From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಹುಮಿಣ್ಯೊ: ಥೊಡ್ಯೊ ವಿಂಚ್ಣಾರ್ ಹುಮಿಣ್ಯೊ -2
Sunday, July 17, 2016136.ಬಾಪಯ್ ಆಳ್ಶಿ, ಆವಯ್ ಚುರುಕ್, ತಾಂಕಾಂ ಸಾಟ್ ಭುರ್ಗಿಂ - (ಘಡ್ಯಾಳ್).
137.ಕಾಸಾಚಾ ಘೊಡ್ಯಾಕ್ ಶಿಮ್ಟೆಕ್ ಲಗಾಮ್ - (ಸುವಿ ಸುತ್).
138.ಬ್ರಾಹ್ಮಣ್ ಬುಡ್ತಾ, ತಾಚೊ ಮುಂಡಾಸ್ ಬುಡಾನಾ - (ಸಾಳಕ್).
139.ಕಾಳಿ ಘೊಡಿ, ಲಗಾಮ್ ಮೊಡಿ, ವ್ಹಡಾಂಗೆಲೆಂ ಘರ್ ಮೊಡಿ - (ಉಂದಿರ್).
140.ಬುಂಯಾಂವಾರ್ ಮಾಂಕೊಡ್ ಬಸ್ಲಾ - (ಕಾಜ್ ಆನಿ ಬಿ).
141. ಕಾಳ್ಯಾ ದಿವ್ಳಾಂತ್ ಧವೊ ದೇವ್ - (ಮಡ್ಕೆಂತ್ ಶಿತ್).
142.ಬಿಳಾಂತ್ಲೆಂ ಕಾಡ್ನ್ ಧರ್ಣಿಕ್ ಮಾರ್‍ತಾತ್ - (ಕಿರ್ಮೆಂ).
143.ಕಾಳ್ಯಾ ಕುಡಾಂತ್ ಕಾಳೆಂ ಮಾಜಾರ್ - (ಭಾಣ್ಶೆರೆಂ).
144.ಬಿಳಾಂತ್ಲ್ಯಾ ಸರ್‍ಪಾಕ್ ಬತ್ತಿಸ್ ಪಾರ್‍ಯಾಗಾರ್ - (ಜೀಬ್).
145.ಕಾಳ್ಯಾ ಬೆಟಾಕ್ ಫುಟ್ಲ್ಯಾ ಧವಿ ಧಾಳ್ - (ಮಾತ್ಯಾಚಾ ಕೆಸಾಂಚೊ ಭಾಂಗ್).
146.ಬೂದಿಂ ಭಿತರ್ ಹಲ್ಕಿ ಬೂದ್, ಖಂಯ್ಚಿ ತಿ? - (ಬಾಳ್ಬುದ್).
147.ಕಾಳ್ಯಾ ಭೊಟಾಕ್ ಧವೊ ನಾಮ್ - (ಉಡಿತ್).
148.ಬಿ ನಾಸ್ತಾನಾ ಕಿರ್ಲತಾ, ಕಾಡ್ನ್ ಲಾಯ್ಲ್ಯಾರ್ ವಾಂಚಾನಾ - (ಆಳ್ಮೆಂ).
149.ಕಾಳ್ಯಾ ಬೆಟಾಂತ್ ಕಾಳೆ ಬಕ್ರೆ ಚರ್‍ತಾತ್ - (ಉವೊ).
150.ಭಾಂಗಾರಾಚಿ ಸರಿ ಮಾತ್ಯೆಂತ್ ಪುರಿ - (ಹಳದ್).
151. ಕಾಳ್ಯಾ ಚೆಡ್ಯಾಕ್ ಧವೊ ಮುಂಡಾಸ್ - (ಸುರೆಚೊ ಕೊಳ್ಸೊ).
152.ಬಾಂಯ್ತ್ ಪಡ್ಲ್ಯಾರ್‌ಯೀ ಉದಾಕ್ ಹಾಲಯ್ನಾ - (ಸುರ್ಯಾಚೆಂ ಕೀರ್ಣ್).
153.ಖಾವಯ್ಲ್ಯಾರ್ ಖಾತಾ, ಪಿಯೆಂವ್ಕ್ ದಿಲ್ಯಾರ್ ಮರ್‍ತಾ - (ಉಜೊ).
