From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ವೊವಿಯೊ: ಸಾಡೊ ನ್ಹೆಸಾಯ್ತಾನಾ1
Thursday, July 14, 20161. ದೆವಾ ಬಾಪಾನ್ ಕೆಲಿ ಸಯ್ರಿಕ್, ಆಂಜ್ ಭಡ್ವೊ ಮ್ಹಾಲೊ, ಪವಿತ್ರ್ ಆತ್ಮೊ ಆಯ್ಲೊ, ತುಮ್ಕಾಂ ಬೆಸಾಂವಾಂಕ್.
2. ಭಾಂಗಾರಾಚಿ ಮುದಿ, ಸೊನಾರಾನ್ ವಾರಯ್ಲಿ, ಸಯ್ರಿಕ್ ಬರಯ್ಲಿ, ಸರ್ಗಿಂಚಾ ದೆವಾ ಬಾಪಾನ್.
3. ಭಾಂಗಾರಾಚಿ ಮುದಿ, ಕಿಂಚ್ಲ್ಯಾ ಬೊಟಾಕ್ ಸಜ್ಲಿ, ಹಿ ಸಯ್ರಿಕ್ ರುಚ್ಲಿ, ಆಮ್ಕಾಂ ಸಮೆಸ್ತಾಂಕ್.
4. ರೆಸ್ಪೆರಾಕ್ ವೆತಾನಾ, ಮುಖಾರ್ ಮೆಳ್ಳೊ ಪಾರ್ವೊ, ವೇಳ್ ಮೆಳ್ಳೊ ಬರೊ, ತುಮ್ಕಾಂ ರೆಸ್ಪೆರಾಕ್.
5. ಮೆಜ್ ಆಲ್ಮಾರ್ ಘಡ್ನ್, ಮೆಜಾರ್ ದವರ್‍ಲ್ಯಾ ಬಶಿ, ಸಕಾಳಿಂಚಿ ಖಶಿ, ತುಮ್ಕಾಂ ರೆಸ್ಪೆರಾಕ್.
6. ಮೆಜ್ ಆಲ್ಮಾರ್ ಘಡ್ನ್, ಮೆಜಾ ಸರ್ಶಿನ್ ಗೆಲಿಂ, ಹಾತಾರ್ ಹಾತ್ ಲಾವ್ನ್, ತಿಂ ರೆಸ್ಪೆರ್ ಜಾಲಿಂ.
7. ದಾವ್ಯೆ ಕುಶಿಚೊ ವಾಂಜೆಲ್, ಉಜ್ವ್ಯೆ ಕುಶಿಂ ಹಾಡ್ಲೊ, ಸಾಕ್ರಾಮೆಂತ್ ಜೊಡ್ಲೊ, ದೊಗಾಂಯ್ ಆಂಕ್ವಾರ್‍ಯಾನಿಂ.
8. ರೆಸ್ಪೆರ್ ಜಾವ್ನ್, ಪಿಯೆಂತ್ ಘಾಲಾ ಹಾತ್, ಆನಂದ್ ಸಾಕ್ರಾಮೆಂತ್, ತಾಂಚೊ ಭಾಗೆವಂತ್.
9. ರೆಸ್ಪೆರ್ ಜಾವ್ನ್, ಕೊಪೆಲ್ಮಾರಾಂತ್ ಘಾಲಿ ದಿಂಬಿ, ಆಗ್ಮೆಂತಾಚಿ ಗಿಂಡಿ, ಮಿರ್ಣಿನ್ ಪಾಟವಿಲಿ.
10. ಭಾಂಗಾರಾಚ್ಯೆ ಸರಿಯೆ, ರುಪಿಯಾಚೆಂ ತೊರುಂ, ರೆಸ್ಪೆರ್ ಕೆಲ್ಲ್ಯಾ ವಿಗಾರಾಕ್, ತುಮ್ಕಾಂ ದೇವ್ ಬರೆಂ ಕರುಂ.
11. ಯಜ್ಮಾನಿಚಾ ಹುಂಬ್ರಾರ್, ಗುಲೊಬ್ ಝಳ್ಜಳ್ಳ್ಯಾತ್, ವೀಜ್ ದಿವೆ ಪರ್ಜಳ್ಳ್ಯಾತ್, ತುಮ್ಚಾ ರೆಸ್ಪೆರಾಕ್.
12. ರೆಸ್ಪೆರ್ ಜಾವ್ನ್, ತಿವಿಂ ದೆವ್ಲಿಂ ಮಾರ್ಗಾ, ದಸ್ಕತ್ ಪಡ್ಲಿ ವರ್ಗಾ, ಪಾದ್ರಿ ವಿಗಾರಾಂಚಾ.
