From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಹುಮಿಣ್ಯೊ: ಥೊಡ್ಯೊ ವಿಂಚ್ಣಾರ್ ಹುಮಿಣ್ಯೊ -1
Sunday, July 17, 20161.ಹ್ಯಾ ಸಂಸಾರಾಂತ್ ಚಾರ್ ವಸ್ತು ನಾಂತ್, ಖಂಯ್ಚ್ಯೊ ತ್ಯೊ? - (ತಳ್ಹಾತಾರ್ ಲೊಂವ್, ಮಳ್ಬಾಕ್ ಖಾಂಬೊ, ತಾಂತ್ಯಾಕ್ ದೇಂಟ್ ಆನಿ ದರ್ಯಾಕ್ ಪಾಂಪಾಳೆಂ).
2.ಅಸಲ್ ಮಸಲ್ ಕರ್ನ್ ನೀಟ್ ಕೆಲೆಂ, ಥಿಂಪಿ ಲಾವ್ನ್ ಭಿತರ್ ಘಾಲೆಂ, ಕಸಲೆಂ? - (ಸುವೆಕ್ ಸುತ್)
3.ನೆಣಾರಿ ಗುಮಾನ್ ನಾಸ್ತಾಂ ವಯ್ಲ್ಯಾನ್ ಚಲ್ತಾ, ಜಾಣಾರಿ ಖೊಂಡುನ್ ಘೆವ್ನ್ ಖಾತಾ. - (ಕಣ್ಗಿ).
4.ಅಸ್ಕತ್ ನಾರಿ ಆಪ್ಲೆಂ ಆಂತ್ ವೊಡುನ್ ವ್ಹರಿ - (ಸುವಿ ಸುತ್).
5.ತಾಕಾ ಧೊಸ್ತಲೊ ಕೊಣ್ ನಾ, ಪುಣ್ ತೊ ಪಿಂರ್ಗೊಂಚೆಂ ಸೊಡಿನಾ - (ದುಕೊರ್).
6.ಅಂತ್ರಳಾರ್ ಥೊರುಂ ನಾತ್ಲಲೊ ಕೊಯ್ತೊ - (ಚೀಂಚ್).
7.ಹೆಣೆಂ ಪಳೆತಾಂ ದಿಸಾನಾ, ತೆಣೆಂ ಪಳೆತಾಂ ದಿಸಾನಾ, ಖಂಯ್ ಪಳೆಲ್ಯಾರ್‌ಯೀ ಮ್ಹಾಕಾ ಜಾಗಂವ್ಚಿ ಮ್ಹಜಿ ಮಾಂಯ್ ದಿಸಾನಾ - (ಮ್ಹಜೊ ಆವಾಜ್).
8.ಆಕಡ್ ಪಾಕಡ್ ತಾಂಬ್ಯಾ ಭಾಣ್, ಬತ್ತಿಸ್ ರುಕಾಂಕ್ ಏಕ್‌ಚ್ ಪಾನ್ - (ತೊಂಡ್, ದಾಂತ್ ಆನಿ ಜೀಭ್).
9.ರಾನ್ ದುಕ್ರಾಕ್ ಆಂಗ್‌ಭರ್ ಖಿಳೆ - (ಪೊಣಸ್).
10.ಫಾತ್ರಾರ್ ನಾಸ್ತಾ, ಸರ್ಗೆರ್ ನಿಧ್ತಾ - (ವಸ್ತುರ್).
11.ಕಿರ್ಲನಾ, ತೊಟಾಂತ್ ವಾಡಾನಾ, ಭುಂಯ್ಚೆರ್ ಆಸಾ, ಅಂತ್ರಳಿಂ ಆಸಾ, ಪುಣ್ ಉದ್ಕಾಂತ್ ಮಾತ್ರ್ ನಾ - (ವಾರೆಂ).
12.ಆಕಾಸಾಚೊ ಚೆಂಡು, ಭುಂಯ್ಚೊ ಮೆಂದು, ಚಿಲಿಂಚೆಂ ಆಂತ್, ವೊರ್ವಿ ಜಾತಾ - (ಪಾನ್ಪೊಡ್).
13.ಹಾಂವ್ ಪಡ್ಲ್ಯಾರ್ ಪಡ್ತಾ, ಹಾಂವ್ ಉಠ್ಲ್ಯಾರ್ ಉಠ್ತಾ, ಕಾಳೊಕಾಂತ್ ಮಾತ್ರ್ ಮ್ಹಜ್ಯೆ ಭಿತರ್ ರಿಗ್ತಾ. - (ಸಾವ್ಳಿ).
