From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ವೊವಿಯೊ: ಹೆರ್
Thursday, July 14, 20161. ಇಲ್ಲೊ ಪಾವ್ಸ್ ಯೆವ್ನ್, ಪಾಂವ್ಳೊ ಗಳಾತ್, ಇಯೆಲ್ಲೆ ಆವಯ್, ತಿಚೆಂ ಪೊಟ್ ಜಳಾತ್.
2. ಹೊಕ್ಲೆಚೊ ವರೆತ್, ಹೊಕ್ಲೆಕ್ ವ್ಹರ್‍ನ್ ಗೆಲೊ, ಇಯೆಲ್ಲೆ ಆವಯ್, ತುಜೊ ಆದಾರ್ ಗೆಲೊ.
3. ಯಜ್ಮಾನಿಚಾ ಹುಂಬ್ರಾರ್, ರೂಕ್ ಬೆವಾಚೊ, ಆದಾರ್ ದೆವಾಚೊ, ಹೊಕ್ಲೆ ಆವಯ್ಕ್ ತುಜಾ.
4. ಮಾಡಾ ವಯ್ಲಿ ಪೊಯ್, ಹಾಲೊನ್ ದಲೊನ್ ಪಡ್ಲಿ, ದವ್ಲತ್ ಚಡ್ಲಿ, ವರೆತಾ ಭಯ್ಣಿಕ್ ತುಜಾ.
5. ಪೊರುಂ ಲಾಯ್ಲೆಂ ಝಾಡ್, ಆಂವ್ಡುಂ ಉರ್‍ಲೆಂ ತಾಡ್, ಕಾಂಯ್ ಚಡ್ ಉಣೆಂ ಜಾಲ್ಯಾರ್, ಕುಳಾರಾ ಸಾಂಗೊನ್ ದಾಡ್.
6. ಘರಾ ಪಾಟ್ಲ್ಯಾನ್ ವಾಲ್, ವಾಲಿ ಪಾಟ್ಲ್ಯಾನ್ ವಾಟ್, ಸಾಂಗೊನ್ ದಾಡ್ಶಿ ಜಾಲ್ಯಾರ್, ಪತಿ ಫೊಡಿತ್ ಪಾಟ್.
7. ವೊಡ್ತಾಂತ್ಲೆಂ ಝಾಡ್, ಕೊಯ್ತೆನ್ ಬೆಂಡಿನಾಕಾ, ಉತ್ರಾಂನಿ ಕೆಂಡಿನಾಕಾ, ಹೊಕ್ಲೆ ಮಾಂಯ್ಕ್ ತುಜಾ.
8. ಸಕಾಳಿಂ ಕಾಡ್ಲೆಂ ದೂದ್, ಸಾಂಜೆರ್ ಜಾಲೆಂ ದಂಯ್, ಕೆಂಡುನ್ ಉಲಂವ್ಚಿ ನ್ಹಯ್, ಆಮ್ಚಿ ಹೊಕಾಲ್ ಬಾಯ್.
9. ನಾರ್ಲ್ ಭೆತುನ್, ನಾರ್ಲಾಚ್ಯೊ ಕೆಲ್ಯೊ ಶಿರೊ, ತಿತ್ಲೆಂ ಆಸ್ಲ್ಯಾರ್ ಫುರೊ, ಆಮ್ಕಾಂ ಸಮೆಸ್ತಾಂಕ್.
10. ಪಾನಾಂ ಖುಂಟುನ್, ಪಾನಾಂಚಿಂ ಕೆಲಿಂ ಆಣಾಂ, ತಿತ್ಲೆಂಚ್ ಕರುಂಕ್ ಜಾಣಾಂ, ಆಮ್ಚಿ ಹೊಕಾಲ್ ಬಾಯ್.
11. ಭಾಂಗಾರಾಚ್ಯೆ ಸುರಿಯೆ, ರುಪಿಯಾಚೆಂ ತೊರುಂ, ತಶೆಂ ಜಾಲ್ಯಾರ್ ಹೊಕ್ಲೆ, ದೇವ್ ಬರೆಂ ಕರುಂ.
12. ಹ್ಯಾವಿ ಕಾಜಾರಾಕ್, ಕಿತೆಂ ದಾನ್ ದಿಲಾಂ, ದೆವಾನ್ ಬರೆಂಚ್ ಕೆಲಾಂ, ಆಮ್ಚ್ಯೆ ಹೊಕ್ಲೆಕ್.
13. ಪಾವ್ಸ್ ಯೆವ್ನ್, ಉದಾಕ್ ಜಾಲೆಂ ಮಾರ್ಗಾ, ದಿಂಬಿ ಘಾಲ್ಯಾ ಸರ್ಗಾ, ವರೆತಾ ಬಾಪಾಯ್ನ್ ತುಜಾ.
14. ವರೆತಾ ಬಾಬಾ, ಕಿತೆಂ ತುಕಾ ಉಣೆಂ, ಬಾಪುಯ್ ನಾತ್‌ಲ್ಲೆಂ, ತುಜೆಂ ದುಬ್ಳೆಂ ಜಿಣೆಂ.
15. ಬಾಪುಯ್ ನಾ ಮ್ಹಣೊನ್, ಕರಿನಾಕಾ ಶಿಣ್, ಬಾಪಾಯ್ ಸಾರ್ಕೊ ಮಾನ್, ತುಕಾ ಬಾಪ್ಲೆ ದಿತಿತ್.
16. ಸಕಾಳಿಂ ಉಟೊನ್, ಕೊಂಬೊ ಘಾಲ್ತಾ ಸಾದ್, ವೆಳಾರ್ ಕೆಲೊ ಘಾತ್, ವರೆತಾ ಬಾಪಾಯ್ನ್ ತುಜಾ.
17. ಮಾಸ್ಳ್ಯೆ ಭಿತರ್ ಮಾಸ್ಳಿ, ಶೆವ್ಟ್ಯಾ ತುಜೆಂ ಬೊಡಿಕ್, ಭೋವ್ ಆಸ್‌ಲ್ಲಿ ವ್ಹಡ್ವಿಕ್, ವರೆತಾ ಮಿವ್ಣ್ಯಾಕ್ ತುಜಾ.
18. ಯಜ್ಮಾನಿಚಾ ಹುಂಬ್ರಾರ್, ಚರುನ್ ಗೆಲೊ ಉಂಬ್ಲೊ, ದವ್ಲತಿಚೊ ಕೊಂಬ್ಲೊ, ವರೆತಾ ಮಿವ್ಣೊ ತುಜೊ.
19. ಆಂಬೊ ತಾಸುನ್, ಆಂಬ್ಯಾಚೊ ಕೆಲೊ ಕೊಚೊರ್, ದವ್ಲತಿಚೊ ಕೊಂಬ್ಲೊ ಮ್ಹಣುನ್, ತುಮ್ಕಾಂ ಕಿತ್ಯಾಕ್ ಮೊಸೊರ್?
20. ಭಿತರ್‍ಲ್ಯಾ ಕುಡಾಂತ್, ದವರ್‍ಲ್ಯಾ ಬಾಲ್ದಿ, ಪಯ್ಲೊ ದಿ ಕಾಲ್ದಿ, ಆಮ್ಚಾ ವರೆತಾಕ್.
21. ವರೆತ್ ಮ್ಹಣ್ತಾ ವೀಸ್, ಮಾಂಯ್ ಚಿಂತ್ತಾ ತೀಸ್, ಬೊಂಬಯ್ ವಚುಂಕ್ ಆಸಾತ್ ದೀಸ್, ಆಮ್ಚಾ ವರೆತಾಕ್.
22. ಪರ್ನೆಂ ಕಾಪಾಡ್, ಪಿರಿ ಪಿರಿ ಪಿಂಜ್ತಾ, ಬೊಂಬಯ್ ವ್ಹರುಂಕ್ ಚಿಂತ್ತಾ, ಆಮ್ಚೊ ವರೆತ್ ಬಾಬ್.
23. ಕೊಂಬಿಯೆನ್ ಕಾಡ್ಲಿಂ ಪಿಲಾಂ, ಉರ್‍ಲೊ ಏಕ್ ಕೊಂಬ್ಲೊ, ಬೊಂಬಯ್ ಬಾಂದ್ಲಾ ಬಂಗ್ಲೊ, ಆಮ್ಚಾ ವರೆತಾನ್.
24. ಭಿತರ್‍ಲ್ಯಾ ಕುಡಾಂತ್, ದವರ್‍ಲಾ ಕಾಡಯ್, ಪೊಡ್ ಕಸರ್ ದಾಡಾಯ್, ಹೊಕ್ಲೆ ಮಾಂವಾಕ್ ತುಜಾ.
25. ಭಾಯ್ರ್ ಭಿತರ್ ವೆತಾನಾ, ಪಾಂಯಾಂಕ್ ಯೆತಿತ್ ವೊಡಿ, ರಾಂದ್ಪಾಕ್ ಕಾಡಿತ್ ಖೊಡಿ, ಹೊಕ್ಲೆ ಮಾಂಯ್ ತುಜಿ.
26. ಯಜ್ಮಾನಿಚಾ ಹುಂಬ್ರಾರ್, ಉಡೊನ್ ಗೆಲೆಂ ಚಿತಾಳ್, ರಾಂದಾಪ್ ಜಾಯ್ ನಿತಳ್, ಹೊಕ್ಲೆ ಮಾಂವಾಕ್ ತುಜಾ.
