From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ವೇರ್ಸ್: ಸೊವ್ಯಾರ್ ಬಸ್‌ಲ್ಲ್ಯಾ ವೆಳಾರ್
Thursday, July 14, 20161. ಆನಂದ್ (ಆನಂದ್) ದೆವಾ ಬಾಪಾ. ಆನಿ ಆನಂದ್ (ಆನಂದ್) ದೆವಾ-ಪುತಾ,
ಪಯ್ಲೊ (ಪಯ್ಲೊ) ವೇರ್ಸ್ ಗಾಯ್ತಾಂ, ಪವಿತ್ರ್ (ಪವಿತ್ರ್) ಸಾಕ್ರಾಮೆಂತಾಕ್.
2. (ಸಾಕ್ರಾ) ಸಾಕ್ರಾಮೆಂತಾ ವರ್ವಿಂ, ಹೊಕಾಲ್ (ಹೊಕಾಲ್) ವರೆತ್ ಭುರ್ಗಿಂ,
ಅರ್ಗಾಂ (ಅರ್ಗಾಂ) ಮಾಗ್ತಿತ್ ಸರ್ಗಿಂ, ದೆವಾ (ದೆವಾ) ಬಾಪಾಲಾಗಿಂ.
3. ಸೊವೊ (ಸೊವೊ) ಸುಂರ್ಗಾರೊನ್, ದೊಸಿ (ದೊಸಿ) ಸೊಡ್ಲಿಂ ಪೊಂತಾಂ,
(ಆಯೆ) ಆಯೆರಾಕ್ ಬಸ್ಲ್ಯಾಂತ್, ದೊಗಾಂಯ್, (ದೊಗಾಂಯ್) ಭಾಗೆವಂತಾಂ.
4. ಸೊವೊ (ಸೊವೊ) ಸುಂರ್ಗಾರೊನ್, (ಹಾಂತು) ಹಾಂತುಳ್‌ಲ್ಯಾ ಸಸಿ, ಮಾಣಿಕ್ (ಮಾಣಿಕ್)
ನಿಫಜ್ ಜಾಲಾಂ, ವರೆತಾ (ವರೆತಾ) ದಾವ್ಯೆ ಕುಸಿಂ.
5. ಮಾಣಿಕ್ (ಮಾಣಿಕ್) ಆನಿ ಮೊತಿಂ, ಸಿಂಪಿಯೆ (ಸಿಂಪಿಯೆ) ತುಜ್ಯೆ ವೊಂಟಿಂ,
ನಿಫಜ್ (ನಿಫಜ್) ಜಾಲಾಂ ಮೊತಿಂ, ವರೆತಾ (ವರೆತಾ) ದಾವ್ಯೆ ಕುಸಿಂ.
6. ಕಾವ್ಯಾ (ಕಾವ್ಯಾ) ತ್ಯಾವಿ ಸರ್ಶಿನ್, ಕಾವ್ಯಾ (ಕಾವ್ಯಾ) ತಿನ್ ಹಿನ್,
ವರೆತಾ (ವರೆತಾ) ತಾಚ್ಯೆ ಸರ್ಶಿನ್, ಹೊಕಾಲ್ (ಹೊಕಾಲ್) ಸುವಾಸಿನ್.
7. ಕೊಯ್ತೊ (ಕೊಯ್ತೊ) ಮಾರ್‍ಲೊ ಮಾಸಾ, (ಮಾಸಾ) ಉಸಾಳ್ಳಲೆಂ ಹಾಡ್,
ಮಾಂವ್ (ಮಾಂವ್) ಆಯೆರ್ ಕರ್‍ತಾ, ವರೆತಾ (ವರೆತಾಂ) ಚೆಪೆಂ ಕಾಡ್.
8. ಕಾಸೆಂ (ಕಾಸೆಂ) ಕಾಸ್ಕಾರಾಚೆಂ, ರುಪೆಂ (ರುಪೆಂ) ಸೊನಾರಾಚೆಂ,
ಚೆಪೆಂ (ಚೆಪೆಂ) ಭಾಂಗಾರಾಚೆಂ, ವರೆತಾನ್ (ವರೆತಾನ್) ಕಶೆಂ ಕಾಡ್ಚೆಂ.
