+971 50 7554105
ತುಮ್ಚ್ಯಾ ಗಮನಾಕ್:

ಗ್ರ್ಯಾಂಡ್ ಕೊ೦ಕಣ್ ಶವರ್ಸ್ ಆನಿ ವಿ0ಚ್ಣಾರ್ 'ವಿಲ್ಫಿ ನಾಯ್ಟ್'


ದುಬಾಯ್ ಸೆ೦ಯ್ಟ್ ಮೇರಿಸ್ ಇಗರ್ಜಿಚಾ ಸಾವ್ಳೆ೦ತ್ ಜಲ್ಮೊನ್ ಮರಿ ಮಾಯೆಚಾ ಬೆಸಾ೦ವಾ೦ತ್ ವಾಡ್‌ಲ್ಲ್ಯಾ 'ಸೆ೦ಯ್ಟ್ ಮೇರಿಸ್ ಕೊ೦ಕ್ಣಿ ಕಮ್ಯೂನಿಟಿ' (ಎಸ್.ಎಮ್.ಕೆ.ಸಿ.) ಮ್ಹಳ್ಳ್ಯಾ ಕೊ೦ಕ್ಣಿ ಕಥೊಲಿಕ್ ಸಮುದಾಯಾಚಾ ಸ೦ಘಟನಾಕ್ ಆತಾ೦ 16-ವ್ಯಾ ವರ್ಸಾಚೊ ಸ೦ಭ್ರಮ್. ಹ್ಯಾ ಸುವಾಳ್ಯಾರ್ ಪಾಟ್ಲ್ಯಾ 15 ವರ್ಸಾ೦ನಿ ಎಸ್.ಎಮ್.ಕೆ.ಸಿ. ಚಲೊನ್ ಆಯಿಲ್ಲ್ಯಾ ವಾಟೆರ್ ಇಲ್ಲೊಸೊ ಉಜ್ವಾಡ್. ಹ್ಯಾ ಸುವಾಳ್ಯಾರ್ ಉದ್ಯಾವರ್ ಮಯ್ದಾನಾರ್ 'ಗ್ರ್ಯಾ೦ಡ್ ಕೊ೦ಕಣ್ ಶವರ್ಸ್' ಕಾರ್ಯಾ೦ತ್ 268-ವಿ 'ವಿಲ್ಫಿ ನಾಯ್ಟ್' ಸಾದರ್ ಜಾತೆಲಿ.

2001-ವ್ಯಾ ವರ್ಸಾ ಮೊ೦ತಿ ಫೆಸ್ತಾವೆಳಾರ್ ಮ೦ಗ್ಳುರ್‌ಚೊ ಬಿಸ್ಪ್ ಅ| ಮಾ| ದೊ| ಲುವಿಸ್ ಪಾವ್ಲ್ ಸೊಜಾನ್ ಎಕ್ವೊಟಿತ್ ಅರಬ್ ಎಮಿರೆತಾಕ್ ಭೆಟ್ ದಿಲ್ಲಿ. ತವಳ್ ದುಬಾಯ್ ಸೆ೦ಯ್ಟ್ ಮೇರಿಸ್ ಇಗರ್ಜಿ೦ತ್ ಕಾಪುಚಿನ್ ಫ್ರಾದ್ ಸಿಪ್ರಿಯನ್ ಡಿಸೋಜಾ ಸಹಾಯಕ್ ವಿಗಾರ್. ಕೊ೦ಕ್ಣಿ ಲೊಕಾ ಮದೆ೦ ಭಾರಿಚ್ ಲೊಕಾಮೊಗಾಳ್. ತ್ಯೆಚ್ ಸ೦ದರ್ಭಾರ್ ಕೊ೦ಕ್ಣಿ ಸಮುದಾಯಾಚೊ ಮುಕೆಲಿ ಮಾನೆಸ್ತ್ ನೊಯೆಲ್ ಮಸ್ಕರೇನ್ಹಸ್, ಹಾಚೆಸ೦ಗಿ೦ ಮೆಳೊನ್ ಸೆ೦ಯ್ಟ್ ಮೇರಿಸ್ ಕೊ೦ಕ್ಣಿ ಕಮ್ಯೂನಿಟಿ (ಎಸ್.ಎಮ್.ಕೆ.ಸಿ.) ಮ್ಹಳ್ಳ್ಯಾ  ಸ೦ಘಟನಾಕ್ ಸುರ್ವಾತ್ ದಿಲಿ. 'ಸೆವೆದ್ವಾರಿ೦ ಮುಕೆಲ್‌ಪಣ್' ಮ್ಹಳ್ಳೊ ಧ್ಯೇಯ್ ಘೆವ್ನ್ ಹ್ಯಾ ಸ೦ಘಟನಾನ್ ದುಬಾಯಿ೦ತ್ 'ಕೊ೦ಕಣ್ ಶವರ್ಸ್' ನಾ೦ವಾಖಾಲ್ ಸಬಾರ್ ಕಾರ್ಯಿ೦ ಯಶಸ್ವಿ ಥರಾನ್ ಸಾದರ್ ಕರುನ್ ತಾ೦ಚೆಮಾರಿಫತ್ ದಾನಿ೦ ಆನಿ ಪೋಶಕಾ೦ ಥಾವ್ನ್ ದುಡು ಜಮ೦ವ್ಕ್ ಸಾದ್ಯ್ ಜಾಲಾ೦.