27. ಹಾಂಗಾ ರಾವ್ಲ್ಯಾರ್, ವಾಡ್ಯಾಂತ್ ದಿಸ್ತಾತ್ ಮಾಡ್, ಮಾಟ್ವಾಂತ್ ಆಸಾ ವ್ಹಡ್, ಹೊಕ್ಲೆ ಮಾಂಯ್ ತುಜಿ.
28. ವರೆತಾ ಬಾಬಾ, ಗಳ್ಯಾಂತ್ ತುಜಾ ಸರಿ, ಸಕ್ಟಾಂ ಪ್ರಾಸ್ ಬರಿ, ವರೆತಾ ಆವಯ್ ತುಜಿ.
29. ಯಜ್ಮಾನ್ ಆಮ್ಚಿ ಬಾಯ್, ಮನಾಂತ್ ಕಿತೆಂ ಚಿಂತ್ತಾ, ಬೊಂಬಯ್ ವೆತಾಂ ಮ್ಹಣ್ತಾಂ, ವರೆತಾ ಆವಯ್ ತುಜಿ.
30. ಯಜ್ಮಾನ್ಯಾಚಿ ಭಯ್ಣ್, ಆಮ್ಕಾಂ ಲೆಖ್ತಾ ಆಕಯ್, ಬೊಂಬಯ್ ಚಿಕ್ಕೆ ದಾಖಯ್, ವರೆತಾ ಆವಯ್ಕ್ ತುಜಾ.
31. ರುಕಾಚಾ ಕದೆಲಾ, ಬಿಟಿಚೆ ಪಾಂಯ್, ಕದೆಲಾಚೆ ರಾಯ್, ವರೆತಾ ಮಿವ್ಣೆ ತುಜೆ.
32. ತೆಣೆ ಕೊಣ್ ಯೆತಾತ್, ನೆಂಟೆ ನೆಣಾರಿ, ಜಾಂಟೆ ಜಾಣಾರಿ, ವರೆತಾ ಮಿವ್ಣೆ ತುಜೆ.
33. ತುಳು ಭಾಷೆನ್, ಮಿರ್ಸಾಂಗೆಕ್ ಮ್ಹಣ್ತಾತ್ ಮುಂಚಿ, ಎಕಾನೇಕ್ ಊಂಚಿ, ವರೆತಾ ಮಿವ್ಣೆ ತುಜೆ.
34. ತುಳು ಭಾಷೆನ್, ಕುರ್ಲೆಕ್ ಮ್ಹಣ್ತಾತ್ ದೆಂಜಿ, ಭೋವ್ ಆಸಾ ನಂಜಿ, ವರೆತಾ ಮಿವ್ಣ್ಯಾಕ್ ತುಜಾ.
35. ನೆತ್ರಾವತಿ ನ್ಹಂಯ್ತ್, ದೊಂಪಾರ್‌ಭರ್ ಖುಬೆ, ಮುಂಡಾಸ್‌ಗಾರ್ ಉಭೆ, ವರೆತಾ ಮಿವ್ಣೆ ತುಜೆ.
36. ತೆಣೆಂ ಕೊಣ್ ಯೆತಾತ್, ಬರ್‍ಯಾ ಮನಾಚೆ, ವ್ಹಡ್ ಘರಾಣ್ಯಾಚೆ, ವರೆತಾ ಮಿವ್ಣೆ ತುಜೆ.
37. ಯಜ್ಮಾನಿಚಾ ಹುಂಬ್ರಾರ್, ವ್ಹಡ್ ಆಸಾ ಪಾಗಾರ್, ಭೋವ್ ಆಸಾ ಆದಾರ್, ವರೆತಾ ಮಿವ್ಣ್ಯಾಂಚೊ.
38. ಆಮಿ ವ್ಹೊವ್ಳ್ಯೊ, ಆರ್ತಿಚ್ಯೊ ಬಾಯೊ, ಚಾ-ಚಾರ್ ವೊವಿಯೊ, ಆಮಿ ವಾಂಟುನ್ ಗಾವ್ಯಾಂ.
39. ಹೊಕಾಲ್ ಆನಿ ವರೆತ್ ಯೆತಿತ್, ಆಟಾಂ ದಿಸಾಂಚಾ ವಾಯ್ದ್ಯಾನ್, ಆಮಿ ಆಯ್ಲ್ಯಾಂವ್ ಕಾಯ್ದ್ಯಾನ್, ಚಾ-ಚಾರ್ ವೊವಿಯೊ ಗಾಂವ್ಕ್.
40. ಯಜ್ಮಾನ್ ಬಾಯೆ, ಭಾರಿ ತುಜಿ ಮಜಾ, ಆಮ್ಕಾಂಯ್ ದಿಯಾ ರಜಾ, ಚಾ-ಚಾರ್ ವೊವಿಯೊ ಗಾಂವ್ಕ್.
Tags:
konkani culture, Konkani, Mangalore, Mangalorean, Mother Tongue
