web analytics

From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್

Monday, June 25, 2018  /  By Admin

ಭುರ್ಗ್ಯಾಪಣಾರ್ ಪಳೆಯಿಲ್ಲೊ ಉಡಾಸ್. ಗಾಂವ್ ಮ್ಹಳ್ಯಾ ಉಪ್ರಾಂತ್ ಎಕ್ಲೊ ಪಿಸೊ ಆಸಾಜಾಯಿಚ್ ಆಸ್‌ಲ್ಲೊ. ತೊ ಮಾನಸಿಕ್ ಅಸ್ವಸ್ಥ್ ತರೀ, ತೊ ಮ್ಹನ್ಶಾ ವಿರೋಧಿಗೀ, ಕ್ರೂರಿಗೀ ವ ವಿಕೃತ್ ಜಾವ್ನಸಾಜೆ ಮ್ಹಣ್ ಕಾಂಯ್ ನಾ. ತ್ಯಾ ಪಿಸ್ಯಾ ಲಾಗ್ಗಿಂ ಕೆದ್ನಾಂಯ್ ಏಕ್ ಸುವಿ ಆನಿ ಸುತ್ ಆಸ್ತಾಲೆಂ. ರಂಗ್ ಮಾಜ್ವಾಲ್ಲ್ಯಾ ತಾಚಾ ಪರ್ನ್ಯಾ ಖೊಮಿಸಾರ್ ಶೆಂಭರೋಂ ಪಾತ್ತೆ. ಟೈಲರಾನ್ ನಾಕಾ ಮ್ಹಣೊನ್ ಕಾತರ್ನ್ ಉಡಯಿಲ್ಲೆ ರಂಗ್ ರಂಗೀನ್ ಲುಗ್ಟಾ ಕುಡ್ಕೆ ತಾಚಾ ಖೊಮಿಸಾಕ್ ಪಾತ್ತೆ ಜಾತಾಲೆ. ಟಾರ್ಪಲಾ ಬರಿಂ ದಿಸ್ಚಾ ತಾಚಾ ಪರ್ನ್ಯಾ ಖೊಮಿಸಾಕ್ ಬಣಾಬಣಾಚೆ ಪಾತ್ತೆ ಆಧುನಿಕ್ ಸ್ಪರ್ಶ್ ದಿತಾಲೆ: ಕೊಟನ್, ಸ್ಪನ್ನ್, ಪೊಲಿಯೆಸ್ಟರ್ ಇತ್ಯಾದಿ.
ತೊ ಮಾನಸಿಕ್ ಜಾವ್ನ್ ಸಾರ್ಕೊ ನಾತ್‌ಲ್ಲೊ ಮ್ಹಣ್ ತಾಕಾ ಕೊಣೀ ಫೇಶನಾಂಚೊ ರಾಯ್ಭಾರಿ ಮ್ಹಣೊನ್ ಅಪಯ್ನಾತ್‌ಲ್ಲೆ. ಆಮಿಂ ಇತಿಹಾಸಾಚಿಂ ಪಾನಾಂ ಪರ್ತುನ್ ಪ್ರತಿ ಸಂಸ್ಕೃತಿಚಿಂ (Counter Culture) ಪಾಳಾಂ ಉಸ್ತುಂಕ್ ಗೆಲ್ಯಾರ್ ಅಸಲೆಂಚ್ ವಸ್ತ್ರಾ ವಿಲಕ್ಷಣಾಚೆ ಫಾಂಟೆ ದಿಸೊನ್ ಯೆತಾತ್. ಕೋಣ್, ಸಮಾಜೆನ್ ವಪ್ವೊನ್ ಘೆತ್ಲೆಲ್ಯಾ ನ್ಹೆಸ್ಪಾ ವಿರುಧ್ ನ್ಹೆಸ್ತಾಗೀ ತಾಕಾ ವಿಲಕ್ಷಣ್ ನ್ಹೆಸ್ಪಾಚೊ ಮ್ಹಣೊನ್ ವೊಲಾಯ್ತಾಲೆ.