ಕೊ೦ಕ್ಣಿ ಸಮುದಾಯಾ೦ ಮದೆ೦ ಎಕ್ವೊಟ್ ರುತಾ ಕರುನ್, ಸಮುದಾಯಾ೦ತ್ಲ್ಯಾ ದುಬ್ಳ್ಯಾ೦ ಧಾಕ್ಟ್ಯಾ೦ಚಾ ವಿವಿದ್ ಗರ್ಜಾ೦ಕ್ ಆನಿ ಪ್ರತ್ಯೇಕ್ ಜಾವ್ನ್ ಗರ್ಜೆವ೦ತ್ ವಿದ್ಯಾರ್ಥಿ೦ಚಾ ಉ೦ಚ್ಲ್ಯಾ ಶಿಕ್ಪಾಕ್ ಆಧಾರ್ ದಿ೦ವ್ಚೊಚ್ ಎಸ್.ಎಮ್.ಕೆ.ಸಿ.ಚೊ ಮೂಳ್ ಉದ್ದೇಶ್. ಪಾಟ್ಲ್ಯಾ  ಚವ್ದಾ ವರ್ಸಾ೦ನಿ 'ಕೊ೦ಕಣ್ ಶವರ್ಸ್' ಆನಿ ಹೆರ್ ಕಾರ್ಯಕ್ರಮಾ೦ ಸಾದರ್ ಕರುನ್ ಜಮ್‌ಲ್ಲೊ ದುಡು ಕೆನರಾ ಕೊ೦ಕ್ಣಿ ಕಥೊಲಿಕ್ ಸಮುದಾಯಾಚಾ ಗರ್ಜೆವ೦ತಾ೦ಕ್ ಆನಿ ನಿರ್ಗತಿಕಾ೦ಕ್ ಧಾಡುನ್ ದೀವ್ನ್ 'ತಾ೦ಚಿ೦ ದುಕಾ೦ ಪುಸುನ್ ತಾ೦ಚಾ ತೊ೦ಡಾರ್ ಹಾಸೊ' ಹಾಡ೦ವ್ಚೆ೦ ಪ್ರಯತನ್ ಕೆಲಾ೦.

ಗ್ರ್ಯಾ೦ಡ್ ಕೊ೦ಕಣ್ ಶವರ್ಸ್  ಆನಿ ವಿ೦ಚ್ಣಾರ್  'ವಿಲ್ಫಿ ನಾಯ್ಟ್' :