13. ಮೆಜ್ ಆಲ್ಮಾರ್ ಘಡ್ನ್, ಮೆಜಾರ್ ದವರ್‍ಲ್ಯಾಂತ್ ಕೊಂತಾಂ, ರೆಸ್ಪೆರ್ ಜಾವ್ನ್ ಆಯ್ಲ್ಯಾಂತ್, ದೊಗಾಂಯ್ ಭಾಗೆವಂತಾಂ.
14. ಭಾಂಗಾರಾಚೆ ಪೆಟುಲಾ, ರುಪಿಯಾಚೆ ಖಣ್, ತಾಂತುಂ ಆಸಾ ವ್ಹಡ್, ತುಜೆಂ ಆಯಪಣ್.
15. ಸೊಡ್ ಸೊಡ್ ಹೊಕ್ಲೆ, ಆಒಕ್ವಾರ್‌ಪಣಾಚೊ ನಾಡೊ, ಆಮಿ ಹಾಡ್ಲಾ ಸಾಡೊ, ಫುಲಾಂ ಭಾಂಗಾರಾಂನಿ.
16. ಸೊಡ್ ಸೊಡ್ ಹೊಕ್ಲೆ, ಆಂಕ್ವಾರ್‌ಪಣಾಚೆಂ ನ್ಹೆಸಾಣ್, ಆಮಿ ಹಾಡ್ಲಾಂ ಸಾಸಾಣ್, ಫುಲಾಂ ಭಾಂಗಾರಾಚೆಂ.
17. ಯೆಜ್ಮಾನ್ ಸಾಡೊ ಸೊಡಯ್ತಾ, ಪಳೆಯಾ ತುಮಿ ವ್ಹೊವ್ಳ್ಯೊ, ಗುಲೊಬಿ ಘಡಿಯೊ, ಮಾಟ್ವಿಂ ಪರ್ಮಳಾಯ್ಲ್ಯೊ.
18. ಹೊಕ್ಲೆ ಬಾಯೆ, ಗಳ್ಯಾಂತ್ ತುಜಾ ಕೊಂತ್, ನ್ಹೆಸಯಾ ಪೊಂತ್, ಹ್ಯೆ ಸಾಡಿಯೆಚೆಂ.
19. ಹ್ಯಾವಿ ಸಾಡ್ಯಾಚಿ, ಬಾರೀಕ್ ಕಾಡ್ಯಾ ಮಿರಿ, ನ್ಹೆಸಾತ್ ಸಿರಿ, ಆಮ್ಚಿ ಹೊಕಾಲ್ ಬಾಯ್.
20. ಹ್ಯಾವಿ ಸಾಡ್ಯಾಚಿ, ಕಾಗ್ದಾ ತೆದಿ ಘಡಿ, ಬೊಲ್ಸಾಂತ್ ಘಾಲ್ನ್ ಹಾಡಿ, ಹೊಕ್ಲೆ ದೇರ್ ತುಜೊ.
21. ಲಾಂಬ್ ನ್ಹೆಸಾತ್, ಮೆಟ್ ದಾಂಪಾತ್, ಮಾನ್ ರಾಕಾತ್, ಫಾಲ್ಯಾಂ ಸಿಕೇರಿಂಗೆರ್.
22. ಸನ್ವಾರಾಚೊ ದೀಸ್, ಆಯ್ತಾರಾಕ್ ಲಾಗಿಂ, ತುಮ್ಚಿ ಹೊಕಾಲ್, ಆಜ್ ವರೆತಾ ಲಾಗಿಂ.
23. ಕಾಟಾವಿ ಮೊಲಾಯ್ಲೊ, ಶಿಲಾರಿ ಕಾಡ್ಲೊ, ಗುಲೊಬಿ ಹಾಡ್ಲೊ, ಹೊಕ್ಲೆ ಭಾವ್ಯಾನ್ ತುಜಾ.
24. ಕೊಡ್ಯಾಳ್ಚ್ಯೆ ಪೆಟೆಂತ್, ವಿಕುಂಕ್ ಘಾಲಾ ವಿಮ್ಟೊ, ಸಾಡೊ ಬರೊ ಮ್ಹಣೊನ್, ನಂಡೆನ್ ಕಾಡ್ಲೊ ಚಿಮ್ಟೊ.