ಆತಾಂಚಿ ಜೀನ್ ನ್ಹೆಸ್ಣಾ ಪಳೆತಾನಾ, ಆದ್ಲೆ ವಿಲಕ್ಷಣ್ ನ್ಹೆಸ್ಪಾಚೆ ಮ್ಹನಿಸ್ ದೊಳ್ಯಾಂ ಮುಕಾರ್ ಪಾಶಾರ್ ಜಾತಾತ್. ಪೇಂಯ್ಟರ್ ತಸಲ್ಯಾ ಶ್ರಮ್ ಜೀವಿಂಕ್ ಮ್ಹಣೊನ್ ತಯಾರ್ ಕೆಲ್ಲಿಂ ಜೀನ್ಸ್ ಪೇಂಟಾ ತಶೆಂ ಜಾಕೆಟಿ ಎಕಾ ಉಳ್ಟ್ಯಾ ಸಂಸ್ಕೃತಿಚೆಂ ರೂಪಕ್ ಜಾವ್ನ್ ಆಧುನಿಕ್ ಕಾಳಾರ್ ಬದ್ಲೊನ್ ಗೆಲಿಂ. ಆದಿಂ ಜೀನ್ಸ್ ಪೆಂಟಾ, ಜಾಕೆಟಿ ಪಿಂಜುನ್ ವೆಚೆ ಪರ್ಯಾಂತ್ ನ್ಹೆಸ್ತಾಲೆ. ಪುಣ್ ಆತಾಂ, ಪಿಂಜ್ ಲ್ಲೆಂ ನ್ಹೆಸ್ಚೆಂಚ್ ಫ್ಯಾಶನ್. ಪೆಂಟಾ, ಜಾಕೆಟಿ ಖಂಯ್ ಖಂಯ್ ಪಿಂಜುನ್ ಆಸ್ಲ್ಯಾರ್ ಸೊಬಾಯ್ ಮ್ಹಣೊನ್ ನಿರ್ಧಾರ್ ಘೆಂವ್ಚೆಚ್ ವಿಶೇಸ್ ಫ್ಯಾಶನ್ ಪಂಡಿತ್ ಆಸಾತ್. ಹಾಂತು 'ಸೆಕ್ಸ್ ಅಪೀಲ್' ಮ್ಹಳ್ಳೆಂ ಏಕ್ ನವೆಂ ತತ್ವ್ ಅಟಾಪುನ್ ಆಸಾ ಖಂಯ್. ಡೆನಿಮ್ ನ್ಹೆಸ್ಣಾಂಕ್ ಮಾರ್ಕೆಟಿಂಗ್ ಕರ್ತೆಲೆ ಅಸಲ್ಯಾ ಪಂಡಿತಾಂಕ್ ವ ವಿನ್ಯಾಸ್ ಕಾರಾಂಕ್ ಪೊಸುನ್ ಆಸ್ತಾತ್.

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್ ಆತಾಂಚಾ ಕಾಳಾಚೆಂ ಫೇಶನ್. ಪಯ್ಲೆಂ, ನ್ಹೆಸ್ಣಾರ್ ದೊಂಪ್ಳೊ ಜಾಲ್ಯಾರ್, ಪಿಂಜ್ಲ್ಯಾರ್ ತೊ ಧಾಂಪುಂಕ್ ತ್ಯಾ ಜಾಗ್ಯಾರ್ ಫುಲ್ ಶಿಂವೊನ್ ಗೀ ದುಸ್ರೆ ಖಂಚೇಯ್ ರಿತಿನ್ ಕಳಾನಾತ್ಲೆ ಬರಿಂ ಪಳೆವ್ನ್ ಘೆತೆಲ್ಯಾಂವ್. ಪುಣ್ ಆತಾಂ ಪಾತ್ತೆ ಲಾಗಯ್ಲೆಂ ಜೀನ್ಸ್ ಚ್ ಅಂಗ್ಡಿ ಥಾವ್ನ್ ಚಡ್ತಿಕ್ ಮೋಲ್ ದೀವ್ನ್ ಘೆವ್ನ್ ಯೆತಾಂವ್. ಚಡ್ ಪಾತ್ತೆ ಲಾಗಾಯಿಲ್ಲೆ ತಿತ್ಲೆ ಬರೆಂ!

