜಾಲೆಂ.' ಮ್ಹಣಾಲೊ.
ಗಾಂಜಾ ಸೆವ್‌ಲ್ಲೊ ತಿಸ್ರೊ, ಜಾಚಾ ಬೊಲ್ಸಾಂತ್ ಚಾವಿ ಆಸ್‌ಲ್ಲಿ, ಮ್ಹಣಾಲೊ: 'ಮ್ಹಜೆ ಲಾಗ್ಗಿಂ ಏಕ್ ಉಪಾಯ್ ಆಸಾ. ಅಳೆ, ಹಿ ಚಾವಿ ತ್ಯಾ ಬಿಗಾಂತ್ ರಿಗವ್ನ್, ಘುಂವ್ಡಾವ್ನ್ ಭಿತೆರ್ ಗೆಲ್ಯಾರ್ ಜಾಯ್ನಾಂಗಿ?'
ತೀನ್ ವೆವೆಗ್ಳ್ಯೊ ಅಮಾಲ್ ವಸ್ತು ಸೆವ್ಲೆಲ್ಯಾಂಚಾ ಮತಿಂತ್ ಜಾಂವ್ಚೊ ಗೊಂದೊಳ್ ವಯ್ಲೆಂ ಉದಾಹರಣ್ ದಾಕಯ್ತಾ.
ಆಪಡ್ಲ್ಯಾರ್ ತುಂ ಸಾಂಪಡ್ಲೊಯ್!
ಗಾಂಜಾ, ಕೊಕೇಯ್ನ್, ಹೆರೊಯಿನ್, ದೋರ್ಹಮ್, ಓಪಿಯಂ, ಪೆಥೆಡಿನ್, ಮೆಥಾಡೊನ್, ಸಿಕೋನರ್, ಬ್ರೌನ್ ಶುಗರ್, ಎಲ್.ಎಸ್.ಡಿ., ಮೆಸ್ ಕಾಲಿನ್ ಅಶೆಂ ಸಬಾರ್ ಥರಾಂಚ್ಯೊ ಅಮಾಲಿಕ್ ವಸ್ತು ಆಸಾತ್. ಪುಣ್ ಚಡ್ ಜಾವ್ನ್ ಚಾಲ್ತೆರ್ ಆಸ್ಚ್ಯೊ ಅಮಾಲಿಕ್ ವಸ್ತು ಜಾವ್ನಾಸಾತ್ ಗಾಂಜಾ ಆನಿ ಬ್ರೌನ್ ಶುಗರ್. ಅಸಲ್ಯಾ ಅಮಾಲಿಕ್ ವಸ್ತುಂಚಾ ಗುಪ್ತಿ ಸರ್ಬಾರಾಯೆಂತ್ ಶಿರ್ಕೊನ್ ಪಡ್ಚೆ ಚಡಾವತ್ ಭಾರತೀಯ್ ಮ್ಹಣೊನ್ ಯುನಾಯ್ಟೆಡ್ ನೇಶನ್ಸ್ ಕಮಿಶನ್ ಓನ್ ನಾರ್ಕೋಟಿಕ್ ಡ್ರಗ್ಸ್ ಹಾಚಾ ಸಮ್ಮೇಳನಾನ್ ದಿಲ್ಲಿ ವರ್ದಿ ಕಳಯ್ತಾ. ಸಂಸಾರ್ ಭರ್ ಆಫೀಮ್ ಆನಿ ಗಾಂಜಾಚೊ ಮುಕೆಲ್ ವಿತರಕ್ ಭಾರತ್ ಜಾವ್ನಾಸಾ. ದುಸ್ರ್ಯಾ ಥರಾಚ್ಯೊ ಅಮಾಲಿಕ್ ವಸ್ತು ಭಾಯ್ಲ್ಯಾ ದೇಶಾಂ ಥಾವ್ನ್ ಹಾಂಗಾ ಯೆತಾತ್. ಅಮಾಲಿಕ್ ವಸ್ತುಂಚಿ ರೂಚ್ ಎಕ್ಲ್ಯಾಕ್ ಲಾಗ್ಲಿ ತರ್ ತೊ ತಾಕಾ ಗುಲಾಮ್ ಜಾಲ್ಲೆ ಬರಿಂಚ್. ಸುಟಂವ್ಕ್ ಸಾಧ್ಯ್ ಚ್ ನಾ ಮ್ಹಣ್ಚೆ ತಸಲಿ ಪರಿಸ್ಥಿತಿ.
