From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಜಾನಪದ್: ಮಾಂಡೊ, ದುಲ್ಪೊದ್ ಆನಿ ದೆಕ್ಣಿ
Friday, July 15, 2016ಪುಡ್ತುಗೆಜಾಂಚ್ಯಾ ಸಂಗೀತಾಕ್ (ವೊಲ್ಜ್ ಆನಿ ಪೊಲ್ಕಾ) ಕೊಂಕ್ಣಿ ಉತ್ರಾಂ ಬಸ್ತಾನಾ ಉಬ್ಜಲ್ಲೊ ಕೊಂಕ್ಣಿ ಪದಾಂಚೊ ಏಕ್ ಪ್ರಕಾರ್ ಮಾಂಡೊ. ಹಾಂತ್ಲಿಂ ಚಡಾವತ್ ಪದಾಂ ಪುಡ್ತುಗಾಲ್ - ಸ್ಪೇಯ್ನಾಚ್ಯಾ ಮೊಗಾಚ್ಯಾ ಪದಾಂ ತಾವ್ನ್ ಕೊಂಕ್ಣೆಕ್ ಆಸಾತಶಿಂ ಉತ್ರಾಯಿಲ್ಲಿಂ. ಹ್ಯಾ ಪದಾಂಚಿಂ ಉತ್ರಾಂ ಸೊಬಿತ್. ಆಯ್ಕೊಂಕ್ ರುಚಿಕ್. ಮನ್ಶಾಚಿಂ ಭೊಗ್ಣಾಂ, ತಾಂಚೆ ಆಟೆವಿಟೆ, ಕಾಳ್ಜಾಚೆ ದಡ್ದಡೆ, ಮೊಗಾಚೆ ತಳ್ಮಳೆ, ಖಂತಿಚೆ ಮುರ್‍ಮುರೆ, ತರಾಂತರಾಂಚೆ ಮಯ್ಪಾಸ್, ಮಾಯಾಮೋಗ್ ರಂಗೀನ್ ತಾಳ್ಯಾನ್ ಮಾಂಡ್ಯಾಂತ್ ಘೊಳ್ತಾ.
ಮಾಂಡೊ ಹೆಂ ನಾಂ ಕಶೆಂ ಪಡ್ಲೆಂ ಕಳಿತ್ ನಾ. ತರೀ ಮಾಂಡೊ ಮ್ಹಳ್ಳ್ಯಾರ್ ಸೊಭಾಯೆನ್ ಮಾಂಡ್‌ಲ್ಲ್ಯಾ ಸಂಗೀತ್ ಆನಿ ಪದಾಂಚೆಂ ಕಾರ್ಯೆಂ ಮ್ಹಣ್ತಾತ್. ಕೋಣ್ ಮಣ್ತಾ ಮಾಂಡ್ಯಾಂಚೆಂ ಏಕ್ ವ್ಹಾಜಾಂತ್ರ್ ಮಾಂಡೊಲಿನ್. ಹೆಂ ಇಟಾಲಿಯನ್ ವ್ಹಾಜಂತ್ರ್. ತಾಚೊ ಆಕಾರ್ ಬಾದ್ಮಾಂಚೊ. ತಾಂಚೆ ಭಾಶೆನ್ ಬಾದ್ಮಾಂಕ್ ಮಾಂಡೊ ಮ್ಹಣ್ತಾತ್. ದೆಕುನ್ ತ್ಯಾ ವ್ಹಾಜಂತ್ರಾಕ್ ಮಾಂಡೊಲಿನ್ ಮ್ಹಣ್ತಾತ್. ಹಾಚೆವರ್‍ವಿಂ ಮಾಂಡೊ ನಾಂವ್ ಆಯ್ಲ್ಯಾಂ ಜಾವ್ಯೆತ್ ಮ್ಹಣ್ ಪಾತ್ಯೆತಾತ್.
ಮಾಂಡ್ಯಾ ಪದಾಂಚೆ ಚಾರ್ ಪಂಗಡ್ ಆಸಾತ್. 1.ಅತ್ರೆಗಿ ಮಾಂಡೆ, 2.ಎಕ್ವಟಿ ಮಾಂಡೆ, 3.ವಿಳಾಪಿ ಮಾಂಡೆ ಆನಿ 4.ಖಬ್ರಾಂಚೆ ಮಾಂಡೆ.
ಮಾಂಡ್ಯಾಚೆಂ ಆನ್ಯೇಕ್ ರೂಪ್ ದುಲ್ಪೊದಾಂ. ದೊರಿಂ-ಪದಾಂ ದುರ್‍ಪೊದಾಂ, ದುಲ್ಪೊದಾಂ ಜಾವ್ನ್ ಬದಲ್ಲಾ ಮ್ಹಣ್ತಾತ್ ಗೊಂಯ್ಕಾರ್. ಪುಣ್ ಮಾಂಡೊ ಆನಿ ದುಲ್ಪೊದ್ ಎಕಾ ನಾಣ್ಯಾಚಿಂ ದೋನ್ ರುಪಾಂ ಆಸ್‌ಲ್ಲೆಬರಿಂ. ಏಕ್ ನಾಸ್ತಾನಾ ದುಸ್ರ್ಯಾಕ್ ಸೊಬಾಯ್ ನಾ. ಸಂಗೀತಾಚ್ಯಾ ನಾದಾನ್, ನಾಚಾಚ್ಯಾ ಅಮಾಲಾನ್, ಚಿಂತ್ನಾಂಚ್ಯಾ ಲಾರಾನ್ ಮಾಂಡೊ ಗಾಯ್ಲ್ಯಾ ಉಪ್ರಾಂತ್ ದುಲ್ಪೊದಾಂ ಆಪಾಪಿಂಚ್ ಭಾಯ್ರ್ ಪಡ್ತಾತ್. ದುಲ್ಪೊದಾಂನಿ ಜಿಣ್ಯೆಚಿಂ ವಿವಿದ್ ಘಡಿತಾಂ ಆಟಾಪ್ಚಿಂ ಪದಾಂ ಸಾಂಕ್ಳಿ ರುಪಾರ್ ಎಕಾ ಪಾಟ್ಲ್ಯಾನ್ ಏಕ್ ಗಾಯ್ತಾತ್.
ಮಾಂಡೊ ಆನಿ ದುಲ್ಪೊದ್ ಗೊಂಯ್ಚ್ಯಾ ಕ್ರಿಸ್ತಾಂವಾಂಚೆ ದಾಯ್ಜ್ ತರ್ ದೆಕ್ಣಿ ಗೊಂಯ್ಚ್ಯಾ ಹಿಂದ್ವಾಂಚಿ ಆಸ್ತ್. ಸುಂದರ್ ಚಲ್ಯೆನ್ ತಕ್ಲೆ ತಾವ್ನ್ ಪಾಯಾ ಪರ್‌ಯಾಂತ್ ಸುಂರ್‍ಗಾರ್ ಕರ್ನ್ ಕಾಜಾರ್ ಸೊಬಾಣಾಂನಿ, ದರ್‍ಮಿಕ್ ತಶೆಂ ಹೆರ್ ಸಮಾಜಿಕ್ ಕಾರ್‌ಯಾಂನಿ ನಾಚ್ತಾನಾ ಮ್ಹಣ್ಚಿಂ ಪದಾಂ ದೆಕ್ಣಿಂ. ಹ್ಯಾ ಪದಾಂ ಸಾಂಗಾತಾ ನಾಚ್ ಗರ್‍ಜ್. ದೆಕ್ಣಿ ಪದಾಂನಿ ಗೊಂಯ್ಚ್ಯೊ ನ್ಹಂಯೊ, ದೊಂಗೊರ್, ಶಿಂವ್ತಿಂ, ಆಬೊಲಿಂ, ಮೊಗ್ರಿಂ ರಾಜ್ ಕರ್ತಾತ್.
Tags:
konkani culture, Konkani, Mangalore, Mangalorean, Mother Tongue