ಅಮೆರಿಕಾಚಾ ವಿಯೆಟ್ನಾಂ ಧೊರಣಾ ಆನಿ ಝಜಾ ವಿರುಧ್ 1960 ವ್ಯಾ ಧಾಕ್ಡ್ಯಾಂತ್ ಥೈಂಚಾ ಯುವಜನಾಂಗಾನ್ ಪಾತ್ತೆ ಘಾಲ್ಲಿಂ ವಸ್ತ್ರಾಂ ನ್ಹೆಸೊಂಕ್ ಸುರು ಕೆಲಿಂ. ಸೂಟ್ ಬೂಟ್ ನ್ಹೆಸ್ಲೆಲ್ಯಾಂಚಾ ಕಠೋರ್ ಮನಾಂಕ್ ಧಿಕ್ಕರುಂಕ್ ಪ್ರತಿಭಟನ್ ಜಾವ್ನ್ ಕಿರ್ಲಾಲ್ಲಿ ಹಿ ಪ್ರತಿ ಸಂಸ್ಕೃತಿ.

ಹಿಪ್ಪಿಂಕ್ ಸಯ್ತ್ ಔಪಾಚಾರಿಕ್ ಪಾಶ್ಚಾತ್ ನ್ಹೆಸ್ಣಾ ವಿನ್ಯಾಸ್ ಬರೆಂ ಲಾಗ್ಲೆಂ ನಾ. ತಾಂಕಾ ತೆಂ ಕ್ರೂರ್ ಮನಸ್ಥಿತಿಚೆಂ ಭಾಯ್ಲೆಂ ರೂಪ್ ಕಶೆಂ ಭಗುಂಕ್ ಲಾಗ್ಲೆಂ. ದೆಕುನ್ ತಾಣಿ ನ್ಹೆಸ್ಣಾಂಚೆರ್ ಗುಲೊಬಾಚಿಂ ಪಿಂತುರಾಂ ಆಸ್ಚೆ ಪಾತ್ತೆ ಘಾಲುಂಕ್ ಸುರು ಕೆಲೆ. ಶಾಂತಿ ಪಾಚಾರ್ಚೆ ಸಂಕೇತ್, ಚಿತ್ರಾಂ ನ್ಹೆಸ್ಣಾಂಚೆರ್ ಸುಟಂವ್ಕ್ ಸುರು ಕೆಲೆಂ. ಆಧುನಿಕ್ ಪಿಂತುರಾಂಕ್ ನ್ಹೆಸಾಣ್ ಚ್ ಕೆನ್ವಾಸ್ ಕೆಲೆಂ. ಅಶೆಂ, ವಿಯೆಟ್ನಾಂ ಝಜಾಕ್ ಪ್ರತಿರೋಧ್ ಜಾವ್ನ್ ಜಲ್ಮಾಲ್ಲಿ ಪಾತ್ತ್ಯಾಂಚಿ ಸಂಸ್ಕೃತಿ, ಹಿಪ್ಪಿಂಕ್ ಲಾಗೊನ್ ತಿಂ ಗೆಲ್ಲೆ ಗೆಲ್ಲ್ಯಾ ಜಾಗ್ಯಾಂನಿ ಪ್ರತಿಭಟನಾಚೆಂ ನ್ಹೆಸಾಣ್ ತಶೆಂ ಫ್ಯಾಶನ್ ಜಾವ್ನ್ ಸಂಸಾರ್ ಭರ್ ವಿಸ್ತಾರ್ಲೆಂ. ಯುವಜನಾಂಗಾಕ್ ತುರಂತ್ ಆಕರ್ಸುಂಚೆ ವಿವಿಧ್ ರಂಗ್, ಅಸಾಂಪ್ರಾದಾಯಿಕ್ ವಿನ್ಯಾಸ್, ಫ್ಯಾಶನ್ ವಿನ್ಯಾಸ್ ಕಾರಾಂಕ್ ಯೀ ವೆಗ್ಗಿಂಚ್ ಆಕರ್ಶಿತಾ. ನವ್ಯಾ ವಿನ್ಯಾಸಾಚಾ ವಸ್ತ್ರಾಂಕ್ ಯುವಜನಾಂಗಚ್ ತಾಂಚೆ ಪ್ರಮುಖ್ ಗಿರಾಯ್ಕ್. ತರ್ನಾಟ್ಯಾಂಚೆ ಫ್ಯಾಶನ್ ಭುರ್ಗ್ಯಾಂಕೀ ಪಸಂದ್ ಜಾತಾ. ಯುವ ಚಿಂತ್ಪಾಚೆ ಪ್ರಾಯೆಸ್ತ್ ಸಯ್ತ್, ತಾಂಚೆ ಮಾನಸಿಕ್ ತರ್ನಾಟ್ಪೊಣ್ ರಾಕೊನ್ ವ್ಹರುಂಕ್ ಅಸಲೆಂ ವಿನ್ಯಾಸ್ ಖುಶೇನ್ ವಾಪಾರ್ತಾತ್.