25. ದೆಗೆ ಪಾಲ್ವಾನ್ ಬರೆಂ ಕಾಪಾಡ್, ಆಂಗಾನ್ ಚಿಕ್ಕೆ ವಾಯ್ಟ್, ದುಬ್ಳ್ಯೆ ಜಿಣ್ಯೆಕ್ ಜಾಯ್ತ್, ಆಮ್ಚೆ ಹೊಕ್ಲೆಕ್.
26. ಬಾರಾ ಪಾವ್ಟಿಂ ಬಸ್ಲೊ ಯಜ್ಮಾನಿ, ಬಾರಾ ಪಾವ್ಟಿಂ ಉಟ್ಲೊ, ಸಾಡೊ ಮೊಲಾಯ್ತಾನಾ, ತಾಚೊ ಮುಂಡು ಸುಟ್ಲೊ.
27. ಸರ್ಪಳೆಚೊ ಪೊಡ್, ಉಕಲ್ತಾನಾ ಜಡ್, ಆಯಾಪಣ್ ವ್ಹಡ್, ಆಮ್ಚ್ಯೆ ಹೊಕ್ಲೆಚೆಂ.
28. ಯಜ್ಮಾನ್ ಪಿರ್ಡುಕ್ ಬಾಂದ್ತಾ, ದೆವಾ ಬಾಪಾಕ್ ಸಮರ್ಪುಣ್, ತಾಚ್ಯೆ ನಾಂವಿಂ ಘೆಗೆ, ಹೊಕ್ಲೆ ಆಯಾಪಣ್.
29. ಭಾಜ್‌ಲ್ಲಿ ಮಾಸ್ಳಿ, ಶಿಮ್ಟೆನ್ ಕರ್ಪಾಲಿ, ಖುರಿಸ್ ಸರ್ಪಳಿ, ತುಜೆಂ ಆಯಾಪಣ್.
30. ಹೆಂವಿ ಆಯಾಪಣ್, ಕಶೆಂ ಸಾಂಬಾಳ್ಶಿ, ಆಯ್ಚಾ ಸಾಕ್ರಾಮೆಂತಾಕ್, ಫಾಲ್ಯಾಂ ಪಾಳೊ ದಿಶಿ.
31. ಗಾಂವ್ಚೊ ಸೊನಾರ್, ಚಿಂಚ್ ಭಾಂಗಾರ್, ಸದಾಂಚ್ ಆಂಗಾರ್, ಹೊಕ್ಲೆ ಆಯಾಪಣ್.
32. ಹೊಕುಲೆಗೆ ಬಾಯೆ, ನೊವ್ರ್ಯಾಗೆರ್ ಭಾಗ್, ಶೆಂಭರ್ ವರ್ಸಾಂ ಮಾಗ್, ತುಜೆಂ ಆಯಾಪಣ್.
33. ದೆವಾ ಬಾಪಾ ದೆವಾ ಪುತ್ರಾ, ಪವಿತ್ರ್ ಆತ್ಮ್ಯಾ ಸಾಂತಾ, ಕುರ್ಪೆಚಾ ದಿಸಾ, ಯೆಜ್ಮಾನ್ ಪಿರ್ಡುನ್ ಬಾಂದ್ತಾ.
34. ಹಾಂವ್ ಪಿರ್ಡುಕ್ ಬಾಂದ್ತಾ, ಮನಾಂತ್ ಕಿತೆಂ ಚಿಂತ್ತಾಂ, ಬರೆಪಣ್ ಮಾಗ್ತಾಂ, ತುಜ್ಯೆ ಸರ್ಪಳೆರ್.
35. ರೊಸಾಚೊ ನಾರ್ಲ್, ಕಾಂತಾನಾ ಕಾರ್ವೊ, ಸ್ಪಿರಿತ್ ಸಾಂತ್ ಪಾರ್ವೊ, ತುಜ್ಯೆ ಸರ್ಪಳೆರ್.
36. ಸರ್ಗಾ ವಯ್ಲ್ಯಾ ದೆವಾ, ಕಸಲಿ ತುಜಿ ಸೆವಾ, ಬೆಸಾಂವ್ ದಿ ದೆವಾ, ತಿಚ್ಯೆ ಸರ್ಪಳೆಕ್.
37. ಆಂಕ್ವಾರಿ ಮಾಯೆ, ಸರ್ಗಾರ್ ತುಜೆ ಹಾತ್, ಬೆಸಾಂವ್ ದಿ ಸಾತ್, ತಿಚ್ಯೆ ಸರ್ಪಳೆಕ್.
