From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಅಶೆಂ... ಕಾಜಾರ್ ಜಾಲ್ಯಾರ್ ಕಶೆಂ..?
Wednesday, January 4, 2017
ಕಾಜಾರಾಚಿ ಪ್ರಾಯ್ ಜಾತಾನಾ ಗಾಡಾಂವ್‍ಯಿ ಸೊಭಿತ್ ದಿಸ್ತಾ ಖಂಯ್. ತಶೆಂ ಗೋಚುಯಿ ಹ್ಯಾ ದಿಸಾಂನಿ ಸೊಭಿತ್ ದಿಸ್ತಾಲೊ. ತಾಕಾ ಪ್ರಾಯ್ ಸಯ್ತ್ ತೀನ್ ಕಾತ್ತ್ಯಾಂಚಿ ಜಾಲ್ಲಿ, ಮ್ಹಳ್ಯಾರ್ ತಿಸಾಂಕ್ ಲಾಗಿಂ. ತೆಂ ಕಶೆಂ ಮ್ಹಳ್ಯಾರ್ ಆದ್ಲ್ಯಾ ವರ್ಸಾ ತಾಕಾ ಏಕ್ ಉಣೆ ತೀಸ್ ಜಾಲ್ಲಿಂ, ಆನಿ ಎದೊಳ್ ವಾಂಚೊನ್ ಉರ್‍'ಲ್ಲ್ಯಾನ್ ಆಂವ್ದು ತೀಸ್, ವೆರಿ ಸಿಂಪಲ್.
ಗೋಚುಕ್ ಎದೊಳ್ ಆಂಕ್ವಾರ್ ರಾವೊನ್ 'ಬೋರ್' ಜಾಲ್ಲ್ಯಾನ್, ದೆವಾನ್ ಕಾಡ್‍ಲ್ಲಿ ಆಪ್ಲಿ 'ಬೋರ್' ಖಂಯ್ ಆಸಾ ಮ್ಹಣ್ ಸೊಧುಂಕ್ ಲಾಗ್ಲೊ. ಹ್ಯಾ ವರ್ಸಾ ಪಾವ್ಸ್ ಮುಗ್ದೊನ್, ಹಿಂವ್ ಸಂಪೊನ್, ಗೀಮ್ ಆಕೇರ್ ಜಾಂವ್ಚ್ಯಾ ಪಯ್ಲೆಂ ಕಾಜಾರ್ ಜಾಯ್ಜೆ, ಅಶಿ ತಾಚಿ ಆಶಾ. ಆಯಿಲ್ಲ್ಯಾ ಗೆಲ್ಲ್ಯಾ ಸರ್ವಾಂ ಲಾಗಿಂಯ್ ಸಯ್ರಿಕೆಚೊ ಪ್ರಸ್ತಾಪ್. ಮ್ಹಾಕಾ ಏಕ್ ಚೆಡುಂ ಪಳೆಯಾ, ಮ್ಹಾಕಾ ಏಕ್ ಚೆಡುಂ ಪಳೆಯಾ... ಪುಣ್ ಹೊ ನಿರೊದ್ಯೋಗಿ ಸಂಘಚ್ಯಾ ಖಾಯಾಮ್ ಸಾಂದ್ಯಾಕ್, ಅಖಿಲ ಭಾರತ ಕುಡ್ಚೇಲರ ಸಂಘಚ್ಯಾ ಅಧ್ಯಕ್ಷಾಕ್, ಧೂಮಪಾನ ವಿರೋಧಿ ಸಂಘಚ್ಯಾ ವಿರೋಧಿಕ್ ಚೆಡುಂ ದಿಂವ್ಚೆ ಬದ್ಲ್ಯಾಕ್ ದಾಂತ್ಯಾ ಫಾತೊರ್ ಬಾಂಧುನ್ ಬಾಂಯ್ತ್ ಲೊಟುನ್ ಘಾಲ್ತಾಂವ್ ಮ್ಹಣ್ಚ್ಯಾ ಚೆಡ್ವಾಂಚ್ಯಾ ಆವಯ್‍ಬಾಪಾಯ್ಚೆಂ ಭಿರೆಂ ಚಡ್ ಆಸ್ತಾನಾ ಗೋಚುಕ್ ಚೆಡುಂ ಮೆಳಾತ್ ತರೀ ಕಶೆಂ?
