From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ವೊವಿಯೊ: ಸಾಡೊ ನ್ಹೆಸಾಯ್ತಾನಾ2
Thursday, July 14, 2016101. ಶೆರ್ ಘಾಲ್ಚೆಕಡೆ, ಅರ್ದೊ ಶೆರ್ ಘಾಲ್, ಪುತ್ತೂರ್‍ಚೊ ನಂಡಾವೊ ಆಯ್ಲ್ಯಾರ್, ಬುಡ್ಕುಲೊ ವೊಮ್ತೊ ಘಾಲ್.
102. ಲಾಗ್ಶಿಲಿ ನಣಂದ್ ಯೇತ್ ಜಾಲ್ಯಾರ್, ಮಿಟಾ ಮಿರ್ಸಾಂಗೆನ್ ವಾಡ್, ಪಯ್ಶಿಲ್ಯೆ ನಂಡೆಕ್, ಶೆವ್ಟೆ ರಾಂದುನ್ ವಾಡ್.
103. ಪಯ್ಶಿಲ್ಯೆ ನಂಡೆಕ್, ಶೆವ್ಟೆ ರಾಂದುನ್ ವಾಡ್, ಶೆವ್ಟೆ ಪಾವಾನಾತ್ಲ್ಯಾರ್, ವರೆತಾಕ್ ಪಾಗುಂಕ್ ದಾಡ್.
104. ಸಾಂಪ್ಯಾಂಚಿ ಪಾಕ್ಳಿ, ಮಾಳಿನಾಕಾ ಮೆಕ್ಳಿ, ಘರಾ ಆಸಾ ದಾಕ್ಲಿ, ಹೊಕ್ಲೆ ನಣಂದ್ ತುಜಿ.
105. ಆಬೊಲೆಂ ಫುಲ್ಲಾಂ, ಆಬೊಲ್ಯಾಚಾ ರುಕಾ, ಜಾವೊ ದಾಂವೊನ್ ಆಯ್ಲ್ಯಾಂತ್, ಹೊಕ್ಲೆ ಪಳೆಂವ್ಕ್ ತುಕಾ.
106. ಆಬೊಲೆಂ ಫುಲ್ಲಾಂ, ಆಬೊಲ್ಯಾಚಾ ರುಕಾ, ಪಳೆಂವ್ಕ್ ನ್ಹಯ್ ಹೊಕ್ಲೆ, ಆಪವ್ನ್ ವ್ಹರುಂಕ್ ತುಕಾ.
107. ಗಿರಿ ಗಿರಿ ದಾಂತ್ಯಾ, ದಾಂತ್ಯಾ ತುಜಾ ದಾವೆ, ನಿಮಾಣ್ಯೆ ಜಾವೆ, ಆಮಿ ಆಪಂವ್ಕ್ ಆಯ್ಲ್ಯಾಂವ್.
108. ಭಾಂಗಾರಾಚಿ ಮುದಿ, ಬೊಟಾ ಸರಾಸರಿ, ಜಾವಾಂ ಬರಾಬರಿ, ಆಮ್ಚಿ ಹೊಕಾಲ್ ಬಾಯ್.
109. ಹಾತಾಂತ್ ಬಾವ್ಟೊ, ತೆತ್ತಿಸ್ ನಾಣ್ಯಾಂಚೊ, ಆಸೊ ಸಾಂಗಾತ್ ಚಲೊಂ, ಆಮ್ಚೊ ಜಾ-ಜಾವಾಂಚೊ.
110. ಯಜ್ಮಾನಿಚಾ ಹುಂಬ್ರಾರ್ ಚರೊನ್ ಗೆಲಿ ವಾಲ್, ಆಮಿ ತೆಗಿ ಚಲ್ಯಾಂ, ಆಮ್ಚಾ ವ್ಹಡಿಲಾಂ ಖಾಲ್.
111. ವ್ಹಡಿಲಾಂನಿ ಸಾಂಗ್ಲಾಂ ಆಮ್ಕಾಂ, ಆಮಿ ಸಾಂಗ್ತಾಂವ್ ತುಕಾ, ನ್ಯಾಯ್ ಝಗ್ಡೆಂ ನಾಕಾ, ಆಮ್ಕಾಂ ಜಾ-ಜಾವಾಂಕ್.
112. ಕೊಡ್ಯಾಳ್ಚ್ಯೆ ಪೆಟೆಂತ್, ವಿಕುಂಕ್ ಘಾಲ್ಯಾ ಬಶಿ, ಅಶೆಂ ಮೊಗಾನ್ ಚಲ್ಶಿ, ದೆವಾಚೆಂ ಬೆಸಾಂವ್ ಜೊಡ್ಶಿ.