38. ಕಾಳಿ ಪಿರ್ಡುಕ್, ಹಾಡ್ಲ್ಯಾ ಪಯ್ಶಾಂಚಿ, ದಾಡ್ಲ್ಯಾ ಸಾಸ್ಣಾಚಿ, ಹೊಕ್ಲೆ ಮಾಂಯ್ನ್ ತುಜಾ.
39. ಕಿರಿ ಕಿರಿ ಪಾಲ್, ಮುಸ್ಕಾರ್ ಚಡಯ್ಲಿ, ನೆಕ್ಲೆಸಾಚಾ ಪೊಡಾನ್, ತಿಕಾ ಉಭಿ ಕೆಲಿ.
40. ಸೊನಾರಾ ಸಾಳೆ, ಕುರ್‍ಸಾತ್ ಕಡಯ್ಲಾ, ಮಿನಿನ್ ಘಡಯ್ಲಾ, ಹೊಕ್ಲೆ ಮಾಂವಾನ್ ತುಜಾ.
41. ಸಕಾಳಿಂ ಉಟೊನ್, ಯಜ್ಮಾನಿ ಗೆಲೊ ಉಲವ್ನ್, ಗಳೊ ಪಳೆವ್ನ್, ಮಾಂವಾನ್ ಮಿನಿನ್ ಕೆಲೊ.
42. ಗಾಂವ್ಚೊ ಸೊನಾರ್, ವರೆತಾಚೊ ಇಷ್ಟ್, ನವಿ ಕೆಲ್ಯಾ ಸಿಸ್ತ್, ಹ್ಯಾ ನೆಕ್ಲೆಸಾಕ್.
43. ಯಜ್ಮಾನೆಚಾ ಕಾನಾಂತ್, ಕೆಂಪಾಂ ಪರ್ಜಳ್ತಾತ್, ಮೊತ್ಯಾಂ ಝಳ್ಜಳ್ತಾತ್, ತಿಚಾ ನೆಕ್ಲೆಸಾರ್.
44. ಗೊಂಯ್ಚೊ ಸೊನಾರ್, ಗಾಂವ್ಚಾ ಸೊನಾರಾಕ್ ಲೆಖ್ತಾ, ನೆಕ್ಲೆಸ್ ಬರೊ ಸೊಭ್ತಾ, ಆಮ್ಚ್ಯೆ ಹೊಕ್ಲೆಕ್.
45. ಸೊನಾರಾಚಾ ಹಾತಾ, ಭಾಂಗಾರಾಚಿ ಪೇಟ್, ಹೆಂಚ್ ಭಾಂಗಾರ್ ಘಾಲ್ನ್, ಹೊಕಾಲ್ ಸದಾಂಚ್ ನೇಟ್.
46. ಕೊಡ್ಯಾಳ್ ವೆತಾನಾ, ಮುಖಾರ್ ಮೆಳ್ಳೆಂ ಸ್ಟೇಶನ್, ನವೆಂ ಕೆಲಾಂ ಫೆಶನ್, ಆಮ್ಚಾ ವರೆತಾನ್.
47. ಆಮ್ಚಾ ವೊಡ್ತಾಂತ್, ಫುಲಾಂ ಪರ್ಮಳ್ತಿತ್, ವಜ್ರಾಂ ತಳ್ತಳ್ತಿತ್, ತುಜಾ ಮಿನಿನಾರ್.
48. ಇಂಗ್ಲೆಜ್ ಭಾಷೆನ್, ಪಯ್ಶಾಂಕ್ ಮ್ಹಣ್ತಾತ್ ’ಮನಿ’, ಸಕ್ಕಡ್ ಭಾಂಗಾರ್ ಕೆಲಾಂ, ವರೆತಾನ್ ಕರಿಯಮಣಿ.
49. ಹಾಂವ್ ಪಿರ್ಡುಕ್ ಬಾಂದ್ತಾ, ಕೊಣ್ ಮ್ಹಣ್ ಚಿಂತ್ಶಿ, ಫಾಲ್ಯಾಂ ಒಳ್ಕಾಶಿಂ, ಮಾಂಯ್ ಮ್ಹಣ್ ತುಜಿ.
50. ಭಾಯ್ಲ್ಯಾನ್ ಆಯ್ಲೆಂ ತಾರುಂ, ತಾರ್‍ವಾರ್ ಆಯ್ಲಿಂ ಬುಲಾಂ, ಸಕ್ಕಡ್ ಭಾಂಗಾರ್ ಕೆಲಾಂ, ವರೆತಾನ್ ಚಿಂಚೆ ಫುಲಾಂ.
51. ತುಳ್ವ್ಯೆ ಭಾಷೆನ್, ಮಿರ್ಸಾಂಗೆಕ್ ಮ್ಹಣ್ತಾತ್ ’ಮುಂಚಿ’, ಕರಿಯಮಣಿ ಊಂಚಿ, ವರೆತಾನ್ ಕರಯಿಲ್ಯಾ.
52. ಕೆಂಳ್ಬೊ ಕಾತರ್‍ನ್, ಕೆಂಳ್ಬ್ಯಾಚೊ ಕಾಡ್ಲೊ ದೋರ್, ಮಾಂಯ್ನ್ ಕರಯ್ಲಾ ಫುಗಾದೊರ್, ಸಗ್ಳೊ ಗಳೊಭರ್.
53. ಬ್ರಹ್ಮಾವರ್‍ಚೆ ಪೆಂಟೆಂತ್, ವಿಕುಂಕ್ ಘಾಲ್ಯಾಂತ್ ಬೊಡ್ಕಾಂ, ಸಾಡ್ಯಾರ್ ಹಾಡ್ಲ್ಯಾಂತ್ ಕುಡ್ಕಾಂ, ತುಜಾ ವರೆತಾನ್.
54. ಕಾಜಾರಾಚಾ ಘರಾ, ವೋರ್ನ್ ಶಿರೆಸ್ಟ್, ದೇವ್ ಗಿರೆಸ್ತ್, ಪಿರ್ಡುಕೆಕ್ ಬೆಸಾಂವ್ ದೀಂವ್.
55. ಕಾಳಿ ಪಿರ್ಡುಕ್, ಆಣ್ಸಿಚಾ ಸುತಾಕ್, ಸೊಭಾಗೆಚಾ ಪುತಾಕ್, ಹೊಕ್ಲೆ ಆವ್ಕ್ ಮಾಗ್.
56. ಕಾಳಿ ಪಿರ್ಡುಕ್, ಕಾಸಾಚಿಗಿ ಸಾಸಾಚಿ, ಕೊಸೆಸಾಂವ್ ಮಾಯೆಚಾ ಬೆಸಾಂವಾಚಿ, ಆದ್ರ್ ಮಾಗ್.
57. ಸರ್ಪಳೆಚೊ ಪೋಡ್, ಗುಂತ್ತಾನಾ ಗೊಂದೊಂ, ಆಯಾಪಣ್ ನೊಂದೊಂ, ದೆವಾ ಸಂಸಾರಾಂತ್.
58. ಸೊನಾರಾಚಾ ಸಾಳೆ, ದಿಸಾಕ್ ದಿವೆ ಜಳೆ, ಚಂದ್ರ್ ಸುರ್ಯೊ ಖೆಳೆ, ತುಜ್ಯೆ ಪಿರ್ಡುಕೆರ್.
59. ಸೊನಾರಾಚೊ ಸಾಳೆ, ಭಾಂಗಾರ್ ಘಾಲೆಂ ತುಕುನ್, ಮಿನಿನ್ ಕೆಲಾ ಜೊಕುನ್, ಹೊಕ್ಲೆ ಮಾಂವಾನ್ ತುಜಾ.
60. ಆಮಿ ಹಾಡ್ಲ್ಯಾಂತ್ ಫುಲಾಂ, ಕಸಲ್ಯೊ ತ್ಯೊ ಪರಿ, ಪಾತಿ ಕಂರ್ಬಾಳೊ ಮಾಳ್ಯಾಂ, ತಿಚಾ ಕೆಸಾಂ ಸರಿ.
61. ಕೆಸ್ ಉಗವ್ನ್, ಕೆಸಾಂಕ್ ಘಾಲಿ ಶೆಂಡಿ, ದಾಮುನ್ ಮಾಳ್ಯಾಂ ಪೆಂಡಿ, ಪಾತಿ ಕಂರ್ಬಾಳ್ಯಾಚಿ.
62. ಜಾಯ್‌ಚಾ ಕಳ್ಯಾಕ್, ಕಸ್ತೂರ್ ಘಾಲ್ಯಾ ಮೆಕ್ಳಿ, ಆತಾಂ ಸೊಡಯಾ ಶಿಂಕ್ಳಿ, ತ್ಯಾ ಕಸ್ತೂರೆಚಿ.
63. ಯಜ್ಮಾನಿಚಾ ಹುಂಬ್ರಾರ್, ಕಾಸುಳೆಚೊ ಖೊಲೊ, ಲಾಂಬ್ ಸೊಡಯಾ ಝೆಲೊ, ತ್ಯಾವಿ ಕಸ್ತೂರೆಚೊ.