ಅಶೆಂ ಸಾತಾಂಚೆಂ ಸತ್ತರ್ ಜೊಡಿ ವ್ಹಾಣೊ ಝರ್ತಾನಾ ಗೋಚುಕ್ ಪುರೊ ಜಾಲೆಂ. ಸಯ್ರಿಕೆಕ್ ಗೆಲ್ಲೆ ಕಡೆ, 'ತುಕಾ ರಾಂದುಂಕ್ ಯೆತಾಯೆ? ಉಂಬ್ಳುಕ್ ಗೊತ್ತಾಯೆ? ಭರತನಾಟ್ಯಮ್, ಕೂಚಿಪುಡಿ, ಚಾತ್ತಪುಡಿ ಡ್ಯಾನ್ಸ್ ಶಿಕ್ಲಾಂಯೆ?' ಮ್ಹಣ್ ಚೆಡ್ವಾಕ್ ವಿಚಾರ್ಚೆಪರಿಂ ನಾ. ತಾಚ್ಯೆ ಬದ್ಲಾಕ್ ಚೆಡ್ವಾಂಚ್ ವಿಚಾರ್ತಾಲಿಂ ''ಕಾಜಾರಾ ಉಪ್ರಾಂತ್ ಸೊರೊ ಸೊಡ್ತಾಯ್‍ಗೀ?''.
''ವ್ಹಯ್''
''ಬಿಡಿ, ಸಿಗ್ರೇಟ್?''
''ಖಂಡಿತ್''
''ದುಸ್ರ್ಯಾ ಚೆಡ್ವಾಂಕ್ ಪಳೆಂವ್ಚೆಂ ಸೊಡ್ತಾಯ್‍ಗೀ?''
''ವ್ಹಯ್ ಬಾ ಖಂಡಿತ್!...''
''ಆನಿ ಕಿತೆಂ ಸೊಡ್ತಾಯ್...?''
''ಜೀವ್ ಏಕ್ ಸೊಡ್ನ್, ದುಸ್ರೆಂ ಕಿತೆಂಯ್ ಸೊಡ್ತಾಂ. ರಯ್ಲಾಂ ಸೊಡ್ತಾಂ, ಜಾಯ್‍ತರ್ ತುಕಾಯೀ ಸೊಡ್ತಾ...'' ಮ್ಹಣ್ ರಾಗಾನ್ ಪುಸ್ಪುಸ್ತಾಲೊ. ಆನಿ ಅಸಲ್ಯಾ ಸಾಡೆ ಪಾವ್ಣೆ ದೋನ್ ಬುದ್ವಂತಾಕ್ ಚೆಡುಂ ಮೆಳಾತ್ ತರೀ ಕಶೆಂ?
ಆಕ್ರೇಕ್ ಪುರೊ ಜಾವ್ನ್ ಕೊಣೆಂಯ್ ತುಜೆಂ ಕಾಜಾರ್ ಕೆದಾಳಾ ಗೋಚು, ಮ್ಹಣ್ ವಿಚಾರ್ಲ್ಯಾರ್ ''ಆಸಾ, ವೆಗಿಂಚ್ ಧಾ ಪಂದ್ರಾ ವರ್ಸಾಂ ಭಿತರ್...'' ಮ್ಹಳ್ಳಿ ಜಾಪ್ ಮೆಳ್ತಾಲಿ.
ಇಂತಿಪ್ಪ ಸಕಲಕಲಾವಲ್ಲಭ ಗೋಚುಕ್‍ಯಿ ಏಕ್ ಸಯ್ರಿಕ್ ಜಾಲಿಚ್! ಕೋಣ್, ಕಿತೆಂ, ಕಿತ್ಯಾಕ್, ಕಶೆಂ ಮ್ಹಳ್ಳಿಂ ಕಾಂಯ್ ಸವಲಾಂ ವಿಚಾರಿನಾಕಾತ್. ಕಶೆಂ ಮ್ಹಣ್ ಗೋಚುಕ್‍ಯಿ ಕಳಿತ್ ನಾ ಖಂಯ್. ಖಂಚ್ಯಾ ಖಂಚ್ಯಾ ನಾಪಾಸ್ಯಾಂಕ್, ತೀನ್ ಕಾಸಾಂಚ್ಯಾಕ್, ಗತ್ ನಾತ್‍ಲ್ಲ್ಯಾಂಕ್, ಮತ್ ನಾತ್‍ಲ್ಲಿಂ ಮೆಳ್ತಾನಾ ಗೋಚು ಏಕ್ ಖಂಚೆ ಲೇಕ್?
