From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ವೊವಿಯೊ: ರೆಸ್ಪೆರಾಕ್ ಭಾಯ್ರ್ ಸರ್ತಾನಾ
Thursday, July 14, 20161. ರೆಸ್ಪೆರಾಕ್ ಭಾಯ್ರ್ ಸರ್‍ತಾ ವರೆತ್, ಭಾಯ್ರ್ ಭಿತರ್ ವೆತಾ, ಪಯ್ಲೆಂ ಬೆಸಾಂವ್ ಮಾಗ್ತಾ, ದೆವಾ ಬಾಪಾಲಾಗಿಂ.
2. ರೆಸ್ಪೆರಾಕ್ ಭಾಯ್ರ್ ಸರ್‍ತಾ ವರೆತ್, ಭಾಯ್ರ್ ಭಿತರ್ ವೆತಾ, ದುಸ್ರೆಂ ಬೆಸಾಂವ್ ಮಾಗ್ತಾ, ದೆವಾ ಪುತ್ರಾಲಾಗಿಂ.
3. ರೆಸ್ಪೆರಾಕ್ ಭಾಯ್ರ್ ಸರ್‍ತಾ ವರೆತ್, ಭಾಯ್ರ್ ಭಿತರ್ ವೆತಾ, ತಿಸ್ರೆಂ ಬೆಸಾಂವ್ ಮಾಗ್ತಾ, ಪವಿತ್ರ್ ಆತ್ಮ್ಯಾಲಾಗಿಂ.
4. ರೆಸ್ಪೆರಾಕ್ ಭಾಯ್ರ್ ಸರ್‍ತಾ ವರೆತ್, ಭಾಯ್ರ್ ಭಿತರ್ ವೆತಾ, ಚೊವ್ತೆಂ ಬೆಸಾಂವ್ ಮಾಗ್ತಾ, ಆಪ್ಲ್ಯಾ ಬಾಪಾಯ್‌ಲಾಗಿಂ.
5. ರೆಸ್ಪೆರಾಕ್ ಭಾಯ್ರ್ ಸರ್‍ತಾ ವರೆತ್, ಭಾಯ್ರ್ ಭಿತರ್ ವೆತಾ, ಪಾಂಚ್ವೆಂ ಬೆಸಾಂವ್ ಮಾಗ್ತಾ, ಆಪ್ಲ್ಯೆ ಆವಯ್‌ಲಾಗಿಂ.
6. ರೆಸ್ಪೆರಾಕ್ ಭಾಯ್ರ್ ಸರ್‍ತಾ ವರೆತ್, ಭಾಯ್ರ್ ಭಿತರ್ ವೆತಾ, ಸವೆಂ ಬೆಸಾಂವ್ ಮಾಗ್ತಾ, ಸಮೆಸ್ತ್ ಪರ್ಜೆಲಾಗಿಂ.
7. ದೀಸ್ ಉದೆವ್ನ್, ದಿಸಾಕ್ ಪಡ್ಲಿಂ ಲ್ಹಾರಾಂ, ವರೆತ್ ಮೆಜ್ತಾ ವೊರಾಂ, ಆಪ್ಲ್ಯಾ ರೆಸ್ಪೆರಾಚಿಂ.
8. ರೆಸ್ಪೆರಾಕ್ ಭಾಯ್ರ್ ಸರ್‍ತಾ ವರೆತ್, ಭಾಯ್ರ್ ಭಿತರ್ ವೆತಾ, ಚಿಂತುನ್ ಕಂಗಾಲ್ ಜಾತಾ, ಆಮ್ಚೊ ವರೆತ್ ಬಾಬ್.
9. ಪಾದ್ರಿ ಮೀಸ್ ಸಾಂಗ್ತಾ, ಜೆಜು ಮರಿಯೆ ವಯ್ರ್, ತಾಣೆಂ ದಿಲಾಂ ದಯ್ರ್, ಆಮ್ಚಾ ವರೆತಾಕ್.
10. ಯಜ್ಮಾನಿಚಾ ಹುಂಬ್ರಾರ್, ಫುಲೊವಿಲಾ ಪಾತ್, ಉಜ್ವೊ ದಿ ಹಾತ್, ಆಜ್ ರೆಸ್ಪೆರಾಕ್.
11. ಹಾಡಾ ಜಮ್ಕಾಣ್, ಘಾಲಾ ಪಾಂಯಾಂತಳಾ, ಬೆಸಾಂವ್ ಮಾಗ್ ಬಾಳಾ, ತುಜ್ಯಾ ಬಾಪಾಯ್‌ಲಾಗಿಂ.
12. ಹಾಡ್ಯಾ ಜಮ್ಕಾಣ್, ಘಾಲ್ಯಾ ಪಾಂಯಾಂತಳಾ, ಬೆಸಾಂವ್ ಮಾಗ್ ಬಾಳಾ, ತುಜ್ಯೆ ಆವಯ್‌ಲಾಗಿಂ.
13. ವೆತಾನಾ ವಚ್ ವರೆತಾ, ಬೆಂಡಾ ತೊಂಬ್ರಾನ್, ಪಾಟಿಂ ಯೆತಾನಾ ಯೆ ವರೆತಾ, ಹೊಕ್ಲೆಚಾ ಸಾಂಗಾತಾನ್.
14. ವೆತಾನಾ ವಚ್ ವರೆತಾ, ದಸ್ತುರೆಚಾ ಪರ್ಮಳಾನ್, ಪಾಟಿಂ ಯೆತಾನಾ ವರೆತಾ, ಕಸ್ತೂರೆಚಾ ಪರ್ಮಳಾನ್.
15. ಸರ್ವಯ್ ವಸ್ತುರ್ ನ್ಹೆಸೊನ್,ಹಸ್ತಿ ವಯ್ಲ್ಯಾನ್ ಚಡ್ಲೊ, ಉಜ್ವಾಡ್ ಪಡ್ಲೊ, ಸಗ್ಳ್ಯಾ ಮಟ್ಪಾಡಿಂತ್.
16. ರೆಸ್ಪೆರಾಕ್ ವೆತಾ ವರೆತ್, ಸಾಂಗಾತಾಕ್ ಕೋಣ್, ಸಾಂತಿಸ್ಸಿಮಾ ತ್ರಿಂದಾದಿಚೊ, ದುಸ್ರೊ ಜಣ್.
17. ಮೇಯ್ ಮೊಚೆ ಘಾಲ್ನ್, ಉಬೊ ರಾವ್ಲೊ ನೀಟ್, ಮೆಯಾಂಕ್ ಬಾಂದ್ಲಾಂ ಫಿಂತ್, ತಾಂಬ್ಡೆಂ ಝಳ್ಜಳಿತ್.
18. ವರೆತಾ ಬಾಬಾ, ತೊಡೊಪ್ ನ್ಹೆಸ್ ದೊಡಿ, ದೋತ್ ತೊಡಿ, ಪುಣ್ ಹೊಕಾಲ್ ಕುಳಿಯೆನ್ ಬರಿ.
19. ಜೆವಾಣ್ ಜೆವ್ನ್, ತೊಂಡ್ ದುಂವ್ಕ್ ತಸ್ತ್, ತೆಗಾಂ ಪಾದ್ರಿಂಚೆಂ ಫೆಸ್ತ್, ತುಜಾ ರೆಸ್ಪೆರಾಕ್.
20. ಇಗರ್ಜೆ ಸಕ್ಲಾ, ತಾಂಬ್ಡಿ ಪಾಚ್ವಿ ಮಾತಿ, ಶೆಂಭರ್ ಜಳ್ತಿತ್ ವಾತಿ, ತುಜಾ ರೆಸ್ಪೆರಾಕ್.
21. ಸಾಂತ್ ಆನ್ನಾಚಾ ಕೊಂವೆಂತಾಂತ್, ಆಸಾತ್ ಜಾಯ್ತ್ಯೊ ಮಾದ್ರಿ, ಬಾರಾ ಜಣ್ ಪಾದ್ರಿ, ತುಜಾ ರೆಸ್ಪೆರಾಕ್.
22. ತೊಂಡಾನ್ ವ್ಹಾಜ್ತಾತ್ ವ್ಹಾಜಾಂತ್ರಾಂ, ಲಿವ್ರಾರ್ ದಿಸ್ತಾತ್ ಲೆತ್ರಾಂ, ವಿಗಾರ್ ಶಿಕಯ್ತಾ ತಿಂ ಉತ್ರಾಂ, ವರೆತಾ ಜಿಕುನ್ ದರ್.
23. ರೆಸ್ಪೆರಾಕ್ ವೆತಾ ಹೊಕಾಲ್, ಚಲೊಂಕ್ ಜಾಯ್ನಾ ಮ್ಹಣ್ತಾ ಪಾಂಯಾಂನಿ, ಬಾಪ್ಲ್ಯಾ ರಾಯಾಂನಿ, ತುಕಾ ಪಾಲ್ಕಿ ತಯಾರ್ ಕೆಲಿ.
24. ಪಾಲ್ಕೆರ್ ಬಸ್‌ಲ್ಲ್ಯೆ ಹೊಕ್ಲೆ, ಪಾಟಿಂ ಪಳೆವ್ನ್ ಚೊಯ್, ಮಾವ್ಳೆ ದಿತಿತ್ ಬೊಯ್, ತುಜಾ ಪಾಲ್ಕೆಕ್.
25. ರೆಸ್ಪೆರಾಕ್ ಯೆತಾ ವರೆತ್, ತಾಳು ತಾಚಿ ತಾಪ್ಲಿ, ಸತ್ರಿ ದಿಲಿ ಆಪ್ಲಿ, ಬಿದ್ರ್ಯಾಂಚಾ ವಿಗಾರಾನ್.
26. ರೆಸ್ಪೆರಾಕ್ ಯೆತಾ ವರೆತ್, ಪಾಂಯ್ ತಾಚೆ ತಾಪ್ಲೆ, ಮೊಚೆ ದಿಲೆ ಆಪ್ಲೆ, ಮಲ್ಕೆಚಾ ವಿಗಾರಾನ್.
27. ಕಾನಾಂಕ್ ಲಾಯ್ಲೆಂ ವೊಕ್ಲ್, ದೊಳ್ಯಾಂಕ್ ಆಯ್ಲಿ ದೀಷ್ಟ್, ಪಾದ್ರಿ ವಿಗಾರಾಂಚೊ ಇಷ್ಟ್, ಆಮ್ಚೊ ವರೆತ್ ಬಾಬ್.
28. ದವೊ ಘೊಡೊ, ಬಾಂದಿಲೊ ಸುಂರ್ಗಿ, ರುಪಾನ್ ಫಿಂರ್ಗಿ, ಆಮ್ಚೊ ವರೆತ್ ಬಾಬ್.
Tags:
konkani culture, Konkani, Mangalore, Mangalorean, Mother Tongue