14.ಆಟ್ಸ್ಯಾಂತ್ ಚವ್ಗ್ ಧವೆ - (ಪಿಕೆ ಕೆಸ್).
15.ಹಾಂವ್ ಉಲಯ್ತಾ, ತೊ ತಕ್ಲಿ ಹಾಲಯ್ತಾ. - ಖಾಡ್ಕೆಚೆಂ ಖಾಡ್.
16.ಆದಾಳ್ಯಾ ತಳೆಂ, ಪೆದಾಳ್ಯಾ ಖಾಂಬೊ, ತಾಚೆರ್ ಸೊಭ್ತಾ ಮೊತ್ಯಾ ಜೆಲೊ - (ಭಾತಾಚಿ ಕಣ್ಶಿ).
17.ಹಾಯ್ ಹುಯ್ ಮಾತ್ಯೆ ಭಿತರ್ - (ಆಲೆಂ).
18.ಆಣ್ಶಿ ರುಕಾಕ್ ನೊವ್ಶಿಂ ಫಳಾಂ - (ನಾತ್ನೊ).
19.ಹಾಂವೆಂ ಏಕ್ ಸುಕ್ಣೆಂ ಪೊಸ್ಲಾಂ, ತೆಂ ಶಿಮ್ಟೆನ್ ಉದಾಕ್ ಪಿಯೆತಾ - (ವಾತ್).
20.ಆಪಡ್ಲ್ಯಾರ್ ಆಸಾ, ಪಳೆಂವ್ಕ್ ಗೆಲ್ಯಾರ್ ನಾ - (ಕಾನ್).
21.ಹಾತ್ ಭಾಲಿ ತಲ್ವಾರ್, ಆಂಗ್ ಮ್ಹೊಂವಾಚೆ ಬುಂಯಾಂವ್ - (ಆಣಾಸ್).
22.ಆಪ್ಲೆಂ ಆಂಗ್ ಆಪ್ಣಾಕ್ ದಿಸಾನಾ - (ದೊಳೊ).
23.ಹಾತ್ ನಾಂತ್, ಪಾಂಯ್ ನಾಂತ್, ಗಾಂವಾನ್ ಗಾಂವ್ ಭೊಂವ್ತಾ - (ದುಡು).
24.ಆಮಿ ಪಾಂಚ್ ಜಣ್ ಭಾ-ಭಾವ್, ಎಕ್ಲೊ ಮಾತ್ರ್ ಚೆಪೆಂ ಘಾಲ್ತಾ - (ದಿದಾಲ್ ಘಾಲ್ನ್ ಶಿಂವ್ಚೊ ಹಾತ್).
25.ಹಾತ್ ಆಸಾತ್ ಜೆವಿನಾ, ಪಾಂಯ್ ಆಸಾತ್ ಚಲನಾ - (ಕದೆಲ್).
26.ಆಮ್ಗೆರ್ ಏಕ್ ಘಾಣೊ ಆಸಾ. ಶೆಂಭರ್ ವರ್ಸಾಂ ಘುಂವ್ಲ್ಯಾರ್‌ಯಿ ಏಕ್ ಕಣ್ ಸಯ್ತ್ ದೊಳಿನಾ - (ಘಡ್ಯಾಳ್).
27.ಹಾಚ್ಯೆ ಪ್ರಾಸ್ ಹಳು ನಾ, ತರಿಪುಣ್ ಚಡ್ ವೇಳ್ ಧರುಂಕ್ ಜಾಯ್ನಾ - (ಉಸ್ವಾಸ್).
28.ಆಮ್ಗೆರ್ ಏಕ್ ಘೊಡೊ ಆಸಾ. ಕಾನ್ ವೊಡ್ಲ್ಯಾರ್ ಶಿಮ್ಟೆನ್ ಚಾಬ್ತಾ - (ಕಾತರ್).
29.ಹಡ್ಪ, ಹಡ್ಪ ಭಿತರ್ ಖಡ್ಪಾ, ಖಡ್ಪಾ ಭಿತರ್ ಶಂಖು, ಶಂಖಾ ಭಿತರ್ ತೀರ್ಥ - (ನಾರ್ಲ್).
30.ಆಮ್ಗೆರ್ ಏಕ್ ಮ್ಹಾತಾರಿ, ಹಾತ್ ನಾಂತ್, ಪಾಂಯ್ ನಾಂತ್, ದೊಳೊ ಮಾತ್ರ್ ಏಕ್‌ಚ್ - (ಸುವಿ).
31.ಆಮ್ಗೆರ್ ಎಕ್ಲೊ ಗರ್‍ಯೆಗಾರ್, ಧರ್‌ಲ್ಲಿ ಮಾಸ್ಳಿ ಉಡಯ್ತಾ, ಧರುಂಕ್ ನಾತ್‌ಲ್ಲಿ ವ್ಹಾವಯ್ತಾ - (ಉವೊ ಮಾರ್‍ಚ್ಯೊ).
32.ಹಜಾರ್ ಸುಕ್ಣಿಂ ಸಾಂಗಾತಾ ದರ್ಯಾಕ್ ಉಡ್ಲಿಂ - (ಆದಾನ್ ಖತ್ಕತ್ತಾನಾ ತಾಂದುಳ್ ಘಾಲ್ಚೊ).
33.ಆಮ್ಗೆರ್ ದೊಗ್ ಜವ್ಳೆ ಭಾವ್, ಜೀವ್ ತಾಂಕಾಂ ನಾ, ತರ್‌ಯೀ ನೀತ್ ಕರ್ತಾತ್ ಬರಾಬರಿ - (ತ್ರಾಸ್).
34.ಹಜಾರ್ ದೊಳ್ಯಾಂಚೊ ವಾಗ್, ಗೆಲಾ ನ್ಹಂಯ್ಚ್ಯೆ ಶಿಖಾರೆಕ್ - (ಮಾಸ್ಳಿ ಪಾಗ್ಚೆಂ ಜಾಳ್).
35.ಆಮ್ಗೆರ್ ರಾವೊನ್ ಆಮ್ಕಾಂಚ್ ಮಾರ್‍ತಾತ್ - (ದೊಳ್ಯಾಂ ಆಸ್ಡೊ).
36.ಹಜಾರ್ ಜನೆಲಾಂಚೆಂ ರಾವ್ಳೆರ್, ಮಧೆಂ ದಾಸ್ತಾನ್ ಜಾಲಾಂ ಗೊಡ್ - (ಮ್ಹೊಂವಾ ಪೊಳಿ).
37.ಆಮ್ಚಾ ಮ್ಹಾತಾರೆಚೆಂ ಆಂಗ್ ಸಗ್ಲೆಂ ಕಾಂಟೆ ಕಾಂಟೆ - (ಪೊಣಸ್).
38.ಹಜಾರ್ ಕೀರಾಂಕ್ ಏಕ್‌ಚ್ ಬೊಂಚ್ - (ಘಡಾಯಾಚಿ ಬೊಂಡಿ).
39.ಆಮ್ಗೆಲೆಂ ಘರ್ ಲ್ಹಾನ್, ಭಿತರ್ ಭರ್‍ಲ್ಯಾ ಕಾಳ್ಯಾ ಗುಳಿಯಾಂಚಿ ರಾಸ್ - (ಪೊಪಾಯ್).
40.ಸುಂದರ್ ನಾರಿಕ್ ಧವಿ ಸಾಡಿ, ಆಂಗ್ ಆರ್ಸ್ಯಾಚೆಂ ಅನಿ ಅಂತ್ ಉಜ್ಯಾಚೆ - (ಗ್ಯಾಸ್ ಲಾಯ್ಟ್).
41.ಸುರ್ಯಾನ್ ದೆಖೊಂಕ್ ನಾ, ಚಂದ್ರಾಕ್ ವಳಕ್ ನಾ - (ಕಾಳೊಕ್).
42.ಆಮ್ಚೆಂ ಫುಲ್ ಫುಲೊನ್ ಯೆತಾ, ಆಪಡ್ಲಲ್ಯಾಫರಾ ಕುಂಯ್ ಮ್ಹಣ್ತಾ - (ಹಾರ್ಮೊನಿಯಮ್).
43.ಸುಕ್ಯಾ ಬೆತಾಂತ್ಲೆ ವ್ಹಾಂವ್ತಾ ಉದಾಕ್, ಉದ್ಕಾಚೆ ಕರ್ತಾತ್ ಇಟೆ - (ಕೊಬು, ರೋಸ್ ಆನಿ ಗೊಡ್).