64. ಹಾಡ್‌ಲ್ಲಿಂ ಫುಲಾಂ, ದವರ್‍ಲಿ ಲೆಸಾ, ಪರ್ಗಟಾಯಾ ಕೆಸಾ, ಹ್ಯಾಗೆ ಹೊಕುಲೆಚಾ.
65. ಯಜ್ಮಾನೆಚಾ ಹುಂಬ್ರಾರ್, ಉದ್ಕಾನ್ ಭರ್‍ಲಾ ತೋಡ್, ಮಾಂಯ್ ಫುಲಾಂ ಮಾಳ್ತಾ, ಹೊಕ್ಲೆ ಹಾತ್ ಜೋಡ್.
66. ಆಬೊಲೆಂ ಫುಲ್ಲಾಂ, ಘೊಸಾನ್ ಘೊಸ್, ಮಾಂಯ್ ಫುಲಾಂ ಮಾಳ್ತಾ, ಹೊಕ್ಲೆ ಕೆಸಾನ್ ಕೆಸ್.
67. ಮಾಂವಾನ್ ಹಾಡ್ಲ್ಯಾಂತ್ ಫುಲಾಂ ಹೊಕ್ಲೆ, ಜಾಯಾಂ ಜುಯಾಂಚೆಂ ವೊಜೆಂ, ಮಾಂಯ್ ಫುಲಾಂ ಮಾಳ್ತಾ, ಹೊಕ್ಲೆ ಭಾಗ್ ತುಜೆಂ.
68. ರೆಸ್ಪೆರ್ ಜಾವ್ನ್, ವಿಗಾರ್ ಚಡ್ಲೊ ಮಾಳಿಯೆ, ಮೊಗ್ರೆಂ ಫುಲ್ಲಾಂ ತಾಳ್ವೆ, ಆಮ್ಚ್ಯೆ ಹೊಕುಲೆಚೆ.
69. ಪಾವ್ಸ್‌ಚ್ ಯೇವ್ನ್, ತಳ್ಯಾಂತ್ ಜಾಲೊ ವ್ಹಾಳೊ, ಪಾಟ್‌ಭರ್ ಝೆಲೊ, ಹೊಕ್ಲೆ ಮಾಂವಾಂಗೆಲೊ.
70. ಬಾರೀಕ್ ಶೆಳೊ, ಉದ್ಕಾರ್ ಪಾಶಾರ್ ಜಾಲೊ, ಆತಾಂ ಮಾಳ್ಯಾಂ ಝೆಲೊ, ತಿಕಾ ಆಬೊಲ್ಯಾಂಚೊ.
71. ವ್ಹೊವ್ಳ್ಯಾಂ ಪ್ರಾಸ್, ಹೊಕಾಲ್ ಸೊಭಾಲೆಂ, ತಾಳ್ವೆರ್ ಆಬೊಲೆಂ, ಹ್ಯಾ ಹೊಕ್ಲೆಚಾ.
72. ಮಾಟವ್ ಶಿಂವ್ಲಾ, ಶಿವ್ತ್ಯಾಂ ಮೊಗ್ರ್ಯಾಂನಿ, ಮಾಂಯ್ ಫುಲಾಂ ಮಾಳ್ತಾ, ಹೊಕ್ಲೆ ದಿವುತ್ಯಾಂನಿ.
73. ವ್ಹೊರಾಣ್ ಯೆಂವ್ಚ್ಯೆ ವಾಟೆ, ಬುಡ್ಡಾಲಿ ಕಾಂಟಿ, ಸಾಡ್ಯಾರ್ ಹಾಡ್ಲ್ಯಾ ಪಾಂತಿ, ತುಕಾ ಕಸ್ತೂರೆಚಿ.
74. ಭಿತರ್‍ಲ್ಯಾ ಕುಡಾಂತ್, ಚರೊನ್ ಆಯ್ಲ್ಯೊ ಮುಯೊ, ಆಮಿ ಹಾಡ್ಲ್ಯಾಂತ್ ಫುಲಾಂ, ತುಕಾ ಜಾಯೊ ಜುಯೊ.
75. ಘಾಟಿಂ ಫೊಡೊ ನಾರ್ಲ್, ಬಂದ್ರಾರ್ ಆಯ್ಲೆಂ ಖೊಬ್ರೆಂ, ವಿಂಚುನ್ ಕಾಡ್ಲಾಂ ಮೊಗ್ರೆಂ, ಆಮ್ಚಾ ವರೆತಾನ್.
