From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಜಾನಪದ್: 'ತೊಣ್'ಯೊ ನಾಚ್
Friday, July 15, 2016ತುಳುನಾಡು ಕ್ಷೇತ್ರಾಂತ್ ’ಬಯಲಾಟ’ ಅಕ್ರಿಸ್ತಾಂವಾಂ ಮದೆಂ ನಾಂವಾಡ್ಡಿಕ್ ಜಾವ್ನಾಸ್‌ಲ್ಲೆಂ. ಹ್ಯಾ ಬಯಲಾಟಾಂನಿ ಆಸ್ಚ್ಯಾ ’ಚೆಂಡೆ’ ಚ್ಯಾ ಆದಾರಾರ್ ಕೊಂಕ್ಣಿ ಕ್ರಿಸ್ತಾಂವಾಂನಿ ’ಗುಮ್ಟಾಂ’ ಆರಂಬ್ ಕೆಲಿಂ ಮ್ಹಣ್ತಾತ್. ಹಿಂದ್ವಾಂಚ್ಯಾ ದರ್‍ಮಿಕ್ ಕಾರ್‌ಯಾಂನಿ ಭರ್‍ಸೊಂಕ್ ಮನ್ ನಾತ್‌ಲ್ಲ್ಯಾ ವರ್‍ವಿಂ, ಆನಿ ಆಪ್ಲೆಂಚ್ ಮ್ಹಳ್ಳೆಂ ಮನೋರಂಜಕ್ ಸಾದನ್ ಗರ್‍ಜ್ ಆಸ್‌ಲ್ಲೆ ವರ್‍ವಿಂ ಆಮ್ಚ್ಯಾ ಪುರ್‍ವಜಾಂ ಮದೆಂ ಗುಮ್ಟಾಂ ನಾಂವಾಡ್ಡಿಕ್ ಜಾಲಿಂ. ಆನಿ ಹಾಚೆ ವಯ್ರ್ ತೊಂಡ್ಪಾಶಿಂ ಸಾಹಿತ್ಯ್‌ಯಿ ಆಸ್ತಿತ್ವಾಕ್ ಆಯ್ಲೆಂ.
’ಗುಮಟ್’ ಮ್ಹಳ್ಳ್ಯಾರ್ ಹಾತಾನ್ ಬಡವ್ನ್ ಆವಾಜ್ ಕರ್‍ಚೆಂ ಏಕ್ ಸಾದನ್. ಮಾತ್ಯೆನ್ ತಯಾರ್ ಕೆಲ್ಲ್ಯಾ ಏಕ್ ವಿಶಿಶ್ಟ್ ರಿತಿಚ್ಯಾ ಮೊಡ್ಕೆಚ್ಯಾ ತೊಂಡಾಕ್ ’ಗಾರಾ’ಚೆಂ ಹದಾ ಕೆಲ್ಲೆಂ ಚಾಮ್ಡೆಂ ಬಾಂದ್ತಾಲೆ. ಹೆ ಮೊಡ್ಕೆಂತ್ ಎಕೆ ಕಳ್ಶೆಚೆಂ ಮಾಪ್ ಸೊಂಬ್ತಾಲೆಂ ಜಾಲ್ಲ್ಯಾನ್ ತೆ ಮೊಡ್ಕೆ ರುಪಾಚ್ಯಾ ಆಯ್ದಾನಾಕ್ ಕಳ್ಶಿ ಮ್ಹಣ್ತಾಲೆ. ಹೆ ಕಳ್ಶೆಕ್ ದೋನ್ ತೊಂಡಾಂ ಆಸೊನ್, ರೂಂದ್ ಆಸ್‌ಲ್ಲ್ಯಾ ತೊಂಡಾಕ್ ಹದಾ ಕೆಲ್ಲೆಂ ಚಾಮ್ಡೆಂ ಅರ್‍ನುನ್, ’ನಾರಾ’ಚೆ ಸಹಾಯೆನ್ ಬಾಂದ್ತಾತ್. ದುಸ್ರೆಂ ಅಶೀರ್ ತೋಂಡ್ ಉಗ್ತೆಂ ಆಸ್ತಾ. ಹ್ಯಾ ಚಾಮ್ಡ್ಯಾಚ್ಯಾ ಸ್ಪಂದನಾ ವರ್‍ವಿಂ ಉಬ್ಜಲ್ಲ್ಯಾ ನಾದಾಕ್ ಸರಿ ಜಾವ್ನ್ ಗಾಯಾನಾಂ ಗಾವ್ನ್ ಸಂತೊಸ್ ಪಾವ್ತಾಲೆ ಆಮ್ಚೆ ಪುರ್‍ವಜ್.