113. ಹ್ಯಾವಿ ಮಾಟ್ವಾಂತ್, ಜಾವ್ ತುಜಿ ಮ್ಹಾಲ್, ತುಜಾ ಮಾಂಯ್‌ಚಾ ಖಾಲ್, ಜಾವ್ ಪಿರ್ಡುನ್ ಬಾಂದ್ತಾ.
114. ದೊಗಿ ತೆಗಿ ಜಾ-ಜಾವೊ, ಬಸೊನ್ ಮಾರ್‌ಯಾಂ ಉವೊ, ಆಯ್ಚಾನ್ ಜಾಲ್ಯಾಂವ್ ದುವೊ, ಎಕ್ಯೆ ಆವಯಿಚ್ಯೊ.
115. ಆಂಗ್ಣಾಂಕ್ ಕಾಡ್ಲೆಂ ಶೆಣ್ ಮ್ಹಣೊನ್, ಘರಾಕ್ ಕಾಡ್ಲಿ ಕಾವ್, ಆಯ್ಚಾನ್ ಜಾಲಿ ಜಾವ್, ಮ್ಹಾಕಾ ಸಾಂಗಾತಾಕ್.
116. ಆಮ್ಚಾ ಗಾದ್ಯಾಂತ್, ಕಾತ್ರುನ್ ದಿಲಾಂ ಕೊಂಡ್, ಉದ್ಕಾ ಪ್ರಾಸ್ ತಂಡ್, ಹೊಕ್ಲೆ ವರೆತ್ ತುಜೊ.
117. ಮಿರಿಯಾಂಚಿ ವಾಲ್, ಪಾನಾನ್ನಿ ಪಾತಳ್, ಉತ್ರಾಂ ನಿತಳ್, ಹೊಕ್ಲೆ ವರೆತಾಚಿಂ.
118. ಆಮ್ಚಾ ಘರಾ ಮುಖಾರ್, ಗೆಂದಾಳಿ ಮಾಡ್, ಫುಟೊಂಕ್ ನಾ ಖಾಡ್, ಆಮ್ಚಾ ವರೆತಾಕ್.
119. ಜವ್ಳೆಚೊ ವ್ಯಾರ್ ಕರ್‍ನ್, ಜಾಲಾ ಜಾಯ್ತೊ ನಷ್ಟ್, ಆರ್ಬ್ಯಾಂಚೊ ಈಷ್ಟ್, ಹೊಕ್ಲೆ ವರೆತ್ ತುಜೊ.
120. ಹಳದ್ ನಾ ಮ್ಹಣೊನ್, ನಿಸ್ತ್ಯಾಕ್ ಘಾಲೆಂ ಜಿರೆಂ, ವ್ಹಡ್ ಆಸಾ ಭಿರೆಂ, ಹೊಕ್ಲೆ ವರೆತಾಚೆಂ.
121. ಪ್ರಾಯೆನ್ ಲ್ಹಾನ್ ವರೆತ್, ದಾಡಿನ್ ವಾಡ್ಲೊ, ದುಡು ನಾ ಮ್ಹಣೊನ್, ಬಾಪಾಯ್ನ್ ದುಬಾಯ್ ದಾಡ್ಲೊ.
122. ಆಮ್ಚಾ ಹಿತ್ಲಾಂತ್, ಸಗ್ಳ್ಯಾನ್ ಆಸಾ ಮುರೊ, ಭಾಂಗಾರ್ ಶಿಂಗಾರ್ ನಾಕಾ, ಹೊಕ್ಲೆ ಭರ್ತಾರ್ ಪುರೊ.
123. ಗೆಂದಾಳಿ ಮಾಡಾಚೊ ಪಿಡೊ, ಕೊಯ್ತ್ಯಾನ್ ಬೆಂಡಿನಾಕಾ, ವರೆತಾಚಾ ಕುಟ್ಮಾಕ್, ಫಾಲ್ಯಾಂ ಕೆಂಡಿನಾಕಾ.
124. ರೊಸಾಳ್ ಪೊಣಸ್, ದಾಡಾವ್ನ್ ಪಿಕಯ್ನಾಕಾ, ವೆಗ್ಳೆಂ ರಾವ್ಯಾಂ ಮ್ಹಣೊನ್, ವರೆತಾಕ್ ಶಿಕಯ್ನಾಕಾ.