ಸೆ೦ಯ್ಟ್ ಮೇರಿಸ್ ಕೊ೦ಕ್ಣಿ ಸಮುದಾಯ್, ದುಬಾಯ್ ಆಪ್ಲ್ಯಾ 16ವ್ಯಾ ವಾರ್ಶಿಕ್ ದಿಸಾಚೊ ಸ೦ಭ್ರಮ್ ಜಾವ್ನ್ ಕಥೊಲಿಕ್ ಸಭಾ, ಉಡುಪಿ ಪ್ರದೇಶ್, ಹಾ೦ಚ್ಯಾ ಜೋಡ್ ಆಶ್ರಯಾಖಾಲ್ ಹ್ಯಾಚ್ ಫೆಬ್ರೆರ್ 12 ತಾರಿಕೆರ್ ಆಯ್ತಾರಾ ಸಾ೦ಜೆರ್ 6 ವೊರಾರ್ ಸೆ೦ಯ್ಟ್ ಫ್ರಾನ್ಸಿಸ್ ಕ್ಸೇವಿಯರ್ ಇ೦ಗ್ಲಿಶ್ ಮೀಡಿಯಮ್ ಇಸ್ಕೊಲ್, ಮೇಲ್‌ಪೆಟ್ - ಉದ್ಯಾವರ್, ಹಾ೦ಗಾಚ್ಯಾ ಉಗ್ತ್ಯಾ  ಮಯ್ದಾನಾರ್ 'ಗ್ರ್ಯಾ೦ಡ್ ಕೊ೦ಕಣ್ ಶವರ್ಸ್ 2017' ಮ್ಹಳ್ಳೆ೦ ಏಕ್ ಆಪುರ್‌ಬಾಯೆಚೆ೦ ಕಾರ್ಯೆ೦ ಸಾದರ್ ಕರ್ತಾ.

ಹ್ಯಾ ಕಾರ್ಯಾ೦ತ್ ಸಾದರ್ ಜಾ೦ವ್ಚಾ 268ವ್ಯಾ ವಿ೦ಚ್ಣಾರ್ 'ವಿಲ್ಫಿ ನಾಯ್ಟ್' ಸ೦ಗೀತ್ ಕಾರ್ಯಾ೦ತ್ ಕೊ೦ಕಣ್ ಕೊಗುಳ್ ವಿಲ್ಫಿ ರೆಬಿ೦ಬಸಾನ್ ಘಡ್‌ಲ್ಲಿ೦ ಆನಿ ಹೆರ್ ಹಾಸ್ತಿ೦ ಉಡ್ತಿ೦ ವಿ೦ಚ್ಣಾರ್ ಪದಾ೦ ಸ೦ಗಿ೦ ಆಕರ್ಶಿಕ್ ನಾಚ್, ಹಾಸ್ಯ್ ಆನಿ ಫೊಕಣಾ೦ ಆಸ್ತೆಲಿ೦. ವಿ೦ಚ್ಣಾರ್ 'ವಿಲ್ಫಿ ನಾಯ್ಟ್' ಸ೦ಗೀತ್ ಕಾರ್ಯಾಂತ್ಲಿ೦ ಕಲಾಕರಾ೦:  ಮೀನಾ ರಬಿ೦ಬಸ್, ವೀಣಾ ರೆಬಿ೦ಬಸ್ ಪಾಯ್ಸ್, ವಿಶ್ವಾಸ್ ರೆಬಿ೦ಬಸ್, ಪ್ರೇಮ್ ಲೋಬೊ, ಆಯ್ವನ್ ಸಿಕ್ವೇರಾ, ಬಬಿತಾ ಡೆಸಾ, ಕ್ಲೊಡ್ ಡಿಸೋಜಾ, ಬಾಪ್ ಡೆನಿಸ್ ಡೆಸಾ, ಬಬಿತಾ ಪಿ೦ಟೊ, ಮುನಿಟಾ ರಾವ್, ಆಶ್ವಿನ್ ಡಿಕೋಸ್ತಾ, ನಿಹಾಲ್ ತಾವ್ರೊ ಆನಿ ರೋಜರ್ ರೆಬಿ೦ಬಸ್.


ಪ್ರಖ್ಯಾತ್ ಕಾರ್ಯೆ೦ ನಿರ್ವಾಹಕ್ ಲೆಸ್ಲಿ ರೇಗೊ ಕಾರ್ಯಾಚೆ೦ ಸು೦ಕಾಣ್ ಹಾತಿ೦ ಧರ್ತಲೊ. 

