web analytics

From around the world

ಪ್ರವೀಣ್ ತಾವ್ರೊ, ಕುಲ್ಶೇಕರ್
             
+971 50 7554105
ತುಮ್ಚ್ಯಾ ಗಮನಾಕ್:
Best be viewed in 1366 X 768 screen resolution and in Google Chrome

ಜಾನಪದ್ ಪೊದಾಂ: ಥೊಡ್ಯೊ ವಿಂಚ್ಣಾರ್ ಪೊದಾಂ - 1

Sunday, July 17, 2016  /  Courtesy Sambado
ಉಂದ್ರಾ ಮ್ಹಜಾ ಮಾಮಾ
1.ಉಂದ್ರಾ ಮ್ಹಜಾ ಮಾಮಾ | ಆಯ್ಕ್ ಹಾಂವ್ ಸಾಂಗ್ತಾ ತುಕಾ | ತ್ಯಾ
ಮಾಜ್ರಾ ಗೆಲ್ಯಾ ಪಿಲಾಲಾಗಿಂ | ಖೆಳ್ ಮಾಂಡೂನಾಕಾ.
2.ಗೊಮ್ಟಿ ತುಜಿ ಮೊಡಿತ್ | ಕಾನ್ ಧರುನ್ ತಾಂಡಿತ್ | ತೆಂ ಮಾಜ್ರಾಗೆಲೆಂ
ಪಿಲ್ಕಾಟ್ ತುಕಾ | ಎಕಾ ಘಾಸಾಕ್ ಗಿಳಿತ್.
3.ಆಯ್ಕಾನಾಸ್ತಾಂ ಧಾಂವ್ಲೊ | ಉಂದಿರ್ ಚೊರುಂಕ್ ಗೆಲೊ | ತ್ಯಾ ಮಾಜ್ರಾಗೆಲ್ಯಾ
ಪಿಲಾನ್ ತಾಕಾ | ಉಡ್ಕಿ ಮಾರ್‍ಚೊ ಚೊಯ್ಲೊ.
4.ಉಂದಿರ್ ಮಾಮ್ ತೆಲ್ ಪೀತಾ | ಆನಿ ಶಿಮ್ಟಿ ಘಾಲುನ್ ಲೆಂವ್ತಾ | ತೆಂ
ಮಾಜ್ರಾ ಗೆಲೆಂ ಪಿಲ್ಕಾಟ್ ಪಳೆವ್ನ್ | ಗೊಡ್ಸ್ಯೊ ಮಿಟ್ಯೊ ಮಾರ್‍ತಾ. 
5.ಉಂದಿರ್ ಬಾವ್ಡೊ ಗಳ್ಳೊ | ತೆಲಾನ್ ವೊತ್ಕೊ ಭಿಜ್ಲೊ | ತ್ಯಾ ಮಾಜ್ರಾಗೆಲ್ಯಾ
ಪಿಲಾನ್ ತಾಚೆರ್ | ಘಟ್ ದೊಳೊ ಧರ್‍ಲೊ.
6.ಉಂದಿರ್ ಮಾಮ್ ತೊ ಆಯ್ಲೊ | ಖಾಟ್ಯೆ ಪಂದಾ ಲಿಪ್ಲೊ | ತ್ಯಾ ಮಾಜ್ರಾಗೆಲ್ಯಾ
ಪಿಲಾನ್ ತಾಕಾ | ಎಕಾ ಫಾರಾ ಖಾಯ್ಲೊ.
7.ಗೊಮ್ಚಾ ಫುಡೆ ಉತಾರ್ | ಉಂದಿರ್ ಮಾಮ್ ತೊ ಕಾಬಾರ್ | ತ್ಯಾ 
ಮಾಜ್ರಾಗೆಲ್ಯಾ ಪಿಲಾಲಾಗಿಂ | ಖೆಳ್ ಮಾಂಡುಂಕ್ ಗೆಲ್ಲ್ಯಾನ್.