9. (ಯಜ್ಮಾ) ಯಜ್ಮಾನಿಚಾ ಹಿತ್ಲಾಂತ್, (ನಾರ್ಲಾ) ನಾರ್ಲಾಚೊ ಮಾಡ್,
ನಿಸಣ್ (ನಿಸಣ್) ಲಾವ್ನ್ ಕಾಡ್, ವರೆತಾ (ವರೆತಾ) ಚೆಪೆಂ ತುಜೆಂ.
10. ತೆವ್ಶಿನ್ (ತೆವ್ಶಿನ್) ಹೆವ್ಶಿನ್ ದರ್ಯೊ, ಮದೆಂ (ಮದೆಂ) ವ್ಹಡ್ಲೆಂ ಲ್ಹಾರ್,
ದಿಷ್ಟಿಕ್ (ದಿಷ್ಟಿಕ್) ಪಡ್ಲೆಂ ಶಹರ್, ವರೆತಾ (ವರೆತಾ) ಮಾಂವಾಡ್ಯಾಚೆಂ.
11. ಹೊಕಾಲ್ (ಹೊಕಾಲ್) ಆನಿ ವರೆತ್, ಖೆಳ್ತಿತ್ (ಖೆಳ್ತಿತ್) ಗುಪ್ರೊಳ್ಯಾಂನಿ,
ತಾಂಚೊ (ತಾಂಚೊ) ಲಾಯ್ಲೊ ಪಾಗ್, ದೊಡ್ಯಾ (ದೊಡ್ಯಾ) ಸರ್ಪಳ್ಯಾಂನಿ.
12. ಆಮಿ (ಆಮಿ) ಉದಾಕ್ ಶಿಂಪುಂ, (ಬಿಂಬ್) ಬಿಂಬ್‌ಲ್ಯಾಚಾ ಮುಳಾ,
ವರೆತಾನ್ (ವರೆತಾನ್) ಹಾತ್ ದಿಲಾ, (ದಾಳ್ಮಿ) ದಾಳ್ಮಿಣಿಚಾ ಫುಲಾ.
13. (ದಾಳ್ಮಿ) ದಾಳ್ಮಿಣಿಚೆಂ ದಾಳಿಂಬ್, (ದಾಳ್ಮಿ) ದಾಳ್ಮಿಣಿರ್ ಪಿಕ್ಲೆಂ,
ಪಿಕ್ಚಾ (ಪಿಕ್ಚಾ) ಫುಡೆಂ ಜಿಕ್ಲೆಂ, ಆಮ್ಚಾ (ಆಮ್ಚಾ) ವರೆತಾನ್.
14. (ವರೆ) ವರೆತಾ ಬಾಬಾ, ಬೊಲ್ಸಾಂತ್ (ಬೊಲ್ಸಾಂತ್) ತುಜಾ ಶಿಂವ್ತೆಂ,
ತುಜ್ಯೆ (ತುಜ್ಯೆ) ಸರ್ಶಿನ್ ಬಸ್ಲಾಂ, ಆಲ್ಕುಂಜ್ (ಆಲ್ಕುಂಜ್) ನಾಂವ್ ಕಿತೆಂ.
15. ಆಲ್ಕುಂಜ್ (ಆಲ್ಕುಂಜ್) ಸಿಲ್ವಾಕೆಲೆಂ, ನಾಂವ್ (ನಾಂವ್) ಪಾದ್ರಿನ್ ದಿಲ್ಲೆಂ,
ತುಜ್ಯೆ (ತುಜ್ಯೆ) ಸರ್ಶಿನ್ ಬಸ್ಲಾಂ, (ಮೊಗಾ) ಮೊಗಾಚೆಂ ಸೌಮ್ಯಾ ಮ್ಹಳ್ಳೆಂ.
16. ಮೂಟ್ (ಮೂಟ್) ಭರ್ ಭಾತ್, ಸುಪ್ (ಸುಪ್) ಭರ್ ಲಾಯ್,
ಸೊವ್ಯಾರ್ (ಸೊವ್ಯಾರ್) ಫುಲ್ಲ್ಯಾ ಜಾಯ್, ಹೊಕಾಲ್ (ಹೊಕಾಲ್) ಆಮ್ಚಿ ಬಾಯ್.