ಪಾತ್ತ್ಯಾಚಿಂ ನ್ಹೆಸ್ಣಾಂ ಏಕ್ ಪ್ರತಿ ಸಂಸ್ಕೃತಿಚಾ ಸ್ತರಾರ್ ಚ್ ಉರ್ಲಿ ನಾಂತ್. ಪಾಚ್ವಾ ರಂಗಾಚಾ ಜೀನ್ಸಾಂ ವಯ್ರ್ ಅಮೆರಿಕನ್ ಮಿಲಿಟ್ರಿಚಾ ಸಮವಸ್ತ್ರಾಚೆ ಪಾತ್ತ್ಯಾ ಕುಡ್ಕೆ ಶಾಂತಿ ಮಂತ್ರ್ ಜಾವ್ನ್ ಚಿಡ್ಕಾಯಿಲ್ಲ್ಯಾ ತರ್ನಾಟ್ಯಾಂಕ್ ಮುಕಾರ್ ಹೆಂ ಫ್ಯಾಶನ್ ಸಂಸಾರಾಕ್ ಏಕ್ ವಸ್ತ್ ಜಾಂವ್ಕ್ ಪುರೊ ಮ್ಹಳ್ಳೆಂ ಕಲ್ಪನ್ ಯೀ ನಾತ್‌ಲ್ಲೆಂ ಕೊಣ್ಣಾ!

