From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್
Sunday, July 29, 2018
ಜೀವನ್, ಸರ್ವಯ್ ವಗ್ತಾ ಎಕ್ ಚ್ ಲೇಕ್ ಆಸಾನಾ ಮ್ಹಣ್ಚಾಂತ್ ಅಭಿಪ್ರಾಯ್ ಬೇಧ್ ನಾ ಮ್ಹಣ್ಯೆತ್. ಪ್ರಾಯ್ ಜಾಲ್ಲೆ ಬರಿಂಚ್ ದೈಹಿಕ್ ಸಾಮರ್ಥಿ ಉಣಿ ಜಾಂವ್ಚಿ ಸಹಜ್ ಆನಿ ಆಮ್ಚಾ ದಿಸ್ಪಟ್ಯಾ ಕಾಮಾಂನಿ ಬದ್ಲಾವಣ್ ಜಾಂವ್ಚಿಚ್. ಆಮ್ಚಾ ಸದಾಂಚಾ ಕಾಮಾಂಚೊ ವೇಗ್ ಉಣೊ ಜಾತೊಲೊ, ಚಟುವಟಿಕ್ಯೊ ನಿಧಾನ್ ಜಾತೆಲ್ಯೊ ಉಗ್ಡಾಸ್ ಉಣೊ ಜಾತೊಲೊ, ದೀಷ್ಟ್ ಗಯ್ರಿ ಜಾತೆಲಿ. ಥೊಡ್ಯಾಂಕ್ ಥಂಯ್ ಹಾಂಗಾ ವಿವಿಧ್ ಥರಾಂಚ್ಯೊ ದುಕಿ ಸುರು ಜಾವ್ನ್ ಧಾ ಮೆಟಾಂ ಚಲ್ಚೆಂಚ್ ತ್ರಾಸಾಚೆಂ ಕಾಮ್ ಜಾತಾ. ಅಧಿಕ್ ವೇಳ್ ಕದೆಲಾಕ್ ಚಿಡ್ಕೊನ್ ಬಸೊನ್ ಆಸ್ಚೆಂ ಅನಿವಾರ್ಯ್ ಜಾತಾ. ಅಸಲ್ಯಾ ವಗ್ತಾ ಪ್ರಾಯೆಸ್ತಾಂಕ್ ಸಹಜ್ ಜಾವ್ನ್ ಅಸಹಾಯಕತಾ ಭಗುಂಕ್ ಸುರು ಜಾತಾ. ಮಧೆಂ ಮಧೆಂ ಘರ್ಚಿಂಗೀ, ವಳ್ಕಿಚಿಂ ಯೇವ್ನ್ ಮೊಗಾನ್ ದೋನ್ ಗಜಾಲಿ ಕರುಂದಿತ್ ಮ್ಹಣ್ ಭಗುಂಕ್ ಲಾಗ್ತಾ. ಪುಣ್ ಆಯ್ಚಾ ವೇಗಾಚಾ ಜಿವಿತಾಂತ್ ಕೊಣಾಕ್ ಪುರ್ಸತ್ ಆಸಾ?
ನಿತ್ರಾಣೆನ್ ಗಿ, ವ ಪಿಡೆಂ ವರ್ವಿಂಗಿ ಚಾರ್ ವೊಣ್ತಿಂ ಮಧೆಂ ಬಂಧಿತ್ ಜೀವನ್ ಸರ್ತೆಲ್ಯಾ ಪ್ರಾಯೆಸ್ತಾಂಕ್ ಸ್ಮಾರ್ಟ್ ಫೋನ್ ಏಕ್ ವರ್‌ದಾನ್ ಮ್ಹಣ್ಯೆತ್. ಭಿತೆರ್ ಬಸೊನಂಚ್ ಆಪ್ಲ್ಯಾ ಮಧೆಂ ಸಂವಹನ್ ತಶೆಂ ಭಂವ್ತಿಲ್ಯಾ ಘಡಿತಾಂಚೆರ್ ಏಕ್ ನದರ್ ಭಂವ್ಡಾಂವ್ಕ್ ಫೋನ್ ತಾಂಚಾ ಕುಮ್ಕೆಕ್ ಯೆತಾ. ಪಯ್ಶಿಲ್ಯಾ ಗಾಂವಾನಿ ಜಿಯೆವ್ನ್ ಆಸ್ಚಾ ಭುರ್ಗ್ಯಾಂ ಲಾಗ್ಗಿಂ ಉಲಂವ್ಕ್ ಗೀ, ನಾತ್ರಾಂಕ್ ಪಳೆವ್ನ್ ಸಂತೊಸ್ ಭಗುಂಕ್, ಮಿತ್ರಾಂ ಸವೆಂ ಗಜಾಲಿ ಕಾಂತಾಂವ್ಕ್ ಸ್ಮಾರ್ಟ್‌ಫೋನ್ ಕುಮ್ಕೆಕ್ ಯೆತಾ. ಎಕಾ ಅರ್ಥಾನ್ ಸ್ಮಾರ್ಟ್‌ಫೋನ್ ಆತಾಂಚಾ ಪ್ರಾಯೆಸ್ತಾಂಕ್ ಆತ್ಮೀಯ್ ಸಾಂಗಾತಿ ತಶೆಂ ಆಪ್ತ್ ಸಹಾಯಕ್. .ಭುರ್ಗ್ಯಾಂಕ್ ಸ್ಮಾರ್ಟ್‌ಫೋನಾಂ ಥಾವ್ನ್ ಪಯ್ಸ್ ಕರಾ ಮ್ಹಣ್ತಾನಾ ಪ್ರಾಯೆಸ್ತಾಂಕ್ ಮೊಬಾಯ್ಲಾಂ ಲಾಗ್ಗಿಂ ಜಾತೇ ಆಸಾತ್ ಗಿ ಮ್ಹಳ್ಳೆಂ ಆತಂಕ್ ಉಟ್ತಾ. ಆಯ್ಲೆವಾರ್ ಚಿಂ ಘಡಿತಾಂ ದೆಕ್ತಾನಾ ಹೆಂ ಸತ್ ಮ್ಹಣ್ ಭಗ್ತಾ. ಸ್ಚಾರ್ಟ್ ಫೋನಾಂ ಆಮ್ಚಾ ಹಾತಿಂ ಯೇವ್ನ್ ಸಬಾರ್ ವರ್ಸಾಂ ಪಾಶಾರ್ ಜಾಲ್ಯಾಂತ್ ತರೀ, ಎದೊಳ್ ವರೇಗ್ ಹಾಂಕಾ ವಾಪಾರ್ಚಾಂತ್ ತರ್ನಾಟೆಂ ಜನಾಂಗಚ್ ಮುಕಾರ್ ಆಸ್ಲೆಂ. ಮಧ್ಯಮ್ ಪ್ರಾಯೆಚಿಂ ಇಲ್ಲೆಂ ಇಲ್ಲೆಶೆಂ ಕಷ್ಟಾಂನಿ ನಾರ್ಗೊನ್ ವಾಪಾರ್ತಾಲಿಂ ಮ್ಹಣ್ಯೆತ್. ಪುಣ್ ಪ್ರಾಯೆಸ್ತಾಂ, ತಿಂ ಆಮ್ಕಾಂ ವಾಪ್ರುಂಕ್ ಜಾಂವ್ಚೆ ತಸಲಿಂ ನ್ಹಯ್ ಮ್ಹಳ್ಳ್ಯಾ ಭಿಂಯಾನಂಚ್ ಮೊಬಾಯ್ಲ್ ಫೋನಾಂ ಥಾವ್ನ್ ಪಯ್ಸಾ ಪಯ್ಸಾಚ್ ಆಸುಲ್ಲಿಂ. ಪುಣ್ ಆಯ್ಚಿ ಪರಿಸ್ಥಿತಿ ತಶಿ ನಾ. 78-80 ಪ್ರಾಯ್ ಉತರ್ಲೆಲ್ಲಿಂ ಪ್ರಾಯೆಸ್ತಾಂ ಸಯ್ತ್ ವಾಟ್ಸಾಪ್, ಫೇಸ್‌ಬುಕ್ ತಶೆಂ ಟ್ವಿಟ್ಟರಾರ್ ಸಕ್ರಿಯ್ ಜಾವ್ನಾಸ್ಚೆಂ ಕೊಣಾಯ್ಕೀ ನವಾಲ್ ಕಶೆಂ ದಿಸಾನಾ. ಆತಾಂ, ಜಾಯ್ ತಶಿ ಟಿ.ವಿ., ಘಾಲ್ನ್ ದುಸ್ರ್ಯಾಂನಿ 'ಕಿರಿಕಿರಿ' ಭಗ್ಚಿ ವ ಇಸ್ಕೊಲಾಚಾ ಭುರ್ಗ್ಯಾಂನಿ ಹಾಂಚೆ ಧರ್ಮಾನ್ ಶಿಕೊಂಕ್ ಜಾಯ್ನಾ, ಹೋಮ್‌ವರ್ಕ್ ಕರುಂಕ್ ಜಾಯ್ನಾ ಮ್ಹಣೊನ್ ವ್ಹಡಿಲಾಂಕ್ ದೂರ್ ದಿಂವ್ಚಿ ಗರ್ಜ್'ಯೀ ಪಡಾನಾ! ಆಯ್ಚೊ ಆಬ್ ಆನಿ ವ್ಹಡ್ಲಿ ಮಾಂಯ್ ಕಾಳಾ ತೆಕಿದ್ ಸ್ಮಾರ್ಟ್ ಜಾಲ್ಯಾಂತ್. ಆಮ್ಚಾ ಕಾಳಾರ್ ಅಶೆಂ ಆಸುಲ್ಲೆಂ, ತಶೆಂ ಆಸುಲ್ಲೆಂ ಮ್ಹಣೊನ್ ಪುರ್ಪುರ್ಚೆಂ ಸೊಡ್ನ್ ಭೂತ್ ಕಾಳಾ ಬದ್ಲಾಕ್ ವರ್ತಮಾನಾಂತ್ ಜಿಯೆವ್ನ್ ಆಸಾತ್.
ಪಯ್ಲೆಂಯ್, ಲ್ಯಾಪ್‌ಟೊಪಾ ಮುಕಾರ್ ಬಸೊನ್ ಪಯ್ಸ್ ಆಸ್ಚಾ ಭುರ್ಗ್ಯಾಂ ಸಂಗಿ ಸಂವಹನ್ ಕರುನ್ ಆಸ್ಲೆಲ್ಯಾ ಪ್ರಾಯೆಸ್ತಾಂಕ್ ಆಮಿಂ ಪಳೆಲಾಂ. ತ್ಯಾ ಲಾಗೊನ್ ತಾಣಿ ಎಕಾಚ್ ಜಾಗ್ಯಾರ್ ಬಸೊನ್ ಆಸಾಜೆ ಪಡ್ತಾಲೆಂ. ಮುಕಾರ್ ಬಾಗ್ವೊನ್ ಬಸೊನ್ ಗೊಮ್ಟಿ ದೂಕ್ ಸುರು ಜಾಲ್ಯಾ ಮ್ಹಣ್ತೆಲಿಂಯ್ ಆಸುಲ್ಲಿಂ. ಪುಣ್, ಸ್ಮಾರ್ಟ್‌ಫೋನಾಚಾ ಯೆಣ್ಯಾ ಉಪ್ರಾಂತ್ ಫಕತ್ ಏಕ್ ಹಾತ್ ವಾಪಾರುನ್ ಆಪ್ಣಾಕ್ ಜಾಯ್ ಜಾಲ್ಲ್ಯಾ ಜಾಗ್ಯಾರ್ ವಚೊನ್ ಬಸೊನ್ ಗೀ, ಉಭಿ ರಾವೊನ್ ಗೀ, ನಾ ತರ್ ವಿಡಿಯೋ ವಾಪಾರ್ನ್ ಆಪ್ಣಾಕ್ ಜಾಯ್ ಜಾಲ್ಲೆಂ ಕಾರ್ಯ್‌ಕ್ರಮ್ ಪಳೆವ್ಯೆತ್ ವ ಆಯ್ಕಾವ್ಯೆತ್. ತಶೆಂ ಜಾವ್ನ್ ಅಪಾಪ್ಲ್ಯಾ ಫೊನಾಂಕ್ ಎಕಾ ಬಾಳ್ಶ್ಯಾ ಬರಿಂ ಜತನ್ ಘೆಂವ್ಚಿ ಪ್ರಾಯೆಸ್ತಾಂ ಮಸ್ತು ಆಸಾತ್.
ಪ್ರಾಯೆಸ್ತಾಂ ಲಾಗೊನ್ ಮೊಬೈಲ್ ಅಪ್ಲಿಕೇಶನಾಂ
ಪ್ರಾಯೆಸ್ತಾಂ ಲಾಗೊನಂಚ್ ಮ್ಹಣೊನ್ ತಯಾರ್ ಜಾಲ್ಲಿಂ ಅಪ್ಲಿಕೇಶನಾಂ ಸಬಾರ್ ಆಸಾತ್. ಚಡಾವತ್ ಟಿ.ವಿ., ಚಾನೆಲಾಂ ಆತಾಂ ಮೊಬೈಲಾನಿಂಚ್ ಪಳೆವ್ಯೆತ್. ತಾಂಕಾ ಜಾಯ್ ಜಾಲ್ಲಿಂ ಕಾರ್ಯ್‌ಕ್ರಮಾಂ ಪಳೆವ್ಯೆತ್. ಸುಡೊಕು, ಸಬ್ಧಾಂಗೊಂದೊಳ್ ಆಪ್ಲಿಕೇಶನಾಂ ಇಂಗ್ಲಿಶಾಂತ್ ಮಾತ್ರ್ ನ್ಹಯ್, ಜಾಯ್ ಜಾಲ್ಲ್ಯಾ ಬಾಶೆನಿಂ ಉಘಡ್ನ್ ಖೆಳ್ಯೆತ್. ಧಾರ್ಮಿಕ್ ವಿಚಾರ್, ವಿವಿಧ್ ವಿಷಯಾಂ ಲಗ್ತಿ ಉಪನ್ಯಾಸ್ ಆಯ್ಕಾವ್ಯೆತ್. ಶಿಕ್ಪಿ ಪ್ರಾಯೆಸ್ತ್, ಓನ್ ಲೈನ್ ಬ್ಯಾಂಕಿಂಗ್, ಪೇಮೆಂಟಾ ಕರ್ಚೆ ತಸಲೆ ಆಮ್ಚೆ ಮಧೆಂ ಸಬಾರ್ ಆಸಾತ್. ತುರ್ತ್ ಸಂದರ್ಭಾನಿಂ ಮಜತ್ ವಿಚಾರ್ಚಿಂ, ಭಲಾಯ್ಕಿ ತಪಾಸ್ ಕರ್ಚಿಂ, ಸರಾಗ್ ವಕ್ತಾಂ ಸೆಂವ್ಕ್ ಕುಮಕ್ ಕರ್ಚಿಂ ಅಪ್ಲಿಕೇಶನಾಂ ಸಬಾರ್ ಆಸಾತ್. ಘರಾಚ್ ಬಸೊನ್ ಶೇರ್ ಮಾರ್ಕೆಟಿಂಚಿ ಅಪ್ಲಿಕೇಶನಾಂ ವಾಪಾರ್ನ್ ಶೇರ್ ಮಾರ್ಕೆಟಿಚೊ ವೆವಾರ್ ಕರ್ಚೆ ಸಬಾರ್ ಪ್ರಾಯೆಸ್ತ್ ಆಮ್ಚೆ ಮಧೆಂ ಆಸಾತ್. ತಶೆಂಚ್ ಸಬಾರ್ ಪ್ರಾಯೆಸ್ತ್ ತಾಂಚಾ ಖುಶೆಂಚಿ ಫಿಲ್ಮಾಂ, ಪದಾಂ ಆಯ್ಕೊನ್ ಮಜೇನ್ ಆಸಾತ್.
