From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್
Sunday, May 6, 2018
ಆಜ್‌ಕಾಲ್ ಟೆನ್ಶನ್ ಸಾಮಾನ್ಯ್ ಜಾವ್ನ್ ಗೆಲಾ... ಟೆನ್ಶನ್ ನಾತ್‌ಲ್ಲಿಂ ಭಾರಿಚ್ ಉಣೆ... ತಶೆಂ ಮ್ಹಣೊನ್, ಟೆನ್ಶನ್‌ಚ್ ಜೀವನ್ ಜಾಂವ್ಕ್ ನಜೊ, ಜೀವನಾಂತ್ ಇಲ್ಲೆಂ ಟೆನ್ಶನ್ ಆಸೊಂಕ್ ಜಾಯ್. ಟೆನ್ಶನ್ ವಿಶಿಂ ಟೆನ್ಶನ್ ಕರುಂಕ್ ನಜೊ. ಸಂಸಾರ್‌ ಭರ್ ವಿಸ್ತಾರೊನ್ ಗೆಲ್ಲ್ಯಾ ಹ್ಯೆ ದಿಸಾನಾತ್‌ಲ್ಲ್ಯಾ ಪಿಡೆ ವಿಶಿಂ ಸಬಾರಾಂಣಿ ಉಪಾವ್ ಸೊಧುನ್ ಕಾಡ್ಲ್ಯಾಂತ್. ಹಾಂತುನ್ ಥಾವ್ನ್ ಟೆನ್ಶನ್ ನಪಂಯ್ಚ್ ಜಾತಾ ಮ್ಹಣ್ ನ್ಹಂಯ್, ಪುಣ್ ಉಣೆಂ ಖಂಡಿತ್ ಕರ್ಯೆತಾ. ಥೊಡ್ಯೊ ಆಲೋಚನ್ಯೊ ವಾಚ್ಪ್ಯಾಂಕ್ ಆಮಿಂ ಸಕಯ್ಲ್ ದಿಲ್ಯಾಂತ್.
ಮನ ಶಾಸ್ತ್ರಜ್ಞ್ ಆಮ್ಚ್ಯೊ ಮಾನಸಿಕ್ ಪಿಡಾ ಗೂಣ್ ಕರ್ತಾಂವ್‌ಚ್ ಮ್ಹಣೊನ್ ಕಸಲಿಚ್ ಖಾತ್ರಿ ದೀ ನಾಂತ್... ತರೀ, ತಾಣಿ ದಿಲ್ಲಿಂ ಸುಚನಾಂ ಪಾಳುನ್ ಆಯ್ಲ್ಯಾರ್ ಮಾನಸಿಕ್ ಪಿಡಾ ಥೊಡ್ಯಾ ಮಟ್ಟಾಕ್ ಪುಣೀ ಪಯ್ಸ್ ಕರ್ನ್ ಘೆವ್ಯೆತಾ.
ಬೋವ್ ಹುಶ್ಯಾರ್ ಕಾಳ್ಜಾ ತಜ್ಞಾನ್ ಕಾಳ್ಜಾಘಾತಾನ್ ಮೊರ್ಚೆಂ, ತಶೆಂಚ್ ಕಿಡ್ನಿ ಸ್ಪೆಶಲಿಸ್ಟಾನ್ ಕಿಡ್ನೆಚಾ ಪಿಡೆನ್ ವಳ್ವಳ್ಚೆಂ ವಿಶೇಸ್ ನ್ಹಯ್ ಮ್ಹಳ್ಳೆ ಬರಿಂ ಮಾನಸಿಕ್ ತಜ್ಞಾಕ್‌ಯೀ ತಾಚೆಚ್ ಮ್ಹಳ್ಳೆ. ದಬಾವ್ ಆಸ್ತಾತ್. ತಸಲೆ ಮಾನಸಿಕ್ ದಬಾವ್ ಉಣೆ ಕರುಂಕ್ ತಾಣಿಂಚ್ ಸುಚಯಿಲ್ಲೆ ಹೆ ಉಪಾಯ್ ಪಾಳುನ್ ಆಯ್ಲ್ಯಾರ್ ತುಮ್ಚಾ ಮಾನಸಿಕ್ ದಬಾವಾಂ ಥಾವ್ನ್ ಜರೂರ್ ವೆಗ್ಗಿಂಚ್ ಭಾಯ್ರ್ ಯೆತೆಲ್ಯಾತ್.
