:: ಮಾಯ್ ಭಾಸ್ - MAIBHAAS.COM - A Konkani Web Portal Never Ever Before::

1. ತಾಂಬ್ಯಾಚ್ಯೆ ಭಾಣಿಂ, ತಾಪಯ್ಲಾಂ ತಾಂಬಾಣ್, ಹೊಕಾಲ್ ನ್ಹಾತಾ ನ್ಹಾಣ್, ಆಜ್ ಆಂಕ್ವಾರ್‌ಪಣಿಂ.

2. ತಾಂಬ್ಯಾಚೆ ಭಾಣಿಂ, ತಾಪಯ್ಲಾಂ ತಾಂಬಾಣ್, ಹೊಕಾಲ್ ನ್ಹಾತಾ(ವರೆತ್ ನ್ಹಾತಾ) ನ್ಹಾಣ್, ಆಜ್ ದಬಾಜಾನ್.

3. ಸಾಂಜೆಚೊ ವೇಳ್, ಜಾಳಿಂ ಮಿಳಿಂ ಜಾಲೊ, ಗಿಂಡಿಯಾಂನಿ ನ್ಹಾಲಿ, ಆಮ್ಚಿ ಹೊಕಾಲ್ ಬಾಯ್.

4. ಆಪ್ರೊಸ್ ರೋಸ್ ಪುಸುನ್, ತೆಂಡ್ಲ್ಯಾ ಮುಳಾಂತ್ ನ್ಹಾಣಯಾ, ಏಕ್ ಉತಾರ್ ಜಾಣಾಯಾ, ತಾಂಚಾ ಪುರ್ವಜಾಂಕ್.

5. ಕಾಮ್ ಕರುನ್, ಕಾಮಾಂತ್ ಜಾಲೊ ಲಾಭ್, ಆತಾಂ ಹಾಡ್ ಸಾಬು, ಹೊಕ್ಲೆಕ್(ವರೆತಾಕ್) ಆಂಗ್ ಪುಸುಂಕ್.

6. ಮಾಡ್ಯೆಚಿ ಕಾಂಬ್, ಬಾರೀಕ್ ತಾಸ್ಯಾ, ಆಂಗ್ ಬರೆಂ ಘಾಸ್ಯಾ, ಆಮ್ಚ್ಯೆ ಹೊಕುಲೆಚೆಂ(ವರೆತಾಚೆಂ).

7. ಇತ್ಲೆ ವೇರ್ಸ್ ಗಾವ್ನ್, ಆಮ್ಕಾಂ ಕಿತೆಂ ಪಾಗ್, ತುಮ್ಚಾ ರಜಾರ್ ಮಾಗ್ಣ್ಯಾಂತ್, ಆಮ್ಕಾಂ ಬರೆಂ ಮಾಗ್.

8. ಇತ್ಲೆ ವೇರ್ಸ್ ಗಾವ್ನ್, ತಾಳೊ ಆಮ್ಚೊ ಪಡ್ಲೊ, ವ್ಹಿಸ್ಕಿ ಬ್ರಾಂಡಿ ಸೊರೊ, ಆಮ್ಕಾಂ ದಿಂವ್ಚಾಕ್ ಪಡ್ಲೊ.

9. ಮಾಡಿಯೆಚಿ ಕಾಂಬ್, ತಾಸ್ಣೆನ್ ತಾಸ್, ಸಾಬು-ಶಿಕಾಯ್ ಘಾಲ್ನ್, ವರೆತಾಕ್ ಆಮ್ಚಾ ಘಾಸ್.

10. ಬಾವೆಚಿ ಕಾಂಬ್, ಬಾವೆರ್ ತಾಸ್ಯಾ, ಆಪ್ರೊಸಾನ್ ಘಾಸ್ಯಾ, ಆಮ್ಚ್ಯೆ ಹೊಕುಲೆಕ್(ವರೆತಾಕ್).

ವೊವಿಯೊ: ನ್ಹಾಣಯ್ತಾನಾ