154.ಭಾಂಗಾರ್ ಉಡವ್ನ್ ರುಪೆಂ ಗಿಳ್ತಾತ್ - (ಕೆಳೆಂ).
155.ಕಿತ್ಲೊ ವೇಳ್ ಆಪಯ್ಲ್ಯಾರ್‌ಯೀ ಜಾಪ್ ನಾ - (ಇಗರ್ಜೆಚಿ ಘಾಂಟ್).
156.ಬಾರ್ಕೂರ್‍ಚಾ ವಾಂಯ್ಗ್ಯಾಕ್ ದೇಂಟ್ ನಾ - (ತಾಂತಿಂ).
157.ಕಿತ್ಲೆಂಚ್ ತುಂ ಕಾತರ್, ಖಿಣಾ ಭಿತರ್ ಗೂಣ್ ಜಾತಾ - (ಉದಾಕ್).
158.ಬಾಗಾಲ್ಯಾರ್ ತೊಂಡಾಕ್ ಮಾರ್‍ತಾ, ಉಭೆಂ ಜಾಲ್ಯಾರ್ ಹರ್ಧ್ಯಾಕ್ ಮಾರ್‍ತಾ - (ಗಳ್ಯಾಂತ್ಲೆಂ).
159.ಕುಂಪಾರ್ ಆಮ್ಚೊ ಕಿಣ್ಣ್ಯಲೊ, ಮಾಡಾರ್ ಚಡೊಂಕ್ ಸಕ್ತಲೊ - (ಮೂಯ್).
160.ಬತ್ತಿಸ್ ಚಿರ್‍ಯಾಂ ಮಧೆಂ ಉಳ್ವುಳ್ತಾ ತಿ ನಾಗಿಣ್ - (ಜೀಬ್).
161.ಕೆಸಾಂಗಾರ್ ಸಾಂಗಾತಾ ಮೆಳ್ತಾನಾ, ಸಂಸಾರ್ ಸಗ್ಳೊ ಕಾಳೊಕ್ - (ದೊಳ್ಯಾಂಚ್ಯೊ ಆಸ್ಡ್ಯೊ).
162.ಫಾತ್ರಾರ್ ನಾಸ್ತಾ, ಸರ್‍ಯೆರ್ ನಿದ್ತಾ - (ವಸ್ತುರ್).
163.ಕೊಪ್ಯಾ ವಯ್ರ್ ಕೊಪೊ, ಸುವಿಯೆನ್ ಶಿಂವ್‌ಲ್ಲೊ ನ್ಹಯ್ - (ಕ್ಯಾಬೆಜ್).
164.ಪೊಟ್ ಭಿಜಯ್ನಾಸ್ತಾನಾ ಸರ್ದಾರ್ ನ್ಹಾಲೊ - (ದೋಣ್).
165.ಖಾಲಿ ಬೊಲ್ಸಾಂತ್ ಕಿತೆಂ ಆಸ್ಯೆತ್? - (ಬುರಾಕ್).
166.ಪೊಟ್ಟು ಬಾಂಯ್ತ್ ನಾಯ್ಕುಲಾಂ ಉಳ್ವುಳ್ತಾತ್ - (ಲಾಯೊ).
167.ಖಿಳೊ ನಾ ಗಾಂಚ್ ನಾ, ವೊಣದಿರ್ ಉಮ್ಕಾಳ್ತಾ - (ಸಾವ್ಳಿ).
168.ಕೊಂಬ್ಯೆನ್ ತಾಂತಿಂ ದವರ್‍ಚೆಂ ಕಿತ್ಯಾಕ್? - (ಸಕ್ಲಾ ಘಾಲ್ಯಾರ್ ಫುಟ್ತಾ ಮ್ಹಣ್).
169.ಪೆದ್ರು ಲಿಪ್ಲಾ ತರ್‌ಯೀ, ತಕ್ಲಿ ದಿಸ್ತಾ - (ಖಿಳೊ).
170.ಗರ್ಭ್ ಭರ್‍ಚೆ ಪಯ್ಲೆಂಚ್ ಬಾಳಂತ್ ಜಾತಾ - (ನೇಜ್).
171.ಪೂಜಾಚೊ ಭೊಟ್ ಶೆಂಡಿ ಧರ್‍ಲ್ಯಾ ಶಿವಾಯ್ ಉಲಯ್ನಾ - (ಕಾಂಪಿಣ್).