44. ಆಮ್ಚಾ ಆಬಾಕ್ ಕಿತೆಂ ದಿಲ್ಯಾರ್‌ಯೀ ಖಾತಾ, ಉದಾಕ್ ದಿಲ್ಯಾರ್ ಮರ್‍ತಾ - (ಉಜೊ).
45.ಸಾಂತೆಂತ್ ಸಗ್ಳ್ಯಾ ಆವಯ್ ಧುವಾಂಚೆಂಚ್ ರಾಜ್ - (ಶೆರ್ ಆನಿ ಪಾವ್).
46.ಆಮ್ಚಾ ಆಬಾಚೆ ದಾಂತ್ ಪಾಟಿಂ ಮುಖಾರ್ - (ಪಿಕ್ಕಾಸ್).
47.ಸಾಂತಾನ್ನಾಚೆಂ ಬಿಡಾರ್, ದೊಳ್ಯಾಂನಿ ಚೊವುಂಕ್ನಜೊ - (ಸುರ್ಯೊ).
48.ಆಮ್ಚಾ ಆಬಾಚೊ ಉರ್‍ಮಾಲ್ ತಾಂಬ್ಡ್ಯೆ ಪೇಟೆಂತ್ ಆಸಾ - (ಪಿಯಾವ್).
49.ಸಾಂತ್ ರೊಕಿಚಿ ಪೊತಿ, ವಜ್ರಾಂಚಿ ದಾಲಿ - (ದಾಳಿಂಬ್).
50.ಆಮ್ಚ್ಯೆ ಕೊಂಬಿಯೆಕ್ ಶೆಂಭರ್ ಬೊಂಚಿ - (ಕೆಳ್ಯಾಂ ಘಡಾಯ್).
51.ಸಾಂದ್ಯಾ ಭಿತರ್ ಸಾಂದೊ, ಖಂಯ್ಚೊ ಸಾಂದೊ? - (ಆಳ್ಸಾಂದೊ).
52.ಆಮ್ಚಾ ಘರಾಚ್ಯೆ ಮುಖ್ಲ್ಯೆ ಕುಶಿನ್ ಉಬೊ ಬೆರ್‍ಸೊಲ್ - (ನಾಕ್).
53.ಸಾಯ್ಬಾಚಾ ದುಕ್ರಾಕ್ ಪೊವ್ಳ್ಯಾಂಚಿ ವೊಯ್ - (ಜೀಬ್ ಆನಿ ದಾಂತ್).
54.ಆಮ್ಚಾ ಬಾಯೆಕ್ ಗಾಗ್ರ್ಯಾ ವಯ್ರ್ ಗಾಗ್ರೊ - (ಪಿಯಾವ್).
55.ಸಂಸಾರ್ ಸಗ್ಳೊ ಭೊಂವೊನ್ ಯೆತಾ, ಘರಾ ಪಾವ್ತಚ್ ಥಂಡ್ ಬಸ್ತಾ - (ಕೊಸ್ಚೊ ನಾಂಗೊರ್).
56.ಆಮ್ಚ್ಯೆ ವ್ಹಡ್ಲಿಮಾಂಯ್ಚೆಂ ಕಾಪಾಡ್, ಕಿತ್ಲೊ ಪಾವ್ಸ್ ವೊತ್ಲ್ಯಾರ್‌ಯೀ ಭಿಜಾನಾ - (ಆಳ್ವಾಚೊ ಖೊಲೊ).
57.ಸಯ್ರೊ ಚಡ್ತಾ, ಘರ್‍ಚೊ ದೆಂವ್ತಾ - (ನಾರ್ಲ್ ಕಾಡ್ಚೆ).
58.ಆಮ್ಚಾ ಶೆತಾಂತ್ ಎಕ್ಲೊ ಎಕಾ ಪಾಂಯಾರ್ ಉಬೊ, ಖಾಣ್ ಜೆವಾಣ್ ಬಿಲ್ಕುಲ್ ಘೆನಾ ತೊ - (ಆಳ್ಮೆಂ).
59.ಸದಾಂಚ್ ಉಬ್ತಾ, ವಿಶೆವ್ ಬಿಲ್ಕುಲ್ ಘೆನಾ- (ವಾರೆಂ).
60.ಆಮ್ಚಾ ಸಾಯ್ಬಾಚೆಂ ಪೆಟುಲ್ ಏಕ್ ಪಾವ್ಟಿಂ ಉಘಡ್ಲ್ಯಾರ್ ಧಾಂಪುಂಕ್ ಜಾಯ್ನಾ - (ತಾಂತಿಂ).