ಬಾರಾ ಸರೊನ್ ತೆರಾ ಲಾಗ್ಲಿಂ
1. ಬಾರಾ ಸರೊನ್ ತೆರಾ ಲಾಗ್ಲಿಂ ಮಾಂಯ್ | ಕಾಜಾರ್ ಕರ್‌ಗೆ ಮ್ಹಾಕಾ.
2.ಇತ್ಲ್ಯೊ ಸಯ್ರಿಕೊ ಆಯ್ಲ್ಯೊಗೊ ಪುತಾ | ಎಕ್ಕಿ ಜಾಯ್ನಾ ತುಕಾ.
3.ಇತ್ಲ್ಯೊ ಸಯ್ರಿಕೊ ಆಯ್ಲ್ಯೊ ಮ್ಹಣೊನ್ ಮಾಂಯ್ | ಸೆಜ್ರಾಕ್ ಸಾಂಗೊನಾಕಾ.
4.ಆನಿ ಸೆಜ್ರಾಚಾ ವಾಡ್ಯಾಕ್ ಸಾಂಗೊನಾಕಾ ಮಾಂಯ್ | ಲಜ್ ದಿಸ್ತಾ ಮ್ಹಾಕಾ.
5.ಬೊಂಬಯ್ ಥಾವ್ನ್ ಏಕ್ ಪೊಲ್ಕಿಸ್ತ್ ದೆಂವ್ಲಾ ಮಾಂಯ್ | ಜಾಂವಯ್ ಕರ್‌ಗೇ ತುಕಾ.
6.ರಾಯಾಂ ಕುಳ್ಯೆಚಾಕ್ | ಫಿಂರ್ಗಿ ಭಾಷೆಚಾಕ್ ಆಪವ್ನ್ ಹಾಡ್ಚೊ ಕಸೊ?
7.ತೀನ್ ತಾರಾಂಚೆ ತಾರ್‍ಲೆ ಹಾಡ್ನ್ ಮಾಂಯ್ | ಬೊಲ್ಚಾಂವ್ ಕರ್‌ಗೇ ತಾಕಾ.
8.ಆನಿ ಕಾಜಾರ್ ಹಾಂವ್ ಜಾಲಿಂ ಕಿತ್ಯಾಮೂಂಗೆ ಮಾಂಯ್ | ನೊವ್ರೊ ಪೆಸ್ತ್ ಪಿಡಾ.
9.ರಾತಿಚೆಂ ಯೆವ್ನ್ ಕೊಪಾಚೆಂ ಘಾಲ್ನ್ | ಲಟ್‌ಪಟ್ ಘಡ್ಬಡಾಯ್ತಾ.
10.ನಜೊ ಮ್ಹಜಾನ್ ನಜೊಮೂಂಗೆ ಮಾಂಯ್ | ಮಾರ್ ಸೊಸುಂಕ್ನಜೊ.
11.ತ್ಯಾ ಮಾಂಯ್ ಮುಂಡ್ಯೆನ್, ತ್ಯೆ ನಂಡೆ ರಾಂಡ್ಯೆನ್ | ಮಾರ್‍ಲೆಂ ಮ್ಹಾಕಾ ದಾಂಡ್ಯಾನ್.
12.ತಿ ಮಾಂಯ್ ಘರಾಂತ್ಲಿ, ತಿ ನಣಂದ್ ವಾಡ್ಯಾಂತ್ಲಿ | ಕರ್‍ತಾತ್ ಮ್ಹಜಿ ವೀದ್ವಾಳಿ. 
13.ತಿ ಮಾಂಯ್ ಕಾಳಿ ಫಾತರ್, ತಿ ನಣಂದ್ ಶೆಳೆ ಕಾತರ್ | ಭಿಯಾನ್ ಧಾಂವ್ತಾ ಭಿತರ್.
14.ತಿ ಮಾಂಯ್ ಮಾರೆಕಾರ್, ತಿ ನಣಂದ್ ದೆಂವ್ಚಾರ್ | ತೊ ಘೊವ್ ಸುಭೆದಾರ್.
15.ಪೊಳೆ ಪಾಡ್ ಮ್ಹಣೊನ್, ಹ್ಯೊ ರಾಂಡೊ ಮೆಳೊನ್ | ಕರ್‍ತಾತ್ ಮ್ಹಜೊ ವಿಚಾರ್.