ಸಕ್ಟಾಂ ಜಣಾ'ಸ್ಚೆ ಬರಿಂ ಸ್ಮಾರ್ಟ್ ಫೋನ್ ಮ್ಹಳ್ಳೆಲೆಂ ಏಕ್ ಮಾಯಾ ಜಾಳ್. ತಾಚೆ ಭಿತೆರ್ ರಿಗಲ್ಲೆ ಬರಿಂಚ್ ಪಾಸ್ ಅಂರ್ದುನ್ ಯೆತೇ ಆಸ್ತಾ. ತ್ಯಾ ಪಾಸಾಂತ್ ಶಿರ್ಕೊನ್ ಪಡ್ಚೆಂ ಅನಿವಾರ್ಯ್ ಜಾವ್ನಾಸ್ತಾ. ಪುಣ್ ಗರ್ಜೆ ತೆಕಿದ್ ವಾಪಾರ್ನ್ ಹಾಚಾ ಜಾಳಾಂತ್ ಶಿರ್ಕೊನ್ ಪಡಾನಾತ್ಲೆಯ್ ಆಸಾತ್.
ಪ್ರಾಯೆಸ್ತಾನಿಂ ಸ್ಮಾರ್ಟ್‌ಫೊನಾಂ ವಾಪಾರ್ಚಿಂ ಎಕಾ ವಾಟೆನ್ ಬರೆಂ ತರೀ ತಾಂಕಾ ತಾಚೆ ದುಷ್ಪರಿಣಾಮ್ ಜಣಾ'ಸ್ಚೆ ಅತ್ಯವಶ್ ಜಾವ್ನಾಸಾ. ಚಡ್ ಆನಿ ಚಡ್ ತಿಂ ವಾಪಾರ್ಲೆಲ್ಲೆ ಬರಿಂಚ್ ತಾಣಿ ಅಂತರ್‌ಮುಖಿ ಜಾವ್ನ್ ವೆಚಿ ಸಂಭವನೀಯತಾ ಚಡ್ ಜಾತಾ. ಸಕ್ಕಡ್ ನ್ಹಯ್ ತರೀ ಥೊಡೆ ಪುಣಿ ಸಗ್ಳೊ ದೀಸ್ ಫೋನಾಂತಚ್ ಬುಡೊನ್ ಆಸ್ಚೆ ಆಮ್ಚೆ ಭಂವ್ತಿ ಪಳೆವ್ಯೆತ್. ಅಶೆಂ ಜಾವ್ನ್ ತಾಣಿ ಆಪ್ಲ್ಯಾಂ ಥಾವ್ನ್ ತಶೆಂ ಸಮಾಜಿ ಥಾವ್ನ್ ಪಯ್ಸ್ ಜಾಂವ್ಚಿ ಸಾಧ್ಯತಾ ಚಡ್ ಆಸ್ತಾ. ಚಡಾವತ್ ಶ್ಹೆರಾಂನಿಂ ತಶೆಂ ಫ್ಲೆಟಾಂನಿ ಜಿಯೆಂವ್ಚಿಂ ಪ್ರಾಯಸ್ತಾಂ ಹಾಕಾ ಬಲಿ ಜಾತಾತ್. ತಾಂಕಾ ಭಂವ್ತಿಚಾ ಘಡಿತಾಂಕ್ ಸ್ಪಂದನ್ ಕರ್ಚೆ ವಿಶಿಂ, ವ ದುಸ್ರ್ಯಾ ಕಸಲ್ಯಾಯ್ ಸಮಾಜಿಕ್ ಮೆತೆರ್ಪಣಾಂತ್ ಕಸಲಿಚ್ ಆಸಕ್ತ್, ಅಭಿರೂಚ್ ಆಸಾನಾ. ತಾಂಕಾ ಆಪ್ಲ್ಯಾ ಮೊಬೈಲಾಂತ್ಲೊ ಸಂಸಾರಚ್ ಚಡ್ ಆಪ್ತ್ ದಿಸ್ತಾ. ಎಕಾ ನಾ ಎಕಾ ಕಾಮಾಂತ್ ಸುಡ್ಸುಡಿತ್ ಆಸೊನ್ ಭಲಾಯ್ಕೆಂತ್ ಆಸ್ಚೆ ಪ್ರಾಯೆಸ್ತ್ ಸಯ್ತ್ ಮೊಬೈಲಾಚೆ ಗುಲಾಮ್ ಜಾಲ್ಲೆ ದೃಷ್ಟಾಂತ್ ಆಸಾತ್. ಮೊಬೈಲಾಚಾ ಗಿರಾಂತೆ ಲಾಗೊನ್, ಹರ್ಶೆಂಚೊ ಚಟುವಟಿಕೊ ಸೊಡ್ನ್ ಭಲಾಯ್ಕಿ ಭಿಗಡ್ಲೆಲ್ಲೆ ಪ್ರಾಯೆಸ್ತ್ ಸಬಾರ್ ಆಸಾತ್. ಗ್ಲಾಕೋಮಾ ತಸಲಿ ದೊಳ್ಯಾಂಚಿ ಪಿಡಾ ಆಸ್ಚಾ ಪ್ರಾಯೆಸ್ತಾನಿಂ ಮೊಬೈಲಾಚೊ ಸಹವಾಸ್ ಸೊಡ್ಲ್ಯಾರಚ್ ಬರೊ. ಸಗ್ಳೊ ವೇಳ್ ತಾಂಚೆ'ತ್ಲ್ಯಾಕ್ ಹಾಂತುಳ್ನಾರಚ್ ದೀಸ್ ಪಾಶಾರ್ ಕರ್ಚಾ ಪ್ರಾಯೆಸ್ತಾಂಕ್ ವೇಳ್ ಪಾಶಾರ್ ಕರುಂಕ್ ಮೊಬೈಲ್ ಏಕ್ ಅವ್ವಲ್ ಸಾಧನಂಚ್ ಮ್ಹಣ್ಯೆತ್. ಮೊಬೈಲಾಂ ಖರ್ಯಾನ್ ಪ್ರಾಯೆಸ್ತಾಂಚೊ ಸಾಂಗಾತಿ ಜಾಲ್ಯಾರ್ ಬೋವ್ ಬರೆಂಚ್. ಪುಣ್ ತಾಚೊ ವಾಪಾರ್ ಮೀತಿ ಭಿತೆರಚ್ ಆಸ್ಲ್ಯಾರ್ ಬರೊ. ಆಪ್ಲಿಂ ಸದಾಂಚಿ ಕಾಮಾಂ ಸೊಡ್ನ್ ಹಾಚೊ ಗುಲಾಮ್ ಜಾಲ್ಯಾರ್ ಮಾತ್ರ್ ಅಪಾಯ್ ಚುಕಲ್ಲೊ ನಾ.
Tags:
Parents with smart phone, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.