1) ತುಮ್ಚಾ ಮತಿ ಭಿತೆರ್ಲೆಂ ಬರವ್ನ್ ದವರಾ :
ಜೊನ್ ಡಫಿ ಮ್ಹಳ್ಳೊ ಮಾನಸಿಕ್ ತಜ್ಞ್ ಅಶೆಂ ಮ್ಹಣ್ತಾ, 'ಮ್ಹಜೆ ಭಿತೆರ್ಲೊ ದಬಾವ್ ಉಣೊ ಕರುಂಕ್ ಹಾಂವ್ ತೆದ್ನಾ ತೆದ್ನಾ ಬರವ್ನ್ ದವರ್ತಾಂ. ಮ್ಹಜಿಂ ದಿಸ್ಪಟಿಂ ಕಾಮಾಂ, ಮ್ಹಜ್ಯೊ ಆಲೋಚನೊಂ, ವೆವೆಗ್ಳೆ ಸಂದರ್ಭ್, ದುಸ್ರ್ಯಾಂ ಮಧ್ಲೆ ಮ್ಹಜೆ ಸಂಬಂಧ್ ಜಾವ್ನಾಸ್ಯೆತ್... ಹೆಂ ಸಗ್ಳೆಂ ಬರವ್ನ್ ದವರ್ನ್ ತಾಂಕಾ ಏಕ್ ರೂಪ್ ದೀವ್ನ್ ಕಾರ್ಯರೂಪಾಕ್ ಹಾಡುಂಕ್ ಹಾಂವ್ ಪ್ರಯತನ್ ಕರ್ತಾಂ. ಹಾಂವ್ ಹ್ಯಾ ಕಾಮಾಂತ್ ವೆಸ್ತ್ ಜಾವ್ನಾಸ್ತಾನಾ ಮ್ಹಜೆ ಭಿತೆರ್ ದಬಾವ್ ಆಸಾ ಮ್ಹಳ್ಳೆಂಚ್ ಹಾಂವ್ ವಿಸ್ರೊನ್ ವೆತಾಂ. ಸಮಸ್ಯಾ ಆಸ್ಲ್ಯಾರ್'ನೇ ದಬಾವ್ ಸುರು ಜಾಂವ್ಚೊ? ಆಮಿಂ ಕಾರ್ಯಾರೂಪಾಕ್ ಹಾಡ್ಚಾ ವೆವಸ್ತೆಂತ್‌ಚ್ ಆಮ್ಚಾ ದಬಾವಾಕ್ ಪರಿಹಾರ್ ಆಸ್ತಾ. ಸಕ್ಕಡ್ ಕಾಮಾಂ ತಿರ್ಸಲ್ಯಾ ನಂತರ್, ಸರ್ವ್ ವಿಷಯ್ ಮ್ಹಜಾಚ್ ದಿಶ್ಟೆನ್ ತುಕುನ್ ಪಳೆಲ್ಯಾ ನಂತರಚ್ ಹಾಂವ್ ಅನ್ಭೋಗ್ ಜೊಡ್ತಾಂ.'
2) ನವೊಚ್ ಫ್ಹಳಾರ್, ಜ್ಹೆವಾಣ್ ತುಮಿಂಚ್ ರಾಂದುನ್ ಖೆಲ್ಯಾರ್? :
ಅಮೆರಿಕಾಚೊ ಮಾನಸಿಕ್ ತಜ್ಞ್ ಜೆಫ್ರಿ ಸಂಬರ್ ಮ್ಹಣ್ತಾ, 'ಹಾಂವ್ ದಬಾವಾಕ್ ಒಳಗ್ ಜಾಲ್ಲ್ಯಾ ವಗ್ತಾ ಖಾಂವ್ಕ್ ಸೊಧ್ತಾಂ! ತಶೆಂ ಮ್ಹಣೊನ್ ಹಾತಾಕ್ ಮೆಳ್ಳೆಲೆಂ ಪೂರಾ ಖಾಂವ್ಕ್ ಗೆಲ್ಯಾರ್ ಭಲಾಯ್ಕೆಕ್ ಬರೆಂ ನ್ಹಯ್ ಪಳೆಯಾ! ದೆಕುನ್ ಹಾಂವ್ ರಾಂದ್ವಾಯೆಂಚಾ ದುಕಾನಾಂಕ್ ವೆತಾಂ. ಎದೊಳ್ ಪರ್ಯಾಂತ್ ಹಾಂವೆ ಉಪ್ಯೆಗ್ ಕರಿನಾತ್ಲಿ ರಾಂದ್ವಯ್ ಮೊಲಾವ್ನ್ ಹಾಚೆ ಥಾವ್ನ್ ಕಶೆಂ ಪೂರಾ ರಾಂದ್ಯೆತ್ ಮ್ಹಣೊನ್ ಚಿಂತುನ್, ಬೋವ್ ಜಾಗ್ರುತ್ಕಾಯೆನ್, ನವ್ಯೊ ನವ್ಯೊ ರೆಸಿಪಿ ಸೊದುನ್ ಕಾಡ್ನ್ ರಾಂದ್ತಾಂ. ತಶೆಂಚ್ ತ್ಯೊ ಫೇಸ್ಬುಕಾರ್ ಚಡವ್ನ್ ಅಭಿಪ್ರಾಯೋ ಆಯ್ಕೊಂಕ್ ಆಶೆತಾಂ.'
3) ಕುಡಿ ಭಿತೆರ್ಲ್ಯೊ ಸರ್ವ್ ಮಾಸಾ ಪೇಶಿಯೊ ಏಕ್ ಪಾವ್ಟಿಂ ಅರ್ದುಂನ್ ಧರ್ನ್ ಸಡಿಳ್ ಕರ್ಚಿ ವಿದ್ಯಾ ಶಿಕಾ :
ಅಮೆರಿಕಾಚೊ ಮನಶಾಸ್ತ್ರಜ್ಞ್ ಕೆವಿನ ಛಾಪ್ಮನ್ ದಬಾವ್ ಚಡ್ ಜಾಲ್ಲೆ ವಗ್ತಾ, Progressive Muscle Relaxation ವಿಧಾನ್ ವಾಪಾರ್ತಾ ಖಂಯ್. ಹೆಂ ವಿಧಾನ್ 1920 ಇಸ್ವೆ ಥಾವ್ನಚ್ ಚಾಲ್ತೆರ್ ಆಸಾ.
ಉಡಾಸ್ ದವರಾ.. ತೀವ್ರ್ ಥರಾಚಾ ದಬಾವಾ ನಂತರ್ ವಿಶೆವ್ ರಾಕೊನ್ ಆಸ್ತಾ. ತುಮ್ಚೆ ಕುಡಿಂತ್ಲೆ ಸರ್ವ್ ಮಾಸ್ ಪೇಶಿ ಏಕ್ ಧಾ ಸೆಕುಂದಾ ಘಟ್ಟ್ ಕರ್ನ್ ಅಂರ್ದುನ್ ಧರಾ, ನಂತರ್ ಸುಮಾರ್ ವೀಸ್ ಸೆಕುಂದಾ ಗಾಢ್ ವಿಶೆವ್ ಜೊಡಾ.