17. ರುಕಾರ್ (ರುಕಾರ್) ಪಿಕ್ಲಾ ಪೊಣಸ್, ಮುಳಿಂ (ಮುಳಿಂ) ಘುಂವ್ತಾ ಗಾಯ್,
ಆಪುಣ್ (ಆಪುಣ್) ಮ್ಹಣ್ತಾ ರಾಯ್, ತಾಚಾ (ತಾಚಾ) ರಾಜ್ವಟಾಚೊ.
18. ರುಕಾರ್ (ರುಕಾರ್) ಪಿಕ್ಲಾ ಆಂಬೊ, ತಾಳ್ವೆರ್ (ತಾಳ್ವೆರ್) ಭೊಂವ್ತಾ ಚಾನಿ,
ಆಪಣ್ (ಆಪಣ್) ಮ್ಹಣ್ತಾ ರಾಣಿ, ತುಜಾ (ತುಜಾ) ರಾಜ್ವಟಾಚಿ.
19. ಲಾಂಬ್ (ಲಾಂಬ್) ಸಾಂಕ್‌ಳೆಚೊ, ದಿವೊ (ದಿವೊ) ಮಾಳಿಯೆಚೊ,
ರಾಯಾಂ (ರಾಯಾಂ), ಕುಳಿಯೆಚೊ, ವರೆತ್ (ವರೆತ್) ಆಮ್ಚೊ ಬಾಬ್.
20. ಲಾಂಬ್ (ಲಾಂಬ್) ಸಾಂಕ್‌ಳೆಚಿ, ಸೊಮಯ್ (ಸೊಮಯ್) ಮಾಳಿಯೆಚಿ,
ರಾಯಾಂ (ರಾಯಾಂ) ಕುಳಿಯೆಚಿ, ಹೊಕಾಲ್ (ಹೊಕಾಲ್) ಆಮ್ಚಿ ಬಾಯ್.
21. (ಕಾಮಾ) ಕಾಮಾರಾಚೆ ಸಾಳೆ, ಜೋಡ್ (ಜೋಡ್) ಕಾರೊಪಾಚೊ,
ರಾಯ್ (ರಾಯ್) ಯೆರೊಪಾಚೊ, ಆಮ್ಚೊ (ಆಮ್ಚೊ) ವರೆತ್ ಬಾಬ್.
22. ವಾಟ್ (ವಾಟ್) ಕಾಳೊಕಾಚಿ, ಭಿರಾಂತ್ (ಭಿರಾಂತ್) ಸರೊಪಾಚಿ,
ರಾಣಿ (ರಾಣಿ) ಯೆರೊಪಾಚಿ, ಆಮ್ಚಿ (ಆಮ್ಚಿ) ಹೊಕಾಲ್ ಬಾಯ್.
23. ಭಾಯ್ಲ್ಯಾನ್ (ಭಾಯ್ಲ್ಯಾನ್) ಆಯ್ಲೆಂ ತಾರುಂ, ಕುವ್ಯಾ (ಕುವ್ಯಾ) ಸಯ್ತ್ ಹಾಲ್ತಾ,
ತಾಚೆರ್ (ತಾಚೆರ್) ಬಸೊನ್ ದಲ್ತಾ, ವರೆತ್ (ವರೆತ್) ಆಮ್ಚೊ ಬಾಬ್.
24. ಭಾಯ್ಲ್ಯಾನ್ (ಭಾಯ್ಲ್ಯಾನ್) ಆಯ್ಲೆಂ ತಾರುಂ, ತಾರ್‍ವಾರ್ (ತಾರ್‍ವಾರ್) ಆಯ್ಲೆಂ ವೊಡೆ,
ತಾಚೆರ್ (ತಾಚೆರ್) ಬಸ್ಲಾಂ ಜೊಡೆಂ, ಕಿರಾ (ಕಿರಾ) ಸಾಳೆರಿಂಚೆಂ.
25. ಕಿರಾ (ಕಿರಾ) ತುಜ್ಯೆ ಬೊಂಚಿ, ಸಾಳ್ಸೊ (ಸಾಳ್ಸೊ) ಕೊಣಾ ಗಾಂವ್ಚಿಂ,
ಸಾಳೆರ್ (ಸಾಳೆರ್) ಕೊಣಾ ಗಾಂವ್ಚಿಂ, ವರೆತಾನ್ (ವರೆತಾನ್) ಪಾರ್ಕುನ್ ಸಾಂಗ್ಚಿಂ.
26. ಭಾಯ್ಲ್ಯಾನ್ (ಭಾಯ್ಲ್ಯಾನ್) ಆಯ್ಲೆಂ ತಾರುಂ, ಉಗ್ತ್ಯಾ (ಉಗ್ತ್ಯಾ) ಜನೆಲಾಂಚೆಂ,
ಸೊಭ್ತ್ಯಾ (ಸೊಭ್ತ್ಯಾ) ಚಿನೆಲಾಂಚಿ, ಆಮ್ಚಿ (ಆಮ್ಚಿ) ಹೊಕಾಲ್ ಬಾಯ್.
27. ಭಾತಾ (ಭಾತಾ) ಚಾವಿ ರಾಶಿ, ಕೊಂಬ್ಯೆನ್ (ಕೊಂಬ್ಯೆನ್) ಘಾಲಾಂ ತಾಂತಿಂ,
ವಿಂಚುನ್ (ವಿಂಚುನ್) ಕಾಡ್ಲಾಂ ಮೊತಿಂ, ಆಮ್ಚಾ (ಆಮ್ಚಾ) ವರೆತಾನ್.
28. ಬೊಂಬಯ್ ಬೊಂಬಯ್ (ಬೊಂಬಯ್) ಮ್ಹಣ್ಚೆಂ, ಬೊಂಬಯ್ (ಬೊಂಬಯ್) ಪಾರ್ಶಾಂಚೆಂ,
ಘರ್ (ಘರ್) ಆರ್ಶಾಂಚೆಂ, ಆಮ್ಚಾ (ಆಮ್ಚಾ) ವರೆತಾಚೆಂ.
29. ಇತ್ಲೆ (ಇತ್ಲೆ) ವೇರ್ಸ್ ಗಾವ್ನ್, ಭರ್‍ಲೆಂ (ಭರ್‍ಲೆಂ) ಆಮ್ಚೆಂ ಪೊಟ್,
ಆತಾಂ (ಆತಾಂ) ಸೊಡ್ಯಾಂ ಮೂಟ್, ಆಮ್ಚಾ (ಆಮ್ಚಾಂ) ವೆರ್‌ಸಾಂಚಿ.
30. ಇತ್ಲೆ (ಇತ್ಲೆ) ವೇರ್ಸ್ ಗಾವ್ನ್, ಆಮ್ಕಾಂ (ಆಮ್ಕಾಂ) ಕಿತೆಂ ಪಾಗ್,
ತುಮ್ಚಾ (ತುಮ್ಚಾ) ರಜಾರಾಂತ್, ಆಮ್ಕಾಂ (ಆಮ್ಕಾಂ) ಬರೆಂ ಮಾಗ್.
31. ಇತ್ಲೆ (ಇತ್ಲೆ) ವೆರ್ಸ್ ಗಾವ್ನ್, ತಾಳೊ (ತಾಳೊ) ಆಮ್ಚೊ ಪಡ್ಲೊ,
(ಕಾಜು) ಕಾಜುವಾಚೊ ಸೊರೊ, ಆಮ್ಕಾಂ (ಆಮ್ಕಾಂ) ದಿಂವ್ಕ್ ಪಡ್ಲೊ.
32. ಇತ್ಲೆ (ಇತ್ಲೆ) ವೇರ್ಸ್ ಗಾವ್ನ್, ಅಸ್ಕತ್ (ಅಸ್ಕತ್) ಜಾಲಿ ಕೂಡ್,
ದಿ (ದೀ) ಯಜ್‌ಮಾನಿ ಪೂಡ್, ತುಜಾ (ತುಜಾ) ಬುಶಾದಾಂತ್ಲಿ.
33. ಮೂಟ್ (ಮೂಟ್) ಭರ್ ಮುಟ್ಲೆಂ, ಟುಕ್ಕ್ (ಟುಕ್ಕ್) ಕರ್ನ್ ಉಟ್ಲೆಂ,
ಪೂಡ್ (ಪೂಡ್) ದಿವ್ಯಾಂ ಮ್ಹಳ್ಯಾರ್, ಬುಶ್ಯಾದ್ (ಬುಶ್ಯಾದ್) ಮ್ಹಜೆಂ ಫುಟ್ಲೆಂ.
Tags:
konkani culture, Konkani, Mangalore, Mangalorean, Mother Tongue