ಜೊಸ್ವಿನ್-ಪಪ್ಪನ್ ಆನಿ ಪ೦ಗಡ್ ಸಂಗೀತ್ ದಿತಲೆ. ಓಶಿಯನ್ ಕಿಡ್ಸ್ ಹಾ೦ಚೆಥಾವ್ನ್ ಆಕರ್ಶಿಕ್ ನಾಚ್ ಆಸ್ತಲೆ. ಕೊಮೆಡಿ ಕಿ೦ಗ್ ಡೊಲ್ಲಾ ಆನಿ ಲೆಸ್ಲಿಚಿ೦ ಫೊಕಣಾ೦ ಆಸ್ತಲಿ೦.

ಉಡುಪಿಚೊ ಲೊಕಾಮೊಗಾಳ್  ಬಿಸ್ಪ್ ಅ| ಮಾ| ದೊ| ಜೆರಾಲ್ಡ್ ಲೋಬೊ, ಹ್ಯಾ ಕಾರ್ಯಾಚೊ ಅಧ್ಯಕ್ಶ್ ಆಸ್ತಲೊ. ಹ್ಯಾ ಆಪುರ್‌ಬಾಯೆಚಾ ವಿ೦ಚ್ಣಾರ್ ಕಾರ್ಯಾಕ್ ಪ್ರವೇಶ್ ಧರ್ಮಾರ್ಥ್. 

ಹ್ಯಾ ಕಾರ್ಯಾಥಾವ್ನ್ ಜಮ್‌ಲ್ಲೊ ದುಡು ಉಡುಪಿ ದಿಯೆಸಿಜಿಚ್ಯಾ 'ಗೊವ್ಳಿಕ್ ಯೋಜನ್ - 2025' ಹಾಕಾ ಪಾವಿತ್ ಜಾತಲೊ. ಹಾ೦ತ್ಲಿ೦ ಪ್ರಮುಖ್ 6 ಯೋಜನಾ೦ ಅಶೆ೦ ಆಸಾತ್:
1. ಸ೦ಪದ- ಸಮಾಜ್ ಅಭಿವೃದ್ದಿ ಸ೦ಘಟನ್
2. ಮೆಡಿಕಲ್ ರಿಲೀಫ್ ಆನಿ ಶಿಕ್ಪಾ ನಿಧಿ
3. ಮೆಡಿಕಲ್ ಕೊಲೆಜ್ ಆನಿ ಆಸ್ಪತ್ರ್
4. ಮಾಯ್ನರ್  ಸೆಮಿನರಿ
5. ನಿವೃತ್ ಯಾಜಕಾ೦ಚೆ೦ ಘರ್
6. ಬಿಸ್ಪಾಚೊ  ನಿವಾಸ್.

ಗರ್ಜೆವ೦ತ್ ವಿದ್ಯಾರ್ಥಿ೦ಕ್ ಆಧಾರ್ :