76. ಹೊಕ್ಲೆ ಬಾಯೆ, ಕಾಯ್ ಬರೆ ತುಜೆ ಹಾತ್, ತುಜಾ ನಂಡಾಂನಿ ಪಾತ್, ತುಕಾ ಫುಲಯಿಲಿ.
77. ಹೊಕ್ಲೆ ಬಾಯೆ, ಕಾಯ್ ಬರೆ ತುಜೆ ದೊಳೆ, ತುಜಾ ನಂಡಾಂನಿ ಕಳೆ, ತುಕಾ ಫುಲಯಿಲೆ.
78. ಗಾಂವ್ಚಿಂ ಫುಲಾಂ, ಗಾಂವಾಂತ್ ಉರ್‍ಲಿಂ, ಕೊಡ್ಯಾಳ್ಚಿಂ ಫುಲಾಂ, ನಂಡಾಂನಿ ಪುಂಜಾಯ್ಲಿಂ.
79. ಭಿತರ್ ಘಡ್ಲಾ ಸೊವೊ, ಭಾಯ್ರ್ ಘಡ್ಲಾ ಮೊಸೊ, ಮೊಗ್ರಿ ಮೊಲಾಂವ್ಕ್ ಗೆಲೊ, ಹೊಕ್ಲೆ ನಂಡಾವೊ ತುಜೊ.
80. ಫುಲಾಂಕ್ ಗೆಲ್ಲೊ ಕರವ್ಲೊ, ತಾನೆಲೊಗಿ ಭುಕೆಲೊ, ಮೊತಿ ಮಹಲಾಂತ್, ಜೆವ್ಣಾಕ್ ಬಸ್ಲೊ.
81. ಉದಾಕ್ ಕಾಡುಂಕ್ ಲಾಟೊ, ಉದಾಕ್ ವೊಂಡುಕ್ ಕರ್ಲೆಂ, ಏಕ್ ಕಟ್ ಫುಲಾಂನಿ, ಹೊಕ್ಲೆಚೆಂ ಮಾತೆಂ ಭರ್‍ಲೆಂ.
82. ಮಾಗಾ ಮಹಿನ್ಯಾಂತ್, ಶಿಂವ್ತ್ಯಾ ಭೋವ್ ಪಾನ್, ಫುಲಾಂ ಮಾಳ್ತೆಂ ಹೊಕ್ಲೆ, ತುಜೆ ಮಾತೆಂ ಸಾನ್.
83. ಆಮಿ ಹಾಡ್ಲ್ಯಾತ್, ಬಾರಾ ಕಟ್ ಕಳೆ, ಮ್ಹಜ್ಯೊ ಫಟಿ ಜಾಲ್ಯಾರ್, ಯಜ್ಮಾನಿ ಮೆಜುನ್ ಪಳೆ.
84. ಆಜ್ ಮೆಜ್ಲ್ಯಾರ್, ಸಮ ಯೆತಿತ್, ಫಾಲ್ಯಾಂ ಮೆಜ್ಲ್ಯಾರ್, ಉಣೆ ಜಾತಿತ್.
85. ತೆಣೆಂ ಕೊಣ್ ಯೆತಾ, ಎಕಿ ಎಕೊಡಿ, ಸಾಡ್ಯಾರ್ ಚಿಕೊಲಿ, ಫುಲಾಂ ಭಾಂಗಾರಾಚಿ.
86. ಮುಡೊಚ್ ಫೊಡುನ್, ಫಾಪುಡ್ಲೆಂ ಕಲ್ಲೆಂ, ಕಾಲ್ಚಾ ಫುಲಾಂನಿ, ಹೊಕ್ಲೆಕ್ ಆಯ್ತೆಂ ಕೆಲೆಂ.
87. ಫುಲ್ ಭಾಂಗಾರ್ ಮಾಳುನ್, ಮಾತೆಂ ಜಾಲೆಂ ಭಾಯಾ, ಹ್ಯಾಚ್ ಫುಲಾಂನಿ ತಿಕಾ, ನೊವ್ರ್ಯಾಗೆರ್ ಪಾಯಾ.
88. ಹಸ್ತಿ ಹಾಡಾಚಿ ದಾಂತೊಣಿ, ಕಾಮಾರ್ ಕಾಂತವ್ಣಿ, ಸಾಡ್ಯಾರ್ ದಾಂತೊಣಿ, ಹೊಕ್ಲೆ ಯೆರೊಪಾಚಿ.
89. ಹಸ್ತಿ ಹಾಡಾಚಿ ದಾಂತೊಣಿ, ಝಳ್ಜಳ್ಯಾ ಕೆಸಾಂಚಿ ವಿಣಿ, ಕೆಸ್ ವ್ಯಾಳಯ್ತೆ, ಹೊಕ್ಲೆ ಭಾವ್ಜಾಂನಿ(ಭಾವ್ಜಾಂನಿ).
90. ಕಣೆರಿಚೊ ಕಾಂಟೊ, ಕಣೆರೀರ್ ಮೊಡ್ಯಾ, ಭಾಂಗ್ ಕಾಡ್ಯಾ, ನೆಂಟೆ ನೆನೆರಿಚೊ.
91. ಹೊಕ್ಲೆಚೆ ಕೆಸ್, ಮೊತಿಯಾಂಚೆ ಘೊಸ್, ತಾಚ್ಯೆ ಸಾವ್ಳ್ಯೆ ಬಸ್, ವರೆತ್ ಮೊತಿಯಾಂ ಗೂಂತ್.
92. ಮುಖಾರ್ ಆಯ್ಲ್ಯಾ ಸೊಮಿಣ್, ಪಾಟ್ಲ್ಯಾನ್ ಆಯ್ಲ್ಯಾಂವ್ ವ್ಹೊವ್ಳ್ಯೊ ಆತಾಂ ಮಾಳ್ಯಾಂ ಮೊವ್ಳ್ಯೊ, ಪಾತಿ ಕಂರ್ಬಳ್ಯಾಚ್ಯೊ.
93. ಯಜ್ಮಾನಿಚಾ ಹಿತ್ಲಾಂತ್, ಫುಲೊವಿಲ್ಯಾತ್ ಯೆಂಡೊ, ಸಾಟ್ ತಿನ್ಶಿಂ ನಂಡೊ, ಹೊಕ್ಲೆ ಉಬ್ಗನಾಕಾ.
94. ಸಾಟ್ ತಿನ್ಶಿಂ ನಂಡೊ ಮ್ಹಣುನ್, ಕರಿನಾಕಾ ಶಿಣ್, ಖಾಶಾ ನಂಡೊ ಆಸ್ಚಿಂ, ತುಕಾ ಚೊವ್ಗಿಂ ಜಣಾಂ.
95. ದೋನ್ ಶೆರ್ ಘಾಲ್ಚಾ ತಂಯ್, ತೀನ್ ಶೆರ್ ಘಾಲ್, ಪತಿಕ್ ಪೂಂಜಾವ್ನ್, ನಂಡಾಂಕ್ ಆಪಂವ್ಕ್ ದಾಡ್.
96. ನಂಡೊ ಆಯ್ಲ್ಯಾರ್, ಹಾಸೊನ್ ಉಲವ್ನ್ ರಾವ್, ನಂಡಾವೆ ಆಯ್ಲ್ಯಾರ್, ಕದೆಲ್ ಮುಖಾರ್ ವೋಡ್.
97. ವಾಲಿಚಾ ಕದೆಲಾ, ಬಿಟಿಚೆ ಪಾಯ್, ಕದೆಲಾಚೆ ರಾಯ್, ಹೊಕ್ಲೆ ನಂಡಾವೆ ತುಜೆ.
98. ಸಕಾಳಿಂಚಾ ಜೆವ್ಣಾ, ಆಲ್ಯಾಚಿ ಕೆಲ್ಯಾ ದೊಸ್, ನಂಡಾಂಕ್ ಕಾಣ್ಘೆವ್ನ್, ಫಾಲ್ಯಾಂ ಜೆವ್ಣಾಕ್ ಬಸ್.
99. ಮಾಳ್ಯಾ ವಯ್ಲೆಂ ಲೊಣ್ಚೆಂ, ನಿಸಣ್ ದವರ್‍ನ್ ಕಾಡ್, ಉಗ್ಡಾಸ್ ಕರ್‍ನ್ ವಾಡ್, ಹೊಕ್ಲೆ ನಂಡಾವ್ಯಾಂಕ್ ತುಜಾ.
100. ಸಕಾಳಿಂ ಉಟೊನ್, ಹಾತಾಂತ್ ದರ್ ದೋರ್, ತುಂ ಖಂಯ್ ವೆತಾಯ್ ಜಾಲ್ಯಾರ್, ನಂಡಾಂಕ್ ಆಪವ್ನ್ ವ್ಹರ್.
Tags:
konkani culture, Konkani, Mangalore, Mangalorean, Mother Tongue