172.ಗಾಂವ್ ಭೊಂವ್ತಾ ತರ್‌ಯೀ ಸಾವ್ಳಿ ದಿಸಾನಾ - (ವಾರೆಂ).
173.ಪೆಲ್ಯಾಕ್ ದಿತಾಯ್ ತರ್‌ಯೀ ತುವೆಂಚ್ ದವ್ರುಂಕ್ ಜಾಯ್ - (ತುಜೆಂ ಉತಾರ್).
174.ಗಿಮಾಂತ್‌ಯೀ ವ್ಹಾಳ್ತಾ, ಪಾವ್ಸಾಂತ್‌ಯೀ ವ್ಹಾಳ್ತಾ - (ನಾಕ್).
175.ಪಿಸಾಯೆಚೆಂ ಪಯ್ಲೆಂ ಮೆಟ್ ಖಂಯ್ಚೆಂ? - (ಆಪುಣ್ ಬುದ್ವಂತ್ ಮ್ಹಣ್ ಚಿಂತ್ಚೆಂ).
176.ಗುಡ್ಯಾ ಪಾಟ್ಲ್ಯಾನ್ ಖಡಾಪ್ ಲಾಂಬ್ತಾ - (ಮಾತ್ಯಾರ್ ಶೆಂಡೊ).
177.ಪಾಂಚ್ ಘರಾಂಕ್ ಝಾಲ್ ಏಕ್‌ಚ್ - (ತಳ್ಹಾತ್).
178.ಗುಡ್ಯಾರ್ ಬಸೊನ್ ಸಂಸಾರಾಕ್ ಆಪಯ್ತಾ - (ಘಾಂಟ್).
179.ಪಾಳ್ಣೆಂ ಉಡವ್ನ್ ಬಾಳ್ಶೆಂ ಗಿಳ್ತಾತ್ - (ಕೆಳೆಂ).
180.ಗುಡ್ಯಾ ಕುಶಿಕ್ ಉದ್ಕಾಚಿ ಝರ್ - (ನಾಕ್).
181.ಪಿಲೊ ಎದೊಸೊ ತರ್‌ಯೀ, ತಾಚೆಂ ಉತಾರ್ ಸಂಸಾರ್ ಪಾತ್ಯೆತಾ - (ಘಡ್ಯಾಳ್).
182.ಗೇಣ್‌ಭರ್ ಮನ್ಶಾಕ್ ಹಾತಿಭರ್ ಖಾಡ್ - (ನಾರ್ಲ್).
183.ಪಾವ್ಸ್ ಸುಟ್ತಾನಾ ಫುಲಾಂಕ್ ವೆಂಗ್ತಾ - (ಮ್ಹೊಂವಾಚೊ ಮೂಸ್).
184.ಗೆಂದ್ಯಾ ಕೆಸಾಂಚಿ ನಾರಿ, ಬತ್ತಿ ಕೊವಲ್ ಘಾಲಿ - (ಜಂದ್ಳೊ).
185.ಪಾಳ್ ಏಕ್, ಖಾಂದೆ ಪಾಂಚ್ - (ಹಾತ್ ಆನಿ ಬೊಟಾಂ).
186.ಗೊರಿ ಮಾನೆಸ್ತಿಣ್, ಮಾತ್ಯಾರ್ ಉಜೊ ಘೆವ್ನ್ ಉಭಿ - (ವಾತ್).
187.ಪಾವ್ಸ್ ಪಡ್ತಾನಾ ಆಪುಣ್ ಚಡ್ತಾ - (ಸತ್ರಿ).
188.ಘೊಳ್ತಾ ರಾಂದ್ತಾ, ಆಪುಣ್ ಜೆವಿನಾ - (ಮ್ಹೊಂವಾಚೊ ಮೂಸ್).
189.ಪಾವ್ಸಾಕ್‌ಯೀ ಫುಲ್ತಾ, ವೊತಾಕ್‌ಯೀ ಫುಲ್ತಾ - (ಸತ್ರಿ).
190.ಗ್ರೆಸ್ತಾಂಚಾ ಹಾತಾಂತ್ ಆಸಾ, ದುಬ್ಳ್ಯಾಂಚ್ಯೆ ಜಿಭೆರ್ ಮಾತ್ರ್ - (ದುಡು).
191.ಪಾಂಯ್ ನಾಸ್ತಾನಾ ಧಾಂವ್ತಾ, ಹಾತ್ ನಾಸ್ತಾನಾ ಆಪಡ್ತಾ - (ವಾರೆಂ).
192.ಆಯಿಲ್ಲ್ಯಾ ಸಯ್ರ್ಯಾಕ್ ಪಯ್ಲೆಂ ಸವಾಲ್ ಕೊಣಾಚೆಂ? - (ಘರ್‍ಚಾ ಸುಣ್ಯಾಚೆಂ).
193.ಪಾಂಯ್ ನಾಂತ್ ತರ್‌ಯೀ, ಚಲ್ಚೆಂ ಸೊಡಿನಾ - (ಜಿವ್ದಾಳ್).
194.ಘರಾ ಪಾಟ್ಲ್ಯಾನ್ ದಿವೊಡ್ ತಿಲ್ಟಾ - (ಪಡ್ವಳೆಂ).
195.ಘಾಲ್ತಾನಾ ಕಾಳೆಂ, ಕಾಡ್ತಾನಾ ತಾಂಬ್ಡೆಂ - (ಉಜ್ಯಾಕ್ ಘಾಲ್ಚೆಂ ಲೊಂಕಾಡ್).
196.ಚೆರೆ ಚೆರೆ ಉದಾಕ್ ತೊಂಡ್ ಭರ್‍ನ್ - (ಥಿಂಪಿ).
197. ಚಲ್ಚಾ ಘರಾಕ್ ದೊಡ್ಚೆ ಖಾಂಬೆ - (ಕುರ್ಲಿ).
198.ಚಂದ್ರಾ ಮುಖಾರ್ ಉಬ್ತಾ, ಸುರ್ಯಾ ಮುಖಾರ್ ಲಿಪ್ತಾ - (ಪಾಕೊ).
199.ಚಾರ್ ಕುದ್ರೆ ಉತ್ರೊನ್ ಮಾತ್ರ್ ದರ್ಯೊ - (ನಾರ್ಲ್).
200.ಚಾರ್ ಪಾಂಯ್ ತರ್‌ಯೀ ಚಲೊಂಕ್ ಕಳಾನಾ - (ಮೆಜ್).
201.ಧುಂವರ್ ನಾ, ಗೊಬೊರ್ ನಾ, ಕೆಂಡಾಂ ನಾಂತ್, ಇಂಗ್ಳೊ ನಾ; ಪೆಟಂವ್ಕ್ ತಾಕಾ ಕೊಲಿತ್ ನಾಕಾ, ಪಾಲ್ವಂವ್ಕ್ ತಾಕಾ ಉದಾಕ್ ನಾಕಾ. - (ವೀಜೆಚಿ ಶಿಗ್ಡಿ)
202.ಬಾಂಧ್ಲೆಲೆಂ ಏಕ್‌ಚ್ ಘರ್, ಭಿತರ್ ಪಳೆಲ್ಯಾರ್ ಸಭಾರ್ ಘರಾಂ. - (ಕಾಣಿಯೆಚೆಂ ಪುಸ್ತಕ್)
203.ಭಾಜುಂಕ್ ನಾ, ಲಾಸುಂಕ್ ನಾ; ಕಾಟು-ಕಾಟು ಕರ್‍ಚೆಂ ಸೊಡಿನಾ. - (ಸುಕೊ ಚಿಂಚಾರೊ)
204.ಪೆಟ್ಲೊಲೊ ದಿಸ್ಲೊ, ಜಳ್ಳಲೊ ದಿಸ್ಲೊ; ಲಾಗಿ ವಚೊನ್ ಪಳೆಲ್ಯಾರ್ ಗೊಬೊರ್ ನಾ ಕಾಂಯ್ ನಾ. - (ಕಾಪುರ್)
205.ವಾಂಕ್ಡಿ-ತಿಂಕ್ಡಿ ಬಾಂಯ್, ತಿಳುನ್ ಪಳೆಲ್ಯಾರ್ ಉದಾಕ್ ನಾ. - (ಕಾನ್)
206.ಧವ್ಯಾ ಮಧೆಂ ಕಾಳೆಂ ಉಪ್ಯೆತಾ. - (ದೊಳೊ)
207.ಅಂತ್ರಳ್ ರಿಗ್ತಾ, ತಾಂಬ್ಡಿಂ ತಾಂತಿಯಾಂ ದವರ್‍ತಾ. - (ಪೊಪ್ಳಾಂ)
208.ಶಿರೊ ಆಸಾತ್ ಗೊಸಾಳೆಂ ನಹಿಂ; ಆಂಬೊಟ್-ಆಂಬೊಟ್ ಆಮ್ಟಾಣ್ ನಹಿಂ; ಭಾಂಗಾರಾ ರಂಗ್; ಪುಣ್, ಕೆಳೆಂ ನಹಿಂ. - (ಕಂರ್ಬಾಲ್)
209.ಆಮ್ಚಾ ಮ್ಹಾತಾರೆಕ್ ಪಾಚ್ವಿಂ ಶಿಂಗಾಂ. - (ಪಿಯಾವ್)
210.ಕಾಳ್ಯಾ ಫೊರಾಕ್ ಧವೊ ನಾಮ್. - (ಉಡಿತ್)
211.ತ್ಯಾ ರೂಕಾಕ್ ಏಕ್‌ಚ್ ಪಾಳ್, ಏಕ್‌ಚ್ ಪಾನ್. - (ಆಳ್ಮೆಂ)
212.ಎಕಾ ಪಾಂಯಾಚ್ಯಾ ಧೊಂಕಾಕ್, ಶೆಂಭರ್-ಶೆಂಭರ್ ತಾಂತಿಯಾಂ. - (ನಾರ್‍ಲಾ ಶಿಮ್ಟೆಂ)
213.ದಿವ್ಳಾ ಭಿತರ್ ಉದಾಕ್, ದಿವ್ಳಾಕ್ ಭಾಯ್ಲ್ಯಾನ್ ಬೀಗ್. - (ನಾರ್ಲ್)
214.ಲಾಗಿಂ ಸರ್‍ಲ್ಯಾರ್ ಹಾತ್ ಜೊಡ್ತಾ. - (ಲಜೆಕಾಂಟಿ)
215.ದೋನ್ ಕುಶಿಂನಿ ವೋಂಯ್, ಮಧೆಂ ಆಸಾ ಗುಡೊ, ಗುಡ್ಯಾರ್ ಪೊರ್ ಚಡ್ಲಾ. - (ದೊಳೊ)
216.ಸೊಭಿತ್ ಪೆಟುಲ್, ನಾಜೂಕ್ ಪೆಟುಲ್, ಪೆಟುಲ್ ಉಘಡ್ಲ್ಯಾರ್ ಸಂಸಾರ್ ಸುಂದರ್. - (ದೊಳೊ)
217.ಧವೆಂ ಮ್ಹಣೊನ್ ದೂಧ್ ನಹಿಂ, ಕಾಳೆಂ ಮ್ಹಣೊನ್ ಕಾಜಳ್ ನಹಿಂ, ಉಜ್ವಾಳ್ತಾ ದೆಕುನ್ ದಿವೊ ನಹಿಂ; ಉದಾಕ್ ಭರ್‍ಲಾಂ ಕೊಳ್ಸೊ ನಹಿಂ. - (ದೊಳೊ)
218.ಆಂಗ್‌ಭರ್ ಲೋಂವ್, ಆಶ್ವೆಲ್ ನಹಿಂ; ಶೆಂಡಿ ಆಸಾ ಭಟ್ ನಹಿಂ, ಉದಾಕ್ ಆಸ್ಲ್ಯಾರ್ ನ್ಹಂಯ್ ನಹಿಂ. - (ನಾರ್ಲ್)
219.ಎಕಾ ಕೊಲ್ಯಾಕ್ ಏಕ್‌ಚ್ ಶಿಮ್ಟಿ, ಬಾರಾ ಕೊಲ್ಯಾಂಕ್ ಏಕ್ ಶಿಮ್ಟಿ. - (ಮಾಡ್)
220.ಪಂದಾಕ್ ರೋಳ್ಣ್, ಮಧೆಂ ಖಾಂಬೊ, ತಾಳ್ವೆರ್ ಸುಂದರ್ ಪಾಚ್ವೊ ಭಾಗ್. - (ಮಾಡ್)
221.ಬಾಳ್ಶಾ ಕ್ ಪಾಚ್ವೆಂ ಆಂಗ್ಲೆಂ, ಮ್ಹಾತಾರೆಕ್ ತಾಂಬ್ಡೆಂ ಆಂಗ್ಲೆಂ. - (ಘಡಾಯ್ ಆನಿ ಬೊಂಡಿ)
222.ಹಾತ್ ಲಾಯ್ಲ್ಯಾರ್ ರಾಗಾನ್ ಪೆಟ್ತಾ. - (ಲಜೆ ಕಾಂಟಿ)
223.ಆಮ್ಚಾ ರೂಕಾರ್ ಬೊಡಿಯೊಚ್ ಬೊಡಿಯೊ. - (ಮುಸ್ಕಾ ರೂಕ್)
224.ಧನಿ ಮುಖಾರ್, ಒಕ್ಲಾಂ ಪಾಟ್ಲ್ಯಾನ್. - (ಘಡಾಯ್)
225.ಉದ್ಕಾಂತ್ ಜನ್ಮೊನ್ ಉದ್ಕಾಂತ್ ವಾಡ್ತಾ, ಖಿಣಾನ್ ಮೊರ್‍ತಾ. - (ಬುಳ್ಬುಳೆ)
226.ಘರಾಂ ಆಸಾತ್, ಗಾಂವ್ ನಹಿಂ; ಲೋಕ್ ಆಸಾ ದಿವೊ ನಾ. - (ಸೆಮಿತೆರ್)
227.ಬಾಬ್ ಯೆತಾನಾ ಮಾಂಯ್ ಲಿಪ್ತಾ ಆನಿ ಮಾಂಯ್ ಆಯ್ಲ್ಯಾರ್ ಬಾಬ್ ರಾವಾನಾ. - (ಸುರ್ಯೊ-ಚಂದ್ರ್)
228.ಉದ್ಕಾ ಪ್ರಾಸ್ ಪಾತಳ್, ವಾರ್‍ಯಾಚ್ಯಾಕ್ ಹಳು, ಗಜ್ರ್ಯಾ ಪ್ರಾಸ್ ಕೊಡ್ಹು, ಪಾಕಾಟೆ ನಾಸ್ತಾಂಚ್ ಉಭ್ತಾ. - (ಧುಂವರ್)
229.ಆಮ್ಚೆ ದೋಗ್ ಘೊಡೆ; ಏಕ್ ಧವೊ, ಏಕ್ ಕಾಳೊ; ಏಕ್‌ಸಾರ್ಕೆ ಧಾಂವ್ತಾತ್ ತರಿ, ಎಕ್ಲ್ಯಾಚಿ ಪಾಟ್ ಎಕ್ಲೊ ಧರಿನಾ. - (ದೀಸಾ ಪಾಟ್ಲಾ ನ್ ರಾತ್)
230.ಚಾಬ್ಲ್ಯಾರ್ ಚಾಬ್ತಾ; ಇಚು ನಹಿಂ, ಉಜೊ ನಹಿಂ. - (ಮಿರ್‍ಸಾಂಗ್)
231.ಪಂದಾಕ್ ಕೋಯ್ರ್, ಮಧೆಂ ತಾಂಬೆಂ, ಮಾತ್ಯಾರ್ ಫುಲಾಂಚೊ ಮುಕುಟ್. - (ಪಿಯಾವಾಚೆಂ ಝಡ್)
232.ಲ್ಹಾರಾಂಚೆರ್ ನಾಚ್ತಾ, ತಡಿರ್ ಯೇವ್ನ್ ನಿದ್ತಾ. - (ದೋಣ್ ವ ವೊಡೆಂ)
233.ಉದ್ಕಾಂತ್ ಪಡೊನ್ ಕರ್‍ಗಾಲೊನಾ, ಉಜ್ಯಾಂತ್ ಲಾಸೊನ್ ಭಸ್ಮಾಲೊನಾ. - (ಫಾತೊರ್)
234.ತೋಂಡ್ ಸೊಡ್ನ್ ಸಾಂಗಾನಾ ತರಿ, ಸೊಭಾಯ್-ಗಿಬಾಯ್ ದಾಕಯ್ತಾ. - (ಆರ್‍ಸೊ)
235.ಆಪ್ಣಾಕ್ ರಾಂದ್ಣಿಚೊ ಕೊನ್ಸೊ ಪುರೊ ತರಿ, ತಾಚಿ ಪಿಳ್ಗಿ ಘರ್ ಭರ್‍ತಾ. - (ಕೊಲಿತ್)