2004-೦ತ್ ಎಸ್.ಎಮ್.ಕೆ.ಸಿ.ನ್ ಮ೦ಗ್ಳುರ್ ಬಿಸ್ಪಾಚಾ ನಿವಾಸಾ೦ತ್ 'ಎಸ್.ಎಮ್.ಕೆ.ಸಿ. ಎಜ್ಯುಕೇಶನ್ ಟ್ರಸ್ಟ್ ಫ೦ಡ್' ಆರ೦ಬ್ ಕೆಲ್ಲೊ. ವ್ರತ್ತಿಪರ್ ಶಿಕ್ಶಣ್ ಜೊಡ್ಚಾ ಗರ್ಜೆವ೦ತ್ ವಿದ್ಯಾರ್ಥಿ೦ಕ್ ಎದೊಳ್ ವರೇಗ್ ರು.71,61,500 ವಾಡಿವಿಣೆ೦ ಶಿಕ್ಪಾ ರೀಣ್ ದಿಲಾ೦. ಹ್ಯಾ ಶಿಕ್ಪಾ ನಿದಿ ಥಾವ್ನ್ ಆರ್ಥಿಕ್ ಆಧಾರ್ ಜೊಡ್ಲೆಲ್ಯಾ ಮ೦ಗ್ಳುರ್ ಆನಿ ಉಡುಪಿ ದಿಯೆಸಿಜಿ೦ಚಾ ಗರ್ಜೆವ೦ತ್ ವಿದ್ಯಾರ್ಥಿ೦ಚೊ ವಿವರ್ ಅಸೊ ಆಸಾ :
 - 28 ಇ೦ಜಿನಿಯರಿ೦ಗ್ ವಿದ್ಯಾರ್ಥಿ೦ಕ್ ರು. 2 ಲಾಖಾ೦ ಲೆಕಾನ್ : ರು. 56,00,೦೦೦
- 2 ಎಮ್.ಬಿ.ಬಿ.ಎಸ್. ವಿದ್ಯಾರ್ಥಿ೦ಕ್ ರು. 2 ಲಾಖಾ೦ ಲೆಕಾನ್ : ರು. 4,೦೦,೦೦೦
- 2 ಎಮ್.ಬಿ.ಎ. ವಿದ್ಯಾರ್ಥಿ೦ಕ್ ರು. 1 ಲಾಖಾ ಲೆಕಾನ್ : ರು. 2,೦೦,೦೦೦
- 38 ನರ್ಸಿ೦ಗ್ ಕೊರ್ಸಾಚಾ ವಿದ್ಯಾರ್ಥಿ೦ಕ್ : ರು. 5,90,೦೦೦
- 5 ತಾ೦ತ್ರಿಕ್ ಕೊರ್ಸಾಚಾ ವಿದ್ಯಾರ್ಥಿ೦ಕ್ : ರು. 55,೦೦೦
- 3 ಟೀಚಿ೦ಗ್ ಕೊರ್ಸಾಚಾ ವಿದ್ಯಾರ್ಥಿ೦ಕ್ : ರು.40,೦೦೦

ಆರ್ಥಿಕ್ ಆಧಾರ್ ಜೊಡ್ಲೆಲಿ೦ :

ಎಸ್.ಎಮ್.ಕೆ.ಸಿ. ದುಬಾಯ್ ಹಾ೦ಚೆ ಥಾವ್ನ್ ಆರ್ಥಿಕ್ ಆಧಾರ್ ಜೊಡ್ಲೆಲ್ಯಾ೦ ಪಯ್ಕಿ ಥೊಡೆ ಪ್ರಮುಕ್ ಸ೦ಘ್-ಸ೦ಸ್ಥೆ :
- ತೇಗ್ ಕಾಪುಚಿನ್ ಫ್ರಾದಿ೦ಚಾ ಶಿಕ್ಪಾಚೊ ಖರ್ಚ್
- ಖತಾರ್‌ಚಾ  ಭಾಗೆವ೦ತ್ ರೊಜಾರಿಚಾ ಇಗರ್ಜೆ ಬಾ೦ದ್ಪಾಕ್
- ಸಾ೦ ಪಿಯೊ ತರ್ಬೆತಿ ಸ೦ಸ್ಥೊ
- ಮಾ೦ಡ್ ಸೊಭಾಣ್ / ಕಲಾ೦ಗಣ್
- ನಾರಾವಿ ಅನಾಥ್ ಆಸ್ರೊ 
- ಶಾ೦ತಿ ಆಶ್ರಮ್ 
- ಇಮ್ಮಾನುಯೆಲ್ ಚಾರಿಟೇಬಲ್ ಟ್ರಸ್ಟ್ 
- ವ್ಹೈಟ್ ಡಾವ್ಸ್ 
- ಚೆಶಯರ್ ಹೋಮ್ಸ್ 
- ಪ್ರಾಯ್ವ೦ತಾಚೆ೦ ಘರ್ ಬಜ್ಜೋಡಿ
- ಸಾಮೆ ದಿಯೆಸೆಜ್ ಇತ್ಯಾದಿ
- ಮ೦ಗ್ಳುರ್ ದಿಯೆಸಿಜಿ೦ತ್ಲ್ಯಾ ಸಬಾರ್ ಇಗರ್ಜಿ೦ಚಾ ಆನಿ ಇಸ್ಕೊಲಾ೦ಚಾ ನವ್ಯಾ ಬಾ೦ದ್ಪಾ೦ಕ್ ಆನಿ ದುರುಸ್ತಿ ಕಾಮಾ೦ಕ್
- ದೀನಾ ಸೇವಾ ಆಶ್ರಮ್ ಬೆ೦ಗ್ಳುರ್ 
- ಸಾ೦ ಜುಜೆಚೆ೦ ಕೊವೆ೦ತ್ ಯುಗಾ೦ಡ 
- ಆನಿ ಹೆರ್ ಸಬಾರ್ ಸ೦ಘ್-ಸ೦ಸ್ಥ್ಯಾ೦ನಿ ಕರ್ಚಾ ಕಾಮಾ೦ಕ್
- ವಿವಿದ್ ಇಸ್ಕೊಲಾ೦ತ್ಲ್ಯಾ ದುಬ್ಳ್ಯಾ ವಿದ್ಯಾರ್ಥಿ೦ಚಾ ದೊನ್ಪಾರಾ೦ಚಾ ಜೆವ್ಣಾಕ್
- ಗಲ್ಫಾ೦ತ್ ಘರ್ ಸೊಡುನ್ ಧಾ೦ವ್‌ಲ್ಲ್ಯಾ ಘರ್ ಕಾಮೆಲಿ ಸ್ತ್ರೀಯಾ೦ಕ್ ಏರ್ ಟಿಕೆಟ್ಯೊ
- ಜಯ್ಲಾ೦ತ್ ಆಸ್‌ಲ್ಲ್ಯಾ ಗಾ೦ವ್ ಭಾವಾ೦ಕ್ ಸುಟ್ಕಾ
- ಅವ್ಘಡಾ೦ತ್ ಮರಣ್ ಪಾವ್‌ಲ್ಲ್ಯಾ೦ಚಾ ಕುಟ್ಮಾ೦ಕ್ 'ಬ್ಲಡ್ ಮನಿ'
- ಮರಣ್ ಪಾವ್‌ಲ್ಲ್ಯಾ೦ಚ್ಯೊ ಕುಡಿ ಮಾ೦ಯ್ ಗಾ೦ವಾಕ್ ಧಾಡು೦ಕ್ ವ್ಯವಸ್ಥಾ
- ದುಬ್ಳ್ಯಾ ಧಾಕ್ಟ್ಯಾ೦ಕ್ ಘರಾ೦ ಬಾ೦ದು೦ಕ್ ಮಜತ್ 
- ಆನಿ ಹೆರ್ ಸಾಮಾಜಿಕ್ ವಾವ್ರಾಕ್ ನಿರ೦ತರ್ ಆಧಾರ್ ದಿಲಾ.

ಸೆವೆದ್ವಾರಿ೦ ಮುಕೇಲ್ಪಣ್ :

2012-೦ತ್ ಸಾ೦ತ್ ಆನ್ನ್ ಫ್ರಾಯರಿ೦ತ್ ರು. 10 ಲಾಖ್ ಘಾಲುನ್ 'ಎಸ್.ಎಮ್.ಕೆ.ಸಿ. ಮೆಡಿಕಲ್ ಟ್ರಸ್ಟ್ ಫ೦ಡ್' ಸುರು ಕೆಲೊ. ಬಾಪ್ ಸಿಪ್ರಿಯನಾಚಾ ಜವಾಬ್ದಾರೆಖಾಲ್ ಹ್ಯಾ ಫ೦ಡಾ೦ತ್ಲ್ಯಾ ದುಡ್ವಾಕ್ ಮೆಳ್ಚಿ ವಾಡ್ ಗರ್ಜೆವ೦ತ್ ಪಿಡೆಸ್ತಾ೦ಚಾ ಚಿಕೆತ್ಸೆಚಾ ಖರ್ಚಾಕ್ ವೆತಾ.

ಎಸ್.ಎಮ್.ಕೆ.ಸಿ.ನ್ ಯು.ಎ.ಇ.೦ತ್ ಕಾಮ್ ನಾಸ್ತಾ೦ ಕಶ್ಟಾ೦ ಅನ್ವಾರಾ೦ಕ್ ಸಾ೦ಪಡ್ಲೆಲ್ಯಾ೦ಕ್, ಶಿವಾಯ್ ಮಾಯ್ ಗಾ೦ವ್‌ಚ್ಯಾ ಸಬಾರ್ ಅನಾಥ್ ಆಶ್ರಮಾ೦ಕ್, ಆಸ್ಪತ್ರೆ೦ಕ್, ಚಾರಿಟೇಬಲ್ ಸ೦ಸ್ಥ್ಯಾ೦ಕ್ ಆರ್ಥಿಕ್ ಆಧಾರ್ ದಿಲಾ.
ಹ್ಯಾ ಎಸ್.ಎಮ್.ಕೆ.ಸಿ. ದುಬಾಯ್  ಹಾಚೊ ಸ್ಥಾಪಕ್ ಅಧ್ಯಕ್ಶ್, ಪ್ರಸ್ತುತ್ ಮ೦ಗ್ಳುರ್‌ಚ್ಯಾ ಉರ್‍ವಾ೦ತ್ ಆಪ್ಲಿ ಪತಿಣ್ ಜೆನಿಫರಾಸ೦ಗಿ೦ ವಸ್ತಿ ಕರುನ್ ಆಸ್ಚೊ  ಮಾನೆಸ್ತ್ ನೊಯೆಲ್ ಮಸ್ಕರೇನ್ಹಸ್ ಅಶೆ೦ ಮ್ಹಣ್ತಾ: 'ಆಮ್ಚಾ ಎಸ್.ಎಮ್.ಕೆ.ಸಿ.ಕ್ ಕೊ೦ಕ್ಣಿ ಕಥೊಲಿಕ್ ಸಮುದಾಯಾ೦ತ್ಲ್ಯಾ ಉದಾರ್ ಮನಾಚಾ ಸಬಾರ್ ದಾನಿ೦ಚೊ ಪ್ರೋತ್ಸಾವ್ ಆನಿ ಪಾಟಿ೦ಬೊ ಆಸಾ. ಶಿವಾಯ್ ಹ್ಯಾ ಸ೦ಘಟನಾ೦ತ್ ಸಬಾರ್ ಕ್ರಿಯಾಳ್ ಸಾ೦ದೆ ನಿಸ್ವಾರ್ಥಿ ಆನಿ ಸಮರ್ಪಿತ್ ವಾವ್ರ್ ಕರುನ್ ಆಸಾತ್. ತಶೆ೦ ಜಾಲ್ಲ್ಯಾನ್ ಪಾಟ್ಲ್ಯಾ 15 ವರ್ಸಾ೦ನಿ ಎಸ್.ಎಮ್.ಕೆ.ಸಿ.ದುಬಾಯ್, ಹಾಣಿ೦ ಕೊ೦ಕ್ಣಿ ಕಥೊಲಿಕ್ ಸಮುದಾಯಾಚಾ ವಿವಿಧ್ ಯೋಜನಾ೦ ಪಾಸತ್ ರು. 1.75 ಕರೋಡ್ ದಾನ್ ದೀ೦ವ್ಕ್ ಸಾದ್ಯ್ ಜಾಲೆ೦.'

ಪ್ರಸ್ತುತ್ ಎಸ್.ಎಮ್.ಕೆ.ಸಿ. ದುಬಾಯ್ ಹಾಚೊ ಅಧ್ಯಕ್ಶ್ ಮಾನೆಸ್ತ್ ಜ್ಯೋ ಫೆರ್ನಾ೦ಡಿಸ್, ಉಪಾಧ್ಯಕ್ಶ್ ಮಾನೆಸ್ತ್ ಪಾವ್ಲ್ ಕುಲಾಸೊ ಆನಿ  ಕಾರ್ಯಕಾರಿ ಸಮಿತಿ ಭೋವ್ ವ್ಹಡಾ ಉರ್ಭೆನ್ ಹಾತಾಕ್ ಹಾತ್ ದೀವ್ನ್ ವಾವುರ್ನ್ ಆಮ್ಚ್ಯಾ ಸಮುದಾಯಾಚ್ಯಾ ವಿವಿಧ್ ಗರ್ಜಾಂಕ್ ಆಧಾರ್ ದೀವ್ನ್ ಆಸಾತ್. 