ಆಮ್ಚಾ ದೇಶಾಂತ್ ಸರ್ವ್ ನಮುನ್ಯಾಂಚೊ ಅಮಾಲಿಕ್ ವಸ್ತು ವಾಪಾರುಂಕ್ ಅಡ್ವಾರ್ಲ್ಯಾತ್. ತರೀ, ಆಸ್ಪತ್ರೆಂನಿ ಮೋರ್ಫಿನ್, ಪೆಥೆಡಿನ್ ತಸಲ್ಯೊ ಅಮಾಲಿಕ್ ವಸ್ತು ಉಪ್ಯೋಗ್ಸುಂಕ್ ಪರ್ವಣ್ಗಿ ಆಸಾ. ತರೀ, ಅಮಾಲಿಕ್ ವಸ್ತುಂಚೆ ಉತ್ಪಾದನ್ ಆನಿ ವಿತರಣ್ ಶಿಕ್ಷಾರ್ಹ್ ಅಪ್ರಾಧ್ ಜಾವ್ನಾಸಾ. ತರೀ ಕಸಲ್ಯಾಯ್ ಕಠಿಣ್ ಕಾನೂನಾಂಚೆ ಭ್ಯೆಂ ಹಾಂತು ಮೆತೆರ್ ಜಾಲ್ಲ್ಯಾಂಕ್ ದಿಸ್ಚೆಂ ದಿಸೊನ್ ಯೇನಾ. ಸಗ್ಳ್ಯಾಂನಿ, ಬಸ್ ಸ್ಟೆಂಡಾಂಚಾ ಗುಡಾ ಅಂಗ್ಡೆನಿಂ ಸಮೇತ್ ಅಮಾಲಿಕ್ ವಸ್ತು ಹಾತ್ ಬದಲ್ತೆಚ್ ಆಸ್ತಾತ್. ತರ್ನಾಟೆ, ತರ್ನಾಟಿಂ ಹಾಂಚೆ ಗುಲಾಮ್ ಜಾತೇ ಆಸಾತ್.
ಹ್ಯಾ ವಿಶಿಂ ಸಮಾಜೆನ್ ಮಸ್ತು ಜಾಗ್ರೂತ್ಕಾಯೆನ್ ಆಸಾಜೆ. ಅಮಾಲಿಕ್ ವಸ್ತುಂ ಥಾವ್ನ್ ಮ್ಹಾಕಾ ಜಾಂವ್ ಮ್ಹಜಾ ಭುರ್ಗ್ಯಾಂಕ್ ಕಸಲೊಚ್ ಅಪಾಯ್ ನಾ ಮ್ಹಣ್ಚೊ ಮನೋಭಾವ್ ಸಾರ್ಕೊ ನ್ಹಯ್. ಅಸಲ್ಯಾ ಅಪಾಯಾಂಕ್ ಅಪ್ಣಾಕ್ ಕಸಲೊಚ್ ಸಂಬಂಧ್ ಮ್ಹಣೊನ್ ವೊಗೆ ರಾಂವ್ಚೆ ತ್ಯಾ ಅಪ್ರಾಧಾಂತ್ ಭಾಗಿ ಜಾಲ್ಲೆ ಬರಿಂಚ್. ಅಮಾಲಿಕ್ ವಸ್ತು ವಾಂಟ್ತೆಲೆ ಕೊಣಾಯ್ಚಾ ಬಿರ್ಮತಿಕ್ ಖಂಡಿತ್ ಫಾವೊ ನ್ಹಯ್. ತಸಲೆ ಕಾನೂನಾಂ ಹಾತಿಂ ಸಾಂಪಾಡ್ತಾನಾ ತಾಂಕಾ ಸುಟಂವ್ಕ್, ಜಾಮೀನ್ ದಿಂವ್ಕ್ ವೆಚೆಂಯ್ ನ್ಹಯ್. ಅಮಾಲಿಕ್ ವಸ್ತುಂಚಿ ಸೇವನಾಂ ಆಡಾಂವ್ಕ್ ರಾಜಕೀಯ್ ತಶೆಂ ಧಾರ್ಮಿಕ್ ಮುಕೆಲ್ಯಾಂಕ್ ಖಂಡಿತ್ ಸಾಧ್ಯ್ ಆಸಾ. ಆಮ್ಚಿಂ ಪ್ರಯತನಾಂ ಪಳ್ ದೀ ನಾತ್ಲ್ಯಾರ್ ಕಾನೂನೀ ಮಜತ್ ಘೆಂವ್ಕ್ ಪಾಟಿಂ ಸರ್ಚೆಂ ನ್ಹಯ್.
ಹ್ಯಾ ಬಾಬ್ತಿಂ ಮಸ್ಜಿತೆಂಚ್ಯೊ, ದಿವ್ಳಾಂಚ್ಯೊ ಸಲಹಾ ಮಂಡಳಿ, ಇಗರ್ಜಿಂಚೆ ಮಣಿಯಾರಿ ಹಾಣಿ ಅಮಾಲಿಕ್ ವಸ್ತುಂಚಾ ಪರಿಣಾಮಾಂ ವಿಶಿಂ ಜಾಗೃತಿ ಉಟಂವ್ಚಿ ಅವಶ್ಯ್. ಹಾಂಕಾ ಬಲಿ ಜಾಲ್ಲ್ಯಾಂಕ್ ಕೌನ್ಸೆಲಿಂಗಾ ಮುಖಾಂತ್ರ್ ನೀಟ್ ವಾಟೆಕ್ ಹಾಡುಂಕ್ ಪ್ರಯತನ್ ಕರಿಜೆ. ಹಾಚಿ ಕೃಶಿ ಕರ್ತೆಲ್ಯಾಂಕ್ ತಶೆಂಚ್ ವಿಕ್ರಪ್ಯಾಂಕ್ ಆಡಾಂವ್ಚೆ ಪ್ರಯತನ್ ಕರಿಜೆ. ಅಸಲ್ಯಾ ಅರೋಪ್ಯಾಂಕ್ ಕಸಲಿಚ್ ಮಜತ್ ದೀ ನಾಸ್ತಾಂ ಬಹಿಷ್ಕಾರ್ ಘಾಲಿಜೆ. ಆಪ್ಲ್ಯಾ ಹಿಂಡಾಂತ್ಲೆ ಅಸಲ್ಯಾ ಬುರ್ಶ್ಯಾ ಕಾಮಾನಿಂ ಕೊಣ್‌ಚ್ ವೆಸ್ತ್ ನಾಂತ್ ಮ್ಹಣೊನ್ ಧೃಡ್ ಸಾಂಗ್ಚೆ ತಿತ್ಲೆಂ ಧೈರ್ ಧಾರ್ಮಿಕ್ ಮುಕೆಲ್ಯಾಂಕ್ ಆಸಾಜೆ.
ಭುರ್ಗ್ಯಾಂನಿ ಅಮಾಲಿಕ್ ವಸ್ತುಂಚೆ ಗುಲಾಮ್ ಜಾಯ್ನಾತ್ಲೆ ಬರಿಂ ವ್ಹಡಿಲಾಂನಿ ಜಾಗ್ರುತ್ ರಾವಾಜೆ. ವ್ಹಡಿಲಾಂನಿ ಚಡ್ ಆನಿ ಚಡ್ ಭುರ್ಗ್ಯಾಂ ಸಾಂಗಾತಾ ವೇಳ್ ಪಾಶಾರ್ ಕರುಂಕ್ ಆನಿ ತಾಂಚೆ ಮಧೆಂ ಮೊಗಾನ್ ವೆವಾರ್ ಕರುಂಕ್ ಪ್ರಯತನ್ ಕರಿಜಾಯ್. ಭುರ್ಗ್ಯಾಂಚ್ಯಾ ಸಮಸ್ಯಾಂಕ್ ಸಮ್ಜೊನ್ ಘೇವ್ನ್, ತಾಂಕಾ ಸಾಂಗಾತ್ ದಿಲ್ಯಾರ್ ಸಬಾರ್ ಪಾಡ್ ಸಂವಯಾ ಥಾವ್ನ್ ಆಮ್ಚ್ಯಾ ಭುರ್ಗ್ಯಾಂಕ್ ರಾಕ್ಯೆತ್. ಅಧ್ಯಯನ್ ಸಾಂಗ್ತಾ, 'ಕೆದಾಳಾ ಭುರ್ಗ್ಯಾಂಕ್ ವ ತರ್ನ್ಯಾಟ್ಯಾಂಕ್ ಎಕ್ಸುರ್ ಪಣ್ ಧೊಸ್ತಾಮ್ ತಿಂ ತೆದಾಳಾ ಚಡಿತ್ ಮಾಪಾನ್ ಅಮಾಲಿಕ್ ವಸ್ತುಂಕ್ ಗುಲಾಮ್ ಜಾತಾತ್...' ಮ್ಹಣೊನ್. ಆತಾಂಚ್ಯಾ ಸಂಸಾರಾಂತಾ ಪಯ್ಶೆ ಗರ್ಜ್ ವ್ಹಯ್ ಪುಣ್ ಪಯ್ಶೆಚ್ ಸರ್ವಸ್ವ್ ನ್ಹಯ್. ತ್ಯೆ ದೆಕುನ್ ಕಾಮಾಂತ್ ಥೊಡಿ ಪುಣೀ ಪುರ್ಸತ್ ಕರ್ನ್, ಭುರ್ಗ್ಯಾಂ ಸಂಗಿಂ ಚಡಿತ್ ವೇಳ್ ಖರ್ಚಿಲ್ಯಾರ್ ಸಗ್ಳ್ಯಾ ಕುಟ್ಮಾಕ್ ಬರೆಂ!
Tags:
Alcohol and Youth, Children, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.