ಏಕ್ ದೀಸ್ ಹಾಂವ್
1.ಏಕ್ ದೀಸ್ ಹಾಂವ್ | ಗೆಲೊಲೊಂ ಭೊಂವುಂಕ್ | ವೊಡ್ತಾಂತ್ ದೆಖ್ಲೆಂ
ಧವೆಂ ತಾಂಬ್ಡೆಂ ಫುಲ್ | ನ್ಹೆಸ್ಲಲೆಂ ವಿಸ್ತುದ್ | ಘಾಲುನ್ ವಾಂಚೊ | ಧವ್ಯಾ
ತಾಂಬ್ಡ್ಯಾ ತಿಕ್ಲಲ್ಯಾ ಫಾಂಟ್ಯಾಂಚೊ.
2.ಕಿತೆಂ ಸಾಂಗೊ ಸಾಯ್ಬಾ | ರುಪ್ಣೆಂ ಫುಲಾಚೆಂ | ಚೊಂವ್ಚಾಕ್ ದಿಸ್ತಾ ನೆಕೆತ್ರ್
ಮಳ್ಬಾಚೆಂ | ತಾಕಾ ದೆಖ್ನಾ ಫುಡೆ | ಮನ್ ಪಿಶೆಂ ಜಾಲೆಂ | ಆಪ್ಟೊನ್ 
ಧಪ್ಟೊನ್ ಪಡ್ತಾಶೆಂ ದಿಸ್‌ಲೆಂ.
3.ಝಿಂಟ್ ಮಾರ್‍ನ್ | ಧರ್ಣಿರ್ ಪಡ್ತಚ್ | ಚೆಡ್ವಾನ್ ಮ್ಹಜಾ ಹಾತಾಕ್ ಯೆವ್ನ್
ಧರ್‍ಲೆಂ | ಆನಿ ಮ್ಹಣಾಲಾಗ್ಲೆಂ ಬಾಳಾ ಭಿಯೊಂನಾಕಾ | ಆಸಾ ಹಾಂವ್ ಮ್ಹಣ್
ತುಜಾ ಸಾಂಗಾತಾ.
4. ದೊಗಾಂಯ್ ಮೆಳೊನ್ | ಗೆಲ್ಯಾಂವ್ ವೆಂಗುನ್ | ಪಳೆಂವ್ಕ್ ತ್ಯಾ ಚೆಡ್ವಾಚಾ
ಪಪ್ಪಾಕ್ | ಪಪ್ಪಾ ವಿಚಾರ್‍ಲಾಗ್ಲೊ | ಕೊಣ್ ಬಾಯೆ ತೊ | ಚೆಡ್ವಾನ್ ಮ್ಹಳೆಂ
ಮೊಗಾಚೊ  ಪತಿ ಆಪ್‌ಲೊ.