1970-1980 ಮಧ್ಲ್ಯಾ ಧಾಕ್ಡ್ಯಾಂತ್ ಅಮೆರಿಕಾಚೆ ತರ್ನಾಟೆ ಆನಿಕ್ ಯೀ ಏಕ್ ಮೇಟ್ ಮುಕಾರ್ ಗೆಲೆ. ಸಾಂಪ್ರಾದಾಯಿಕ್ ಫ್ಯಾಶನ್ ನೆಗಾರುಂಕ್ ತಾಣಿ ಪ್ರತಿ ಸಂಸ್ಕೃತಿಕ್ ವಾಪಾರ್ಲೆಂ. ಹಾಚೆ ಆದಿಂ ಜೀನ್ಸಾ ವಯ್ರ್ ಲಾಯಿಲ್ಲಿಂ ಶಾಂತಿ ಸಂದೇಶ್ ತಾಂಕಾ ಕಿತ್ಲ್ಯಾ ಮಟ್ಟಾಕ್ ಸಮ್ಜಲ್ಲೆಗೀ, ತ್ಯಾ ಜಾಗ್ಯಾರ್ ತಾಣಿ ಆತಾಂ ತಾಂಚಾ ಸಂಗೀತ್ ಬ್ಯಾಂಡಾಂಚಿ ನಾಂವಾ ಛಾಪುಂಕ್ ಸುರು ಕೆಲೆಂ. ಫಿಲ್ಮ್ ನಟ್ ನಟಿಂಚಿ ಚಿತ್ರಾಂ ಲಾವಯ್ಲಿಂ. ಮೊಗಾಚೆ ಸಂದೇಶ್ ಛಾಪುಂಕ್ ಸುರು ಕೆಲ್ಲೆ ಪಳೆವ್ನ್ ಸಂಪ್ರದಾಯ್ ವಾದಿ ಹಾಸೊಂಕ್ ಲಾಗ್ಲೆ. ಸಾಂಪ್ರಾದಾಯಿಕ್ ಫ್ಯಾಶನ್ ಧಿಕ್ಕರ್ಸಿಲ್ಲ್ಯಾ ಹಾಕಾ 'ಪಂಕ್ (punk) ಚಳ್ವಳ್ ' ಮ್ಹಣೊನ್ ವೊಲಾಯ್ಲೆಂ. ತರೀ, ಹಾಚೆ ವಿರೋಧಿ ಹಾಕಾ ಪಾತ್ತ್ಯಾಂಚಿ ಚಳ್ವಳಚ್ ಮ್ಹಣ್ ಖೆಳ್ಕುಳಾಂ ಕರ್ತಾಲೆ.

ಮಾರ್ಕ್ ಜೇಕಬ್ಸ್, ಗುಸ್ಸಿ ತಸಲೆ ಅಂತರಾಷ್ಟ್ರೀಯ್ ವಿನ್ಯಾಸ್ ಕಾರ್ ದೋನ್ ವರ್ಸಾಂ ಥಾವ್ನ್ ಪಾತ್ತ್ಯಾ ವಿನ್ಯಾಸಾಚಿಂ ನ್ಹೆಸ್ಣಾಂ, ಬೆಗಾಂ ಆನಿ ಹಾತಾಕ್ ಬಾಂಧ್ಚಿಂ ಬ್ಯಾಂಡಾ ಮಾರ್ಕೆಟಿಂತ್ ಘಾಲ್ತೇ ಆಸಾತ್. ಪಯ್ಲೆ ಪಾವ್ಟಿಂ ಹ್ಯೊ ವಸ್ತು ಮಾರ್ಕೆಟಿಕ್ ಘಾಲ್ತಾನಾ 'ಗುಸ್ಸಿ' ಚೊ ಸೃಜನ್ ಶೀಳ್ ವಿನ್ಯಾಸ್ ಕಾರ್ ಅಲೆಕ್ಸಾಂಡರ್ ಮೈಕಲಾನ್ ಮ್ಹಳ್ಳೆಂ: "ಪರ್ನೆಂ, ಭಾಂಗಾರಾಕ್ ಸಮಾ ಮ್ಹಣ್ತಾತ್. ಪಾತ್ತ್ಯಾಂಚಾ ವಸ್ತ್ರಾಂ ವಿಶ್ಯಾಂತ್ ಹೆಂ ಖರೆಂಚ್ ಸತ್. ಧಶಕಾಂ ಆಧಿಂ ಝಜಾ ವಿರೋಧಿ ಚಳ್ವಳೆಂತ್ ಪಾತ್ತ್ಯಾಂಚಾ ನ್ಹೆಸ್ಣಾಂಕ್ ವಿಶೇಸ್ ಸ್ಥಾನ್ ಮಾನ್ ಆಸಾ. ತರ್ನಾಟ್ಯಾಂಕ್ ಆಪ್ಲೆಂ ಆಸ್ತಿತ್ವ್, ಅಭಿಪ್ರಾಯ್ ದಾಕಂವ್ಚೆ ತಸಲೆಂ ಮಾಧ್ಯಮ್ ಜಾವ್ನ್ ಉಪ್ಕಾರಾಕ್ ಪಡ್ಲಾಂ. ಆತಾಂಯ್ ತಾತ್ವಿಕ್ ಭಿನ್ನ್ ಅಭಿಪ್ರಾಯ್ ಆಸಾಚ್. ನವ್ಯಾ ಫ್ಯಾಶನಾಚಾ ಸೊಧಾಂತ್ ಹಾಕಾ ಜವಾಬ್ ಜಾವ್ನ್ ಪಾತ್ತ್ಯಾಂಚೆ ಜೀನ್ಸ್  ತಶೆಂ ಬೆಗಾಂ ಚಲಾವಣೆರ್ ಹಾಡ್ತೇ ಆಸಾಂವ್." ತಾಚಾ ಉತ್ರಾಂನಿ ಝಜಾ ವಿರೋಧಿ ವ, 'ಪಂಕ್' ಸಂಸ್ಕೃತಿ' ಮ್ಹಳ್ಳ್ಯಾ ಉತ್ರಾಂಚೊ ಉಲ್ಲೇಕ್ ಬಿಲ್ಕುಲ್ ನಾ ಮ್ಹಳ್ಳೆಂ ತುಮ್ಚಾ ಗುಮಾನಾಕ್ ಆಯ್ಲಾಂ'ಸ್ತಾಲೆಂ.

1870 ತ್ ಜರ್ಮನಿಚಾ ಲೊಯೆಬ್ ಸ್ಟ್ರಾಸ್ ಹಾಣೆ ಜೀನ್ಸ್ ಜವ್ಳೆಚೊ ವಿನ್ಯಾಸ್ ಕೆಲ್ಲೊ ಮ್ಹಣ್ ಫ್ಯಾಶನ್ ಇತಿಹಾಸ್ ಕಳಯ್ತಾ. ಲೊಯೆಬಾನ್ ತಾಚೆಂ ನಾಂವ್ ಲೀವೈ ಮ್ಹಣೊನ್ ಬದ್ಲಿಂ ಕೆಲೆಂ ಖಂಯ್. ಆತಾಂಯ್ ಲೀವೈಚಿ ಕಂಪೆನಿ 'ಲೀವೈಸ್' ನಾಂವಾನ್ ಆಪ್ಲಿ ಜೀನ್ಸ್ ಜವ್ಳಿ ವಿಕುನ್ ಆಸಾ ತಶೆಂಚ್ ಪಾತ್ತ್ಯಾಂಚಾ ಜೀನ್ಸ್ ಮಾರ್ಕೆಟಿಕ್ ಆಪ್ಲೆಂಯ್ ಯೋಗ್ ದಾನ್ ದಿತೇ ಆಸಾ. ಥೊಡ್ಯಾ ದಶಕಾಂ ಆಧಿಂ ರಾಜ್ ಕುಮಾರಾಚಾ ಕಸಲ್ಯಾಗಿ ಪಿಂತುರಾಚೆಂ 'ಸ್ಟಿಲ್' ಆಂಗಾ ವಯ್ರ್ ಚಿಡ್ಕಾವ್ನ್ ಭಂವ್ಲೆಲ್ಯಾ ಅಭಿಮಾನಿಂಕ್ ಆಮಿಂ ಪಳೆಲ್ಲೆಂ. ವಿಷ್ಣುವರ್ಧನಾಚೆಂ 'ಸಾಹಸ ಸಿಂಹ' ಅಪುಣಂಚ್ ಮ್ಹಣೊನ್ ಹರ್ಧ್ಯಾರ್ ಛಾಪುನ್ ಭಂವಲ್ಲ್ಯಾ ಅಭಿಮಾನಿಂಕ್ ಯೀ ಆಮಿಂ ಪಳೆಲಾಂ. 'ಜೋಗಿ' ಸಿನೆಮಾಂತ್ ಶಿವರಾಜಕುಮಾರ್ ಹಾಚಾ ಖೊಮಿಸಾರ್ ಆಸ್ಲೆಲ್ಯಾ 'ಹಾತ್ ಥಳಾ' ಚೆಂ ಪಿಂತುರ್ ತ್ಯಾ ಕಾಳಾರ್ 'ಜೋಗಿ ಶರ್ಟ್' ಮ್ಹಣೊನ್ ಮಾರ್ಕೆಟಿಕ್ ಪಡಲ್ಲೆಂ ತುಮ್ಕಾಂ ಉಗ್ಡಾಸ್ ಆಸೊಂಕ್ ಪುರೊ.. ತಶೆಂಚ್ ನಟ್ ಉಪೇಂದ್ರಾನ್ ಯೀ ಆಪ್ಲೆಂಚ್ ಚಿತ್ರ್ ಟೀ ಶರ್ಟಾರ್ ಛಾಪುನ್ ಭಂವಲ್ಲೆಂ 'ಪ್ರತಿ ಸಂಸ್ಕೃತಿ' ಚ್ ಝಳಕ್ ನ್ಹಯ್'ಸ್ತಾಂ ಕಿತೆಂ? ಹಾಂಕಾ ಖಂಡಿತ್ ದೇಶೀ ಪ್ರತಿಸಂಸ್ಕೃತಿ ಮ್ಹಣ್ಯೆತ್!