125. ಸಕಾಳಿಂ ಉಟೊನ್, ಬಸಿಯೊ ವ್ಹರ್ ತಳ್ಯಾ, ಜೆವ್ಣಾಕ್ ಯೆತಾ ವೆಳಾ, ಹೊಕ್ಲೆ ದೇರ್ ತುಜೊ.
126. ಸಕಾಳಿಂ ಉಟೊನ್, ಮಾತ್ಯಾರ್ ಫುಲಾಂ ಮಾಳ್, ಜೆಂವ್ಕ್ ಯೆತಿತ್ ಬಾಳ್, ಹೊಕ್ಲೆ ದೇರ್ ತುಜೆ.
127. ಪಾಕ್ಯಾಚೊ ಘಯ್ರಮ್, ತೆಂಕ್ಡಿ ದರ್‍ನ್ ಕಾಡಿತ್, ಮನಾಕ್ ಸಾರ್ಕ್ಯೊ ಸಾಡಿಯೊ, ದೇರ್ ತುಕಾ ಹಾಡಿತ್.
128. ವಾಟೆ ವಯ್ಲೊ ಪಿಂಪೊಳ್, ಪಾನಾ ಪೊಡಿಂಚೊ, ಘಡಾಮೊಡಿಂಚೊ, ಹೊಕ್ಲೆ ದೇರ್ ತುಜೊ.
129. ರುಕಾರ್ ಪಿಕ್ಲಾ ಆಂಬೊ, ಮುಳಾಂತ್ ಘುಂವ್ತಾ ಚಾನಿ, ಭಾವಾನ್ ಹಾಡ್ಲ್ಯಾ ರಾಣಿ, ಮ್ಹಾಕಾ ಲೆಖ್ತಾ ವ್ಹೊನಿ.
130. ಹುನ್ ಹುನ್ ಪೆಜ್, ಕುಲೆರಾನ್ ನಿವಯ್, ಸಕಾಳಿಂ ಜೆಂವ್ಚಿ ಸವಯ್, ಹೊಕ್ಲೆ ಭಾವ್ಯಾಂಕ್ ತುಜಾ.
131. ಭಾಯ್ರ್ ಭಿತರ್ ವೆತಾನಾ, ಹೊಕಾಲ್ ಚಲ್ ಸವ್ಕಾಸ್, ಚತ್ರಾಯೆಚೆ ಭಾವೆ, ಹೊಕ್ಲೆ ಘರಾ ಆಸಾತ್.
132. ಭಾಯ್ರ್ ಭಿತರ್ ವೆತಾನಾ, ಪಾಂಯಾಂಕ್ ಯೆತಿತ್ ವೊಡಿ, ಬರಿ ಕರ್ ಕಡಿ, ಹೊಕ್ಲೆ ಭಾವ್ಯಾಂಕ್ ತುಜಾ.
133. ಭಾಂಗಾರಾಚಾ ಕಾಂಕ್ಣಾ, ಮಿರಿಯಾ ತೆದೆ ರೊವೆ, ವ್ಹಡಾಂಗೆಲೆ ಭಾವೆ, ಹೊಕ್ಲೆ ಘರಾ ಆಸಾತ್.
134. ಹೊಕ್ಲೆ ಬಾಯೆ, ಗಳ್ಯಾಂತ್ ತುಜಾ ಸರಿ, ಮಾಂಯ್ ಮೆಳ್ಳ್ಯಾ ಬರಿ, ತುಜಾ ಅದೃಷ್ಟಾನ್.
135. ಹೊಕ್ಲೆ ಬಾಯೆ, ಗಳ್ಯಾಂತ್ ತುಜಾ ಸರಿ, ತುಜೆ ಕಾಯ್ದೆ ಕೆಲ್ಯಾರ್, ತುಕಾ ಮಾಂಯ್ ಬರಿ.
136. ಸಕಾಳಿಂಚಾ ವೆಳಾ, ಯಜ್ಮಾನ್ ಕರ್‍ತಾ ಕಾಫಿ, ಕಸ್ಲೊ ಗುನ್ಯಾಂವ್ ಕೆಲ್ಯಾರ್, ಮಾಂಯ್ ಕರಿತ್ ಮಾಫಿ.
137. ವಯ್ರ್‌ಚ್ ಘರ್, ಸಕಯ್ಲ್ ಪಾಕಾಶಿ, ಮನಾಂತ್ ಜೊಕಾಶಿ, ಮಾಂಯ್ನ್ ಸುನ್ ಕೆಲಿ.
138. ಮಾಂಯ್ಕ್ ಪಳೆವ್ನ್ ಭಿಯೆ ಹೊಕ್ಲೆ, ಮಾಂವಾಂಕ್ ಪಳೆವ್ನ್ ಲಜೆ, ಶಾಭಾಸ್ ಮ್ಹಣೊನ್ ಜಿಯೆ, ಫಾಲ್ಯಾಂ ಮಟ್ಪಾಡಿಂತ್.
139. ದೊನ್ಪಾರಾಂಚಾ ಜೆವ್ಣಾಕ್, ಕಡಿ ಕೆಲ್ಯಾ ದಾಟ್, ಮಾಂಯ್ಕ್ ಪಡ್ಲೆಂ ಹಟ್, ತುಕಾಚ್ ಹಾಡಿಜಾಯ್ ಮ್ಹಣ್.
140. ಘರಾಂತ್ ಪೊಣಸ್ ಆಸ್ಲ್ಯಾರ್, ಘುಂವ್ತಾತ್ ಸಬಾರ್ ಮೂಸ್, ಪಾನ್ಪಳ್ಯಾಂಚಿ ರೂಚ್, ಹೊಕ್ಲೆ ಮಾಂಯ್ಕ್ ತುಜಾ.
141. ಆಮ್ಚಾ ಗಾದ್ಯಾಂತ್, ಮೊಗ್ಯಾಚ್ಯೊ ವೊಳಿ, ಸಾದಿ ಆನಿ ಭೊಳಿ, ಹೊಕ್ಲೆ ಮಾಂಯ್ ತುಜಿ.
142. ಮಾಂವ್ ಆಯ್ಕಾನಾ ಜಾಲ್ಯಾರ್ ಹೊಕ್ಲೆ, ಮಾಂಯ್ ಸೊಡಿತ್ ತುಕಾ, ಸಾಂಗ್‌ಲ್ಲ್ಯಾ ವೆಳಾಕ್, ಯೆಂವ್ಕ್ ಚುಕಾನಾಕಾ.
143. ಮಿಸಾಕ್ ವಚುನ್, ಹಾಂತುಳ್ನ್ ಬಸ್ ಲೇಸ್, ಪಯ್ಲೊ ಕರ್ ತೇರ್ಸ್, ಹೊಕ್ಲೆ ಮಾಂಯ್ಕ್ ತುಜಾ.
144. ಹ್ಯಾವಿ ಕಾಜಾರಾಕ್, ಆಯ್ಲ್ಯಾಂವ್ ಸಮೆಸ್ತ್, ಸದಾಂ ಪಿಡೆಸ್ತ್, ಹೊಕ್ಲೆ ಮಾಂಯ್ ತುಜಿ.
145. ಭಿತರ್‍ಲಿ ಮಾಂದ್ರಿ, ಭಾಯ್ರ್ ವೊಡಿನಾಕಾ, ಮಾಂಯ್ ಪಿಡೆಂತ್ ಪಡ್ಲ್ಯಾರ್, ತಂಯ್ ಸೊಡಿನಾಕಾ.
146. ಬಾಜೆರ್ ನಿದೆ ಹೊಕ್ಲೆ, ತಿವಾಸೆ ಸೊಡ್ ಪಾಂಯ್, ಪುನ್ಯಾಚಿ ಮಾಂಯ್, ಹೊಕ್ಲೆ ತುಕಾ ಜಾಯ್.
147. ಪಾನ್-ಪೊಡ್ ಖಾವ್ನ್, ಉಡಯಿಲೆಂ ಪಿಕ್, ಕಳಿತ್ ನಾತ್‌ಲ್ಲೆಂ, ಮಾಂಯ್ ಕಡೆ ಶಿಕ್.
148. ತಾಪಯಿಲ್ಲ್ಯೆ ಕಾಯ್ಲಿರ್, ಕರುಂಕ್ ಘಾಲ್ಯಾ ಭಾಕ್ರಿ, ಮ್ಹಾತಾರ್‍ಯೆ ಪ್ರಾಯೆರ್, ಮಾಂಯ್ಚಿ ಕರ್ ಚಾಕ್ರಿ.
149. ಸಕಾಳಿಂಚಾ ವೆಳಾ, ಕೊಂಕ್ಣಿ ಝರಯ್ತಾ ಗಂದ್, ಉದ್ಕಾ ಪ್ರಾಸ್ ತಂಡ್, ಹೊಕ್ಲೆ ಮಾಂವ್ ತುಜೊ.
150. ರೊಸಾಳ್ ಪೊಣ್ಸಾಂತ್ಲೊ, ಕಾಡ್ಲೊ ಏಕ್ ಘರೊ, ಮನಾಂತ್ ಬರೊ, ಹೊಕ್ಲೆ ಮಾಂವ್ ತುಜೊ.
151. ಭಿತರ್‍ಲ್ಯಾ ಸಾಲಾಂತ್, ಲಾಂಪ್ಯಾಂವ್ ಕೊಣಾಚೊ, ಬರ್‍ಯಾ ಮನಾಚೊ ಹೊಕ್ಲೆ ಮಾಂವ್ ತುಜೊ.
152. ಮಾಂವ್ ಉಲಯ್ಲ್ಯಾರ್, ದರಿನಾಕಾ ಮನಾಂತ್, ಘಾಲಿನಾಕಾ ಕಾನಾಂತ್, ತುಜಾ ಭರ್ತಾರಾಚಾ.
153. ರಾಂದಾಪ್ ಕರುನ್, ರಾಂದ್ನಿಂತ್ ಜಾಲೊ ಗೊಬರ್, ಚತ್ರಾಯೆನ್ ಜಬೊರ್, ಹೊಕ್ಲೆ ಮಾಂವ್ ತುಜೊ.
154. ಕಾಜಾರಾಚಾ ಮಾಟ್ವಾಂತ್, ಲೊಕಾಚಿ ಖೆಟ್, ಚಿಂಚೆ ಫುಲಾಂಚಿ ಪೇಟ್, ಮಾಂವಾನ್ ಹಾಡಯಿಲಿ.
155. ಆಮ್ಚಾ ಗೊಟ್ಯಾಂತ್, ಸಂಬ್ರೊಣಿಚೆಂ ಜೋತ್, ಸಾಂಗ್‌ಲ್ಲೆಂ ಸತ್, ಹೊಕ್ಲೆ ಮಾಂವಾಕ್ ತುಜಾ.
156. ಮಾಂವ್ ಪಿಡೆಸ್ತ್ ಮ್ಹಣ್, ನಾಕಾ ಕರುಂಕ್ ಚಿಂತ್ತಾ, ಲಾಗ್ಸಾರ್ ಆಸಾ ದಾಕ್ತೆರ್, ಒಕ್ತಾನ್ ಬರೆಂ ಕರ್‍ತಾ.
157. ಮುಕ್ಲ್ಯಾನ್ ಯೆತಾ ಬೊಣ್ಕೊ, ಪಾಟ್ಲ್ಯಾನ್ ಯೆತಾ ಕೊಂಕ್ಣೊ, ಉತ್ರಾ ಫುಡೆಂ ದೆಂಕ್ಣೊ, ಹೊಕ್ಲೆ ಮಾಂವಾಕ್ ತುಜಾ.
158. ದೆಂಕ್ಣೊ ಘಾಲೊ ಜಾಲ್ಯಾರ್, ತೊಂಡಾಕ್ ಪಳೆವ್ನ್ ಹಾಸ್, ಮೊಗಾಚಿ ರಾಸ್, ಹೊಕ್ಲೆ ಮಾಂವ್ ತುಜೊ.
159. ದೆಂಕ್ಣೊಚ್ ಘಾಲೊ ಮ್ಹಣ್, ದರಿನಾಕಾ ಮನಾಂತ್, ಘಾಲಿನಾಕಾ ಕಾನಾಂತ್, ತುಜಾ ವರೆತಾಚಾ.
160. ತುಳು ಭಾಷೆನ್, ದಾರಾಕ್ ಮ್ಹಣ್ತಾತ್ ’ಬಾಕಿಲ್’, ಅರ್ದೊ ವಕಿಲ್, ಹೊಕ್ಲೆ ಮಾಂವ್ ತುಜೊ.
161. ಸಕಾಳಿಂ ಕೆಲಾಂ ಪೊತ್, ಸಾಂಜೆರ್ ಕಾಲಯ್ಲಾ ಫೊವ್, ಪೊಳಿ ಕರ್ ಮೊವ್, ಹೊಕ್ಲೆ ಮಾಂವಾಕ್ ತುಜಾ.
162. ಸಕಾಳಿಂ ಕೆಲ್ಲಿ ಪೊಳಿ, ರಾತಿಕ್ ಜಾಲಿ ಶೆಳಿ, ಜನೆಲಾಂತ್ಲ್ಯಾನ್ ತಿಳಿ, ಹೊಕ್ಲೆ ಆವಯ್ ತುಜಿ.
163. ಆಯಿಲ್ಲ್ಯಾ ಸಯ್ರ್ಯಾಂಕ್, ಬರೆಂ ಮ್ಹಣ್ ಹೊಗಳ್, ಶೆಜಾರಿ ಮೊಗಾಳ್, ತುಜಾ ಮೊಗಾ ಖಾಲ್.
164. ಹುನ್ ಹುನ್ ಕಾಫಿ, ಕುಲೆರಾನ್ ನಿವಯ್, ಸಕಾಳಿಂ ಕಾಫಿ ಪಿಯೆಂವ್ಚಿ ಸವಯ್, ಹೊಕ್ಲೆ ದುವ್ಡ್ಯಾಂಕ್ ತುಜಾ.
165. ಹಾತಾಂತ್ಲೊ ತುವಾಲೊ, ವಾಟೆರ್ ಗಳಯ್ನಾಕಾ, ಭಾಚ್ರಾಂ ಆಯ್ಲ್ಯಾರ್, ವಾಂಕ್ಡೆಂ ಪಳೆಯ್ನಾಕಾ.
166. ಪಾನಾಂ ಖುಂಟುನ್, ಪಾನಾಂಚಿಂ ಕೆಲಿಂ ಆಣಾ, ವಾಂಕ್ಡೆಂ ಪಳೆವ್ನ್ ನೆಣಾ, ಆಮ್ಚಿ ಹೊಕಾಲ್ ಬಾಯ್.
167. ಆಮ್ಚಾ ಗಾಂವಾಂತ್, ಗೊರ್‍ವಾಂ ಘಾಲ್ತಾತ್ ವಾಸ್ರಾಂ, ಜೆವ್ಣಾಕ್ ಯೆತಿತ್ ಭಾಚ್ರಾಂ, ಹೊಕ್ಲೆ ಉಬ್ಗನಾಕಾ.
168. ಹೆಣೆಂ ತೆಣೆಂ ವೆತಾನಾ, ಆಂಟಿ ಆಂಟಿ ಮ್ಹಣ್ತಿತ್, ಪಾಲ್ಹಾಕ್ ದರ್‍ನ್ ವೊಡ್ತಿತ್, ಹೊಕ್ಲೆ ಉಬ್ಗನಾಕಾ.
169. ಭಾತಾಚ್ಯೆ ರಾಶಿ, ಕೊಂಬಿಯೆನ್ ದವರ್‍ಲಾಂ ತಾಂತಿಂ, ವಿಂಚುನ್ ಕಾಡ್ಲಾಂ ಮೊತಿಂ, ಆಮ್ಚಾ ವರೆತಾನ್.
170. ಗೊಂಯಾಂ ವೆಚ್ಯೆ ವಾಟೆ, ಕಣಿರಿಚೆಂ ಪಿಕ್, ಮುದಿಯೆ ವಯ್ಲೆಂ ತಿಕ್, ಆಮ್ಚಿ ಹೊಕಾಲ್ ಬಾಯ್.
171. ಆದಾಳ್ಳಲೆಂ ಬೊಟ್, ಉಸಾಳ್ಳಿ ಕಾತ್, ಆಜಿಯೆನ್ ಪೊಸ್ಲಿ ನಾತ್, ಆಮ್ಚಿ ಹೊಕಾಲ್ ಬಾಯ್.
172. ಶಿರೊತ್ಯೊ ಕಾತ್ರುನ್, ಉಡಯಿಲ್ಯೊ ಸಬಾರ್, ಆಮ್ಕಾಂಯ್ ಆಸಾ ಖಬಾರ್, ಆಜಿಯೆನ್ ಪೊಸ್‌ಲ್ಲಿ ನಾತ್ ಮ್ಹಣುನ್.
173. ವ್ಹೊವ್ಳ್ಯಾ ಬಾಯಾಂನೊ, ಕರಿನಾಕಾತ್ ಚರ್ಚೆ, ತುಮ್ಕಾಂ ಖಬಾರ್ ಆಸಾ ಮ್ಹಣ್, ಆಮಿ ಕಿತೆಂ ಕರ್‍ಚೆಂ?
174. ದರ್ಣಿಕ್ ಮಾರ್‍ಲಿ ಖೊಟ್, ವೊಣ್ತಿಕ್ ಆಯ್ಲಿ ಫುಟ್, ಘರಾಂತ್ಲೊ ಘುಟ್, ಹೊಕ್ಲೆ ಭಾಯ್ರ್ ಘಾಲಿನಾಕಾ.
175. ಭುರ್ಗೊ ಗೆಲೊ ಇಸ್ಕೊಲಾಕ್, ಶಿರ್ಕಾವ್ನ್ ನವೆಂ ಇಜಾರ್, ಕೆಲ್ಯಾ ಶಿವಾಯ್ ರಜಾರ್, ಹೊಕ್ಲೆ ನಿದಾನಾಕಾ.
176. ತೆರ್ಸಾ ವೆಳಾರ್ ತೇರ್ಸ್, ವೆರ್ಸಾ ವೆಳಾರ್ ವೇರ್ಸ್, ಕುಟ್ಮಾಚೊ ತೇರ್ಸ್, ಹೊಕ್ಲೆ ಚುಕಯ್ನಾಕಾ.
177. ಬಕ್ಡಿ ಆಮ್ಚಿ ದವಿ, ಗಾಯ್ ಆಮ್ಚಿ ಕೊಬ್ಲಿ, ಸಾಡ್ಯಾರ್ ಆತಾಂ ಸೊಬ್ಲಿ, ಆಮ್ಚಿ ಹೊಕಾಲ್ ಬಾಯ್.
178. ಯಜ್ಮಾನಿಚಾ ಹುಂಬ್ರಾರ್, ಪಿಯಾವಾಚೆಂ ಸರ್ಲ್, ಸಂತಾನ್ ಘೆಗೆ ವೊರ್‍ಲ್, ಫಾಗರ್ ಪಾಟೊಳ್ಯಾಚೆಂ.
179. ಆಬೊಲೆಂ ಫುಲ್ಲಾಂ, ಆಬೊಲ್ಯಾಚ್ಯೆ ತಾಳ್ವೆ, ವರೆತಾನ್ ದೆಖ್‌ಲ್ಯೆ ಚಲಿಯೆ, ಆಮಿ ಸಯ್ರಿಕ್ ಕೆಲ್ಯಾ.
180. ರಾನಾಂತ್ ಬಸೊನ್, ಯೋಗಾ ಕರ್‍ತಾತ್ ಋಷಿ, ಹೊಕ್ಲೆಕ್ ಪಳೆವ್ನ್, ಜಾಲಿ ಆಮ್ಕಾಂ ಖುಶಿ.
181. ಹೊಕಾಲ್ ಬಾಯ್ ಮಿಲ್ಲಿ, ಬ್ರಹ್ಮಾವರ್ ಸಾಲ್ವೆಕ್ ಗೆಲ್ಲಿ, ಚಾಲ್-ಚಮ್ಕಣ್ ಸೊಬ್ಲಿ, ದೆಕುನ್ ಸುನ್ ಕೆಲಿ.
182. ವರೆತಾ ಬಾಬಾ, ಚಲಿ ಮ್ಹಳ್ಯಾರ್ ಬಾದಾಮ್, ಸಾಡ್ಯಾರ್ ದಿಸ್ತಾ ಮದಾಮ್, ತುಜಿ ಹೊಕಾಲ್ ಬಾಯ್.
183. ಕಾಣಿಕ್ ದಾಡ್ಲ್ಯಾ ಪಾಲ್ಕಿ, ಉಗ್ತ್ಯಾ ಜನೆಲಾಂಚಿ, ಸೊಬ್ತ್ಯಾ ಚಿನೆಲಾಂಚಿ, ಆಮ್ಚಿ ಹೊಕಾಲ್ ಬಾಯ್.
184. ದೋನ್ ಶೆರ್ ಘಾಲ್ಚಾ ತಂಯ್, ತೀನ್ ಶೆರ್ ಘಾಲ್, ಭರ್‌ಲ್ಲೆಂ ಘರ್, ಫಾಲ್ಯಾಂ ಚಲವ್ನ್ ವ್ಹರ್.
185. ಆಯಿಲ್ಲ್ಯಾ ಸಯ್ರ್ಯಾಂಕ್, ಬಸೊಂಕ್ ಮಾಂದ್ರಿ ಘಾಲ್ಚಿ, ಚೊವ್ತಿ ಸುನ್ ಜಾಂವ್ಚಿ, ಫಾಲ್ಯಾಂ ಸಿಕೆರಿಂಕೆರ್.
186. ಉಡುಪಿಂತ್ ಪಡ್‌ಲ್ಲೆಂ ಮೊಡಾಲ್, ಕೊಡ್ಯಾಳ್ ವೊಡಿತ್ತ್ ವ್ಹೆಲೆಂ, ತಂಯ್ ಘಡಿತ್ ಆಸ್‌ಲ್ಲೆಂ ಆಯ್ಚ್ಯೆ ಹೊಕ್ಲೆಕ್.
187. ಯಜ್ಮಾನಿಚಾ ಹುಂಬ್ರಾರ್, ಆಂಬ್ಯಾ ಬೊವ್ ರೂಕ್, ತಂಯ್ ಭೊಗ್ ಸುಖ್, ಶೆಳ್ಯೆ ಸಾವ್‌ಳೆಕ್.
188. ಯಜ್ಮಾನ್ ಬಾಯೆ, ಪಾಲಂವ್ ವೋಡ್ ಸಾರ್ಕೊ, ಜಾಂವಂಯ್ ಮೆಳ್ಳಾ, ತುಜ್ಯೆ ಭಾಗೆ ಸಾರ್ಕೊ.
189. ಆಯಿಲ್ಲ್ಯಾ ಸಯ್ರ್ಯಾಂ ಕಡೆ, ಬರೆಂ ಕರ್‍ನ್ ಉಲಯ್, ಉತ್ರಾಂನಿ ಭುಲಯ್, ವರೆತಾಚಾ ಕುಟುಂಬಾಕ್.
190. ಆಮ್ಚಾ ತೊಟಾಂತ್, ಪೊಣ್ಸಾಚಿ ಸಶಿ, ಫುಟೊಂಕ್ ನಾ ಮಿಶಿ, ಆಮ್ಚಾ ವರೆತಾಕ್.
191. ಆಮ್ಚಾ ಗಾದ್ಯಾಂತ್, ಲಾಯ್ಲ್ಯಾ ದುದಿಣ್, ಭುರ್ಗ್ಯೆ ಬೂದಿನ್, ದೊಗಾಂಯ್ ಜಾಲಿಂ ಕಾಜಾರ್.
192. ಫುಲ್ ಭಾಂಗಾರ್ ಮಾಳುನ್, ಹೊಕಾಲ್ ಹಾಂಗಾಗೀ ತಿಂಗಾ, ತ್ಯಾ ವರೆತಾ ಬಾಬಾಕ್, ಹಾಂಗಾ ಯೆಂವ್ಕ್ ಸಾಂಗಾ.
193. ಆಲೊ ಆನಿ ಪಾಲೊ, ಸಾಲಾಂತ್ ಎಕ್ಟಾಂಯ್ ಕೆಲೊ, ಆಮ್ಚ್ಯೆ ಹೊಕ್ಲೆಚೊ ಸಾಡೊ, ನ್ಹೆಸವ್ನ್ ಜಾಲೊ.
194. ಅಯ್ಶಾಂಚೆಂ ಸೊಡ್ಲೆಂ, ಲಕ್ಷಾಂಚೆಂ ನ್ಹೆಸ್ಲಿ, ಸೊಬಿತ್ ದಿಸ್ಲಿ, ಆಮ್ಚಿ ಹೊಕಾಲ್ ಬಾಯ್.
195. ರೆಂವಾಳ್ ಗಾದ್ಯಾ, ಕಣ್ಗೆಚ್ಯೆ ವಾಲಿ, ಮಿಲಾರ್‌ಗಾರ್ನ್ ಜಾಲಿ, ಆಮ್ಚಿ ಹೊಕಾಲ್ ಬಾಯ್.
196. ಆಡಾಪ್ ಖಡಾಪ್ ಬಾಂದುನ್, ಖಡ್ಪಿ ಪಂದಾ ಬಾಂದ್ಲೆಂ ಘರ್, ವ್ಹೊವ್ಳ್ಯಾಂ ಮದ್ಲ್ಯೆ ಹೊಕ್ಲೆಕ್, ವರೆತಾ ಸೊದುನ್ ವರ್.
197. ಮಾಲ್ಗೊವಾ ಆಂಬೊ, ಆಸಾ ಕಿತ್ಲೊ ಮೋವ್, ಸೊವ್ಯಾಕ್ ವ್ಹರ್ ಲೋವ್, ಆಮ್ಚ್ಯೆ ಹೊಕುಲೆಕ್.
198. ವ್ಹೊವ್ಳ್ಯಾಂ ಆಮ್ಚ್ಯೆ ಮದೆಂ, ಹೊಕಾಲ್ ಜಾಲ್ಯಾ ಆಯ್ತಿ, ದರ್‍ನ್ ಉಜ್ವ್ಯೆ ಹಾತಿಂ, ವರೆತಾ ಆಪವ್ನ್ ವ್ಹರ್.
Tags:
konkani culture, Konkani, Mangalore, Mangalorean, Mother Tongue