61.ಸಗ್ಳ್ಯಾ ಸಂಸಾರಾಕ್ ಏಕ್‌ಚ್ ವಾಟ್ಲಿ - (ಚಂದ್ರೆಮ್).
62.ಆಮ್ಚಿ ಕೊಂಬಿ ಆನಿ ಪಿಲಾಂ ಧರ್ಣಿ ಪಂದಾ ಲಿಪ್ಲ್ಯಾಂತ್ - (ಮುಯೊ).
63.ಸಕ್ಕಡ್ ಭಾಸಾಂನಿ ಏಕ್‌ಚ್ ನಾಂವ್ - (ರುಪಯ್).
64.ಸಕ್ಟಾಂಕ್ ಸಾವ್ಳಿ ತರ್‌ಯೀ, ತಾಕಾ ಮಾತ್ರ್ ನಾ - (ಸುರ್ಯೊ).
65.ಆಮ್ಚೊ ಗಾವ್ಪಿ ಗಾಯ್ತಾಂ ಗಾಯ್ತಾಂ ಮರಣ್ ಮಾಗ್ತಾ - (ಜಳಾರ್).
66.ಶೆಂಭರ್ ಮಾಪ್ಳ್ಯಾಂಕ್ ಏಕ್‌ಚ್ ಮೂಂಜ್ - (ಸಾರಣ್).
67.ಆಮ್ಚೆಂ ಸುಕ್ಣೆಂ ಬೊಂಚಿನ್ ಚಲ್ತಾ - (ಲಟ್ಟು).
68.ಶಿಂಗ್ ಬೊಡಂವ್ಚೆಂ, ಉದಾಕ್ ಪಿಯೆಂವ್ಚೆಂ - (ಸುರ್).
69.ಆಮ್ಚೊ ಕುಪಾ ಫಾತರ್ ಘೆಂಡ್ ವೊಂಕ್ತಾ - (ಸಾಬು).
70.ಶಿಮ್ಟಿ ಧರುನ್ ವೊಡ್ತಾಯ್, ತಿತ್ಲೊ ತೊ ಪಯ್ಸ್ ಸರ್‍ತಾ - (ಸುತಾಚೊ ಪೆಂಡೊ).
71.ಆಮ್ಚೊ ಕುಪಾ ಫಾತರ್ ಉದ್ಕಾಂತ್ ಉಪ್ಯೆತಾ - (ಲೊಣಿ).
72.ವೊತಾಕ್ ಬಾವಾನಾ, ಪಾವ್ಸಾಕ್ ಕುಸಾನಾ - (ಸತ್ರಿ).
73.ಆಮ್ಚೊ ರಾತಿಚೊ ಇಷ್ಟ್ ಆಡ್ ನಿದ್ತಾ - (ಉಶೆಂ).
74.ವೊಡ್ಲ್ಯಾರ್ ಉಲೊ ಮಾರ್‍ತಾ, ಸೊಡ್ಲ್ಯಾರ್ ನಿದ್ತಾ - (ಘಾಂಟ್).
75.ಆಲ್ತಡಿ ಬೊಬ್ ಮಾರ್‍ತಾ, ಪಲ್ತಡಿ ಲಾತ್ ಮಾರ್‍ತಾ - (ಬಂದೂಕ್).
76.ವ್ಹಾಳ್ ಸುಕ್ಲೊ, ಧೊಂಕ್ ಮೆಲೆಂ - (ದಿವೊ).
77.ಆವಯ್ ಬಸ್ಲ್ಯಾ, ಧುವ್ ಘುಂವ್ತಾ - (ವಾನ್ ಆನಿ ಘಾಟ್ಣೊ).
78.ವಾಟೆ ವಯ್ಲಿ ಬಡಿ ವಿಂಚುಂಕ್ ನಜೊ, ರಾನಾಕ್ ವೆಚಾ ರೆಡ್ಯಾಕ್ ಆಡಾಂವ್ಕ್ ನಜೊ - (ಸರೊಪ್ ಆನಿ ವಾಗ್).
79.ಆವಾಜ್ ನಾಸ್ತಾನಾ ತಾಳಿಯೊ ಪೆಟ್ತಾತ್ - ( ದೊಳ್ಯಾಂಚ್ಯೊ ಆಸ್ಡ್ಯೊ).
80.ವ್ಹಡ್ ಖಾವ್ನ್ ಲ್ಹಾನ್ ಉಡಂವ್ಚೆಂ - (ಜಾಂಬ್).
81.ಆಂಕ್ವಾರ್ ಮಾಯೆಚಾ ಘರಾಕ್ ಮೆಟಾಂ ನಾಂತ್ - (ತಾಂತಿಂ).
82.ವಯ್ರ್ ಕಟ್ಟಿ ಪಂದಾಕ್ ಕಟ್ಟಿ, ಮಧೆಂ ಬಸ್ಲಾ ಕಾಂತಪ್ಪ ಶೆಟ್ಟಿ - (ಕಾಸವ್).
83.ಆಂಗ್ಲೆಂ ಕಾಡ್ಲೆಂ ಬಾಂಯ್ತ್ ಉಡ್ಲೆಂ - (ಕೆಳೆಂ).
84.ಇಲ್ಲಿ ಇಲ್ಲಿ ರಾಣಿ, ರಾಯಾಕ್ ರಡಯ್ತಾ - (ಜಿರ್ಗಿ ಮಿರ್ಸಾಂಗ್).
85.ವಯ್ರ್ ಉಡಯ್ಲ್ಯಾರ್ ಧರ್ಣಿಕ್ ಪಡ್ತಾ, ಧರ್ಣಿಕ್ ಮಾರ್‍ಲ್ಯಾರ್ ವಯ್ರ್ ಉಡ್ತಾ - (ರಬ್ಬರ್ ಚೆಂಡು).
86.ಇಲ್ಲೊ ಇಲ್ಲೊ ಪಾಕೊ, ಘರ್ ರಾಕ್ತಾ - (ಬೀಗ್).
87.ಲ್ಹಾನ್ಶಾ ಪೊಟಾಕ್ ಹಳ್ತಾಚಿ ಶಿಮ್ಟಿ - (ಕುಲೆರ್).
88.ಉದ್ಕಾಂತ್ ಚರ್‍ತಾ, ಭುಂಯ್ಚೆರ್ ಮರ್‍ತಾ - (ಮಾಸ್ಳಿ).
89.ಲಾಸ್ಲಲಿ ಕುರ್‍ಲಿ ರುಕಾರ್ ಚಡ್ಲಿ - (ಸುರೆಚೊ ಕುರ್‍ಲೊ).
90.ಉದಾಕ್ ಪಳೆಲ್ಲ್ಯಾ ಫರಾ ರಾಗಾನ್ ಘೆಂಡೆತಾ - (ಸಾಬು).
91.ಉತಳ್ ಮಾಟ್ವಾಂತ್ ತಾಂಬ್ಡೊ ಬಾವ್ಟೊ - (ಜೀಬ್).
92.ಲ್ಹಾನ್ ಭುರ್ಗ್ಯಾಂಕ್ ಮಾತ್ಯೆಚೊ ವಾವ್ರ್ - (ವಾಳಯ್).
93.ಉದ್ಕಾಂತ್ ಜಲ್ಮೊನ್ ಉದ್ಕಾಕ್ ಭಿಯೆತಾ - (ಮೀಟ್).
94.ರೆಡೊ ನಿದ್ಲಾ, ದೊರಿ ಚರ್‍ತಾ - (ಕುವಾಳೊ ಆನಿ ವಾಲ್).
95.ಉಭೆಂ ಕಾಪ್ಲ್ಯಾರ್ ದೊಣ್, ಆಡ್ ಕಾಪ್ಲ್ಯಾರ್ ರೊಜ್ - (ಮೊಗೆಂ).
96.ರುಕಾ ಭೊಂವ್ತಿಂ ಭೊಂವ್ತಾಂ, ಭಿತರ್ ರಿಗೊಂಕ್ ಸಕಾನಾ - (ರುಕಾಚೆ ಸಾಲ್).
97.ಉಭಾರ್ ಕಡ್ಯಾಕ್ ಮೂಟ್‌ಭರ್ ತಣ್ - (ಖಾಡ್ಕೆಕ್ ಖಾಡ್).
98.ರಾಯಾಚಾ ಪೊಟಾಂತ್ ಫಾತ್ರಾಂಚಿಚ್ ರಾಸ್ - (ಪೆರ್).
99.ಎದಿ ಎದಿ ಮಾವ್ಶಿ, ದೆವಾಕ್ ದಿಲ್ಲಿ ಕಾಣಿಕ್ ಪಯ್ಲಿ ಖಾಶಿ - (ಮಾಣ್ಕೊ).
