From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಗಾದಿ: ಥೊಡ್ಯೊ ವಿಂಚ್ಣಾರ್ ಗಾದಿ - 2
Thursday, July 14, 2016101. ಖೆಲ್ಲ್ಯಾಕ್ ಆಶಾ ಚಡ್, ನ್ಹಾಲ್ಲ್ಯಾಕ್ ಚಿಕಲ್ ಚಡ್.
102. ಬಾಪಾಯ್ಚೆಂ ವಾಯ್ಟ್ ಉತಾರ್ ಆನಿ ಆವಯ್ಚೆಂ ದೂಖ್ ಮಾಗೊನ್ ಘೆಂವ್ಕ್ ನಾಕಾ.
103. ಆವಯ್ಚೆಂ ದೂಖ್ ಗಳಯ್ಶಿ, ದಳ್ದಿರಾಕ್ ಪಾವ್ಶಿ.
104. ರಾವ್ಳೆರಾಚೊ ಬೊಕುಲ್, ನೆಣಾ ದುಕೊಳ್.
105. ಚೆಡೊ ಮಾಡಾಬರಿ, ಚೆಡುಂ ಕೆಂಳ್ಬ್ಯಾಬರಿ.
106. ತರ್ನಾಟ್‌ಪಣಿಂ ಉತಾವಳ್, ಮಾತಾರ್‍ಯಾಪಣಿಂ ದುಕೊಳ್.
107. ರುಕಾಕ್ ಪಾಳಾಂಚೆಂ ಬಳ್, ಭುರ್ಗ್ಯಾಂಕ್ ದೂದಾಚೆಂ ಬಳ್.
108. ದುಬ್ಳ್ಯಾಕ್ ಆಶಾ ದಿಂವ್ಚಿ ನ್ಹಯ್, ಗ್ರೆಸ್ತಾಕ್ ಭಾಸ್ ದಿಂವ್ಚಿ ನ್ಹಯ್.
109. ಗರ್ಭಿಣ್ ಜಾಂವ್ಚ್ಯಾ ಫುಡೆಂಚ್ ಭುರ್ಗ್ಯಾಕ್ ತೊಪಿ ಶಿಂವಯ್ತಾ.
110. ಗಾಂಡಿ ತೊಂಡಾಂತ್ ಭರ್‍ಲೆಂ, ಪೊಟ್ ಫುಗೊನ್ ಮೆಲೆಂ.
111. ಜಾಂವಯ್ ಆಯ್ಲಾ ರಾತಿಂ, ಮಾಂಯ್ಚಾ ತೊಂಡಾಕ್ ಮಾತಿ.
112. ಪಾತಳ್ ಜಾಲ್ಯಾರ್ ಪೊಳೆ, ಘಟ್ ಜಾಲ್ಯಾರ್ ಭಾಕ್ರಿ.
113. ರಾಯಾಚಾ ರಾವ್ಲೆರಾಕ್ ಗೆಲ್ಯಾರ್‌ಯಿ ಮಾಜ್ರಾನ್ ದರ್‍ಚೊ ಉಂದಿರ್‌ಚ್.
114. ದೊಳ್ಯಾಂನಿ ಪಳಯಿಲ್ಲೆಂ ಖರೆಂ, ಕಾನಾಂನಿ ಆಯ್ಕಾಲ್ಲೆಂ ಫಟ್ಕಿರೆಂ.
115. ಪಾವ್ಸಾಕ್ ಭಿಯೆವ್ನ್ ನ್ಹಂಯ್ಕ್ ಉಡಿ ಮಾರ್‍ತಾ.
116. ಮಾಜ್ರಾಚೊ ಖೆಳ್, ಉಂದ್ರಾಚೆಂ ಮರಣ್.
117. ಪೆಂಕಾಟ್‌ಭರ್ ಉದ್ಕಾಂತ್ ವಚೊನ್ ಕಾಸ್ಟಿ ಸುಕಿ ಮ್ಹಣ್ತಲೊ ಖಂಯ್.
118. ಭಿಕೆಚೆಂ ಖಾತಾ, ಆನಿ ವಾಟೆರ್ ದೆಂಕ್ ಕಾಡ್ತಾ.
119. ಜೇಂವ್ಕ್ ಕಳ್ತೆಲ್ಯಾಕ್ ರೋಗ್ ನಾ, ಉಲಂವ್ಕ್ ಕಳ್ತೆಲ್ಯಾಕ್ ಝಗ್ಡೆಂ ನಾ.