ಆಮ್ಚಾ ಕುಡಿಂತ್ ಸುಮಾರ್ 600 ಮಾಸ್ ಪೇಶಿ ಆಸಾತ್ ಖಂಯ್. ಹ್ಯಾ ಸಕ್ಕಡ್ ಮಾಸ್ ಪೇಶಿಂಕ್ ಉತ್ತೇಜಿತ್ ಕರಿಜೆ ತರ್ ಸುಮಾರ್ 200 ಥರಾಂಚೆ ವ್ಯಾಯಾಮ್ ಆಸಾತ್ ಮ್ಹಣ್ತಾತ್ ಜಣಾರಿ.
4) ದಬಾವಾರ್ ಆಸ್ಲೆಲ್ಯಾ ವೆಳಿಂ ಬಿಲ್ಕುಲ್ ನಕಾರಾತ್ಮಕ್ ಚಿಂತಾಪ್ ನಾಕಾ :
ಸುಜಾನ್ನ್ ಕ್ರೊಸ್ ವೈಟ್ ಬೋರ್ನ್ ಮ್ಹಳ್ಲೆಲ್ಯಾ ಮನಶಾಸ್ತ್ರಜ್ಞ್ ಹಿಕಾ ಕೆದ್ನಾಂಚ್ ದಬಾವ್ ಧೊಸಿನಾತ್‌ಲ್ಲೊ ಖಂಯ್. ತಿಚೆ ಲಾಗ್ಗಿಂ ಆಸ್ಲೆಲ್ಯಾ ಎಕಾ ಮಂತ್ರ ವರ್ವಿಂ ದಬಾವ್ ತಿ ಪಯ್ಸ್ ಕರ್ತಾಲಿ. ಫಕತ್ ಎಕಾ ಸಕಾರಾತ್ಮಕ್ ವಾಕ್ಯಾನ್ ತಿ ದಬಾವಾಕ್ ಲಾಗ್ಗಿಂ ಯೇನಾಸ್ಲೆ ಬರಿಂ ಪಯ್ಸ್ ಕರ್ತಾಲಿ. ತಿಣೆ ಸಾಂಗ್ಚೆಂ ಪರ್ಮಾಣೆಂ, 'ಪ್ರಸ್ತುತ್ ಸಂದರ್ಭ್ ಬದ್ಲುಂಕ್ ಮ್ಹಜಾನ್ ಬಿಲ್ಕುಲ್ ಸಾಧ್ಯ್ ನಾ ಮೂ, ಪುಣ್ ಮ್ಹಜಿ ಪ್ರತಿಕ್ರಿಯಾ ಬದ್ಲುಂಕ್ ಬಿಲ್ಕುಲ್ ಸಕ್ತಾಂ. ತೆಂ ಮ್ಹಜೆರಚ್ ಆಸಾ!' ಕಿತ್ಲಿಂ ಸುಂದರ್ ಉತ್ರಾಂ!
5) ದಬಾವ್ ಭಗುಂಕ್ ಸುರು ಜಾಲ್ಲೆ ವಗ್ತಾ ಹಾತಾಕ್ ಏಕ್ ರಬ್ಬರ್ ಬೇಂಡ್ ಶಿರ್ಕಾವ್ನ್ ಚಿಕ್ಕೆ ವೋಡ್ನ್ ಸೊಡಾ! :
ಮಾರ್ಟಿನ್ ಸೇಲ್ಸಮನ್ ಮ್ಹಳ್ಳೆಲ್ಯಾ ಮನಶಾಸ್ತ್ರಜ್ಞಾಚಾ ಅಭಿಪ್ರಾಯೆ ಪರ್ಮಾಣೆಂ, 'ತುಮ್ಚೆ ಥೈಂ ಕಸಲ್ಯಾ ವಿಷಯಾಕ್ ಲಾಗೊನ್ ಕೆದ್ನಾ ಕೆದ್ನಾ ದಬಾವ್ ಸುರು ಜಾಂವ್ಚೆ ವಗ್ತಾ ವ್ಹಡ್ ಅವಾಜಾನ್ ತಾಳಿಯೊ ಪೆಟುನ್ ಜ್ಯೋರಾನ್ ಸಾಂಗಾ ಕೀ ತೊ ದಬಾವಾಚೊ ವಿಷಯ್ ಉಪ್ರಾಂತ್ ಪಳೆವ್ನ್ ಘೆತಾಂ. ನಾ ತರ್, ಏಕ್ ರಬ್ಬರ್ ಬೇಂಡ್ ಹಾತಾಕ್ ಶಿರ್ಕಾವ್ನ್ ಘೆಯಾ. ದಬಾವ್ ಭಗುಂಕ್ ಸುರು ಜಾಲ್ಲೆ ವಗ್ತಾ ತೆಂ ಚಿಕ್ಕೆ ವೊಡುನ್ ಸೊಡಾ. ತುಮ್ಕಾಂ ದುಕ್ತಾ. ದಬಾವ್‌ಯೀ ತಸೊಚ್. ಮತಿಕ್ ಘೆತ್ಲ್ಯಾರ್ ದುಕ್ತಾ. ತೊ ವಿಷಯ್ ಥೈಂಚ್ ಸೊಡ್ನ್ ದುಸ್ರೊ ಕಸಲೊಯ್ ಬರೊ ವಿಚಾರ್ ಮತಿಕ್ ಘೆಯಾ.'
6) ಟೆನ್ಶನ್ ಜಾಲ್ಲೆ ವಗ್ತಾ ರಿಲ್ಯಾಕ್ಸ್ ಜಾಂವ್ಕ್ ತುಮ್ಚಾ ಮೊಗಾಚೊ ಹವ್ಯಾಸ್ ವಿಂಚಾ :
ಆಮ್ಯಿ ಪ್ರೆಸ್ ವೊಸ್ಕ್ರಿ ಮ್ಹಳ್ಳೆಲ್ಯಾ ಮನಶಾಸ್ತ್ರಜ್ಞ ಪರ್ಮಾಣೆಂ, 'ತುಮ್ಕಾ ಕಸಲೆಂಯ್ ಕಾಮ್ ಕರ್ತಾನಾ ದಬಾವ್ ಜಾಂವ್ಕ್ ಸುರು ಜಾಲೊ ಮ್ಹಣ್ತಾನಾ ತೆಂ ಕಾಮ್ ಬಂಧ್ ಕರ್ನ್ ತುಮ್ಚಾ ಮೊಗಾಚೊ ಹವ್ಯಾಸ್ ಸುರು ಕರಾ. ತೊ ಬೂಕ್ ವಾಚ್ಚೆಂ ಜಾವ್ಯೆತ್, ಪಿತುರಾಂ ಸುಟಂವ್ಚೆ ಜಾವ್ಯೆತ್, ರಾಂದ್ಚೆ ಜಾವ್ಯೆತ್, ವ ಯೋಗ, ವ್ಯಾಯಾಮ್‌ಯೀ ಜಾವ್ಯೆತ್. ತಾಂತುನ್ ಕನಿಷ್ಟ್ ಏಕ್ ಘಂಟೊ ಪುಣಿ ವೆಸ್ತ್ ಜಾಯಾ. ಪರಿಣಾಮ್, ಕಾಮಾಚೆ ಉಪದ್ರ್, ಜವಬ್ದಾರಿ, ನಕರಾತ್ಮಕ್ ಚಿಂತ್ಪಾಂ ಸಕ್ಕಡ್ ತುಮ್ಚೆ ಥಾವ್ನ್ ಪಯ್ಸ್ ಜಾತಾತ್.'
7) ಟೆನ್ಶನ್ ಸುರು ಜಾಲ್ಲೆ ವಗ್ತಾ ವೊಂಠಾಚೆರ್ ಏಕ್ ಪಾವ್ಟಿಂ ಬೊಟಾನ್ ಪೊಶೆಯಾ :
ಟೆನ್ಶನ್ ನಿವ್ರಾಂವ್ಕ್ ಟೊನಿ ಬೆರ್ನಹಾರ್ಡ್ ಮ್ಹಳ್ಳ್ಯಾ ಮನಶಾಸ್ತ್ರಜ್ಞಾಚೊ ಏಕ್ ವಿಚಿತ್ರ್ ಉಪಾಯ್ ಅಸೊ ಆಸಾ, 'ತುಮ್ಕಾಂ ಟೆನ್ಶನ್ ಸುರು ಜಾಲ್ಲೆ ವಗ್ತಾ ತುಮ್ಚಾ ಬೊಟಾನ್ ವೊಂಠಾಚೆರ್ ಏಕ್ ಪಾವ್ಟಿಂ ಹಾಳೂ ಬೋಟ್ ಭಂವ್ಡಾಯಾ. ಅಶೆಂ ಕರ್ತಾನಾ 'ಪ್ಯಾರಾ ಸಿಂಪಥೆಟಿಕ್' ಮ್ಹಳ್ಳ್ಯೊ ಶಿರೊ ಕಾರ್ಯ್ ಪ್ರವೃತ್ತ್ ಜಾತಾತ್. ಹ್ಯಾ ವರ್ವಿಂ ತುಮ್ಕಾಂ ಸುಶೆಗಾಚೊ ಅನ್ಭೋಗ್ ಲಾಭ್ತಾ.'
8) ತುಮ್ಚಾ ಮತಿನ್ ಸಾಂಗ್‌ಲ್ಲೆ ಬರಿಂ ಕರಾ :
ಡೆಬೊರಾ ಸೆರೆನಿಯಾ ಹಿಚೆ ಫರ್ಮಾಣೆ, 'ತುಮ್ಕಾಂ ಕಿತೆಂ ಬರೆಂ ಲಾಗ್ತಾ ತೆಂಚ್ ಕರಾ. ದುಸ್ರ್ಯಾ ವಿಷಯಾಂಚೆರ್ ಚಿಂತಿನಾಕಾತ್. ಉದಾಹರಣಾಕ್, ಕಾರಾರ್ ವೆತಾನಾ ತುಮ್ಕಾಂ ರೊಕ್ ಸಂಗೀತ್ ಆಯ್ಕಾಜೆ ಮ್ಹಣ್ ಜಾಲ್ಯಾರ್ ತಶೆಂಚ್ ಕರಾ. ಬಾತ್ ಟಬ್ಬಾಂತ್ ಮಸ್ತು ವೇಳ್ ರಿಲ್ಯಾಕ್ಸ್ ಕರಿಜೆ ಮ್ಹಣ್ ಜಾಲ್ಯಾರ್ ತಶೆಂಚ್ ಕರಾ. ಕೆನ್ವಾಸಾಚೆರ್ ತುಮ್ಕಾಂ ಮತಿಕ್ ಆಯಿಲ್ಲೆಂ ಗಿಚ್ಚಿಯಾ. ಆಶೆಂಚ್ ಸಬಾರ್ ಉದಾಹರಣ್ ದಿವ್ಯೆತ್.'
ದಬಾವ್ ಕೊಣಾಕ್ ನಾ ಸಾಂಗಾ ಪಳೆಯಾ? ಸಕ್ಟಾಂಕ್ ಆಸಾ. ತಶೆಂ ಮ್ಹಣೊನ್ ತೆಂಚ್ ಜೀವನ್ ನ್ಹಯ್ ಪಳೆಯಾ. ದಬಾವ್ ದವರ್ನ್ ಘೆವ್ನ್ ಕಿತೆಂ ಸಾಧನ್ ಕರ್ತಾತ್ ?.... ಕಾಂಯ್ಚ್ ನಾ. ದೆಕುನ್, ವಯ್ಲ್ಯಾ ಉಪಯಾಂ ಪಯ್ಕಿ ಖಂಚೊಯ್ ವಾಪ್ರುನ್ ತುಮಿಂ ದಬಾವಾ ಥಾವ್ನ್ ಥೊಡಿ ಪುಣೀ ಮುಕ್ತಿ ಜೊಡ್ಯೆತ್.
Tags:
Tension, Workload, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
0 Comment/s.