ಮೋಗ್ ಹಾಂವೆಂ ಕರುನ್ ತುಜೊ
1.ಜಾಯಿತ್ತೊ ತೇಂಪ್ ಆಮಿ ಭೊಂವ್ಲ್ಯಾಂವ್ ಮೊಗಾನ್ | ಮಧೆಂ ಪಾವ್ತಚ್
ನಾಡ್ಲೆಂ ದುಸ್ಮಾನಾನ್ | ಆತಾಂ ರಡ್ತಾಂರೆ ಫುಗಾರ್ ಜಾವ್ನ್ | ದುಸ್ಮಾನ್
ಭೊಂವ್ತಾ ದೆಕುನ್ ಆಮ್ಚಾ ಪಾಟ್ಲ್ಯಾನ್.
ಸಕ್ಕಡ್ : ಮೋಗ್ ಹಾಂವೆಂ ಕರುನ್ ತುಜೊ | ದುಸ್ಮಾನ್ ಜಾಲೊರೆ ಉಭೊ | ಸಂಸಾರ್
          ಖರೊಚ್ ಕರ್ತುಬಾಂಚೊ. 
2.ರಾತಿ ನಿದೆಂತ್ ಹಾಂವ್ ಸ್ವಪ್ಣೆತಾಂ | ತುಜಾ ರುಪ್ಣ್ಯಾಲಾಗಿಂ ಹಾಂವ್ ಖೆಳ್ತಾಂ |
ವೆಂಗೆಂತ್ ಘೆಂವ್ಕ್ ತುಕಾ ಆಶೆತಾಂ | ಜಾಗಿಂ ಜಾತಚ್‌ರೆ ಹಾಂವ್ ಫಟ್ವಾತಾಂ.
3.ರಡ್ತಾಂ ರಡ್ತಾಂ ರಗ್ತಾಚಿಂ ದುಖಾಂ | ಆನಿ ದುಸ್ಮಾನಾಂಕ್ ಬರೆಂ ಮಾಗ್ತಾಂ |
ಸಂಸಾರಾಚಿ ಆಶಾ ಮ್ಹಾಕಾ ನಾ | ಬಗಾರ್ ಸ್ವರ್ಗಾಕ್ ರಸ್ತೊ ಧರ್‍ತಾಂ.

ಆಬೊಲಿಂ ಹಾಂವ್ ಸದಾಂಚ್ ಹಾಡ್ತೊಲಿಂ
1.ತ್ಯೆ ದೀಸ್ ಬಾಗಿಂತ್ ಹಾಂವ್ ಗೆಲೊಲಿಂ | ಥಂಯ್ಚಿಂ ಹಾಡ್ಲಿಂ ದೋನ್ ತೀನ್ 
ಆಬೊಲಿಂ | ತಿಂವಿ ಘೆವ್ನ್ ಘರಾ ಹಾಂವ್ ವೆತಾಲಿಂ | ವಾಟೆರ್ ಎಕಾ
ಚಲ್ಯಾನ್ ಮಾಗೊನ್ ವ್ಹೆಲಿಂ.
ಸಕ್ಕಡ್ : ಆಬೊಲಿಂ ಹಾಂವ್ ಸದಾಂಚ್ ಹಾಡ್ತೊಲಿಂ | ತುಕಾ ದಿತೊಲಿಂ | ತುಮ್ಗೆರ್
          ಘರಾ ಕೊಣ್ ಆಸಾರೆ | ಫುಲಾಂ ಮಾಳ್ತೊಲಿಂ.
2.ಆಬೊಲಿಂ ದಿತಾನಾ ದುಖಾಂನಿ ರಡ್ಲಿಂ | ಮ್ಹಾಕಾ ಮಾಳುಂಕ್ ಜಾಯ್ ಮ್ಹಣ್
ಹಾಡ್ಲೊಲಿಂ | ಮನಾಂತ್ ಮ್ಹಜಾ ಉತ್ರಾಂ ಎವ್ಜೊಲಿಂ | ತೆದ್ನಾ ಆಂಕ್ವಾರ್ |
ಹಾಂವ್ ಆಸ್ಲೊಲಿಂ.
3.ಧನ್ಯಾಂ ದೆವಾಲಾಗಿಂ ಮಾಗ್ತಾಂ | ಮ್ಹಜಿ ಕಾಕ್ಳುತ್ ಕರ್ ಮ್ಹಣ್ ಆತಾಂ |
ಕಾಜಾರಾಚೆ ಆಟೆವಿಟೆ ಕಾಡ್ತಾಂ | ಹಿಂ ಮ್ಹಜಿಂ ದುಖಾಂ ಹಾಂವ್ ಗಳಯ್ತಾಂ.

ಭಿಕಾರಿ
1.ಹಾಂವ್ ಭಿಕಾರಿ ಪರ್ದೆಶಿ | ಇಜ್ಮೊಲ್ ಮಾಗ್ತಾಂ ಹಾಂವ್ ಘರಾಂನಿ | ಲೋಕ್
ಮ್ಹಾಕಾ ಉಲಯ್ತಾ ಫೊಯ್ಚಿನಿ | ಚಲೊ ಮ್ಹಜೊ ಸಿರ್ವಿಸ್ ಕರ್‍ತಾ ಮ್ಹಣ್
ಆಫಿಸಾಂನಿ.
ಸಕ್ಕಡ್ : ಸೆಂತಿಮೆಂತ್ ಘೆವ್ನ್ ತಾಚೊ | ಜಾವ್ನ್ ಭೊಂವ್ತಾಂ ಹಾಂವ್ ಪಿಸೊ | ಆಧಾರ್
          ನಾ ಕೊಣಾಚೊ | ಆತಾಂ ಜಾಲಾಂ ಹಾಂವ್ ಮ್ಹಾತಾರೊ.
2.ತ್ಯಾ ಮ್ಹಜಾ ಭುರ್ಗ್ಯೆ ಪ್ರಾಯೆರಿ | ಸಗ್ಳೊ ವೊರೊವ್ ಆಸ್ಲೊ ಸೊವಾಯಿ |
ಹ್ಯಾ ಮ್ಹಜಾ ಮ್ಹಾತಾರ್‍ಯೆ ಪ್ರಾಯೆರಿ | ಸಗ್ಳ್ಯಾ ಗಾಂವಾರ್ ಪಡ್ಲ್ಯಾ ಮ್ಹಾರ್ಗಾಯಿ.
3.ಆದೇವ್ಸ್ ಆದೇವ್ಸ್ ಮಾಗ್ತಾಂ ತುಮ್ಚೆಲಾಗಿಂ | ಹಿ ಗತ್ ಜಾಲಿ ಮ್ಹಜಿ ಭಿಕೆಚಿ |
ಹಾಂವ್ ತುಮ್ಗೆರ್ ಭಿಕೆಕ್ ಯೆಂವ್ಚ್ಯೆ ವೆಳಿಂ | ಮ್ಹಾಕಾ ಭಿಕ್ ಘಾಲ್ನಾಸ್ತಾನಾ
ರಾವಾನಾಕಾತಿ.

ನೊವಾ ಸ್ತೆಲ್ಲಾ
1.ನೊವಾ ಸ್ತೆಲ್ಲಾ ಫಾಂಕವುನ್ | ಮ್ಹಜೆಂ ಕಾಳಿಜ್‌ರೆ ಉಘಡ್ಲೆಂ | ಲುಸಿ ಆನ್ನಾ
ನಾಂವ್‌ಗೊ ತುಜೆಂ | ದೆವಾನ್ ಆಮ್ಕಾಂ ನಿರ್ಮಿಲೊಲೆಂ.
ಸಕ್ಕಡ್ : ಸಪ್ಣಾಂತ್ ಮೊಗಾ ದೆಖ್ಲ್ಯಾರಿ ತುಕಾ | ಜೀವ್ ಮ್ಹಜೊ ಆಬುಲ್ಯಾರ್ ಜಾತಾ.
2.ಭುರ್ಗ್ಯಾಪಣಿಂ ಮ್ಹಜಾ ಮೊಗಾ | ಮ್ಹಜೆಂ ಕಾಳಿಜ್ ದಿಲೊಲೆಂ ತುಕಾ |
ಕೆದಿಂಚ್ ವಿಂಗ್ರಾರ್ ತುಂ ಜಾಯಿನಾಕಾ | ತುಜೆವಿಣೆಂ ಸಂಸಾರ್ ಮ್ಹಾಕಾ ನಾಕಾ. 
3.ಸಾಂಗಾತ್ ಮೊಗಾ ಜಾಲೊ ಆಮ್ಚೊ | ಸುಖ್ ಆನಿ ಸಂತೊಸ್‌ರೆ ಜಿವಾಚೊ |
ಕುಡಿಂತ್ ಅತ್ಮೊ ಆಸಾಸರ್ ಆಮ್ಚೊ | ಮ್ಹಜಾನ್ ತುಕಾ ವಿಸ್ರೊಂಕ್ ನಜೊ.
4.ಲೊಕಾಚೆ ಮಿಸ್ತೆರ್ ತುಂ ಆಯ್ಕೊನ್ | ಮ್ಹಾಕಾ ವಚ್‌ನಾಕಾರೆ ಸಾಂಡುನ್ | ಮೊರ್ನಾ
ಚೆ ಮಾರ್‍ತಿರ್ ಆಯ್ಲ್ಯಾರ್ ಯೇಂವ್ | ಹಾಂವ್ ತುಕಾ ವಚನಾಂಗೊ ಸಾಂಡುನ್.

ದೂದುವಾಲಿ
1.ಹಾಂವ್ ದೂದುವಾಲಿ ದೂದುವಾಲಿ, ನಾಂವ್ ಜಾಮೆಲಿ | ಚಾಳಿಸ್ ಮ್ಹೊಶೀ
ಮ್ಹಜ್ಯೊ ಚಂದನಾವೆಲಿ | ಮ್ಹಜೆಂ ನಾಂವ್ ಜಾಮೆಲಿ.
2.ಗಾಂವಾನ್ ಗಾಂವ್ಚಿ ಹಾಂವ್ ರತನ್‌ಗಿರಿ | ಆನಿ ಬೊಂಬಯ್ ರಾವ್ತಾಂ ಹಾಂವ್ 
ಚಿಕ್ಕಲ್‌ವಾಡಿ | ಮ್ಹಜೆಂ ನಾಂವ್ ಜಾಮೆಲಿ.
3.ದೂದು ಮ್ಹಜೆಂ ಬರೆಂ, ತಾಂತುಂ ಉದಾಕ್ ನಾವೆರಿ | ಆನಿ ದೆಕುನ್ ತೆಂ
ವಿಕ್ತಾಂ ಹಾಂವ್ ಚಾರ್ ಆಣೆ ಸೇರಿ | ಮ್ಹಜೆಂ ನಾಂವ್ ಜಾಮೆಲಿ.
4.ಲಾಡ್ಕಿ ಪಿಡ್ಕಿ ಸಾಡಿ ಆನಿ ಪೊಲೆ ಗುಲೊಬಿ | ಗೊವ್ಳಿ ಚೋಕ್ರಿಕಾ ಉಡಯ್
ಘಾಲುನ್ ಹಿ ಟೋಪಿ | ಮ್ಹಜೆಂ ನಾಂವ್ ಜಾಮೆಲಿ.

ಜಾಯಿತ್ತೊ ತೇಂಪ್ ರಾವ್ಲಿಂರೆ ಹಾಂವ್
1.ಜಾಯಿತ್ತೊ ತೇಂಪ್ ರಾವ್ಲಿಂರೆ ಹಾಂವ್ | ತುಜೆಲಾಗಿಂ ಕಾಜಾರ್ ಜಾತೊಲಿಂ
ಮ್ಹಣ್ | ಪತಿಣ್ ತುಜಿ ಜಾಂವ್ಚಾಕ್‌ರೆ ಹಾಂವ್ | ನಿರ್‍ಮುಂಕ್ ಮ್ಹಾಕಾ ನಾ
ದೆವಾನ್.
ಸಕ್ಕಡ್ : ಲೆತ್ರಾದ್ ಧಾಡ್‌ರೆ | ಪಾರ್ಸೆಲ್ ಕರೊನ್ | ಉರ್‍ಲಲೆ ದೀಸ್ ಕಾಡ್ತಾಂ | ಸಾರ್ಕೆಂ
          ತುಜೆಂ ಚೊವ್ನ್.
2.ವೊಳ್ವೊಳ್ ಚಿಂತುನ್ ಮ್ಹಜೆ ಮಿಡ್‌ಮಿರೆ | ದುಖಾಂನಿ ಮ್ಹಜೆ ಭರ್‍ತಾಯ್‌ರೆ
ದೊಳೆ | ಕಾಜಾರ್ ಹಾಂವ್ ಜಾತಲಿಂ ಆಸ್ಲಿಂ | ಆಮಿಗ್ ಮ್ಹಜಾ ಮನಾ 
ಪರಿ.
ಸಕ್ಕಡ್ : ಹಾಯ್ ಹಾಯ್ ಇಷ್ಟಾ | ಆಮಿಗಾ ಮ್ಹಜಾ | ಉಡಾಸ್ ಯೆತಚ್ | ಸಂಸಾರ್
          ಲೆಗುನ್ ನಾಕಾ.
3.ವರ್ತೊ ಸಂತೊಸ್ ಜಾತೊಲೊ ಆಸ್ಲೊ | ಎಕ್ವೊಟ್ ಜರಿ ಜಾಲೊಲೊ ಆಮ್ಚೊ |
ಸ್ವರ್ಗಿಂ ಜಾಲಿ ಖುಶಿ ದೆವಾಚಿ | ವೆಗ್ಳಾಚಾರ್ ಆಮ್ಕಾಂ ಕರ್‍ಚಿ.
ಸಕ್ಕಡ್ : ಹಾಯ್ ಹಾಯ್ ಇಷ್ಟಾ | ಆಮಿಗಾ ಮ್ಹಜಾ | ಧ್ಯಾನಾಂತ್ ತುಜಾ ವಿಸ್ರೊಂ
          ನಾಕಾ ಮ್ಹಕಾ.

ಮೊಗಾಚೊ ಮೋಗ್ ವಿಸ್ರೊಂನಾಕಾ
1.ಏಕ್ ವರಸ್ ಮೆಜುನ್ ಜಾಲೆಂ | ತುಜೊ ಮೋಗ್ ಕೆಲ್ಯಾರ್ ಹಾಂವೆಂ |
ದೆವಾಲಾಗಿಂ ಕರ್‍ತಾಂ ಮಾಗ್ಣೆಂ | ಹ್ವೊ ಮೋಗ್ ಸಾಂಬಾಳುಂಚಾಕ್ ತುವೆಂ.
ಸಕ್ಕಡ್ : ಮೊಗಾಚೊ ಮೋಗ್ ಸಾಂಡಿನಾಕಾ | ಮೊಗಾಚೊ ಮೋಗ್ ವಿಸ್ರೊಂ ನಾಕಾ.
2.ರಾತ್ಚೆಂ ನಿದೆಂತ್ ಹಾಂವ್ ಸ್ವಪ್ಣೆತಾಂ | ತುಜೊ ಲೆತ್ರಾದ್ ಹಾಂವ್ ದೆಖ್ತಾಂ |
ಉಠೊನ್ ಉಬ್ರಾಸ್ ದಿಂವ್ಚಾಕ್ ವೆತಾಂ | ಜಾಗಿಂ ಜಾವ್ನ್ ಹಾಂವ್ ಫಟ್ವಾತಾಂ.
3.ಸಾತಾಂ ಸೊಮ್ದಿರಾಂ ಭಾಯ್ರ್ ಹಾಂವ್ ರಾವ್ತಾಂ | ತುಕಾ ಪಳೆಂವ್ಕ್ ಹಾಂವ್
ಅತ್ರೆಗ್ತಾಂ | ತುಕಾ ಪಳೆಂವ್ಕ್ ಯೆತಿಂ ಮೊಗಾ | ಪಪ್ಪಾಚೆಂ ಲಾಯ್ಸೆನ್ಸ್ ನಾರೇ 
ಮ್ಹಾಕಾ.

Tags:  Konkani Songs, Konkani, Mangalore, Mangalorean, Mother Tongue

Connect

Maibhaas

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE