:: ಮಾಯ್ ಭಾಸ್ - MAIBHAAS.COM - A Konkani Web Portal Never Ever Before::

1. ಪಯ್ಲೆಂ ರತನ್ ಯಜ್ಮಾನಿ, ಆಮ್ಚೊ ಬೊಲ, ತಾಣೆಂ ಮಾಟೊವ್ ಘಾಲಾ, ಸಗ್ಳ್ಯಾ ಮಟ್ಪಾಡಿಕ್.

2. ದುಸ್ರೆಂ ರತನ್ ಯಜ್ಮಾನ್, ಆಮ್ಚಿ ರಾಣಿ, ಗಿಂಡ್ಯಾಂನಿ ಪಾಣಿ, ತಿವೀ ದಾನ್ ಕರಿ.

3. ಹಾತ್ ರಿತಿ ಪೇಟ್ ರಿತಿ ಚಿರಿ ರಿತಿ ಮ್ಹಣ್, ಕರಿನಾಕಾ ಚಿಂತ್ತಾ, ಭಾಗ್ಸಿರಿ ಸುನ್(ಬರೊ ಜಾಂವಯ್), ತುಜಾ ಘರಾ ಯೆತಾ.

4. ಹ್ಯಾಯೀ ಕಾಜಾರಾಕ್, ಕಿತೆಂ ಯೆತಿತ್ ವೊಜಿಂ, ಯೆತಾತ್ ಶೆಂಭರ್, ಯಜ್ಮಾನಿ ದಾಯ್ಜ್ಯಾಂಗೆಲಿ.

5. ಟಿಪ್ಪುಕ್ ಆನಿ ಇಂಗ್ಲಿಷಾಕ್, ಜಾಲಿ ತಿ ಲಡಾಯ್, ಬೊಮ್ಗಾಳೆ ಘಡಾಯ್, ಹ್ಯಾ ವೊಜ್ಯಾಂ ವಯ್ರ್.

6. ಭಾಂಗಾರ್ ತೂಕುನ್ ದಿಲಾಂ ಯಜ್ಮಾನಿನ್, ಕೆಂಪಾಂ ವಜ್ರಾಂಚಿಂ ಮುದ್ಯಾಂ, ಕುಸ್‌ಲ್ಲಿಂ ದುದ್ಯಾಂ, ಹ್ಯಾ ವೊಜ್ಯಾಂ ವಯ್ರ್.

7. ನಾರ್ಲೆಲ್ ತೆಲಾಕ್, ಕಾಪ್ಸಾಚಿ ವಾತ್, ಭಾಯ್ಲ್ಯಾನ್ ಜಾಲಿ ರಾತ್, ವೊವ್ಳಿಂ ಝೆಮೆತಾತ್.

8. ಚೂನ್ ಕಾಂತ್ತೆಲ್ಯಾ ವ್ಹೊವ್ಳ್ಯಾಂನೊ, ಕರಾ ತುಮಿ ಮೊರ್ದಿ, ಕಾಫ್ಯೆಕ್ ದಿಲ್ಯಾ ವರ್ದಿ, ಆಮ್ಚಾ ಯಜ್ಮಾನಿನ್.

9. ಹೊಕಾಲ್ ಆಮ್ಚಿ ಬಾಯ್, ಬ್ರಹ್ಮಾವರ್ ಮಿಸಾಕ್ ವೆತಾಲಿ, ಚಾಲ್ ಚಮ್ಕಣ್ ಪಳೆವ್ನ್, ಆಮಿ ಸಯ್ರಿಕ್ ಕೆಲಿ.

10. ವಯ್ರ್‌ಚ್ ಘರ್, ಸಕಯ್ಲ್ ಪಾಕೆಟೆ, ಮನಾಕ್ ಜೊಕೆತಿ, ಯಜ್ಮಾನಿನ್ ಸುನ್ ಕೆಲಿ.

ವೊವಿಯೊ: ರಾಂದ್ವಯ್ ಸುಟಿ ಕರ್ತಾನಾ