ಆಪ್ಲೆಂ ಸಾಸ್ಣಾಚೆಂ ಸಪಾಣ್ ಜ್ಯಾರಿ ಜಾತಾ ತೆಂ ಕಳೊನ್ ಗೋಚು ಫುಗ್ಲೊ ಆನಿ ತಾಚಿ ಮತ್ ಕಾಮಾಕ್ ಲಾಗ್ಲಿ. ಭಾರೀ ಭಂಗಾನ್ ಜಾಂವ್ಚೆಂ ಆಪ್ಲೆಂ ಕಾಜಾರ್ ತೆಂ ಬರೆಂ ಜಾಯ್ಜೆ, ವೆಗ್ಳೆಂ ಜಾಯ್ಜೆ, ಲೊಕಾನ್ ಉಡಾಸಾಂತ್ ಉರ್ಚೆ ತಸಲೆಂ ಜಾಯ್ಜೆ... ದೆಕುನ್ 'ಪಿಲಾನ್' ಕರುಂಕ್ ಆಪ್ಲ್ಯಾ ನಿರುದ್ಯೋಗಿ ಸಂಘಚ್ಯಾ ದಫ್ತರಾಂತ್ ಏಕ್ ಜಮಾತ್ ಆಪಯ್ಲಿ.
ಆಪ್ಲ್ಯಾ ಪಂಗ್ಡಾಚೊ ಏಕ್ ಕಾಯಾಮ್ ಸಾಂದೊ, ಎದೊಳ್ ಸುಖಾನ್ ಆಸ್‍ಲ್ಲೊ ಆತಾಂ ವೆಗ್ಳೊ ಜಾತಾ, ಖುರಿಸ್ ವ್ಹಾವಂವ್ಕ್ ವ್ಹೆತಾನಾ ತಾಕಾ ಸೊಡ್ನ್ ಘಾಲ್ಚೆಂ ಸಮಾ ನ್ಹಂಯ್ ಮ್ಹಣೊನ್ ಗೋಚುಚೆ ಇಶ್ಟ್ ಗೋಂಪೆ, ಪೋಂಕ್ರ, ಚೀಂಕ್ರ ಆನಿ ಬಡ್ಡು ಜಮ್ಲೆ.
''ಗೋಚು, ತುಂ ಕಾಂಯ್ ಖಂತ್ ಕರಿನಾಕಾ. ತುಜೆಂ ಕಾಜಾರ್ ಆಮ್ಚೆಂ ಕಾಜಾರ್ ಮ್ಹಣ್ ಚೀಂತ್. ಪೂರಾ ಆಮಿ ಸುಧಾರ್ಶಿತಾಂವ್ ತುಕಾ ಆಮಿ ಹಲ್ಕ್ ಕರ್ತಾಂವ್, ಐ ಮೀನ್ ಹೆಲ್ಪ್ ಕರ್ತಾಂವ್'' ಗೋಂಪೆಚೆಂ ಒಕ್ಕಾಣೆ.
''ಗೋಚು ಕಾಜಾರ್ ಮ್ಹಣೊನ್ ಟೆನ್ಶನ್ ಕರಿನಾಕಾ. ಪಯ್ಲೆ ಪಾವ್ಟಿಂ ಕಾಜಾರ್ ಜಾತಾನಾ ಸಗ್ಳ್ಯಾಂಕೀ ತಶೆಂ ಜಾತಾ. ಟೆನ್ಶನ್ ಕೆಲ್ಯಾರ್ ಕೇಸ್ ಝಡ್ತಾತ್...'' ಆಪ್ಲ್ಯಾ ಹೇರ್ ಪೊರ್ಟಾರ್ ಹಾತ್ ಭೊಂವ್ಡಾಯ್ಲೆ ಪೋಂಕ್ರಾನ್.
''ತೆಂ ಪೂರಾ ಸೊಡಾರೇ... ಅಳೇ ಮ್ಹಜೆಂ ಕಾಜಾರ್ ಬೋವ್ ಬರೆಂ ಜಾಯ್ಜೆ. ವೆಗ್ಳೆಂಪಣ್ ಆಸಾಜೆ. ಲೊಕಾನ್ ಸುಮಾರ್ ತೇಂಪ್ ಉಡಾಸ್ ಉರಾಜೆ ತಶೆಂ ಕಾಂಯ್ ಐಡಿಯಾ ಆಸ್ಲ್ಯಾರ್ ದಿಯಾ''.
''ಜೆವಣ್ ದೀನಾತ್ಲ್ಯಾರ್ ಜಾಲೆಂ... ಮಾಗಿರ್ ತುಂ ಆಸ್ತಾ ಪರ್ಯಾಂತ್ ಲೋಕ್ ಉಲಯ್ತಾ.'' ಬಡ್ಡುನ್ ಆಪ್ಲಿ ಬಡ್ಡ್ ತಕ್ಲಿ ಖರ್ಚಿಲಿ.
''ನಾಕಾರೆ... ತಶೆಂ ನಾಕಾ, ಆಯಿಲ್ಲ್ಯಾ ಸರ್ವಾಂಕ್ ಕಾಲೆಂಯ್ 'ಗಿಫ್ಟ್' ದಿಯಾಂ. ತೆದಾಳಾ ಲೋಕ್ ಖಂಡಿತ್ ಉಡಾಸ್ ದವರ್ತಾ'' ಚೀಂಕ್ರಾನ್ ಕಿಡಿಯಾರೆ ದಾಂತ್ ದಾಕಯ್ಲೆ.
''ತುಜಿ ಕರ್ಮಾ, ಗಿಫ್ಟ್ ಕಾಣ್ಘೆಂವ್ಚೆಂ, ದಿಂವ್ಚೆಂ ನ್ಹಂಯ್. ಆನಿ ಕಾಜಾರಾಚೊ ಖರ್ಚ್ ಕೋಣ್ ತುಜೊ ಬಾಪುಯ್ ತಬರ ದಿತಾಗೀ?'' ಗೋಚು 106 ಡಿಗ್ರಿ ಜಾಲೊ.
ಸುಮಾರ್ ವೇಳ್ ಕೋಣ್‍ಯಿ ಉಲಯ್ಲೆನಾಂತ್. ಮಾಗಿರ್ ಎಕಾಚ್ಛಾಣೆ, ''ಯುರೇಕಾ, ಯುರೇಕಾ...'' ಮ್ಹಣ್ ಹಾಂಬೆಲೊ ಗೋಂಪೆ.
''ಹೊ ಏಕ್ ಕಾಲೆಂಯ್, ಮ್ಹಾಕಾ ಕಾಜಾರಾಚಿ ತಕ್ಲಿ ಫಡಾಫಡ್. ಹೊ ಹಿರೇಕಾಯ್, ತುರೆಕಾಯ್, ಬೆಂಡೆಕಾಯ್ ಮ್ಹಣೊನ್ ಹಾಂಬೆತಾ'' ಗೋಚುಚೊ ಟೆಂಪರ್ ಪರ್ತೆಂ ಶೊರ್ಟ್ ಜಾಲೊ.
''ಕೋಣ್‍ರೇ ತೆಂ ಸುರೇಖಾ?'' ಪೋಂಕ್ರಾನ್ ಲೋವ್ ವಿಚಾರ್ಲೆಂ.
''ಅರೇ ಪಾಪಿಯಾಂನೊ, ಹೆಂ ಯುರೇಕಾ, ಯುರೇಕಾ, ಸುರೇಖಾಯೀ ನ್ಹಂಯ್, ಹೀರೇಕಾಯ್‍ಯಿ ನ್ಹಂಯ್. ತುಕಾ 'ಆರ್ಚಿಮಿಡಿಸ್' ಗೊತ್ತುನಾಂಗೀ?''
''ಆಮ್ಕಾಂ ಖಾಲಿ 'ಮಿಡಿ'ಸ್ ಮಾತ್ರ್ ಗೊತ್ತು. ತೆಂ ವ್ಹಯ್ ಹೊ ಆರ್ಚಿ ಕೋಣ್? 'ಮಿಡಿ' ವಿಕ್ತಾಲೊಗೀ?...''
''ತೊ ಆರ್ಚಿಮಿಡಿಸ್ ನ್ಹಂಯ್... ಆರ್ಕಿಮಿಡಿಸ್..."
''ಶಟ್ ಅಪ್...'' ಗೋಚುಚ್ಯಾ ಬೊಬೆಕ್ ಸರ್ವ್ ಥಂಡ್.
''ಪಳೆ ಗೋಚು...'' ಗೋಂಪೆನ್ ಪರತ್ ಸುರು ಕೆಲೆಂ. ತುಕಾ ಕಾಜಾರ್ ಜಾಯ್ಜೆ, ಬರೆಂ ಜಾಯ್ಜೆ, ಲೊಕಾಂಚ್ಯಾ ಮತಿಂತ್ ಉರಾಜೆ. ಆನಿ ತುಕಾ ಪಯ್ಶೆಯಿ ಜಾಯ್ಜೆ ವ್ಹಯ್‍ಮೂ?''
''ವ್ಹಯ್''
''ಪಯ್ಶೆ ಜಾಯ್ಜೆ ಜಾಲ್ಯಾರ್ ಸುಲಭ್. ಮಸ್ತ್ ಜಣಾಂಕ್ ಆಪಯ್ಲ್ಯಾರ್ ಜಾಲೆಂ. ಮಸ್ತ್ ಆಯೆರ್ ಯೆತಾ...'' ಚೀಂಕ್ರಾನ್ ಪರತ್ ದಾಂತ್ ದಾಕಯ್ಲೆ.
''ಆನಿ ಆಪಯಿಲ್ಲ್ಯಾಂಕ್ ಕಾಲೆಂ ಮಾತಿ ದಿಂವ್ಚಿಗಿ? ತಾಂಕಾಂ ಜೆವಣ್ ದೀಜೆ ಪಡ್ತಾರೇ ಪಾಪಿಯಾ...'' ಆತಾಂ ಗೋಂಪೆ ಚೀಂಕ್ರಾಚೆರ್ ತಾಪ್ಲೊ.
''ಮಧೆಂ ಕೊಣೀ ಉಲಯ್ನಾಕಾತ್. ಆಯ್ಕಾ... ಗೋಚು, ಕಾಜಾರ್ ಜಾಯ್ಜೆ ತರ್ ತೀನ್ ಮಯ್ನೆ ಜಾಯ್ಜೆ ಗೊತ್ತಾಮೂ?''
''ಹೊ ತರ್ ಆತಾಂ ಹನಿಮೂನ್ ಪಯ್ಲೆಂ, ಕಾಜಾರ್ ಮಾಗಿರ್? ತೀನ್ ಮಯ್ನೆ ಜಾಯ್ನಾಂತ್ ತರ್ ಕಾಜಾರ್ ನಾಂಗೀ?'' ಬಡ್ಡುನ್ ಆಪ್ಲಿ ಹೆಡ್ಡ್ ತಕ್ಲಿ ಧಾಂವ್ಡಾಯ್ಲಿ.
''ಬಾಪಾ, ಭೊಗೊಸ್, ತೀನ್ ಮಯ್ನೆ ಮ್ಹಳ್ಯಾರ್ 'ತೆ' ತೀನ್ ಮಯ್ನೆ ನ್ಹಂಯ್‍ರೇ ಪಾಪಿಯಾ! ಆತಾಂಚ್ಯಾ ನವ್ಯಾ ರುಲಿ ಪರ್ಮಾಣೆ ಸಯ್ರಿಕ್ ಜಾವ್ನ್ ತೀನ್ ಮಯ್ನ್ಯಾ ಉಪ್ರಾಂತ್ ರೆಸ್ಪೆರ್ ಕರ್ತಾತ್. ಗೋಚು, ಪಾದ್ರಿನ್ ತುಜೆಂ 'ಡಿಸ್ಪೆನ್ಸರಿ' ಕಾಡ್ಲ್ಯಾಗೀ?''
''ಡಿಸ್ಪೆನ್ಸರಿ ಕಾಡುಂಕ್ ನಾ. ಪುಣ್ ಕಂಪೌಡರಾಕ್ ಕಾಡ್ಲಾಂ ಖಂಯ್ ಡೊಕ್ಟರ್ ಕೆರ್ಪೆರ್ ಹಾಣೆ...'' ಚೀಂಕ್ರಾ ತಾಳ್‍ಮೂಳ್ ಸಮ್ಜಾನಾಸ್ತಾಂ ಉಲಯ್ಲೊ.
''ಡಿಸ್ಪೆನ್ಸರಿ ನ್ಹಂಯ್ ಸಾಯ್ಬಾ... 'ಡಿಸ್ಪೆನ್ಸ್' ಅಯ್ಯೋ ತುಮ್ಕಾಂ ಕೊಣೆ ಸಮ್ಜಾಂವ್ಚೆಂ?''