100.ರಾನ್ ದುಕ್ರಾಕ್ ಆಂಗ್‌ಭರ್ ಖಿಳೆ - (ಪೊಣಸ್).
101.ಎದೆಶಾ ಮಡ್ಕೆಂತ್ ಕಾಂಟ್‌ಭರ್ ಮೊತ್ಯಾಂ - (ದಾಳಿಂಬ್).
102.ರಸ್ತ್ಯಾ ಸಾರ್ಕಿ ಲಾಂಬ್, ದುಕ್ರಾ ಸಾರ್ಕಿ ಉಬ್ರಾಳಿ - (ನಂಯ್).
103.ಎದೆಶಾ ಪಿಲ್ಯಾಕ್ ಪೇಟ್‌ಭರ್ ಮುಸ್ತಾಯ್ಕಿ - (ಪಿಯಾವ್).
104.ಮೆಲ್ಲಿ ಬಕ್ಡಿ ಬೊಬಾಟ್ತಾ - (ಗುಮಾಟ್).
105.ಎದೆಶಾ ಬಾವ್ಲೆಂತ್ ಹುನೊನಿ ಬಿಯೊ - (ತಾಂಬ್ಡಿ ಮಿರ್ಸಾಂಗ್).
106.ಮೆಲ್ಲೆಂ ಮಡೆಂ ಪರ್ತ್ಯಾನ್ ಲಾಸ್ತಾತ್ - (ಇಂಗ್ಳೊ).
107.ಎದೊಸೊ ಪಿಲೊ, ರೂಕ್ ಚಡ್ಚೊ ಕೊಲೊ - (ಹುಂಬ್ಲೊ).
108.ಮೆಲ್ಲೆಂ ಮಡೆಂ ಜೀವ್ ಜಾತಾ - (ಸುಕ್‌ಲ್ಲೆಂ ತಣ್).
109.ಎದೊಸೊ ಪಿಲೊ ರಾಕ್ಸಾಕ್ ಬಾಗಾಯ್ತಾ - (ಕುರಾಡ್).
110.ಮೆಲ್ಯಾ ಉಪ್ರಾಂತ್ ಉಮ್ಕಾಳಾಯ್ತಾತ್ - (ಮಡ್ಲಾಂ).
111.ಎದೆಶೆಂ ಪೀಲ್ ಧವೆಂ ಹಾಗ್ತಾ - (ಕಾನ್ನೆಂ).
112.ಮೂರ್ತಿ ಲ್ಹಾನ್ ಜಾಲ್ಯಾರ್‌ಯೀ ಗಾಂವಾಕ್ ರಡಯ್ತಾ - (ಮಿರಿಂ).
113.ಎಕಾ ಆಂಗಾಕ್ ಸಾಟ್ ಸತ್ತರ್ ದೊಳೆ - (ಸಾಂಕಳ್).
114.ಮುಕುಟ್ ಆಸಾ ರಾಯ್ ನ್ಹಯ್, ವೇಳ್ ಸಾಂಗ್ತಾ ಘಡ್ಯಾಳ್ ನ್ಹಯ್ - (ಕೊಂಬೊ).
115.ಎದೊಸೊ ಪೊರ್, ಘರ್ ರಾಕ್ಚೊ ಥೊರ್ - (ಬೀಗ್).
116.ಮ್ಹಾಕಾ ಪಳೆವ್ನ್ ತಾಕಾಚ್ ಪಳೆ - (ಆರ್ಸೊ).
117.ಎಕಾಚ್ ಮೊವ್ಳೆಂತ್ ಹಜಾರ್ ಖೊಲೆ - (ಪುಸ್ತಕ್).
118.ಮಾತ್ಯೆ ಭಿತರ್ ಹೊಕಾಲ್ ಭೊಂವ್ತಾ - (ಗಾಂಯ್ದೊಳ್).
119.ಏಕಾಚ್ ಆಪೊಳಾನ್ ಗಾಂವ್ ಸಗ್ಳೊ ಧಾದೊಶಿ - (ಚಂದ್ರೆಮ್).
120.ಮಾತ್ಯೆ ಭಿತರ್ ಲಿಪ್ಲ್ಯಾ ತಾಂಬ್ಯಾಚೊ ಚೆಂಬು - (ತಾಂಬ್ಡಿ ಕಣ್ಗಿ).