236.ದಿವೊ ಪಾಲ್ವಾಯಿಲ್ಲೊಚ್ ವ್ಹಾಜಾಪ್ ಉಟಯ್ತಾತ್. - (ಜಳಾರಿ)
237.ಆಬಾಚಿ ವೋಲ್ ವೊತಾಕ್ ನಿಸಾರ್‍ಲಿ. - (ದೋವ್)
238.ಪರ್‍ತುನ್-ಪರ್‍ತುನ್ ಯೆತಾ ತಿ, ಪೋಟ್ ಭರುನ್-ಭರುನ್ ವೆತಾ ತಿ. - (ದೋಯ್)
239.ರಾತಿಕ್ ಹಜಾರ್ ಕಳೆ ತರಿ, ದೀಸಾಕ್ ಏಕ್‌ಚ್ ಫುಲ್. - (ನೆಕೆತ್ರಾಂ ಆನಿ ಸುರ್ಯೊ)
240.ಆಪುಣ್ ಉತ್ರೊನ್ ವಚಾನಾ, ಆಯಿಲ್ಲ್ಯಾ-ಗೆಲ್ಲ್ಯಾಂಕ್ ನ್ಹಂಯ್ ಉತ್ರಾಯ್ತಾ. - (ನ್ಹಂಯ್ಚೊ ಸಾಂಕ್ವೊ)
241.ವಿಳಾಸ್ ವಾಚ್ತಾಲೊ ಎಕ್ಲೊ ಜಾಲ್ಯಾರ್, ಒಕ್ಕಾಣೆ ವಾಚ್ತೊಲೊ ದುಸ್ರೊಚ್. - (ತಪ್ಪಾಲ್ ಪೆದೊ ಆನಿ ಪತ್ರ್ ಪಾವ್ಲೊಲೊ)
242.ಪಾಳ್ಣೆಂ ಉಡವ್ನ್, ಬಾಳ್ಶೆಂ ಗಿಳ್ತಾ. - (ಕೆಳೆಂ)
243.ಪಾಂಚ್ ಘರಾಂಕ್, ಜಾಲ್ ಏಕ್‌ಚ್. - (ತಳ್ಹಾತ್)
244.ಪಿಲೊ ಎದೊಸೊ ತರಿ, ತಾಚೆಂ ಉತಾರ್ ಸಂಸಾರ್ ಪಾತಿಯೆತಾ. - (ಘಡಿಯಾಳ್)
245.ಪಿಂಜ್ಕರ್ ಕಾಪಾಡ್ ನ್ಹೆಸೊನ್, ಧಾ ಜಣಾಂ ಭುರ್ಗ್ಯಾಂಕ್ ವೆಂಗವ್ನ್, ವ್ಹಡಾಂಗೆಲ್ಯಾ ಜೆವ್ಣಾಕ್ ಹಾಜರ್. - (ಲೊಸುಣ್)
246.ಪೂಜೆಚೊ ಭೊಟ್ ಶೇಂಡಿ ಧರಿನಾಸ್ತಾನಾ ಉಲಯ್ನಾ. - (ಕಾಂಪಿಣ್)
247.ಬಾಂಯ್ತ್ ಪಡ್ಲ್ಯಾರ್ ಉದಾಕ್ ಹಾಲಯ್ನಾ. - (ಸುರ್ಯಾಚೆಂ ಕೀರ್ಣ್)
248.ಭುಂಯಾವಾರ್ ಮಾಂಕೊಡ್ ಬಸ್ಲಾ. - (ಕಾಜು ಭಿ)
249.ದಿಲ್ಲಿ ಕಾಣಿಕ್ ದಿಸೊಂಕ್ ದಿಸಾನಾ. - (ಉವೊ)
250.ಹಾಂಡಿಯೆರ್ ವ್ಹಾಜ್ಚಾ ಟ್ರಾನ್ಸಿಸ್ಟರಾಕ್ ಲಾಯ್ಸನ್ಸ್ ನಾಕಾ. - (ಹಾಂಡಿಯೆರ್ ರಡ್ಚೆಂ ಭುರ್ಗೆಂ)
251.ರಗಾತ್ ಘೊಟ್ಟಾ, ಕಂತಾರ್ ಕರ್‍ತಾ. - (ಜಳಾರ್)
252.ಚಾಮ್ಡೆಂ ಸೊಲ್ತಾಂ ತಾಚೆಂ ತರಿ, ದುಖಾಂ ಗಳಯ್ತಾಂ ಹಾಂವ್. - (ಪಿಯಾವ್)
253.ವೊಂಪುನ್ ವಾಗಯ್ಲೆಲೆಂ ಫುಲ್ ನಹಿಂ, ಮೂಸಾನ್ ಹುಂಗ್ಚೆಂ ಫುಲ್ ನಹಿಂ; ತರಿ ಮ್ಹಣ್ತಾತ್ ಫುಲ್ ಖಂಯ್. - (ಪ್ಲಾಸ್ಟಿಕಾಚೆಂ ಫುಲ್)
254.ಪಾಂಡ್ರ್ಯಾ-ಪಾಂಡ್ರ್ಯಾ ಶಿಪಾಯಾಕ್, ಪಾಚ್ವಿ-ಪಾಚ್ವಿ ಪಗ್ಡಿ. - (ಮುಳೊ)
255.ಪಾಂಯಾನ್ ಉದಾಕ್ ಪಿಯೆತಾ, ತಾಳ್ವೆರ್ ಹಾಸ್ತಾ. - (ರೂಕ್-ಝಡ್)
256.ಸಾಂಗಾತಾ ಆಮಿಂ ಬಸ್ತಾಂವ್, ಸಾಂಗಾತಾಚ್ ಆಮಿಂ ಉಟ್ತಾಂವ್. - (ಹಾಂವ್ ಆನಿ ಮ್ಹಜಿ ಸಾವ್ಳಿ)
257.ಆಮ್ಚೊ ಚೆಡೊ ಬಾಂಯ್ತ್ ದೆಂವ್ತಾ, ಘುಂವ್ತಾ ಆನಿ ಘುಂವ್ತಾ. - (ವಾನ್ ಆನಿ ಗಾಟ್ಣೊ)
258.ಸುಕಾನಾತ್ಲೆಲ್ಯಾ ಬಾಂಯ್ತ್, ಪೊವ್ಳಾ ಚ್ಯೊ ಫಾಂತಿ. - (ದಾಂತ್)
259.ತೊ ಸಕ್ಡಾಂಕ್ ಜಾಯ್, ತೊ ನಾಸ್ತಾನಾ ಕಾಂಯ್ಚ್ ಜಾಯ್ನಾ; ಪುಣ್, ತೊ ಕೊಣಾಕ್ ವಳ್ಕಾನಾ; ನಾ ತಾಕಾ ಕಾಳಿಜ್, ಕಾನ್ ವ ದೊಳೆ. - (ದುಡು)
260.ಜನ್ಮಾತಾನಾ ತಾಂಬ್ಡೊ, ವಾಡೊನ್ ಯೆತಾನಾ ಕಾಳೊ; ಪೊವ್ಳೊ ನಹಿಂ, ಇಂಗ್ಳೊ ನಹಿಂ ಹಾಂವ್ ಕೋಣ್? - (ಇರ್ವೊಳ್)
261.ಆಮ್ಚ್ಯಾ ಬಾಬಾಚ್ಯಾ ಶೆಲ್ಯಾಕ್, ಖಂಯ್ ಪಳೆಲ್ಯಾರ್ ಬುರಾಕ್. - (ಪೊಳೊ)
262.ಭುಕೆನ್ ಗೆಲೆಂ, ಪೋಟ್ ಭರ್‍ನ್ ಘರಾ ಆಯ್ಲೆಂ. - (ಕುರ್ಕಿಲ್)
263.ಜಾಂಬಾಯ್ ತಿಚಿ ಆವಯ್, ಘೊರೆವ್ಣಿ ತಿಚೊ ಜಾಂವಯ್; ಸಕ್ಕಡ್ ರಾಕ್ತಾತ್ ಕೆದ್ನಾಂ ಯೇತ್ ಮ್ಹಣ್ ಹಿ ವ್ಹಕಾಲ್‌ಬಾಯ್. - (ನೀದ್)
Tags:
Konkani Huminyo, Konkani, Mangalore, Mangalorean, Mother Tongue