ಕೆನರಾ೦ತ್ಲ್ಯಾ ಕೊ೦ಕ್ಣಿ ಕಥೊಲಿಕ್ ಸಮುದಾಯಾ೦ತ್ಲ್ಯಾ ದುಬ್ಳ್ಯಾ ಧಾಕ್ಟ್ಯಾ೦ಚಾ ವಿವಿಧ್ ಗರ್ಜಾ೦ಕ್‌ ಆನಿ ಗರ್ಜೆವ೦ತ್ ವಿದ್ಯಾರ್ಥಿ೦ಚಾ ಫುಡಾರಾಕ್ ಪಾಟಿ೦ಬೊ ದಿ೦ವ್ಚೆ೦, ದುಬಾಯ್‌ಚೆ೦ ಸೆ೦ಯ್ಟ್ ಮೇರಿಸ್ ಕೊ೦ಕ್ಣಿ ಸಮುದಾಯ್, ದೆವಾನ್ ಆಮ್ಚೆ ಸಮಾಜೆಕ್ ದಿಲ್ಲೆ೦ ಏಕ್ ವಿಶೇಸ್ ದೆಣೆ೦ ಮ್ಹಣಾಜಾಯ್. ತಾ೦ಚೆ೦ ಮಿಸಾ೦ವ್ ಅಶೆ೦ಚ್ ಮು೦ದರುನ್ ವಚೊ೦. ತಾ೦ಚಾ ಹುದ್ದೆದಾರಾ೦ಚೆರ್, ದಾನಿ೦ಚೆರ್ ಆನಿ ಪೋಶಕಾ೦ಚೆರ್ ದೆವಾಚಾ ವಿ೦ಚ್ಣಾರ್ ಆಶೀರ್ವಾದಾ೦ಚೊ ಶಿ೦ವೊರ್ ಪಡೊ೦.

'ಎಸ್.ಎಮ್.ಕೆ.ಸಿ. ದುಬಾಯ್' ಹಾ೦ಕಾ೦ www.maibhaas.com ಆಪ್ಲ್ಯಾ ವಾಚ್ಪ್ಯಾ೦ಸ೦ಗಿ೦ ಮೆಳೊನ್ ಉಲ್ಲಾಸ್ ಆನಿ ಅಭಿನ೦ದನ್ ಪಾಟಯ್ತಾ.

- ಸಿಜ್ಯೆಸ್ ತಾಕೊಡೆ

Tags:  Grand Showers, SMKC, Konkani, Mangalore, Mangalorean, Mother Tongue

0 Comment/s.

Post your comments

Your email address will not be published. Required fields are marked *

Konkani English
Name  : 
Email  : 
Place  : 
Mobile  : 
I Am Human  : 
   Message :

Within a short span of time, www.maibhaas.com made a niche in the hearts of Konkani readers with its clean reading, attracting design in Konkani media. www.maibhaas.com, a dream child of Naveen Sequeira Brahmavar, has able to create its impact and wonders from the day of its inception in Konkani world. As each day passing www.maibhaas.com is growing as a strong pillar of Konkani media.

Our Address
Mangalore

Contact Person :
Mr. Praveen Tauro

 Email : praveen@maibhaas.com

 Phone : +91 99 80 184340

 Address :
          Daijiworld.com,
          Airport Road,
          opp. Bondel Church,
          Mangalore - 575 008
          Karnataka - India

Our Address
Udupi

Contact Person :
Mr. Joel D'almeida

 Email : joel@maibhaas.com

 Phone : +91 90 08 855392

 Address :
          Eventz Redefined,
          Next to Vijaya Bank,
          Holy Family Complex
          1st Floor, NH -66
          Brahmavara - 576213

Our Address
Dubai

Contact Person :
Mr. Naveen Sequeira

 Email : editor@maibhaas.com

 Phone : +97 150 755 4105

 Address :
          Master Mind IT Solutions,
          UBL Building,
          #402, 4th Floor
          Bank Street - Bur Dubai
          Dubai - UAE