120. ಆಪ್ಲೆಂ ವರ್ತೆಂ, ಹೆರಾಂಚೆಂ ವಾಂಕ್ಡೆಂ.
121. ಕುಂಕ್ಡಾಕಡೆ ವಿಚಾರುನ್ ಆಳೆನ್ ವಾಟ್‌ಲ್ಲ್ಯಾಬರಿ.
122. ದೊಗಾಂಚೊ ನ್ಯಾಯ್, ತಿಸ್ರ್ಯಾಕ್ ಆದಾಯ್.
123. ದೊನ್ ದೊಣಿಂಚೆರ್ ಪಾಯ್ ದವರ್‍ಲೆಲ್ಯಾ ಬರಿ.
124. ದುಬ್ಳ್ಯಾಂಚಾ ಭುರ್‍ಗ್ಯಾಂಚಿ ಗೊಮ್ಟಿ ಲಾಂಬ್, ಗ್ರೆಸ್ತಾಚಾ ಭುರ್‍ಗ್ಯಾಂಚಿ ಜೀಬ್ ಲಾಂಬ್.
125. ದುಡ್ವಾಕ್ ಮೆಲ್ಲೆಂ ಮೊಡೆಂಯಿ ತೊಂಡ್ ಉಗ್ತೆಂ ಕರ್ತಾ.
126. ದುವೆಕ್ ತೆಲ್ ಆಮಾಶೆ ಪುನ್ವೆಕ್, ಸುನೆಕ್ ದಿವಾಳೆಚಾ ದಿವಾಳೆಕ್.
127. ಏಕ್ ದೀಸ್ ಮಾಂಯ್ಚೊ ಜಾಲ್ಯಾರ್ ಏಕ್ ದೀಸ್ ಸುನೆಚೊ.
128. ಏಕ್ ಮಾರ್ ದೋನ್ ಕುಡ್ಕೆ.
129. ಪೊಟ್ ಭರ್ಲ್ಯಾರ್ ಘರೆ ಕೊಡು.
130. ಫುಲ್‌ಲ್ಲೆಂ ಫುಲ್ ಪರ್ಮಳ್ನಾಸ್ತಾನಾ ರಾವಾತ್‌ಗಿ?
131. ರಾಯ್ ಉಲಯ್ತಾ ಗಾಂವ್ ಹಾಲ್ತಾ, ಮ್ಹಾತಾರೊ ಉಲಯ್ತಾ ಖಾಡ್ ಹಾಲ್ತಾ.
132. ರಾತಿಕ್ ಬಾಂಯ್ ಪಳೆವ್ನ್ ದಿಸಾಕ್ ತಾಂತುಂ ಪಡ್ಲೆಲ್ಯಾ ಬರಿ.
133. ರೆಡ್ಯಾಚಾ ಪಾಟಿರ್ ಪಾವ್ಸ್ ಪಡ್ಲೆಲ್ಯಾ ಬರಿ.
134. ಸದಾಂಯ್ ಗೆಲ್ಯಾರ್ ಸುಣೆಂಯ್ ಹುಂಗನಾ.
135. ಸಗ್ಳೊ ಭಿಜ್ಲೆಲ್ಯಾಕ್ ಹಿಂವ್ ನಾ.
136. ಕೊಣಾಚೆಂ ಮನ್ ಭೊಳೆಂ, ತಾಕಾ ದೇವ್ ದಿತಾ ಕೆಳೆಂ.
137. ಬಡಾಯ್ ವ್ಹಡ್ ತರ್‌ಯಿ ಬೊಲ್ಸ್ ಖಾಲಿ.
138. ಉದಾಕ್ ಆಸ್‌ಲ್ಲ್ಯಾಕಡೆ ಚಿಕಲ್ ಆಸಾ.
139. ಉಜೊ ನಾಸ್ತಾಂ ದುಂವರ್ ಯೇನಾ.
140. ಕೇಸ್ ಪಿಕ್ಲ್ಯಾರ್‌ಯೀ ಬೂದ್ ಪಿಕೊಂಕ್ ನಾ.
141. ಮುಕ್ಲ್ಯಾನ್ ಮೂಸ್ ವಚನಾಯೆ, ಪೂಣ್ ಫಾಟ್ಲ್ಯಾನ್ ಹಸ್ತ್ ಗೆಲ್ಯಾರ್‌ಯಿ ಖಬರ್ ನಾ.
142. ಮೊರ್ ನಾಚ್ತಾ ಮ್ಹಣ್ ಕುಂಕಾಡ್ ನಾಚ್ಲ್ಯಾರ್ ಜಾತಾವೆ?