ಗುಮಟ್ ಉಸ್ಕಾರ್ ದಾವ್ಯಾ ಹಾತಾನ್ ಸಾಂಬಾಳ್ನ್ ದರ್‍ನ್ ಉಜ್ವ್ಯಾ ಹಾತಾಚ್ಯಾ ಸಡಿಳ್ ಬೊಟಾಂನಿ ಚಾಮ್ಡ್ಯಾಕ್ ಬಡಯ್ತಾಲೆ. ಹಾತಾಚ್ಯಾ ಬೊಟಾಂನಿ ಮಾತ್ ಚಾಮ್ಡ್ಯಾಚೆರ್ ಖೆಳಜೆ, ತೆಂಯಿ ಕಳ್ಶೆಚ್ಯಾ ಕಾಂಟಾಕಡೆ. ಚಾಮ್ಡ್ಯಾಕ್ ಮದೆಂ ಮಾರ್ ಪಡ್ಲ್ಯಾರ್ ತೆಂ ಫುಟ್ತಾ. ಬೊಟಾಂಚ್ಯಾ ಮುಳಾಂತ್ಲೊ ತಳಾಹಾತಾಚೊ ಮಾರ್ ಕಳ್ಶೆಚ್ಯಾ ಕಾಂಟಾ ವಯ್ರ್ ಪಡನಾಯೆ. ಅಶೆಂ ಗುಮಾಟ್ ವ್ಹಾಜಂವ್ಚಿ ಏಕ್ ಕಲಾ ಜಾವ್ನಾಸ್‌ಲ್ಲಿ.
ಕಾಜಾರ್, ಪೊರ್‍ತಾಪಣ್, ಫೆಸ್ತಾ ಪರ್‍ಬೆಚ್ಯಾ ದಿಸಾಂನಿ ಆನಿ ಹೆರ್ ಸಂತೊಸಾಚ್ಯಾ ವೆಳಾರ್ ಗುಮ್ಟಾಂ ಮಾರ್‍ಚಿಂ ಆಸ್‌ಲ್ಲಿಂ. ಆಪಾಪ್ಲೆಂ ಕಾಮ್ ಸಂಪ್ತಚ್ ಘರಾ ಮುಕ್ಲ್ಯಾ ಆಂಗ್ಣಾಂತ್ ಬುಸೊನ್ ಗುಮ್ಟಾಂ ಬಡವ್ನ್ ಗಾಯ್ತಾನಾ ಸೆಜಾರಿ ಜಮ್ತಾಲೆ.
ಗುಮ್ಟಾಂ ಪದಾಂನಿ ತೀನ್ ತರ್ ಆಸಾತ್. ಏಕ್ ಸಮಾಜಿಕ್ ಪದಾಂ. ಸಮಾಜಿಂತ್ ಆಸ್ಚ್ಯೊ ರಿತಿ-ನಿತಿ, ರಿವಾಜ್ಯ್, ಸಮಸ್ಯಾ ಹಾಂಚೆ ವಯ್ರ್ ಆದಾರಿತ್ ಜಾವ್ನಾಸ್ಚಿಂ ಪದಾಂ. ’ಸೊಬಿನಾಚ್ಯಾ ಮಾಂವಾಚೆಂ ಕಾರ್‍ಬಾರ್’, ’ಮಾಯ್ ಸುನೆ ಮದ್ಲೆಂ ಝಗ್ಡೆಂ’, ಕಾಜಾರ್ ಕರ್‍ನ್ ದಿಲ್ಲ್ಯಾ ಚೆಡ್ವಾನ್ ಆಪ್ಲ್ಯಾ ಕುಳಾರಾ ವೆಚೆಂ. ಹೊಕ್ಲೆಚ್ಯಾ ಭಾವಾಂನಿ ಹೊಕ್ಲೆಕ್ ರೆಸ್ಪೆರಾಕ್ ಹಾಡ್ಚೆಂ ಅಸಲ್ಯಾ ವಿಶಯಾಚೆರ್ ಹಿಂ ಪದಾಂ ಆಸ್ತಾಲಿಂ.
ದುಸ್ರೊ ತರ್ ದರ್‍ಮಿಕ್ ಪದಾಂಚೊ. ತೊಡ್ಯಾ ದರ್‍ಮಿಕ್ ಘಟನಾಂಚೊ ಉಲ್ಲೇಕ್ ಕರ್‍ನ್, ತತ್ಕಾಲಿನ್ ಸಮಾಜಿಚ್ಯಾ ರಿತಿ-ರಿವಾಜಿಂ ಪ್ರಮಾಣೆಂ ಹ್ಯಾ ಘಟನಾಂನಿ ತೊಡಿ ಬದ್ಲಾವಣ್ ಕರುನ್ ಪದಾಂ ಘಡ್ತಾಲೆ. ದಾವಿದ್ ರಾಯಾಚಿ ಕತಾ, ಬುದ್ವಂತ್ ಸಾಲ್ಮಾಂವ್ ರಾಯಾಚಿ ಕತಾ, ಜೆಜುಚೊ ಜಲ್ಮ್, ಮರಿಯೆಚೆಂ ಕಾಜಾರ್ ಅಸಲೆ ವಿಶಯ್ ಘೆತಾಲೆ.
ತಿಸ್ರೊ ತರ್ ಚಾರಿತ್ರಿಕ್ ಘಡಿತಾಂ ವಯ್ಲ್ಯಾ ಪದಾಂಚೊ. ಟಿಪ್ಪು ಸುಲ್ತಾನಾಚ್ಯಾ ದೊಶಿವಿಶಿಂ, ಕ್ರಿಸ್ತಾಂವಾಂಚ್ಯಾ ದಯ್ರಾವಿಶಿಂ ಹಿಂ ಪದಾಂ ಆಸ್ತಾಲಿಂ.
ಭೊಂವ್ತಣಿ ಬಸೊನ್ ಚಾರ್-ಪಾಂಚ್ ಜಣಾಂನಿ ಗುಮ್ಟಾಂ ಬಡವ್ನ್ ಪದಾಂ ಗಾಯ್ತಾನಾ ಉರ್‌ಲ್ಲೆ ತಾಳಿಯೊ ಪೆಟುನ್ ಉಲ್ಲಾಸಾನ್ ತಾಂತುಂ ಭಾಗ್ ಘೆತಾಲೆ. ವೊರಾಂ ಗಟ್ಲ್ಯಾನ್ ವ್ಹಡಾ ತಾಳ್ಯಾನ್ ಪದಾಂ ಗಾಯಿಲ್ಲ್ಯಾ ವರ್‍ವಿಂ ಜಾಲ್ಲಿ ಪುರಾಸಣ್ ಕಾಡುಂಕ್ ಸುರ್ ಪಿಯೆಂವ್ಚೆಂ ಸಾಮಾನ್ಯ್ ಜಾವ್ನಾಸ್‌ಲ್ಲೆಂ. ಹರ್ಯೆಕಾ ಪದಾಂತ್ ಸಬಾರ್ ಚರಣಾಂ ಆಸ್ತಾಲಿಂ. ಹರ್‍ಯೆಕ್ ಚರಣ್ ದೊ-ದೋನ್ ಪಾವ್ಟಿಂ ಗಾಯ್ತಾಲೆ. ತೀನ್ ಯಾ ಚಾರ್ ಚರಣಾಂ ಉಪ್ರಾಂತ್ ತಾಳೊ ತಾರಕಾಕ್ ವ್ಹರ್‍ನ್ ಗಾಯ್ತಾಲೆ. ತೆದಾಳಾ ಗುಮ್ಟಾಂಚೊ ನಾದ್‌ಯಿ ತಾರಕಾಕ್ ಪಾವ್ತಾಲೊ. ಎಕೇಕ್ ಘಡಿತ್ ಗಾಂವ್ಕ್ ಸಗ್ಳಿ ರಾತ್ ಕಾಡ್ತಾಲೆ ಮ್ಹಣ್ತಾನಾ ಹ್ಯಾ ಸಾಹಿತ್ಯಾಚಿ ವಿಶಲತಾಯ್ ಕಳ್ತಾ. ಕಾಲ್ಪನಿಕ್ ಘಟನಾಂ ಭರುನ್ ಆಸ್‌ಲ್ಲ್ಯಾ ಹ್ಯಾ ಪದಾಂನಿ ಆಮ್ಚ್ಯಾ ಪುರ್‍ವಜಾಂಚಿ ಬುದ್ವಂತ್ಕಾಯ್ ಕಳಿತ್ ಜಾತಾ.
Tags:
konkani culture, Konkani, Mangalore, Mangalorean, Mother Tongue
