From around the world
ಸನ್ನು ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಟೋನಿ ನಿಡ್ಡೋಡಿ
ಸಿಜ್ಯೆಸ್ ತಾಕೊಡೆ
ಪಿ.ಜೆ.ಕರುಗಳ್ನಡೆ,
ಬಾರ್ಕುರ್
ಬಾ| ಮೈಕೇಲ್
ಮಿನೇಜಸ್
ಸಿಜ್ಯೆಸ್ ತಾಕೊಡೆ
ಸಿಜ್ಯೆಸ್ ತಾಕೊಡೆ
ಬಾ| ಎಮ್. ಮಿನೆಜ್, ಕಾಪುಚಿನ್
ಟೋನಿ ನಿಡ್ಡೋಡಿ
ಸನ್ನು ನಿಡ್ಡೋಡಿ
ದೊ| ಜೆರಾಲ್ಡ್ ಪಿಂಟೊ
ಸನ್ನು ನಿಡ್ಡೋಡಿ
ಸ್ಟೇನ್ ಅಗೇರಾ, ಮುಲ್ಕಿ
ವಲ್ಲಿ ಕ್ವಾಡ್ರಸ್
ವಿನ್ಸಿ ಪಿಂಟೊ
ಎಡ್ವಿನ್ ಜೆ.ಎಫ್. ಡಿಸೊಜಾ
ವೊಲ್ಟರ್ ಲಸ್ರಾದೊ
ಜೆಮ್ಮಾ ಪಡೀಲ್
ಟೊನಿ ಮೆಂಡೊನ್ಸಾ
ದೊ| ಎಡ್ವರ್ಡ್ ನಜ್ರೆತ್
ದೊ| ಎಡ್ವರ್ಡ್ ನಜ್ರೆತ್
ರೋಶು, ಬಜ್ಪೆ
ಎಡ್ವಿನ್ ಜೆ. ಎಫ್. ಡಿಸೋಜಾ
ಸ್ಟ್ಯಾನಿ ಕ್ರಾಸ್ತಾ, ಬೆಳಾ
ವೊಲ್ಟರ್ ಲಸ್ರಾದೊ
ವಿವಿಧ್ ಮುಳಾಂ ಥಾವ್ನ್
ಸ್ಟೇನ್ ಅಗೇರಾ
ಆಂಡ್ರ್ಯೂ ಎಲ್. ಡಿಕುನ್ಹಾ
+971 50 7554105
ತುಮ್ಚ್ಯಾ ಗಮನಾಕ್:
ಬಾರಾಂಚಿ ಪ್ರಾಯ್ ಸತ್ತರಾಂಚೊ ಜುಬ್ಲೆವ್
Sunday, August 14, 2016
ಆಜ್ ಸ್ವತಂತ್ರ್ ದೀಸ್.
ಆಮ್ಚ್ಯಾ ಭಾರತಾಕ್ ಸ್ವತಂತ್ರ್ ಲಾಭೊನ್ ವರ್ಸಾಂ ಸತ್ತರ್ ಉತಾರ್ಲಿಂ. ಮನ್ಶ್ಯಾಂಚಾ ಪ್ರಾಯೆಕ್ ಸರಿ ಕೆಲ್ಯಾರ್ ವಜ್ರೋತ್ಸವ್ ಯಾ "ಸಪ್ತತಿ" ಆಚರಣ್ ಕರ್ಚೆಂ ವರಸ್. ಎಕಾ ಗಾಂವಾಚೆ ಅವ್ಕ್ ಅನಿ ಮನ್ಶ್ಯಾಚಿ ಪ್ರಾಯ್ ಎಕಾಚ್ ತಕ್ಡೆರ್ ತುಕುಂಕ್ ತ್ರಾಸ್ ಜಾತಿತ್ ತರ್ ತೆಂ ಪ್ರೇತನ್ ನಾಕಾ ಮ್ಹಣ್ ದವರ‍್ಯಾಂ. ಪುಣ್ ಸತ್ತರ್ ವರ್ಸಾಂ ಮ್ಹಣ್ಚೆಂ ಏಕ್ ಮಟ್ವಿ ಆವ್ದಿ ಕಾಂಯ್ ನ್ಹಂಯ್. ನ್ಹಂಯ್ಗೀ..?
ಸತ್ತರ್ ಜಾಲಿಂ ತರೀ ನೀಜ್ ಅರ್ಥಾನ್ ಆಮ್ಚ್ಯಾ ಸ್ವತಂತ್ರ್ ಪರ್ಜೆರಾಜಾಕ್ ಬಾರಾಂಚಿ ಪ್ರಾಯ್ ಉತ್ರೊಂಕ್ ನಾ ಮ್ಹಣ್ ಸಮ್ಜತಾನಾ ಕಠೀಣ್ ಧೂಕ್ ಭೊಗ್ತಾ. ಖಂಯ್ಚೆ ಸಾರ್ಕೆಂ, ಖಂಯ್ಚೆ ಚೂಕ್ ಮ್ಹಣ್ ಪಾರ್ಕುಂಚಿ ಸಮ್ಜಣಿ ಆಮ್ಚ್ಯಾ ದೇಶಾಕ್ ಯೆದೊಳ್ ಯೇಂವ್ಕ್ ನಾ. ವಾಡಾವಳ್ ದಿಸೊನ್ ಯೇನಾತ್ಲಿ ಪಿಡಾ ಯೇವ್ನ್ ಬಾಳ್ ಆಸ್ತಾನ್‍ಚ್ಚ್ ಮರಣ್ ಘಡೊಂಕ್ ನಾ ಮ್ಹಳ್ಳೆಂ ಥೊಡ್ಯಾ ಮಟ್ಟಾಕ್ ಪುಣೀ ಸಮಧಾನ್ ಹಾಡ್ಚಿ ಗಜಾಲ್ ಮ್ಹಣ್ಯೆತ್. ಏಕ್-ದೋನ್ ದೀಸ್ ಪಾಟಿಂ ಮುಕಾರ್ ಅಸೊನ್ ಭಾರತಾ ಸಾಂಗಾತಾಚ್ ಜಲ್ಮ್ ಘೆತ್‍ಲ್ಲಿಂ ಸ್ವತಂತ್ರ್ ದೇಶ್ ಮ್ಹಳ್ಳಿಂ ಬಾಳಾಂ ಜಲ್ಮಾಲ್ಲ್ಯಾ ಥೊಡ್ಯಾಚ್ ಆವ್ದೆನ್ ಮರಣ್ ಪಾವ್ಲಿಂ. ಪುಣ್ ಇಂಡಿಯಾ ವಾಂಚ್ಲೆಂ. ಜ್ಯೋತಿಷ್ ಶಾಸ್ತಿರಾಂ ಪರ್ಮಾಣೆಂ ಸಾಂಗ್ಚೆ ತರ್ ಭಲಾಯ್ಕೆನ್ ನ್ಹಂಯ್ ಬಗಾರ್ ಕೇವಲ್ ಗ್ರಹ್ ಬಳಾನ್...!
ಆತಾಂ ಹಾಕಾ ಪ್ರಾಯೆ ತೆಕಿದ್ ಜಾಣ್ವಾಯ್/ಸಮ್ಜಣಿ ಯೇನಾತ್ಲೆಬರಿ ಜಾಲ್ಲ್ಯಾಕ್ ಕೊಣಾಯ್ಚೊಗೀ ಲೆಕಾ ವರ್ತೊ ಕೊಂಡಾಟೊ ಕಾರಣ್ ನ್ಹಂಯ್. ಅಶೆಂ ಮ್ಹಣೊನ್ ಅಪಾಪಿಂಚ್ ಪಾಡ್ ಜಾಂವ್ಕ್ ಹೆಂ ವಾಲಿ ಮುಳಾಂತ್ ಜಾಲ್ಲೆಂ ಬೊಬ್ಳೆಂಯ್ ನ್ಹಂಯ್. ತರ್ ಸವಾಲ್ ಹೆಂ: ಹಾಕಾ ಬುದಿ ಪ್ರಕಾಸಾಕ್ ಯೇನಾತ್ಲೆ ಬರಿ ಕೆಲ್ಲೆಂ ಕೊಣೆಂ?
ಜವಾಬ್ ಸ್ಪಶ್ಟ್ ಅಸಾ.
ಥೊಡ್ಯಾ ಸ್ವಾರ್ಥ್ ಹಿತಾಸಕ್ತೆನಿಂ. ಸ್ವಂತ್ ಬೂದ್ ನಾತ್ಲ್ಯಾರ್ ಮಾತ್ ನ್ಹಂಯ್ಗೀ ಅಶೆಂ ಘಂಡೊಂಕ್ ಸಾಧ್!
ಬಾಳಾಕ್ ದೋನ್ ವರ್ಸಾಂ ಭರ್ತಾನಾ ಬಾಪುಯ್ ಮರಣ್ ಪಾವ್ಲೊ. ಉಪ್ರಾಂತ್ಲ್ಯಾ ದಿಸಾಂನಿ ಬಾಳಾಚೊ ಪೋಸ್ ತಾಣೆಂ ಚಿಂತ್‍ಲ್ಲೆಬರಿ ಜಾಲೊ ನಾ. ತಾಣೆಂ ಚಿಂತ್‍ಲ್ಲಿ ಜತನ್ ಬಾಳಾಕ್ ಮೆಳ್ಳಿ ನಾ. ಜರ್ ತೊ ಅಸುಲ್ಲೊ ತರ್ ಕಾಣಿ ಪರಿಗತ್ ವೆಗ್ಳಿಚ್ ಅಸ್ತೆ ಅಸ್‍ಲ್ಲಿ ಮ್ಹಣ್ಚೆ ಪ್ರಸ್ತುತ್ ಏಕ್ ಸ್ವಪಣ್ ಅನಿ ಅಂದಾಜ್ ಮಾತ್. ನಾತ್ಲ್ಯಾರೀ ಹೆಂ "ಜಾತೆಂ", "ಘಡ್ತೆಂ" ಮ್ಹಣ್ಚ್ಯಾಕ್ ಕಸಲಿ ಪ್ರಸಕ್ತಿ ಅಸಾ? ಜಾವ್ನ್ ಗೆಲ್ಲ್ಯೊ ಚುಕಿ ಸಮ್ಜೊನ್ ತ್ಯೊ ತಿದ್ವಣ್ ಕರುಂಕ್ ಮಾತ್ ಅತಾಂ ಬಾಕಿ ಆಸ್ಚಿ ಏಕ್ ವಾಟ್. ಕಠೀಣ್ ದುಬ್ಳಿಕಾಯ್, ಅಜ್ಞಾನ್ ಅನಿ ಅನಕ್ಷರತೆನ್ ಸುರ್ವಿಲಿಂ ವರ್ಸಾಂ ಪಾಶಾರ್ ಜಾಲಿಂ. ಹ್ಯಾ ಪಯ್ಕಿಂ ದುಬ್ಳಿಕಾಯ್ ಅನಿ ಅನಕ್ಷರೆತೆಂತ್ ಇಲ್ಲಿಶಿ ಬದ್ಲಾವಣ್ ಜಾಲಿ ತರೀ ಮಧ್ಗಾತ್ ಅಸ್ಲ್ಯಾ ಅಜ್ಞಾನಾಥಂಯ್ ಬದ್ಲಾವಣ್ ಆಯ್ಲ್ಯಾ ಮ್ಹಣ್ ಅಜೂನ್ ಧೈರಾನ್ ಉಚಾರುಂಕ್ ಸಾಧ್ ಜಾಯ್ನಾ.
ಸುರ್ವಿಲ್ಯಾ ವರ್ಸಾನಿಂ ಭೋವ್ ಲ್ಹಾನ್ ವಾಂಟೊ ಮಾತ್ ವೋಟ್ ಘಾಲ್ಚ್ಯಾಕ್ ವೆತಾಲೊ. ಹ್ಯಾ ವರ್ವಿಂ ಒಟ್ಟುಕ್ ಜನ್ ಸಂಖ್ಯಾಂತ್, ಭೋವ್ ಲ್ಹಾನ್ ವಾಂಟ್ಯಾಚಾ ಅಭಿಲಾಶೆಚೊ ಸರ್ಕಾರ್ ರಾಜ್ ಚಲಯ್ತಾಲೊ. ಉಪ್ರಾಂತ್ಲ್ಯಾ ದಿಸಾಂನಿ ಅಧಿಕಾರ್ ಮ್ಹಳ್ಳ್ಯಾರ್ ಗೊಡ್ಸೊ, ಸದಾಂ ಖಾವ್ನ್ ರಾಂವ್ಚೆ ತಸಲೊ ಉಂಡೊ ಮ್ಹಣ್ ಸಮ್ಜತೆಚ್ ಗಾಂವಾನಿಂ ಪಾವ್ಸಾಕ್ ದಿಸ್ಚ್ಯಾ ಸತ್ರ್ಯಾಂಬರಿ ರಾಜಕೀಯ್ ಪಾಡ್ತ್ಯೊ ಉಬ್ಜಾಲ್ಯೊ. ಪೋಲಿಂಗ್ ಬೂತಾಂಚೊ ವೆತೆಲ್ಯಾಂಚೊ ಸಂಖೊ ಚಡ್ಲೊ. ಪುಣ್ ಅಧಿಕಾರಾಖಾತಿರ್ ಜಾಯ್ತ್ಯಾ ಪಾಡ್ತ್ಯಾಂ ಮಧೆಂ ಸ್ಪರ್ದೊ ಉಬ್ಜಾತಾನಾ, ವೋಟ್ ವಾಂಟೊನ್ ಗೆಲೊ ಅನಿ ಜಿಕೊನ್ ಯೆಂವ್ಚ್ಯಾ ಪಾಡ್ತ್ಯಾಂಕ್ ವೋಟ್ ಘಾಲ್ಲ್ಯಾಂಚೊ ಸಂಖೊ ದೆಂವ್ಲೊ. ಪರತ್ ಅಡಳ್ತೆಂ ಭೋವ್ ಥೊಡ್ಯಾಂಚಾ ಅಭಿಲಾಶೆ ಪ್ರಕಾರ್ ಜಾವ್ನ್ ಮಾತ್ ಉರ್ಲೆಂ.
ಹ್ಯಾ ಮಧೆಂ ಆಧಿಕಾರಾಚೆರ್ ಅಸ್ಲ್ಯಾಂಕ್ ಪ್ರತಿರೋಧ್ ಹಾಡ್ನ್, ತೊ ಅಧಿಕಾರ್ ಅಪ್ಲ್ಯಾ ತಾಬೆನ್ ಕರ್ಚ್ಯಾ ಎಕಾಚ್ ಉದ್ದೇಶಾನ್ ಪಾಡ್ತ್ಯಾಂಚಾ ನಾಂವಾಖಾಲ್ ಪಂಗಡ್ ಜಾಲ್ಲ್ಯಾ ಥೊಡ್ಯಾನಿಂ ಗಾಂವಾಕ್, ಜಾತಿಚಾ, ಧರ್ಮಾಚಾ, ಭಾಶೆಚಾ, ಸಂಸ್ಕ್ರತಿಚಾ, ಜಿಣ್ಯೆ ಶೈಲೆಚಾ ನಾಂವಾರ್ ವಾಂಟೆ ಕರುಂಕ್ ಸುರ್ವಾತ್ ಕೆಲೆಂ. ಹಾಚೊ ಫಳ್ ಜಾವ್ನ್ ಏಕ್ ಥಿರ್ ಆಡಳ್ತೆಂ ಮ್ಹಳ್ಳೆಂ ಕೇವಲ್ ಸ್ವಪಣ್ ಜಾವ್ನ್ ಗೆಲೆಂ. ಅಪ್ರೂಪ್ ಸ್ಥಿರತೆಚಿಂ ಖುಣಾಂ ದಿಸ್ಲಿಂ ತರೀ ಹರ್ ಪಾಡ್ಯ್ತ್ಯೊಗಾಂವ್ಚ್ಯಾ ಸಗ್ಳ್ಯಾ ಲೊಕಾಕ್ ಪ್ರತಿನಿಧಿತ್ವ್ ಕರ್ಚ್ಯಾಂತ್ ಸಲ್ವಲ್ಯೊ. ಸ್ವತಂತ್ರ್ ಜಾಲ್ಲ್ಯಾ ಉಪ್ರಾಂತ್ ಪ್ರಾಯ್ ಭರೊನ್ ಬುದಿ ಪ್ರಕಾಸಾಕ್ ಪಾವ್ಲ್ಯಾ ಜಾಯ್ತ್ಯಾ ರಾಶ್ಟ್ರನಿಂ ಅಧಿಕಾರ್ ಚಲಂವ್ಚ್ಯಾ ಪಾಡ್ತ್ಯಾಂನಿ ತ್ಯಾ ರಾಶ್ಟ್ರಂಚಾ ಅಖ್ಯಾ ಪರ್ಜೆಚೆಂ ಪ್ರತಿನಿಧಿತ್ವ್ ಕರ್ಚೆಂ ದಿಸೊನ್ ಯೆತಾ. ಪುಣ್ ಹೆಣೆಂ ಇಂಡಿಯಾಂತ್ "ಆಮಿ"-"ತುಮಿ" ಮ್ಹಳ್ಳ್ಯಾ ಶಿವಾಯ್ ಹಾಂಕಾ ಆಸ್ಥಿತ್ವ್ ನಾ! ಪಾಡ್ತ್ ತಿ ಖಂಚಿಯ್ ಅಸೊಂ ಪುಣ್ ಸಂಪೂರ್ಣ್ ರಿತಿನ್ ಎಕಾ ಗಾಂವ್ಚ್ಯಾ ಸಗ್ಳ್ಯಾ ಲೊಕಾ ಖಾತಿರ್ ಬೇಧ್ ಭಾವ್ ನಾಸ್ತಾಂ ವಾವುರ್ಚೆಂ, ತಾಂಚೊ ತಾಳೊ ಜಾಂವ್ಚೆ ದಿಸೊನ್ ಯೆನಾ. ಆಡಳ್ತೆಂ ಕೊಣಾ ಹಾತಿಂ ಗೆಲ್ಯಾರೀ ಸಿಂತಿಮೆಂತಾಳ್ ಅನಿ ಮಾನಸಿಕ್ ಪಾಟಿಂಬೊ ನಾಸ್ತಾಂ ಬಹುಸಂಖ್ಯಾತ್ ಲೋಕ್ ಆಜ್ ಅಧಿಕಾರಾ/ಆಡಳ್ತ್ಯಾ ಭಾಯ್ರ್ ರಾವ್ಲಾ. "ಹಾತಾಂಕ್ ವಾಡವಳ್ ಯೆಂವ್ಚಿ ಪಾಂಯಾಂಕ್ ಪಸಂದ್ ನಾ" ಮ್ಹಳ್ಳಿ ಗತ್!
ಹಾಂಗಾಸರ್ ಸಂಘಟಿತ್ ಜಾಂವ್ಚೆ ಮ್ಹಳ್ಳ್ಯಾರ್ ಏಕ್ ಸ್ವಾರ್ಥಿ ಉದ್ದೇಶಾನ್ ಆನಿ ಫಾಯ್ದೊ ಪಳೆವ್ನ್ ಮ್ಹಣ್ ಸರ್ವ್ ಜಾತಿ-ಕಾತಿಂಕ್, ಪಂಗ್ಡಾಂಕ್, ಪಾಡ್ತ್ಯಾಂಕ್ ಅತಾಂ ಸಾರ್ಕೆ ಕಳ್ಳಾಂ. ಆಮ್ಚ್ಯಾ ಭಾರಾತಾಂತ್ ಸೊ ಹಜಾರಾಂ ವಯ್ರ್ ಜಾತಿ ಅಸಾತ್ ಖಂಯ್. ಪುಣ್ ವಿಪರ‍್ಯಾಸ್ ಮ್ಹಳ್ಳ್ಯಾರ್ ಹಾಂತುನ್ ಖಂಯ್ಚಿಚ್ ಜಾತ್ ದುಸ್ರ್ಯಾ ಎಕಾ ಜಾತಿನ್ ಬರೆಂ ಜಾಂವ್ಚೆ ಪಸಂದ್ ಕರಿನಾ!
ಆಮ್ಕಾಂ ಐತಿಹಾಸಿಕ್ ರಿತಿಚಿ, ಮೊಲಾಧಿಕ್ ಅನಿ ಊಂಚಿ ಸಂಸ್ಕ್ರತಿ ಅನಿ ದಾರ್ಶನಿಕತಾ ಅಸಾ ಮ್ಹಣ್ತಾತ್. ತರ್ ಕಿತ್ಯಾಕ್ ಹೆ ಪಂಗಡ್ ಅನಿ ವಿಭಜನ್ ಮ್ಹಣ್ ವಿಚಾರ್ಲ್ಯರ್ ಜಾಪ್ ದೀಂವ್ಕ್ ಕೊಣೀ ತಯಾರ್ ನಾಂತ್. ದೆಕುನ್ ಹ್ಯಾ ವಜ್ರಾಳ್ಯಾ ಜುಬ್ಲೆವಾ ವೆಳಾರ್ ಲೊಕಾಕ್ ಬೂದ್/ಸಮ್ಜಣಿ ಫಾವೊ ಜಾಂವ್ದಿ ಅನಿ ಅಶೆಂ ಎಕಾ ಸ್ವತಂತ್ರ್ ರಾಶ್ಟ್ರಚಿ ವಾಡವಳ್ ಕಶಿ ಅಸೊಂಕ್ ಜಾಯ್ ಮ್ಹಣ್ ಚಿಂತ್ಚಿ ಜಾಣ್ವಾಯ್ ಅಮಾಂ ಸರ್ವಾಂಕ್ ಲಾಭೊ ಮ್ಹಣ್ ಮಾಗ್ಚೆಂ ಅನಿ ಅಶೆಂವ್ಚೆ ಚಡ್ ವಾಜ್ಬಿ ನ್ಹಂಯ್ಗೀ........?
Tags:
Indian Independence Day, Konkani, Mangalore, Mangalorean, Mother Tongue
Post your comments
Your email address will not be published. Required fields are marked *|
|
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
2/27/2021 ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...
-
12/20/2020 ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...
-
12/6/2020 ಆಸ್ತ್ ........
-
11/25/2020 ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...
-
11/9/2020 ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...
-
10/17/2020 ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...
-
-
-
12/18/2021 ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...
-
-
-
4/26/2020 ಹೆಲಿಕಾಪ್ಟರ್ ಮನಿ...
-
2/5/2020 ಕಾಜಾರ್ ಕೆದಾಳಾ..?...
-
9/30/2018 ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...
-
9/12/2018 'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...
-
7/29/2018 ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...
-
6/25/2018 ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...
-
5/6/2018 ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...
3 Comment/s.
Stany good article. I think u would have wrote more about the India and independence rather than problems! Anyway it is my opinion. Keep writing.
ಲೇಕಕಾಚ್ಯಾ ವಿಚಾರಾಂಕ್ ಹಾಂವ್‍ಯೀ ಚಡಾವತ್ ವೊಪ್ತಾ. ಭಾರತಾಕ್ ಅಚ್ಚೆ ದಇನ್ ಯೆತೆಲೆ ಮ್ಹಣ್ ಪಾತ್ಯೆತಾಲ್ಯಾ ಪಯ್ಕಿಂ ಹಾಂವ್ ಎಕ್ಲೊಂ. ಜೈ ಭಾರತ್.
Good article. Whatever be the case, we look forward positively. INDIA is such a big nation, we difficult to control... and so many varieties... still we are united! That is great.