121.ಏಕಾಚ್ ತಳ್ಯಾಕ್ ಚಾರ್ ನಳ್ - (ಗಾಯ್ಚಿ ವೊಂಟಿ).
122.ಮಾಜಾರ್ ಜೆವ್ತಾನಾ ಬೊಕುಲ್ ತಿಳ್ತಾ - (ವಾತ್).
123.ಎಕಾ ಪಾಂಯಾಚಾ ಧೊಂಕಾಕ್ ಹಜಾರ್ ಪಾಕಾಟೆ - (ಮಾಡ್).
124.ಮ್ಹಜಿ ಎಕ್ಲಿ ಆಜಿ ಲಾಂಬ್ ಲಾಂಬ್ - (ಪಡ್ವಳೆಂ).
125.ಎಕಾ ಬಾಂಯ್ತ್ ದೋನ್ ಉದ್ಕಾಂ - (ತಾಂತಿಂ).
126.ಮ್ಹಜಾ ಮಾತ್ಯಾರ್‌ಯೀ ವೊತ್ತಾ, ತುಜಾ ಮಾತ್ಯಾರ್‌ಯೀ ವೊತ್ತಾ - (ಪಾವ್ಸ್).
127.ಎಕ್ಶೆ ವಾಟ್ಲೆಂತ್ ಭರ್‍ನ್ ಫುಲಾಂ - (ಮಳ್ಬಾರ್ ನೆಕೆತ್ರಾಂ).
128.ಮನಿಸ್ ನ್ಹಯ್, ಮೊನ್ಜಾತ್ ನ್ಹಯ್, ಕಾಳಿಜ್ ಕಶೆಂ ತಾಂಬ್ಡೆ? - (ಕೆಂಳ್ಬ್ಯಾ ಬೊಂಡಿ).
129.ಏಕ್ ಧರ್‍ಲ್ಯಾರ್ ದೋನ್ ಧಲ್ತಾತ್ - (ತ್ರಾಸ್).
130.ಭಾಯ್ಲ್ಯಾನ್ ಗುಡೊ, ಭಿತರ್‍ಲ್ಯಾನ್ ತಳೆಂ - (ಉದ್ಕಾಚೊ ಮಾಂಡೊ).
131.ಏಕ್ಲ್ಯಾಕ್ ಧರ್‍ಲ್ಯಾರ್ ಸಗ್ಳ್ಯಾಂಚೊ ಘುಟ್ ಭಾಯ್ರ್ ಪಡ್ತಾ - (ಸಿಜ್ಚೆಂ ಶಿತ್).
132.ಭೊಂವಾರಿಂ ತುಂ, ತುಜ್ಯೆ ಭಿತರ್ ಹಾಂವ್ - (ಮುದಿ ಆನಿ ಬೊಟ್).
133.ಕಣ್ಕೆಚಾ ಬೊಲ್ಯಾಂತ್ ಸೊಸ್ಯಾಚಿಂ ಪಿಲಾಂ - (ಉವೊ).
134.ಭಿತರ್ ಗೆಲ್ಲೊ ಎಕ್ಲೊ ತರ್‌ಯೀ, ಭಾಯ್ರ್ ಸರ್‍ಲೆ ಶೆಂಭರ್ ಜಣ್ - (ಶೆವ್ಯೊ).
135.ಎಕ್ಲೊ ಸಮೆಸ್ತಾಂಕ್ ಸುಧಾರ್‍ಸಿತಾ - (ನ್ಹಾಂವ್ಚೊ ವೊಣಕ್).
Tags:
Konkani Huminyo, Konkani, Mangalore, Mangalorean, Mother Tongue
Our Address
Mangalore
 | Contact Person : Mr. Praveen Tauro |
Email : praveen@maibhaas.com
Phone : +91 99 80 184340
Address :
Daijiworld.com,
Airport Road,
opp. Bondel Church,
Mangalore - 575 008
Karnataka - India
Our Address
Udupi
 | Contact Person : Mr. Joel D'almeida |
Email : joel@maibhaas.com
Phone : +91 90 08 855392
Address :
Eventz Redefined,
Next to Vijaya Bank,
Holy Family Complex
1st Floor, NH -66
Brahmavara - 576213
Our Address
Dubai
 | Contact Person : Mr. Naveen Sequeira |
Email : editor@maibhaas.com
Phone : +97 150 755 4105
Address :
Master Mind IT Solutions,
UBL Building,
#402, 4th Floor
Bank Street - Bur Dubai
Dubai - UAE