ಗೋಚು ಹಾಂಕಾಂ ಪಿಳಿಪಿಳಿ ಕರ್ನ್ ಪಳೆತಾಲೊ. ಹೆ ಮ್ಹಜ್ಯಾ ಕಾಜಾರಾಚಿ ತಯಾರಿ ಕರ್ತೆ ಆಸಾತ್‍ಗೀ? ಯಾ ಭೊಜ್ಯಾಚಿ! ತಾಕಾ ಏಕ್‍ಯಿ ಸಮ್ಜಾಲ್ನಾ.
''ಬರೆಂ ಆಯ್ಕಾ...'' ಗೋಂಪೆನ್ ತಿಸ್ರೆಪಾವ್ಟಿಂ 'ಫ್ರೆಶ್' ಸುರು ಕೆಲೆಂ.
''ಗೋಚುಚೆಂ ಕಾಜಾರ್ ಆಮಾ ಸರ್ವಾಂಕ್ ಏಕ್ ಪಯ್ಶೆ ಕರ್ಚೊ ಅವ್ಕಾಸ್. ಸಾಂಗಾತಾ ನವೆಸಾಂವ್‍ಯಿ ಜಾತಾ. ಗೋಚುಚೆಂ ಕಾಜಾರ್'ಯೀ ಲೋಕ್ ಉಡಾಸಾಂತ್ ದವರ್ತಾತ್. ಅಳೆ, ಪಯ್ಲೆಂ ಇನ್ವಿಟೇಶನಾಂ ಕರ್ಚಿಂ ಆನಿ ಸಗ್ಳ್ಯಾಂಕ್ ಆಪಂವ್ಚೆಂ. ಎಕಾ ಘರಾಥಾವ್ನ್ ಕಿತ್ಲಿಂ ಜಣಾಂ ಯೆತಾತ್ ಮ್ಹಣ್ ಪಯ್ಲೆಂಚ್ ಕಳಾಜೆ...''
''ತೆಂ ಕಿತ್ಯಾಕ್?''
''ಹಾಂ... ಅಲ್ಲಿ ಮಲಗಿದೆ ಬಿಂದು. ಕಾಜಾರಾಕ್ ಲೋಕ್ ಯೆತಾ ವ್ಹಯ್‍ಮೂ? ಆಯೆರ್ ಹಾಡ್ನ್ ಯೆತಾ ವ್ಹಯ್‍ಮೂ? ತರ್ ಆಮಿ ಇಲ್ಲೆಂ ಚೇಂಜ್ ಕರ್ಚೆಂ...''
''ಕಾಲೆಂ ಚೇಂಜ್ ಕರ್ಚೆಂ?'' ಸರ್ವಾಂಚಿ ಆತುರಾಯ್ ವಾಡೊನ್ ಯೆತಾಲಿ.
''ಆಮಿ ಇನ್ವಿಟೇಶನಾರ್ ಸ್ಪಷ್ಟ್ ಬರಂವ್ಚೆಂ ಆಯೆರ್'ಚ್ ಬೆಸಾಂವ್. ಫುಲಾಂ ನಾಕಾತ್, ಫಳಾಂ ನಾಕಾತ್, ಕಾಣಿಕೊ ಬಿಲ್ಕುಲ್ ಹಾಡ್ನ್ ಯೇನಾಕಾತ್... ಆಯೆರ್ ದಿಯಾ. ತುಮ್ಚ್ಯಾ ತುಮ್ಚ್ಯಾ ಕೆಪಾಸಿಟಿ ಪರ್ಮಾಣೆ... ದೆಕುನ್ ಆಮಿ ತಾಂಚ್ಯಾ ಕೆಪಾಸಿಟಿ ಪರ್ಮಾಣೆ ತೀನ್ ಕೌಂಟರಾಂ ಕರ್ಚಿಂ...''
''ತಿಂ ಕಿತ್ಯಾಕ್...?'' ಎಕ್ಲ್ಯಾಕ್‍ಯಿ ತಾಳ್‍ಮೂಳ್ ಸಮ್ಜೊಂಕ್ ನಾ.
''ಶೆಂಭೊರ್ ರುಪಯ್ ಆಯೆರ್ ದಿಲ್ಲ್ಯಾಂಕ್ ಟೀ ಪಾರ್ಟಿ. ದೊನ್ಶಿಂ ರುಪಯ್ ದಿಲ್ಲ್ಯಾಂಕ್ ವೆಜ್ ಜೆವಣ್ ಆನಿ ತಿನ್ಶಿಂ ರುಪಯ್ ದವರ್‍'ಲ್ಲ್ಯಾಂಕ್ ಮಾಸಾಚೆಂ ಜೆವಣ್''.
''ಐಡಿಯಾ ಪುಣೀ ಬರೀ ಆಸಾ. ಪುಣ್ ಕೊಣೆ ಕಿತ್ಲೆ ದವರ್ಲ್ಯಾತ್ ಮ್ಹಣ್ ಕಳ್ಚೆಂ ಕಶೆಂ? ಆದಿಂ ಜಾಲ್ಯಾರ್ ಇತ್ಲ್ಯಾಚೊ ಆಯೆರ್ ದವರ್ಲಾ ಮ್ಹಣ್ ಗುರ್ಕಾರ್ ಮಾಟ್ವಾಂತ್ ಸಾಂಗ್ತಾಲೊ ಖಂಯ್.''
''ತಾಕಾ ಸುಲಭ್ ವಾಟ್ ಆಸಾ, ಪ್ರವೇಶ್ ದಾರಾಲಾಗಿಂ ದೊಗಾಂಕ್ ಬಸಂವ್ಚೆಂ. ತಾಂಣಿ ಕವರ್ ಉಗ್ತೆಂ ಕರ್ನ್ ಕಿತ್ಲ್ಯಾಚೊ ಐವಜ್ ದವರ್ಲಾ ತ್ಯಾ ಪರ್ಮಾಣೆ ಕೂಪನಾಂ ದಿಂವ್ಚಿಂ. ತಿಂ ಕೂಪನಾಂ ದಾಕವ್ನ್ ಜೆವಣ್ ಘೇಜೆ...'' ಗೋಂಪೆನ್ ನೀಳ್ ಸ್ವಾಸ್ ಸೊಡ್ಲೊ.
''ತರ್ ಕೌಂಟರಾರ್ ಆಮಿ ಬಸ್ತಾಂವ್'' ಚೀಂಕ್ರ ಆನಿ ಪೋಂಕ್ರಾನ್ ಸಾಂಗಾತಾ ಲಾಳ್ ಗಿಳ್ಳಿ.
''ತಿನ್ಶ್ಯಾಂ ವರ್ನಿ ಚಡ್ ದವರ್ಲ್ಯಾರ್...?'' ಬಡ್ಡುನ್ ಆಪ್ಲಿ ಖಂತ್ ಉಚಾರ್ಲಿ.
''ತೆ ತುಕಾ, ವ್ಹಯ್‍ಗಾ ಮ್ಹಣಾನಾ... ಚಡ್ ದವರ್ಲ್ಯಾರ್ ಆಮ್ಕಾಂ ಲಾಭ್. ತಾಂಕಾಂ ಏಕ್ ಕೆಳೆಂ ಫ್ರೀ ದಿಂವ್ಚೆಂ''.
''ಹೆಂ ಜಾಲ್ಯಾರ್ ಸೆಂಟ್ ಪರ್ಸೆಂಟ್ ಕರೆಕ್ಟ್. ಅಸಲೆಂ ಏಕ್ ನವೆಸಾಂವಾಚೆಂ ಕಾಜಾರ್ ಜಾತಾ ಮ್ಹಣ್ತಾನಾ ಲೋಕ್ ಉಡಾಸ್‍ಯಿ ದವರ್ತಾ ಆನಿ ಆಮ್ಕಾಂ ಪಯ್ಶೆಯಿ ಜಾತಾತ್. ಆನಿ ಇನ್ವಿಟೇಶನಾಂ ಮಸ್ತ್ ದಿವ್ಯಾಂ. ತೆದಾಳಾ ಮಸ್ತು ಲೋಕ್ ಯೆತಾ, ಮಸ್ತು ಪಯ್ಶೆ ಜಾತಾತ್, ಮಾಗಿರ್ ಆಮಿ ಸುಖಾನ್ ಜಿಯೆವ್ಯೆತ್...'' ಚೀಂಕ್ರ ಆನಿ ಪೋಂಕ್ರ ತೆ ಪಯ್ಶೆ ಆಪ್ಲ್ಯಾಚ್ ಬಾಪಾಯ್ಚಿ ಆಸ್ತ್ ಮ್ಹಳ್ಳೆಪರಿಂ ಉಲಯ್ಲಾಗ್ಲೆ.
ಆನಿ ತೆ ವಾವ್ರಾಕ್ ಲಾಗ್ಲೆ.
ಹಿ ಯೆವ್ಜಣ್ ಬರಿ ಆಸ್‍ಲ್ಲಿ ತರೀ, ಹೊಕ್ಲೆಗೆಲ್ಯಾಂನಿ ನಾಕಾ ಮ್ಹಳ್ಳೆಂ. ಯೆವ್ಜಣ್ ನ್ಹಂಯ್, ಚೆಡೊ!
ಅಶೆಂ ಗೋಚು ಕಾಜಾರಾ ಪಯ್ಲೆಂಚ್ ಡೈವೊರ್ಸ್ ಜಾಲೊ.
''ಆತಾಂ ಕಿತೆಂ ಕರ್ಚೆಂ?'' ಸಗ್ಳ್ಯಾಂಕ್‍ಯೀ ಬೆಜಾರ್.
''ಟೆನ್ಶನ್ ಕರ್ನಾಕಾ. ಆಮಿ ಪಯ್ಲೆಂಚ್ ಸಾಂಗ್ಲಾಂ. ತುಜೆಂ ಕಾಜಾರ್ ಆಮ್ಚೆಂ ಕಾಜಾರ್, ಆತಾಂಯ್ ಆಮಿ ಇನ್ವಿಟೇಶನಾಂ ವಾಂಟ್ಯಾಂ. ಪುಣ್ ಕಾರ್ಡಾರ್ ಏಕ್ ಲಾಯ್ನ್ ಕುಡ್ಸುಂಚಿ. 'ಕಾಜಾರಾಕ್ ಯೆಯಾ, ಆಯೆರ್ ಹಾಡ್ನ್ ಯೆಯಾ... ಸಾಂಗಾತಾ ಎಕಾ ಚೆಡ್ವಾಕ್ ಹಾಡ್ನ್ ಯೆಯಾ...'' ಗೋಂಪೆನ್ ಆಕೇರ್ ಕರಿಜೆ ತರ್ ಗೋಚು ಧಡಾಲ್ಲ್ ಕರ್ನ್ ಪರ್ತಾಲೊ.
ರಾಕೊನ್ ರಾವಾ: ಥೊಡ್ಯಾಚ್ ದಿಸಾಂನಿ ಮಾಯ್‍ಭಾಸ್.ಕೊಮ್‍ಚೆರ್ ವಿತೊರಿ ಕಾರ್ಕಳ್ ಥಾವ್ನ್ ವಿನೋದಾತ್ಮಕ್ ಆನಿ ಲಲಿತ್ ಪ್ರಬಂಧ್
Tags:
Vithori Karkal, Mithr, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/9/2018 ಮಂಗಳೂರು ಸಿಲ್ವಂಗಾರ್ ಬೇಕರಿ...
-
10/30/2017 ನತಲಾಂಕ್ ಶಾಂತೆ ಖೆಳ್ ...
-
10/9/2017 ಆಮ್ಚೆ ಮನಿಸ್...
-
9/13/2017 ಶಾಂತಿ ಖಾತಿರ್ ಸ್ಪರ್ದೆ...
-
8/7/2017 ಆಶೆಂ ಏಕ್ ಸಂದರ್ಶನ್...
-
8/3/2017 ಹೆಂ ಮೆಲ್ಲೆಂ ಖಂಯ್ ಥಾವ್ನ್ ಆಯ್ಲೆಂ?...
-
7/19/2017 ವಿನ್ಸಿಚ್ಯೊ ಭಯ್ಣಿಂ...
-
6/8/2017 ನವಿಂ ನವಿಂ ಉದ್ಯಮಾಂ......
-
5/18/2017 ಕಷ್ಟ್ ಆಯ್ಲ್ಯಾತ್...
-
4/20/2017 ಹನಿಮೂನ್...
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
3 Comment/s.
Vithori is one of the good writer in comedy. I was reading his articles since Mithr weekly. All the best. Dear Maibhaas, please publish his articles more. We will forget our stress while reading.
Good idea. Laughed a lot. Good humour by my one of the beloved writer Vithori. Expecting more.
ಸೂಪರ್ ವಿತೊರಿ. ಹಾಂವ್ ತುಜಿಂ ಬರ್ಪಾಂ ಖಳನಾಸ್ತಾಂ ವಾಚ್ತಾಂ. ಬೊರೆಂ ವೀನೋದಿಕ್ ಲೇಖನ್.