ಆತಾಂಯ್ ಪಾತ್ತ್ಯಾ ಪಾತ್ತ್ಯಾಚಿಂ ಜೀನ್ಸ್ ನ್ಹೆಸಲ್ಲಿಂ ತರ್ನಾಟಿ ಪಳೆಂವ್ಕ್ ಮೆಳ್ತಾತ್. ತ್ಯಾ ಪಾತ್ತ್ಯಾನಿಂ ಗುಲೊಬ್, ತಾಂಚಾ ಮೊಗಾಚಾಂಚಿ ನಾಂವಾ ಆಸಾತ್, ಫೊಟೊ ಆಸಾತ್, ಕೊಣಾಕಿ ಸಮ್ಜನಾತ್‌ಲ್ಲ್ಯಾ ಭಾಷೆಚೆ ಸಂದೇಶಾಂಚೊ ವೊಳಿ ಆಸಾತ್. ಸಮ್ಜತೆಲ್ಯಾಂಕ್ ಪಾವ್ಲ್ಯಾರ್ ಪುರೊ ಮ್ಹಳ್ಳಿ ನಿರೀಕ್ಷಾ ಯೀ ಆಸಾ. ಜಲ್ಮಾ ದಿಸಾಕ್ ಪಾತ್ತ್ಯಾಂ ವಯ್ರ್ ಸಾಹಿತಿಕ್ ಸಂದೇಶ್ ಛಾಪುನ್ ಕಾಣಿಕ್ ದಿಂವ್ಚಾ ಆಧುನಿಕ್ ಕಾಳಾಚಾ ತರ್ನಾಟ್ಯಾಕ್ ಪ್ರತಿಸಂಸ್ಕೃತೆಚಾ ಪಾಳಾಂಚೊ ಜೋಪ್ ಪುಣಿ ಆಸಾ ಗೀ ನಾ ಕಳಿತ್ ನಾ. ಪುಣ್ ಪಾತ್ತೆ ಮಾತ್ರ್ ಹಾಸೊನಂಚ್ ಆಸಾತ್!

Tags:  Patch Jeans, Konkani, Mangalore, Mangalorean, Mother Tongue

0 Comment/s.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :


Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE