:: ಮಾಯ್ ಭಾಸ್ - MAIBHAAS.COM - A Konkani Web Portal Never Ever Before::

1. ಪೇಟ್ ಕರ್‍ಚಾ ಯಜ್ಮಾನಿ, ಕಾಡ್ ಸಾಂತಾ ಖುರ್ಸಾಚಿ ಕುರ್, ಸಮೆಸ್ತ್ ಪರ್ಜೆಕ್ ಪಾವೊನ್, ಅದಿಕ್ ಊರ್.

2. ಜೆರುಜಲ್ಯಾ ಶಹರಾ, ಕರಾಡ್‌ಗೀ ತಣ್, ಜೆಜುನ್ ದಾಡ್ಲಾಂ ಮೆಣ್, ಪೆಟೆಕ್ ಉಜ್ವಾಡಾಕ್.

3. ಪೇಟ್‌ಚ್ ಕೆಲ್ಯಾ ನೆಂಟೆ, ಯಜ್ಮಾನಿನ್ ಜಾಂಟೆ, ಸೊಮಿಣಿ ತುಂ, ಮಾನಾಕ್ ಪಾಯ್(ತಿಚಿ ಜತನ್ ಕರ್).

4. ಹಾಡ್ಯಾ, ಹಾಡ್ಯಾ ನಿಸಣ್, ಕಾಡ್ಯಾ ಮುಡೆ, ಸಾಂ ಜುಜೆ ಬಾಪ್ ಯೆತಾ ಫುಡೆ, ಪೆಟೆಕ್ ಬೆಸಾಂವ್ ದೀಂವ್ಕ್.

5. ಪೇಟ್‌ಚ್ ಕೆಲ್ಯಾ, ಉಕ್ಡಿ ಸುರಯ್ ಖಾಲ್, ರುಜಾಯ್ ಮಾಯ್ ಯೆತಾ ಮ್ಹಾಲ್, ಪೆಟೆಕ್ ಬೆಸಾಂವ್ ದೀಂವ್ಕ್.

6. ಪೇಟ್‌ಚ್ ಕೆಲ್ಯಾ, ಉಕ್ಡಿಗಿ ಸೆವ್, ಮಾಟ್ವಿಂ ಆಯ್ಲಾ ದೇವ್, ಪೆಟೆಕ್ ಬೆಸಾಂವ್ ದೀಂವ್ಕ್.

7. ರುಜಾಯ್ ಮಾಯ್ ಆಯ್ಲಿ, ಸಾಮ್ಕ್ಯಾ ದಾರ್ವಾಟ್ಯಾನ್, ತಿಚಾ ಭರ್ವಾಸ್ಯಾನ್, ಯಜ್ಮಾನಿನ್ ಪೇಟ್ ಕೆಲ್ಯಾ.

8. ರುಜಾಯ್ ಮಾಯೆ, ಪಾಂಯಾಂತ್ ತುಜಾ ಪಾಂಯ್ದಣಾಂ, ಸಾಟ್ ತಿನ್ಶಿಂ ಆಯ್ದಾನಾಂ, ಹ್ಯಾ ಪೆಟೆಲಾಗಿಂ.

9. ಆಮ್ಚಾ ಘರಾಂತ್, ಭರ್‍ಲ್ಯಾತ್ ತೆ ಜರ್‍ಲೆ, ಸಾಟ್ ತಿನ್ಶಿಂ ವೊರ್‍ಲೆ, ಹ್ಯಾ ಪ್ಟೆಟೆಲಾಗಿಂ.

10. ರಸ್ಯಾಂಚ್ಯಾ ರಾಂದ್ನಿ, ದವರ್‍ಲಾಂ ಆದಾನ್, ಮರಿ ಮಾಗ್ತಾ ರುದಾನ್, ಆಪ್ಲ್ಯಾ ಪುತಾಲಾಗಿಂ.

11. ರಸ್ಯಾಂಚಾ ರಾಂದ್ನಿ, ದವರ್‍ಲೆ ದಾಂಡೆ, ಚಡಯಾ ಹಾಂಡೆ, ಆತಾಂ ಆದ್ನಾಕ್.

12. ಸೊಮಿಣಿಚಾ ಕುರೊವಾ, ಭಾಂಗಾರಾಚಿ ಸರಿ, ದಾಯ್ಜ್ಯಾಂಕ್ ಕಾಣ್ಘೆವ್ನ್, ಯಜ್ಮಾನ್ ಆದಾನ್ ಕರಿ.

13. ರಸ್ಯಾಂಚಾ ರಾಂದ್ನಿಕ್, ಭಾಜಾತ್ ಘಾಲಾ ಮೇಲ್ಗೊರ್, ಆಕಾಶಿಂ ಪರ್ಮಳ್ ಜಿರ್‍ಯಾ ಸಾಂಬಾರಾಚೊ.

ವೊವಿಯೊ: ಪೆಟೆಕ್ ತಾಂದುಳ್ ಕಾಡ್ತಾನಾ