143. ರೀಣ್ ಕಾಡ್ನ್ ಫೆಸ್ತ್ ಕರಿನಾಯೆ.
144. ಗಾಂವಾ ಸಾರ್ಕೊ ವೇಸ್, ಗುರು ಸಾರ್ಕೊ ಉಪದೆಸ್.
145. ತೆಂಡ್ಲ್ಯಾಂಕ್ ಬಿಯೊ ಚಡ್, ಮಟ್ವ್ಯಾಂಕ್ ಬೂದ್ ಚಡ್.
146. ಚೊರಾಚಿಂ ಮೆಟಾಂ ಚೋರ್ ಜಾಣಾ.
147. ಸುಣ್ಯಾಚ್ಯೆ ಶೆಂಪ್ಟೆರ್ ಪಾಂಯ್ ದವರ್‍ಚೊ ನ್ಹಯ್.
148. ಭಿತರ್ಲೊ ಚಾಡಿಯಾಳೊ ಆನಿ ಭಾಯ್ಲೊ ಚೋರ್ ದೋಗ್‌ಯೀ ಏಕ್‌ಚ್.
149. ವಾಟೆ ವಯ್ಲ್ಯಾ ವಾಗಾ, ಮ್ಹಾಕಾ ಯೇವ್ನ್ ಖಾಗಾ.
150. ಚಲ್ತೆಲ್ಯಾಚಿ ಚಾಲ್ ಕಳ್ತಾ, ಉಲಯ್ತೆಲ್ಯಾಚೆಂ ಉತಾರ್ ಕಳ್ತಾ.
151. ಬಸ್‌ಲ್ಲ್ಯಾ ಮೂಸಾಂಕ್ ಚಾಳ್ವಂಚೆಂ ನ್ಹಯ್.
152. ಶೆಂಬರ್ ರೆವೊಡ್ ಘಾಲ್ಯಾರ್‌ಯಿ ಗಾಂಟ್ ಏಕ್‌ಚ್.
153. ಪಂತಾಕ್ ವಚೊನ್ ನಾಚ್ಲೊ, ಫೊಂಡಾಂತ್ ಪಡೊನ್ ಮೆಲೊ.
154. ಬರೆಂ ಫುಲ್ ಸಾಂತೆಕ್ ವಚನಾ.
155. ಬಾಗ್ವಾಲ್ಲ್ಯಾಕ್ ಏಕ್ ಗುದ್ದು ಚಡ್.
156. ಭಾಯ್ಲೊ ದುಂವರ್ ಪುಣಿ ಸೊಸ್ಯೆತ್, ಭಿತರ್ಲೊ ಮಸರ್ ಸೊಸುಂಕ್ ನಜೊ.
157. ಭುಕೆಕ್ ತೊಂಡ್ಲಾಂವ್ಕ್ ನಾಕಾ, ನಿದೆಕ್ ಉಶೆಂ ನಾಕಾ.
158. ಭುರ್ಗ್ಯಾಂಕ್ ಪುರ್ಚೆಕಡೆ ಆಪ್ಣಾಕ್ ಪುರಿನಾಕಾ ಮ್ಹಣಾ ಖಂಯ್ ಮಾಪ್ಳಿ.
159. ಚಡ್ಚಿ ವಾಲ್ ಮೊಡಿನಾಯೆ.
160. ಚಣೊ ಭಾಜ್ತಾನಾ ತಿಳ್ ಉರ್ತಾಗಿ?
161. ಚಾಕ್ರಿ ಕೆಲ್ಯಾರ್ ಭಾಕ್ರಿ ಆಸಾ.
162. ದಾನಾ ಭಿತರ್ ದಾನ್, ಸಮಾದಾನ್.
163. ದಾಂತ್ ಆಸ್ತಾನಾ ಚಣೆ ಖಾಯ್ಜಾಯ್.
164. ಮಿಸಾಕ್ ಚುಕ್ಲ್ಯಾರ್‌ಯಿ ಜುಂತಾಕ್ ಚುಕಾನಾ.
165. ಮುಯಿ ಗೆಲ್ಯಾರ್ ಹಸ್ತ್ ಗೆಲಿ.
166. ಮ್ಹಾರಾ ಬರಿ ಘೊಳಾಜಾಯ್, ರಾಯಾ ಬರಿ ಖಾಯ್ಜಾಯ್.
167. ನಾಚೊಂಕ್ ಕಳಾನಾ ಜಾಲ್ಯಾರ್ ಆಂಗಣ್ ವಾಂಕ್ಡೆಂ.
168. ಪಾಯಾಚೊ ಕಾಂಟೊ ಕಾಡುಂಕ್ ಕುರಾಡ್ ನಾಕಾ.
169. ಪಾಂಚಿ ಬೊಟಾಂ ಏಕ್‌ಚ್ ಲೆಖ್ ನಾಂತ್.
170. ಪಾವ್ಸ್ ಯೆತಾ ತಸೊ ಸಾತೆಂ ದರಿಜಾಯ್.
171. ಪೆಂಟೆಂತ್ ನಾಕ್ ಗೆಲೆಲ್ಯಾಕ್, ನಾಡಾಂತ್ ಕಿತೆಂ ಲಜ್?
172. ಮಾಜ್ರಾಂಚಾ ಝಗ್ಡ್ಯಾಕ್ ಮಾಂಕ್ಡಾಚೆಂ ತೀರ್ಪ್.
173. ಆಪ್ಣಾಚೆಂ ತೊಂಡ್ ವಾಂಕ್ಡೆಂ ಜಾಲ್ಯಾರ್, ಆರ್ಸ್ಯಾಕ್ ಕಿತ್ಯಾಕ್ ದುರ್ಸೊಂಚೆಂ?
174. ಆಪ್ಲೆಂ ಘರ್ ಪಯ್ಲೆಂ ಬರೆಂ ಚಲಂವ್ಚೆಂ, ಉಪ್ರಾಂತ್ ಹೆರಾಂಚೆಂ ಉಲಂವ್ಚೆಂ.
175. ಚೋರ್ ಆಪ್ಲ್ಯೆಚ್ ಸಾವ್ಳೆಕ್ ಭಿಯೆತಾ.
176. ಆಪುಣ್ ಶೆಣ್ ಖಾವ್ನ್ ಹೆರಾಂಚಾ ತೊಂಡಾರ್ ಹಾತ್ ಪುಸ್ತಾ.
177. ಚುಕಿಕ್ ದೊಳೆ ನಾಂತ್.
178. ಬಾಯ್ಲ್‌ಮನ್ಶಾಂಕ್ ದೊಂಪ್ರಾ ಸಕಯ್ಲ್ ಬೂದ್.
179. ಬಾಯ್ಲ್ ನಾಚ್ಲಿ, ಲಜ್ ಹೊಗ್ಡಾಯ್ಲಿ.
180. ಪಾಂಯ್ ಚುಕ್ಲ್ಯಾರ್ ಹಸ್ತ್‌ಯಿ ಪಡ್ತಾ.
181. ದುಬ್ಳ್ಯಾಚಿ ಮರಾನಾಯೆ ಬಾಯ್ಲ್, ಗ್ರೇಸ್ತಾಚೊ ಮರಾನಾಯೆ ಘೊವ್.
182. ಘೊವಾ ಬಾಯ್ಲೆಚೊ ಹಿಸೊ, ಮದೆಂ ಯೆಂವ್ಚೊ ಪಿಸೊ.
183. ಹಾಸ್ತ್ಯಾ ದಾದ್ಲ್ಯಾಕ್ ಆನಿ ರಡ್ಚ್ಯೆ ಬಾಯ್ಲೆಕ್ ಪಾತ್ಯೆನಾಯೆ.
184. ಫುಡ್ಲೆಂ ಜೋತ್ ಚಲ್ತಾ ತಶೆಂ ಪಾಟ್ಲೆಂ ಜೋತ್ ಚಲ್ತಾ.
185. ದರ್ಮಾಕ್ ದಿಲ್ಲೆಂ, ಸಾಸ್ಣಾಕ್ ಉರ್‍ಲೆಂ.
186. ಎಕ್ಲ್ಯಾನ್ ಗಾಯ್ ಮಾರ್‍ಲಿ ಮ್ಹಣ್ ದುಸ್ರ್ಯಾನ್ ವಾಸ್ರುಂ ಮಾರಿನಾಯೆ.
187. ಆಯ್ಲೆಲ್ಯಾ ದಿಸಾ ಸಯ್ರೊ, ದುಸ್ರ್ಯಾ ದಿಸಾ ಭರೊ.
188. ಆಜಾಕ್ ನಾತು ಶಿಕಯ್ತಾಲೊ ಖಂಯ್.
189. ಕಾಜಾರ್ ಕೆಲೆಲ್ಯಾಂಕ್ ಮಾತ್ ಕಳಿತ್, ಘರ್ ಬಾಂದ್ಲೆಲ್ಯಾಕ್ ಮಾತ್ ಕಳಿತ್.
190. ಕಿರಾಕ್ ಮೊಗ್ ಪೆರಾಚೊ, ವ್ಹೊನಿಯೆಕ್ ಮೊಗ್ ದೆರಾಚೊ.
191. ಕುಂಬಾರಾನ್ ರೆಡ್ಯಾಕ್ ಕುಳಿತ್ ಘಾಲ್ಲ್ಯಾ ಬರಿ.
192. ಕುಂಡೊ ಖಾತೆಲ್ಯಾಕ್ ಉಂಡ್ಯಾಚಿ ರೂಚ್ ಕಿತೆಂ ಕಳಿತ್?
193. ಖಾಂದಾರ್ ಮಡು ದವರುನ್ ಗಾಂವ್ ಸಗ್ಳೊ ಸೊದ್ಲೆಲ್ಯಾ ಬರಿಂ.
194. ಜಾಣಾ ಸಗ್ಳೊ ಗಾಂವ್, ನೆಣಾ ಮಾಂಯ್ ಮಾಂವ್.
195. ದೇವ್ ದಿತಾನಾ ಚಾರ್‌ಯೀ ವಾಂಟೆಂನಿ ದಿತಾ.
196. ದೆವಾನ್ ದಿಲ್ಲೆಂ ಉರ್‍ತಾ, ಮನ್ಶಾನ್ ದಿಲ್ಲೆಂ ಸರ್‍ತಾ.
197. ಶಿಸ್ರಿಬರಿಂ ದುಖಾಂ ಗಳಯ್ತಾ.
198. ದೆವಾನ್ ದಿಲೆಂ, ಕರ್ಮಾನ್ ವ್ಹೆಲೆಂ.
199. ಜಿಗ್‌ಜಿಗ್ತಾ ತೆಂ ಸಗ್ಳೆಂ ಭಾಂಗಾರ್ ನ್ಹಯ್.
200. ಹಳೂ ಉಲವ್ನ್ ದಿವೊ ಪಾಲ್ವಯ್ತಾ.
201. ಚಾಮಾರಾಚಿ ದೀಷ್ಟ್ ಪಾಂಯಾಂಚೆರ್, ಕೆಲ್ಶಾ ಚಿ ದೀಷ್ಟ್ ಕೇಸಾಂಚೆರ್, ಚೊರಾಚಿ ಮತ್ ಚಾಂದ್ನಾ ಚೆರ್.
202. ಮ್ಹೊಶಿಚಿಂ ಶಿಂಗಾಂ ಮ್ಹೊಶಿಕ್ ಜಡ್ ನಹಿಂ, ಆವಯ್ಚಿ ಭುರ್ಗಿಂ ಆವಯ್ಕ್ ಜಡ್ ನಹಿಂ.
203. ಭಿಕಾರ್‍ಯಾಚ್ಯಾ ಕಟ್ಟೆಂಣ ಕಾವ್ಳೊ ಹಾಗ್ಲೊ.
204. ಘೊವ್ ಆಸ್ತಾನಾ ಬೂಧ್ ನಾ, ಬೂಧ್ ಯೆತಾನಾ ಘೊವ್ ನಾ.
205. ಪೊಪಾಳ್ ಆಸ್ತಾನಾ ವೊಂಟಿಯೆಂತ್ ಘಾಲ್ಯೆತ್, ಮಾಡಿ ಜಾಲ್ಯಾ ಉಪ್ರಾಂತ್ ಜಾತಾವೆ?
206. ಲಾಭ್ ಲೆಖುನ್ ಕೆಳಿಂ ಖೆಲ್ಲ್ಯಾಬರಿ.
207. ಚಿಂತ್ನಾಂ ಆನಿ ಖಂತ್ ನಾತ್‌ಲ್ಲ್ಯಾಂಕ್ ಸಾಂತೆಂತ್ ನೀದ್.
208. ಕಾಂಟ್ಯಾನ್ಂಚ್ ಕಾಂಟೊ ಕಾಡುಂಕ್ ಜಾಯ್.
209. ಆವಯ್ಕ್ ಮಾರಿನಾಯೆ, ಗಿರ್ಬುಜ್ಯಾಂಚೊ ಘೊಂಟೆರ್ ವಿಭಾಡ್ ಕರಿನಾಯೆ.
Tags:
konkani culture, Konkani, Mangalore, Mangalorean, Mother Tongue
